مەملەكەت 3 - توپتاعى ماماندانعان، سارالانعان، ەرەكشە، جاڭا ”شاعىن قۋاتتى“ كاسىپورىندار ءتىزىمىن جاريالادى
شينجياڭنان 25 كاسىپورىن تاڭدالدى
انار بۇلت / شينجياڭ گازەتىنىڭ ءتىلشىسى ما ينيڭ 7 - ايدىڭ 28 - كۇنى ۇرىمجىدەن حابارلايدى. جۋىقتا ونەركاسىپ جانە ينفورماتسيالاندىرۋ مينيسترلىگى 3 - توپتاعى ماماندانعان، سارالانعان، ەرەكشە، جاڭا ”شاعىن قۋاتتى“ كاسىپورىندار ءتىزىمىن جاريالادى، شينجياڭنان 25 كاسىپورىن تاڭدالدى.
25 كاسىپورىن قۇمىل جۇڭچى جاڭا ەنەرگيالى ەلەكتر ماشيناسى شەكتى سەرىكتەستىگى، شينجياڭ جۇڭكى شۋگۋاڭ بۇلتتىق ەسەپتەۋ شەكتى سەرىكتەستىگى، سانجى يدا توقىماشىلىق شەكتى سەرىكتەستىگى، شينجياڭ حايتيان شياڭرۇي قورشاعان ورتانى قورعاۋ ينجەنەرياسى شەكتى سەرىكتەستىگى قاتارلىلاردى قامتىپ، اۋىل شارۋاشىلىعى ماشينالارى، بيولوگيالىق تەحنيكا، جاڭا ەنەرگيا، وزىق جابدىقتار، جاسىل قورشاعان ورتانى قورعاۋ سياقتى كاسىپ سالالارىنا سايادى.
وسى رەتتە تاڭدالعان كاسىپورىنداردىڭ ىشىندە اۋىل شارۋاشىلىعى ماشينالارى تۇرىندەگى كاسىپورىننان بەسەۋى بار، بەستەن ءبىرىن ۇستايدى، سونىمەن بىرگە اۋىل شارۋاشىلىعى ماشينالارى تۇرىندەگى كاسىپورىندار دا تۇڭعىش رەت مەملەكەت دارەجەلى ماماندانعان، سارالانعان، ەرەكشە، جاڭا شاعىن قۋاتتى كاسىپورىندار تىزىمىنە ەنگىزىلىپ وتىر. شينجياڭ بىنشىران زەردەلى اۋىل شارۋاشىلىعى ماشينالارى جارنا شەكتى سەرىكتەستىگى ەل ىشىندەگى تۇڭعىش 6 جولدى اۆتوماتتى ماقتا تەرۋ ماشيناسىن دەربەس زەرتتەپ اشقان، دەربەس وندىرگەن، دەربەس ءبىلىم مەنشىك ۇقىعىنا يە تەحنيكالىق باستاماشى بولىپ، وسى رەتكى ماماندانعان، سارالانعان، ەرەكشە، جاڭا ”شاعىن قۋاتتى“ كاسىپورىندار تىزىمىنە ەنگەن كاسىپورىنداردىڭ ءبىرى. سەرىكتەستىكتىڭ باس ديرەكتورى ما جىپىڭ بىلاي دەدى: 2019 - جىلى سەرىكتەستىكتىڭ ماقتا تەرۋ ماشيناسىن ساتۋ مولشەرىنىڭ جۇڭگو بازارىنداعى ۇلەسى ％45.2 بولىپ، كاسىپ سالاسىندا ءبىرىنشى ورىندى يەلەدى، بيىل سەرىكتەستىكتىڭ ساتۋ جوسپارى 500دەن اسىرۋ.
25 كاسىپورىننىڭ ىشىندە ايقىن كاسىپ سالاسى بەتالىسىنا يە، ستراتەگيالىق سيپاتقا يە جاڭا گۇلدەنگەن كاسىپ سالاسىنا ۋاكىلدىك ەتەتىن كاسىپورىندار جارتىسىنان استامىن يەلەيدى. سونىمەن بىرگە، جاڭا بۋىن ينفورماتسيا تەحنيكاسىنىڭ دامۋ بەتالىسىنا ۋاكىلدىك ەتەتىن جاساندى زەردە، دەربەس مەڭگەرۋگە بولاتىن كومپيۋتەر جانە ينفورماتسيا حاۋىپسىزدىگى، ۇلكەن ساندى مالىمەت سياقتى سالالارداعى 3 كاسىپورىن تاڭدالدى. شينجياڭ جۇڭكى شۋگۋاڭ بۇلتتىق ەسەپتەۋ شەكتى سەرىكتەستىگى وسى رەتتە تاڭدالعان ماماندانعان، سارالانعان، ەرەكشە، جاڭا ”شاعىن قۋاتتى“ كاسىپورىننىڭ ءبىرى. دەربەس زەرتتەپ اشقان ”شيڭيۇن“ جوعارى يقۋاتتى كومپيۋتەر جونىندە توقتالعان سەرىكتەستىكتىڭ باس ديرەكتورى پەي چۇڭ ماقتانىشپەن بىلاي دەدى: ”’شيڭيۇننىڭ‘ ءار سەكۋندتاعى جۇيە ەڭ جوعارى ءمانى 3 تريلليارد رەتكە، ءار سەكۋندىنا ءبىر تريلليارد 271 تريلليون رەتكە جەتكەن ناقتاپ ولشەۋ Linpack قابىلەتىنە يە بولىپ، دۇنيە جۇزىندەگى ناقتاپ ولشەۋ قابىلەتى تريلليارد رەتتەن اسقان 3 - اسقىن كومپيۋتەر“.
وسى رەتتە رايونىمىزدان تاڭدالعان كاسىپورىنداردىڭ ىشىندە تۇڭعىش رەت مەملەكەتتىك ماماندانعان، سارالانعان، ەرەكشە، جاڭا ”شاعىن قۋاتتى“ كاسىپورىن تىزىمىنە ەنگەن سيفرلى ەكونوميكا تۇرىندەگى كاسىپورىنداردىڭ سالىستىرماسى وتە تومەن بولعانىمەن، شينجياڭ سيفرلى ەكونوميكاسىنىڭ جەدەل دامۋ جەتىستىگىن ايگىلەدى.
