چىن چۋانگو اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ ماجىلىسىندە بىلاي دەپ باسا دارىپتەدى
رەفورمانىڭ ەكونوميكالىق، قوعامدىق دامۋعا اناعۇرلىم ويداعىداي قىزمەت وتەۋىن ىلگەرىلەتىپ، جاڭا دامۋ ارناسىن قالىپتاستىرۋعا قۋاتتى قوزعاۋشى كۇش ازىرلەۋ كەرەك
شوكىرات زاكىر، نۇرلان ءابىلماجىن، لي يفي قاتىناستى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 7 - ايدىڭ 29 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكومنىڭ رەفورمانى جاپپاي تەرەڭدەتۋ كوميتەتى ءماجىلىس اشىپ، باس شۋجي شي جينپيڭنىڭ ورتالىق رەفورمانى جاپپاي تەرەڭدەتۋ كوميتەتىنىڭ 20 - رەتكى ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، بۇكىل رايوننىڭ رەفورمانى جاپپاي تەرەڭدەتۋ قىزمەتىنە ورنالاستىرۋ جاسادى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى چىن چۋانگو ءماجىلىستى باسقاردى ءارى ءسوز سويلەدى.
اۆتونوميالى رايوننىڭ باسشىلارىنان شوكىرات زاكىر، نۇرلان ابىلماجىن، لي يفي، شۇي حايرۇڭ، ەركىن تۇنياز، تيان ۋىن، سارقىت اقان، تيان شياڭلي، چىن ۋيجۇن، ۋاڭ ميڭشان قاتارلىلار ماجىلىسكە قاتىناستى.
ءماجىلىس «اۆتونوميالى رايوننىڭ وسى زامانعى تۇقىم كاسىبىنىڭ جاسامپازدىقپەن دامۋىن جەدەل ىلگەرىلەتۋ جونىندەگى اتقارۋ پىكىرىن»، «اۆتونوميالى رايوننىڭ <شارۋاشىلىق - ساۋدا ورتاسىن ساپالىلاندىرۋ ەرەجەسىن> اتقارۋ ءادىسىن»، «اۆتونوميالى رايوننىڭ جوعارى ولشەمدى بازار جۇيەسىن قۇرۋ ارەكەت جوسپارىن»، «اۆتونوميالى رايوننىڭ دەنە تاربيە مەن وقۋ - اعارتۋدىڭ توعىسۋىن تەرەڭدەتىپ، جاستار مەن ورەندەردىڭ اقاۋسىز ەرجەتۋىن جەبەۋ جونىندەگى اتقارۋ پىكىرىن»، «اۆتونوميالى رايوننىڭ ەمدەۋ ىستەرىن اناعۇرلىم ارناعا ءتۇسىرىپ، ۇيلەسىمدى ەمدەۋ - تەكسەرۋدى جەبەۋ جونىندەگى اتقارۋ جوباسىن» قاراپ ماقۇلدادى.
چىن چۋانگو بىلاي دەپ اتاپ كورسەتتى: باس شۋجي شي جينپيڭنىڭ ورتالىق رەفورمانى جاپپاي تەرەڭدەتۋ كوميتەتىنىڭ 20 - رەتكى ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، رەفورما سەنىمىن بەكەمدەپ، رەفورما تاباندىلىعىن ساقتاپ، رەفورما باتىلدىعىن ارتتىرىپ، رەفورما بىرىككەن كۇشىن ۇيىستىرىپ، رەفورمانىڭ قامال الۋ جانە جەتەكشىلىك ەتۋ رولىن شىن مانىندە ساۋلەلەندىرىپ، رەفورمانىڭ حالىقتى وزەك ەتىپ، جوعارى ساپالى دامۋدى ىلگەرىلەتۋگە اناعۇرلىم ويداعىداي قىزمەت وتەۋىنە، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تياناقتانىپ تامىر تارتۋىنا قىزمەت وتەۋىنە مۇمكىندىك جاساۋ كەرەك.
چىن چۋانگو بىلاي دەپ باسا دارىپتەدى: ماسەلەنى باعدار ەتۋ مەن نىسانانى باعدار ەتۋدى كۇشەيتىپ، ماڭىزدى سالالار مەن شەشۋشى بۋىندار رەفورماسىن بۇلجىماستان ىلگەرىلەتۋ كەرەك. وسى زامانعى تۇقىم كاسىبىن دامىتۋدى وسى زامانعى اۋىل شارۋاشىلىعى قۇرىلىسىنىڭ ماڭىزدى ورنىنا قويۋعا تاباندى بولىپ، جاڭالىق اشۋ ارقىلى دەم بەرۋدى نىعايتىپ، قورعاۋدى، پايدالانۋدى كۇشەيتىپ، بازاردىڭ رولىن ساۋلەلەندىرىپ، وسى زامانعى تۇقىم كاسىبىن زور كۇشپەن دامىتىپ، رايونىمىز اۋىل شارۋاشىلىعىنىڭ جوعارى ساپالى دامۋ نەگىزىن ۇزدىكسىز بەكەمدەۋ؛ بازار تانىمىن، زاڭمەن جونگە سالۋ تانىمىن، قىزمەت وتەۋ تانىمىن كۇشەيتىپ، نازاردى شارۋاشىلىق - ساۋدا ورتاسى قۇرىلىسىنىڭ شەشۋشى بۋىندارىنا شوعىرلاندىرىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، جوعارى ولشەمدى بازار جۇيەسىن جەدەل قۇرىپ، حالىقتىق كاسىپورىنداردىڭ دامۋىن، زورايۋىن قولداپ، زاڭمەن جونگە سالۋ قامتاماسىزدىق جۇيەسىن اقاۋسىزداندىرىپ، شارۋاشىلىق - ساۋدا ورتاسىن ارناۋلى رەتتەۋ - جونگە سالۋدى تەرەڭدەتىپ، بازار تۇلعالارىنىڭ ومىرشەڭدىگىن ۇزدىكسىز قاۋلاتىپ، شارۋاشىلىق - ساۋدا ورتاسىن ساپالىلاندىرۋدا تىڭ سەرپىلىسكە قول جەتكىزۋدى ىلگەرىلەتۋ؛ سالاماتتىقتى ءبىرىنشى ورىنعا قويۋ تاربيە ۇستانىمىن ورناتىپ، مەكتەپتەردىڭ دەنە تاربيە قىزمەتىن كۇشەيتىپ، جاستار مەن ورەندەردىڭ مادەنيەت ۇيرەنۋى مەن دەنە شىنىقتىرۋىنىڭ سايكەستى دامۋىن ىلگەرىلەتۋ؛ ەمدەۋ ارەكەتىن ارناعا ءتۇسىرىپ، ۇيلەسىمدى ەمدەۋ - تەكسەرۋدى جەبەپ، ەمدەۋدى باسقارۋ ءتۇزىلىسى، اينالىم ءتۇزىلىسى، قىزمەت وتەۋ باعاسى، ناتيجە ءبولىسى سياقتى جالپىلىق رەفورمانى ءبىر تۇتاس جوسپارلاپ ىلگەرىلەتۋ كەرەك.
چىن چۋانگو بىلاي دەپ باسا دارىپتەدى: يدەيالىق تانىمدى شىن مانىندە جوعارىلاتىپ، جاڭا دامۋ ارناسىن قالىپتاستىرۋعا قىزمەت وتەۋ مەن توعىسۋداعى ورىن تۇراقتاندىرۋ مەن كىرىسۋ ءتۇيىنىن ءدال تاۋىپ، سانالىلىقپەن رايونىمىز قىزمەتىن جاڭا دامۋ ارناسىن قالىپتاستىرۋعا ەنگىزىپ، ءبىر تۇتاس جوسپارلاپ ويلاستىرىپ جانە جوبالاپ، وڭىرلىك ورىن باسىمدىعىن تولىق ساۋلەلەندىرىپ، ”ءبىر پورت”، ”ەكى رايون“، ”بەس ۇلكەن ورتالىق“، ”شەكارا وتكەلى ەكونوميكالىق بەلدەۋى“ قۇرىلىسىن كورنەكتىلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن كۇش سالا ويداعىداي يگەرۋ؛ ەل ءىشى بازار قاجەتىمەن ءدال ءتۇيىلىستىرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، 10 ءىرى كاسىپ سالاسىن جەدەل دامىتىپ، شينجياڭعا باعىتتامالى كومەكتەسۋدىڭ باسىمدىعىن ساۋلەلەندىرىپ، كاسىپ سالاسى تىزبەگىنىڭ، قامداۋ تىزبەگىنىڭ وسىزاماندانۋ دەڭگەيىن جوعارىلاتىپ، ەل ءىشى ۇلكەن بازارىمەن بەلسەنە توعىسۋ؛ اشىق ەكونوميكانى كۇش سالا دامىتىپ، سىرتقا ەسىك اشۋدىڭ جاڭا بيىگىن تۇلعالاپ، جاڭا دامۋ ارناسىن قالىپتاستىرۋدىڭ جاڭا ناتيجەگە قول جەتكىزۋىن ىلگەرىلەتىپ، جوعارى ساپالى دامۋعا جاڭا قوزعاۋشى قۋات ۇستەۋ كەرەك.
چىن چۋانگو بىلاي دەپ باسا دارىپتەدى: ءار دارەجەلى پارتكومدار (پارتيا باسشىلىق گرۋپپاسى) بورىشتىلىق تانىمىن كۇشەيتىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، باستان - اياق رەفورمانى مىقتاپ يگەرىپ، رەفورما مىندەتتەرىنىڭ ناقتىلانۋىن، تياناقتانۋىن ىلگەرىلەتۋ كەرەك. پارتكومنىڭ (پارتيا باسشىلىق گرۋپپاسى) ءبىرىنشى باسشىلارى ”قۇرىلىس اترەتى باستىعى“ جاۋاپكەرشىلىگىن ارقالاپ، اناعۇرلىم كوپ رەفورما شارالارىنىڭ شىعارىلىپ، تياناقتاندىرىلىپ، ونىمدىلىك كورسەتۋىن جەبەۋ؛ اۆتونوميالى رايوندىق پارتكومنىڭ رەفورما كەڭسەسى، ءارقايسى ارناۋلى شاعىن گرۋپپالار، جەر - جەر، تاراۋلار قىزمەت جوباسىن ەگجەي - تەگجەيلىلەندىرىپ، دايەكتىلەندىرۋدى، تياناقتاندىرۋدى ويداعىداي يگەرىپ، ءتۇرلى رەفورمالاردىڭ ۋاعىندا ورىندالۋىنا، ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك.
اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى. اۆتونوميالى رايوندىق پارتكومنىڭ رەفورمانى جاپپاي تەرەڭدەتۋ كوميتەتىنە مۇشە ورىندارداعى قاتىستى جاۋاپتى جولداستار ماجىلىسكە قاتىناستى.
