جوعارى دەڭگەيمەن باستاپ ورنىقتى ءجۇردى، ورنىقتىلىق بارىسىندا ىلگەرىلەدى، ىلگەرىلەۋ بارىسىندا ساپانى جوعارىلاتتى، تۇتاس تۇلعادا جاقسارۋعا بەت الدى
رايونىمىزدىڭ الدىڭعى جارتى جىلداعى ءوندىرىس جالپى ءونىم قۇنى سايكەس مەزگىلدەگىدەن ％9.9 ارتتى
انار بۇلت / شينجياڭ گازەتىنىڭ تىلشىلەرى لۋ فىڭباۋ، ليۋ شياڭ 7 - ايدىڭ 29 - كۇنى ۇرىمجىدەن حابارلايدى. 7 - ايدىڭ 29 - كۇنى اشىلعان اۆتونوميالى رايوننىڭ ”13 - بەسجىلدىق“ مەزگىلىندەگى ەكونوميكالىق، قوعامدىق دامۋ جانە 2021 - جىلدىڭ الدىڭعى جارتىسىندا ”باستاما اشۋ“ جاعدايى جونىندەگى اقپار جاريالاۋ ماجىلىسىنەن ۇعىسۋىمىزشا، الدىڭعى جارتى جىلدا بۇكىل رايوننىڭ ءوندىرىس جالپى ءونىم قۇنى (GDP) 732 ميلليارد 890 ميلليون يۋان بولىپ، سالىستىرمالى باعا بويىنشا ەسەپتەگەندە سايكەس مەزگىلدەگىدەن ％9.9 ارتقان.
”الدىڭعى جارتى جىلدا رايونىمىزدا ورنىقتىلىقتىڭ پايداسى، ىندەتتەن ساقتانۋدىڭ پايداسى، ساياساتتىڭ پايداسى ۇزدىكسىز جارىققا شىعىپ، بەلسەندى فاكتورلار ۇزدىكسىز جيناقتالىپ، ەكونوميكانىڭ اينالىمىندا ’جوعارى دەڭگەيمەن باستاپ ورنىقتى ءجۇرۋ، ورنىقتىلىق بارىسىندا ىلگەرىلەۋ، ىلگەرىلەۋ بارىسىندا ساپانى جوعارىلاتۋ، تۇتاس تۇلعادا جاقسارۋعا بەت الۋ‘ كۇيى جارىققا شىعىپ،’14 - بەسجىلدىقتا‘ جاقسى باستاما اشۋعا، جاقسى قادام تاستاۋعا تاماشا نەگىز قالاندى“، - دەدى اۆتونوميالى رايوندىق ساناق مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى سۇڭ شيۋحۇڭ.
سالالارعا ءبولىپ قاراعاندا، الدىڭعى جارتى جىلدا بۇكىل رايوننىڭ اۋىل شارۋاشىلىق ءوندىرىسىنىڭ جاعدايى جاقسى، ەگىن، ورمان، مال، بالىق شارۋاشىلىعىنىڭ جالپى ءونىم قۇنى 113 ميلليارد 774 ميلليون يۋان بولىپ، سالىستىرمالى باعا بويىنشا ەسەپتەگەندە، وتكەن جىلعى ۇقساس مەزگىلدەگىدەن ％5.1 ارتىپ، 2 جىلداعى ورتاشا ارتۋى ％4.9 بولدى؛ جازعى استىقتىڭ ءونىم مولشەرى تاريحتاعى تىڭ ورەنى جاراتتى، 2021 - جىلى جازعى استىقتىڭ ەگىس اۋدانى 17 ميلليون 89 مىڭ 500 مۋ بولىپ، وتكەن جىلعىدان ％6.2 ارتقان؛ مەجەمەن ءونىم مولشەرى 6 ميلليون 281 مىڭ تونناعا جەتىپ، ％7.7 ارتادى.
ونەركاسىپ ءوندىرىسى ورنىقتى ارتتى، بۇكىل رايونداعى كولەمنەن جوعارى ونەركاسىپ كاسىپورىندارىنىڭ ارتقان قۇنى وتكەن جىلعى ۇقساس مەزگىلدەگىدەن ％11.4 ارتىپ، 2 جىلداعى ورتاشا ارتۋى ％8.7 بولدى؛ ونەركاسىپ كاسىپورىندارىنىڭ پايداسى زور مولشەردە ارتتى، 1 - ايدان 5 - ايعا دەيىن بۇكىل رايونداعى كولەمنەن جوعارى ونەركاسىپتىڭ شارۋاشىلىق كىرىسى 535 ميلليارد 780 ميلليون يۋان بولىپ، ％30.6 ارتتى؛ پايداسى 71 ميلليارد 509 ميلليون يۋان بولىپ، 2.2 ەسە مولايىپ، 2 جىلداعى ورتاشا ارتۋى ％47.1 بولدى.
تۇتىنۋ بازارى ۇزدىكسىز جاقساردى، بۇكىل رايوندا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 160 ميلليارد 980 ميلليون يۋان بولىپ، وتكەن جىلعى ۇقساس مەزگىلدەگىدەن ％19.8 ارتتى؛ جاڭا تۇتىنۋ تەز قارقىنمەن ارتتى، الدىڭعى جارتى جىلدا نورمادان جوعارى توپ، پارشا ساتۋ كاسىپورىندارىنىڭ الەۋمەتتىك ينتەرنەت ارقىلى ساتقان تاۋارى وتكەن جىلداعى ۇقساس مەزگىلدەگىدەن ％44.1 ارتتى، نورمادان جوعارى قونالقى كاسىپ سالاسى ورىندارىنىڭ الەۋمەتتىك ينتەرنەت ارقىلى كىرگىزگەن قوناق ءۇي كىرىسى ％87.4 ارتتى، نورمادان جوعارى اس - سۋ شارۋاشىلىعى كاسىپورىندارىنىڭ الەۋمەتتىك ينتەرنەت ارقىلى تاپقان اس - سۋ اقىسى كىرىسى ％35.0 ارتتى.
تۇراقتى مۇلىككە قارجى قوسۋ ۇزدىكسىز ءبىرشاما جوعارى قارقىنمەن ارتتى، بۇكىل رايونداعى تۇراقتى مۇلىككە قارجى قوسۋ (شارۋا وتباسىلارىن قامتىمايدى) وتكەن جىلعى ۇقساس مەزگىلدەگىدەن ％25.6 ارتتى، 2 جىلداعى ورتاشا ارتۋى ％27.1 بولدى.
قىزمەت وتەۋ كاسىبى ۇزدىكسىز قالپىنا كەلىپ، كاسىپورىنداردىڭ ونىمدىلىگى تەز جوعارىلادى. 1 - ايدان 5 - ايعا دەيىن، بۇكىل رايونداعى كولەمنەن جوعارى قىزمەت وتەۋ كاسىبى كاسىپورىندارىنىڭ شارۋاشىلىق كىرىسى 110 ميلليارد 379 ميلليون يۋان بولىپ، وتكەن جىلعى ۇقساس مەزگىلدەگىدەن ％16.5 ارتتى.
”كەلەسى جارتى جىلدا ءبىز جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، تۇتاس جىلدىق نىسانالار مەن مىندەتتەردى تولىق ورىنداۋعا بەرىك نەگىز قالايمىز“، - دەدى سۇڭ شيۋحۇڭ.
اقپار جاريالاۋ ءماجىلىسى اۆتونوميالى رايوننىڭ ”13 - بەسجىلدىق“ مەزگىلىندەگى ەكونوميكالىق، قوعامدىق دامۋ جاعدايىن جاريالادى، ”13 - بەسجىلدىق“ مەزگىلىندە، شينجياڭنىڭ وڭىرلىك ءوندىرىس جالپى ءونىم قۇنى 930 ميلليارد 688 ميلليون يۋاننان ءبىر تريلليون 379 ميلليارد 758 ميلليون يۋانعا ارتىپ، 2010 - جىلداعىدان ءبىر قاتتالۋ نىساناسى جۇزەگە استى.
