تيانشان تورى   ›   جاڭالىقتار   ›   ماڭىزدى حابارلار

كەزەكتەگى ەكونوميكالىق جاعداي جانە سوڭعى جارتى جىلداعى ەكونوميكالىق قىزمەت جونىندە جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى

شي جينپيڭ باسقاردى ءارى ماڭىزدى ءسوز سويلەدى

لي كىچياڭ قاتىستى جاعدايلاردى حابارلاندىردى، ۋاڭ ياڭ، ۋاڭ حۋنيڭ، حان جىڭ قاتىناستى

  شينحۋا اگەنتتىگىنىڭ 7 - ايدىڭ 30 - كۇنى بەيجيڭنەن بەرگەن حابارى. 7 - ايدىڭ 28 - كۇنى جۇڭگو كوممۋنيستىك پارتياسى ورتالىق كوميتەتى جۇڭنانحايدا پارتيا سىرتىنداعى قايراتكەرلەردىڭ اڭگىمە ءماجىلىسىن اشىپ، كەزەكتەگى ەكونوميكالىق جاعداي جانە سوڭعى جارتى جىلداعى ەكونوميكالىق قىزمەت جونىندە ءارقايسى دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگى جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ پىكىرلەرى مەن ۇسىنىستارىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ اڭگىمە ءماجىلىستى باسقاردى ءارى ماڭىزدى ءسوز سويلەپ، بىلاي دەپ باسا دارىپتەدى: كەزەكتەگى ەكونوميكالىق جاعدايدى دۇرىس تانىپ، يدەيا مەن ارەكەتتى جۇڭگو كوممۋنيستىك پارتياسى ورتالىق كوميتەتىنىڭ كەزەكتەگى ەكونوميكالىق جاعداي جونىندەگى تالداۋىمەن، تۇجىرىمىمەن جانە شەشىمىمەن، ورنالاستىرۋىمەن بىرلىككە كەلتىرىپ، نەگىزگى ساتىعا كوبىرەك بارىپ ءادىس - امال قاراستىرىپ، اقىل - كەڭەس سۇراپ، تيپتىك ماسەلەلەردى كوبىرەك تەكسەرىپ، زەرتتەپ، ەلەۋسىز ىستەن ەرەكشە وي تۇيىندەپ، كوبىرەك بار زەيىندى سالىپ ىشكەرىلەي زەرتتەۋ جۇرگىزىپ، قالىڭ مۇشەلەردى جانە بايلانىس ورناتقان بۇقارانى اعا بۋىن پارتيا سىرتىنداعى قايراتكەرلەردىڭ جۇڭگو كوممۋنيستىك پارتياسىمەن قيىن - قىستاۋدى بىرگە وتكەرگەن، تىعىز سەلبەسكەن تاماشا ءداستۇرىن جالعاستىرۋعا، اسقاقتاتۋعا جەتەكتەپ، تىزە قوسا كۇرەس جاساۋ كۇشىن ەڭ جوعارى شەكتە ۇيىستىرۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ ياڭ، ۋاڭ حۋنيڭ، حان جىڭ اڭگىمە ماجىلىسكە قاتىناستى. لي كىچياڭ جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن الدىڭعى جارتى جىلداعى ەكونوميكالىق قىزمەتتىڭ قاتىستى جاعدايلارىن حابارلاندىردى، سوڭعى جارتى جىلداعى ەكونوميكالىق قىزمەت جونىندەگى قاتىستى ويلاردى تانىستىردى.

  اڭگىمە ماجىلىستە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، ”3 - قىركۇيەك“ ءىلمي قوعامى ورتالىق كوميتەتىنىڭ ءتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، جۇڭحۋا مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى ليۋ ي ىركەس - تىركەس ءسوز سويلەدى. ولار مىنالاردى ءبىلدىردى: باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى جۇرت كوڭىلىن شابىتتاندىرىپ، ەكپىندەي ىلگەرىلەۋگە جىگەرلەندىردى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگو كوممۋنيستىك پارتياسىنىڭ جاقسى اقىلشىسى، جاقسى قولعاناتى، جاقسى كاسىپتەسى بولىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جاسايمىز. ولار جۇڭگو كوممۋنيستىك پارتياسى ورتالىق كوميتەتىنىڭ كەزەكتەگى ەلىمىزدىڭ ەكونوميكالىق جاعدايى جونىندەگى تالداۋىن جانە سوڭعى جارتى جىلداعى ەكونوميكالىق قىزمەت جونىندەگى ويىن قۇپتادى، جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋدە قول جەتكىزگەن وراسان زور تابىستارىن جوعارى باعالادى ءارى تۇرعىنداردىڭ كىرىسىن ارتتىرۋ، قالا - قالاشىقتاعى قيىنشىلىعى بار بۇقارانىڭ قيىنشىلىقتان ارىلۋىنا، قيىنشىلىقتارىن شەشۋىنە كومەكتەسۋ، ورتا، شاعىن، ۇساق كاسىپورىندارعا دالمە - ءدال كومەكتەسۋ - سۇيەمەلدەۋ، جاسىل فينانس جۇيەسى قۇرىلىسىن كۇشەيتۋ، مەملەكەتتىڭ بولاشاق حالىق سانى دامۋ ستراتەگياسىن كەمەلدەندىرۋ، جالپى حالىقتىڭ يممۋنيتەت قالتقىسىن ورناتۋ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ مەن كومىر قىشقىل گازىن بەيتاراپتاندىرۋدى ءبىر تۇلعادا جوبالاۋ، مەملەكەت تاجىريبەحانالارى قۇرىلىسىن ءبىر تۇتاس جوسپارلاپ ورنالاستىرۋدى كۇشەيتۋ، شىعىس سولتۇستىكتى گۇلدەندىرۋ ستراتەگيالىق ساياساتىنىڭ ونىمدىلىگىن جوعارىلاتۋ، حاينان ەركىن ساۋدا پورتى قۇرىلىسىن ىلگەرىلەتۋ سياقتىلار جونىندە پىكىر جانە ۇسىنىس قويدى.

  كوپشىلىكتىڭ ءسوزىن مۇقيات تىڭداعاننان كەيىن، شي جينپيڭ ماڭىزدى ءسوز سويلەدى. ول مىنالاردى ءبىلدىردى: بيىل جىل باسىنان بەرى ءبىز ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپالاپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، ماكرولىق ساياساتتى ءونىمدى اتقاردىق، ەكونوميكانى ورنىقتىلىق بارىسىندا جاقسارتىپ، جوعارى ساپالى دامۋدا جاڭا ونىمدىلىككە قول جەتكىزىپ، قوعامنىڭ كەلەلى جاعدايىنىڭ ورنىقتىلىعىن ساقتاپ، پارتيا قۇرىلعاندىعىنىڭ 100 جىلدىعىن قۇتتىقتاۋعا تاماشا ورتا جاراتىپ، تۇتاس جىلداعى نىسانالاردى جۇزەگە اسىرۋعا بەرىك نەگىز قالادىق. الدىڭعى جارتى جىلدا ءارقايسى دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر پارتيا مەن مەملەكەتتىڭ وزەكتى قىزمەتىن تىعىز ارقاۋ ەتىپ، جۇرت تىلەگىن ۇيىستىرۋ، دامۋدى جەبەۋ، تياناقتاندىرۋدى يگەرۋ جاقتارىندا تىڭ ونىمدىلىكتەرگە قول جەتكىزدى. جولداستار جۇڭگو كوممۋنيستىك پارتياسىنىڭ تاريحىن ۇيرەنۋ تاربيەسىن ىشكەرىلەي ورىستەتىپ، شاڭحايعا، جىجياڭ جياشيڭگە بارىپ قىزىل ىزدەردى باسىپ، نازاردى مەملەكەتتىڭ ستراتەگيالىق عىلىم - تەحنيكا قۋاتىن كۇشەيتۋ، جاڭا دامۋ ارناسىن قالىپتاستىرۋ سياقتى ەكونوميكالىق، قوعامدىق دامۋداعى كەلەلى ماسەلەلەرگە شوعىرلاندىرىپ، 10 نەشە ولكە، رايون، قالاعا بارىپ تەكسەرۋ - زەرتتەۋ ورىستەتىپ، ءبىر قىدىرۋ جوعارى ساپالى تەكسەرۋ - زەرتتەۋ جەتىستىكتەرىن قالىپتاستىرىپ، جۇڭگو كوممۋنيستىك پارتياسى ورتالىق كوميتەتىنىڭ عىلمي شەشىم جاساۋىنا، ءونىمدى شارا اتقارۋىنا ماڭىزدى دايەك ازىرلەدى؛ جاڭا كەزەك ارناۋلى دەموكراتيالىق باقىلاۋ قىزمەتىن ورنالاستىرىپ، باستاپ، چاڭجياڭ وزەنىنىڭ ەكولوگيالىق ورتاسىن قورعاۋدى توڭىرەكتەي وتىرىپ باقىلاۋ ورىستەتىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتى تياناقتانۋىنا دەم بەردى؛ ”10 مىڭ كاسىپورىن 10 مىڭ قىستاقتى گۇلدەندىرۋ“ ارەكەتىن باستاپ، اۋىل - قىستاقتى گۇلدەندىرۋگە دەم بەرىپ، ساۋدا - ونەركاسىپشىلەر بىرلەستىگى مەن قاراستى ساۋدا قوعامدارىنىڭ رەفورماسىن، دامۋىن ىلگەرىلەتتى. شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان كوپشىلىككە العىس ايتتى.

  شي جينپيڭ بىلاي دەپ اتاپ كورسەتتى: كوپشىلىك سوزىندە الدىڭعى جارتى جىلداعى ەكونوميكالىق قىزمەتتە قول جەتكەن ناتيجەلەردى تولىق تۇراقتاندىردى ءارى كەزەكتەگى ەكونوميكالىق جاعدايدى دۇرىس تانۋ، سوڭعى جارتى جىلداعى ەكونوميكالىق قىزمەتتى جاقسى ىستەۋ جونىندە باعىتتامالىلىققا يە سىندارلى پىكىرلەرى مەن ۇسىنىستارىن ورتاعا قويدى، ءبىز مۇقيات زەرتتەپ، بەلسەنە قابىلدايمىز.

  شي جينپيڭ بىلاي دەپ باسا دارىپتەدى: دامۋ ورتاسىنداعى جاڭا وزگەرىستەردى، جاڭا سىن - سايىستاردى دالمە - ءدال يگەرۋ كەرەك، ەلىمىز ەكونوميكاسى قالپىنا كەلۋ، دامۋ بارىسىندا ءدوپ كەلگەن قيىنشىلىقتار مەن سىن - سايىستار از ەمەس، دەسە دە كومەسكى كۇشى اناعۇرلىم زور، باسىمدىعى اناعۇرلىم كوپ، الدىڭعى جارتى جىلداعى تاماشا تەبىندى ساقتاۋ نەگىزىندە، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاۋدىڭ جەتىستىكتەرىن بەكەمدەۋگە شارت - جاعداي بار. سوڭعى جارتى جىلداعى ەكونوميكالىق قىزمەتتى جاقسى ىستەۋدە ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى ىلگەرىلەتىپ، ماكرولىق ساياساتتى پەريود اتتاپ رەتتەۋدى جاقسى ىستەپ، ەل ءىشى بازارىنىڭ كومەسكى كۇشىن اشىپ، عىلىم - تەحنيكادا جاڭالىق اشۋدى جانە كاسىپ تىزبەگىنىڭ، قامداۋ تىزبەگىنىڭ سەرپىمدىلىگىن كۇشەيتىپ، جوعارى دەڭگەيدە ەسىك اشۋعا تاباندى بولىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىن ءبىر تۇتاس جوسپارلاپ، تارتىپپەن جاقسى ىستەپ، ءتۇيىندى سالالارداعى حاۋىپ - قاتەرلەردەن ساقتانىپ جانە شەشىپ، حالىق تۇرمىسىن قامتاماسىز ەتۋدى جانە ءوندىرىس حاۋىپسىزدىگىن جاقسى ىستەۋ كەرەك. اپاتتان ساقتانۋ، اپات زيانىن ازايتۋ جانە توتەنشە جاعدايعا توتەپ بەرۋ جۇيەسى قۇرىلىسىن كۇشەيتىپ، اپاتقا ۇشىراعان بۇقارانى تىڭعىلىقتى جاقسى ورنالاستىرىپ، اپاتتان كەيىنگى قالپىنا كەلتىرۋ، قايتا قۇرۋ قىزمەتىن جاقسى ىستەۋ كەرەك. ىندەتتەن ساقتانۋ - تىزگىندەۋدى بوساڭسىتۋعا بولمايدى، اسىرەسە، سىرتتان كىرۋدەن ساقتانۋدى ويداعىداي يگەرۋ كەرەك.

  شي جينپيڭ كوپشىلىككە 3 ءتۇرلى ءۇمىت ارتتى. ءبىرىنشى، كەزەكتەگى ەكونوميكالىق جاعدايدى دۇرىس تانىپ، كەزەكتەگى حالىقاراداعى، ەل ىشىندەگى جاعدايدىڭ قىم - قۋىت كۇردەلى قۇبىلىسىنىڭ استارىنداعى ءماندى ايقىن تانىپ، وزىندىك باسىمدىقپەن جالپى جاعداي قىزمەتىنىڭ ۇشتاسۋ ءتۇيىنىن ءداپ باسىپ تابۋ كەرەك. ەكىنشى، نازاردى ەكونوميكالىق، قوعامدىق دامۋداعى ءتۇيىندى مىندەتتەرگە شوعىرلاندىرىپ، اركىم ءوز ەرەكشەلىگىن، باسىمدىعىن ساۋلەلەندىرىپ، تەكسەرۋ - زەرتتەۋ ورىستەتىپ، بولجامپاز ۇسىنىس العا قويۋ كەرەك. ءۇشىنشى، جۇڭگو كوممۋنيستىك پارتياسىنىڭ تاريحىن ۇيرەنۋ تاربيەسىمەن ۇشتاستىرىپ، ءوز مۇشەلەرى مەن بايلانىس ورناتقان بۇقارانى يدەيالىق جاقتان جەتەكتەۋدى كۇشەيتىپ، جۇڭگونىڭ جاڭاشا ساياسي پارتيا ءتۇزىمىنىڭ كۇشىن اناعۇرلىم تولىق ايگىلەۋ كەرەك.

  ديڭ شۋەشياڭ، ليۋ حى، سۇن چۇنلان، حۋ چۇنحۋا، يوۋ چۋان، ۋاڭ يۇڭ، شياۋ جيە، حى ليفىڭ، جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى اڭگىمە ماجىلىسكە قاتىناستى.

  پارتيا سىرتىنداعى قايراتكەرلەردەن تاعى چىن شياۋگۋاڭ، گۋ شىڭزۋ، ليۋ شينچىڭ، حى ۋي، شاۋ حۇڭ جانە جياڭ زوجۇن، لي يۋەفىڭ، حۋاڭ رۇڭ، جۋاڭ يۇيمين قاتارلىلار اڭگىمە ماجىلىسكە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.