اۋىل شارۋاشىلىعىنىڭ نەگىزگى جاعدايى بەكەم، دامۋ نەگىزى اناعۇرلىم بەرىك بولدى
الدىڭعى جارتى جىلدا رايونىمىز اۋىل شارۋاشىلىعى ءوندىرىسىنىڭ جاعدايى جاقسى بولدى
انار بۇلت / شينجياڭ گازەتىنىڭ ءتىلشىسى ليۋ ي
كومباين شاعانتوعاي اۋدانى جاڭاجەر اۋىلى جاڭاجەر سولتۇستىك قىستاعىندا ءبيداي ورۋدا (سۋرەت 7 - ايدىڭ 20 - كۇنى تۇسىرىلگەن). شاعانتوعاي اۋدانىنداعى 157 مىڭ 900 مۋ جەردەگى ءبيداي ىركەس - تىركەس پىسىپ، ديقاندار ۋاقىتتى قولدان بەرمەي ورىپ، استىقتىڭ تۇگەلدەي قامباعا سالىنۋىنا شىنايى كەپىلدىك ەتتى. □ سۋرەتتى ياڭ حۋاگۋاڭ تۇسىرگەن
جاز ورتاسى، مول ءونىمنىڭ توبەسى كورىندى.
بيىل الدىڭعى جارتى جىلدا بۇكىل رايونىمىز جوعارى ساپالى دامۋدى نەگىزگى تاقىرىپ ەتۋگە تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، اۋىل شارۋاشىلىعىنىڭ ءوندىرىستى ورنىقتىرىپ، قامداۋعا كەپىلدىك ەتۋ ورەسى مەن ءوندىرىس جالپى ونىمدىلىگىن ۇزدىكسىز جوعارىلاتتى.
ساناق ساندى مالىمەتتەرىنە قاراعاندا، الدىڭعى جارتى جىلدا بۇكىل رايونىمىزدىڭ ەگىن، ورمان، مال، بالىق شارۋاشىلىعىنىڭ جالپى ءونىم قۇنى 113 ميلليارد 774 ميلليون يۋان بولىپ، سالىستىرمالى باعا بويىنشا ەسەپتەگەندە، وتكەن جىلعى ۇقساس مەزگىلدەگىدەن ％5.1 ارتقان، ەكى جىلداعى ورتاشا ارتۋى ％4.9 بولعان. بۇكىل رايونىمىزدىڭ اۋىل شارۋاشىلىعى وندىرىسىندە جارىققا شىققان تاماشا جاعداي رايونىمىزدىڭ ”14 - بەسجىلدىققا“ جاقسى باستاما اشۋ، جاقسى قادام تاستاۋى ءۇشىن ورنىقتى نەگىز جانە قاجەتتى شارت - جاعداي ازىرلەگەن.
قامداۋ پارمەندى بولدى، جازعى استىق ءونىم مولشەرى تاريحتاعى جاڭا ورەگە جەتەدى
6 - ايدان بەرى تيانشان الابىندا قالىڭ ءبيداي اتىزى تولقىپ، التىن ماساقتىڭ ءيىسى اڭقىدى. بۇكىل رايوننىڭ دۇمبە ءبيدايىنا وڭتۇستىكتەن سولتۇستىككە قاراي ىركەس - تىركەس وراق قويىلىپ، ءونىم الىنا باستادى، جازعى استىقتان مول ءونىم الۋ جاعدايى تۇراقتاندى.
”بيىل 15 مۋ جەرگە ءبيداي سالدىق، جالپى ءونىم مولشەرى 4000 كيلوگرامنان اسادى، تاماشا كىرىس كىرەدى دەپ وتىرمىز“. ماكىت اۋدانى قۇمقۇسار اۋىلى تومۇراك قىستاعىنىڭ تۇرعىنى نۇرگۇل ءاليدىڭ ايتۋىنشا، سوڭعى جىلدارى ءبيداي ەگۋدىڭ ونىمدىلىگى ارتىپ، ۇيلەرىنىڭ ءبيداي ەگۋدەن كىرەتىن كىرىسى 10 مىڭ يۋاننان اسقان.
ءونىمدى ارتتىرۋ جانە مول ءونىم الۋ رايونىمىزدىڭ استىق حاۋىپسىزدىگىنىڭ نەگىزىن نىعايتۋىنىڭ جاندى كورىنىسىنە اينالدى. بيىل جىل باسىنان بەرى رايونىمىز استىق پەن ماڭىزدى اۋىل شارۋاشىلىق ونىمدەرىندە ءونىمدى ورنىقتىرىپ، قامداۋعا كەپىلدىك ەتۋدى ويداعىداي يگەرۋگە ۇزدىكسىز كۇش سالىپ، استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ ستراتەگياسىن جاپپاي تياناقتاندىرىپ، جوعارى ولشەمدى ەگىس اتىزى، سۋ ۇنەمدەپ سۋارۋ، عىلىم - تەحنيكانى جالپىلاستىرۋ سياقتى نىسانداردى ءتۇيىندى تۇردە استىق وندىرەتىن اۋماقتارعا بەيىمدەۋدى بەلسەنە ىلگەرىلەتىپ، ساپالى ءبيداي ءوندىرىس بازاسى قۇرىلىسىن ىلگەرىلەتىپ، ءبيدايدىڭ، اسىرەسە، دۇمبە ءبيدايدىڭ ءوندىرىسىن ورنىقتىرىپ، استىق ەگىلەتىن جەر اۋدانىن ازايتپاۋعا، ءونىم مولشەرىن تومەندەتپەۋگە شىنايى كەپىلدىك ەتتى. بۇكىل رايونداعى اۋىل شارۋاشىلىعى، اۋىل - قىستاق تاراۋلارى تەحنيكتەردى اتىز باسىنا، ەگىنجايلارعا ىشكەرىلەي بارىپ، تەحنيكالىق جەتەكشىلىك جاساۋعا ۇيىمداستىرىپ، اۋىل شارۋاشىلىعىنىڭ ونىمدىلىگىن ارتتىرۋدى، شارۋالاردىڭ كىرىسىن ارتتىرۋدى وزەك ەتىپ، استىق ءوندىرىسىنىڭ جالپى ورەسىن جوعارىلاتتى.
ساناققا قاراعاندا، 2021 - جىلى بۇكىل رايوننىڭ جازعى استىق ەگىلەتىن جەر اۋدانى 17 ميلليون 89 مىڭ 500 مۋ بولىپ، وتكەن جىلداعىدان ％6.2 ارتقان، مەجەمەن ءونىم مولشەرى 6 ميلليون 281 مىڭ تونناعا جەتىپ، ％7.7 ارتىپ، جازعى استىقتىڭ ءونىم مولشەرى تاريحتاعى جاڭا ورەگە جەتەدى.
مال شارۋاشىلىعى ءوندىرىسى جاعىندا بيىل جىل باسىنان بەرى بۇكىل رايون ەكولوگيالىق دامۋ بەتالىسىنا تاباندى بولىپ، كاسىپ سالاسىن دامىتۋدى بايلىق ورتاسىمەن سايكەستىرۋ سىندى باياندى دامۋ جولىمەن ءجۇرىپ، قامداۋعا كەپىلدىك ەتىپ، كىرىستى ارتتىرۋدى، ساپاسىن جوعارىلاتىپ، ونىمدىلىكتى ارتتىرۋدى تياناق ەتىپ، مال شارۋاشىلىق ونىمدەرىنىڭ قامتاماسىزداندىرۋ، قامداۋ قابىلەتىن كۇش سالا جوعارىلاتتى، رايون ىشىندە مال شارۋاشىلىعى ونىمدەرىمەن قامداۋعا كەپىلدىك ەتۋمەن بىرگە، جوعارى دەڭگەيلى بازار قاجەتىن تياناق ەتىپ، سەرپىندى ارتتىرىپ، ەرەكشە مال شارۋاشىلىق كاسىبىن دامىتتى.
6 - ايدىڭ سوڭىندا بۇكىل رايونداعى شوشقا، سيىر، قوي، ءۇي قۇستارىنىڭ قوراداعى سانى 118 ميليون 322 مىڭ 900 بولىپ، وتكەن جىلداعى ۇقساس مەزگىلدەگىدەن ％1.8 ارتقان؛ شوشقا، سيىر، قوي، ءۇي قۇستارىنىڭ بازارعا شىعارىلۋى 75 ميلليون 641 مىڭ 600 بولىپ، سايكەس مەزگىلدەگىدەن ％4.4 ارتقان؛ شوشقا، سيىر، قوي، ءۇي قۇستارى ەتىنىڭ جالپى ءونىم مولشەرى 833 مىڭ 300 توننا بولىپ، سايكەس مەزگىلدەگىدەن ％8.1 ارتقان، مالداردىڭ قوراداعى سانى مەن بازارعا شىعارىلۋ مولشەرى بىردەي ارتىپ، مال شارۋاشىلىعى ونىمدەرىنىڭ ءونىم مولشەرىن ورنىقتىرىپ، قامداۋعا كەپىلدىك ەتۋ قابىلەتى ونان ارى جوعارىلاعان.
جاسىل بولۋ جاعىندا جەتەكتەپ، وزىندىك قۇندى ۇنەمدەپ، ونىمدىلىكتى ارتتىرۋ باسىمدىعى كورنەكتىلەندى
7 - ايدىڭ باسىنان بەرى ماقتا ءوندىرىسى شەشۋشى ەگىس مەزگىلىنە ءوتتى، بۇراتالا قالاسى بىلىنحارمۇدۇن اۋىلى جوكىن قىستاعىنىڭ مىڭ مۋدان استام ماقتاسىنىڭ ءوسۋ جاعدايى قۋانارلىقتاي بولدى.
”قىستاعىمىز ماقتاسىنىڭ ساپاسى جاقسى، ءونىم مولشەرى جەتەرلىك بولىپ قالماستان، ونىڭ ۇستىنە ماقتانىڭ جاسىل ساقتانۋ - تىزگىندەۋ ورەسى دە ۇزدىكسىز جوعارىلادى“، - دەدى جوكىن قىستاعى پارتيا ياچەيكاسىنىڭ شۋجيى سۇن يىڭچۇن. بيىل جوكىن قىستاعى جارعاق استىندا تامشىلاتىپ سۋارۋ، تىڭايتقىش بەرۋ ءبىر تۇلعالاندىرىلعان تەحنيكادان پايدالانىپ، ديقاندار ماقتا اتىزىن سۋارۋدى قولفون ارقىلى مەڭگەرىپ، قىرۋار ادام كۇشىن ۇنەمدەپ قانا قويماي، تىڭايتقىشتان پايدالانۋ مولشەرىن بارىنشا جوعارىلاتتى.
”ءبىز ماقتا ءوندىرىسى بۋىنىندا دامدەندىرۋ ءدارىسى، قۇرت - قۇمىرىسقا ءولتىرۋ لامپاسى جانە بيولوگيالىق اۋىل شارۋاشىلىق دارىلەرى سياقتى جاسىل ساقتانۋ - تىزگىندەۋ تەحنيكاسىن كەڭ كولەمدە قولدانىپ، اۋىل شارۋاشىلىق دارىلەرىن پايدالانۋدى ازايتىپ، اۋىل شارۋاشىلىعىنىڭ بەتتىك لاستانۋىن تومەندەتىپ، اۋىل شارۋاشىلىعى دارىلەرىنىڭ ديقانداردىڭ دەنەسىن زاقىمداۋىنىڭ الدىن الدىق“. سۇن يىڭچۇن بىلاي دەدى: جاقىنعى جىلدارى ءىشىنارا ۋلىلىعى كۇشتى اۋىل شارۋاشىلىق دارىلەرى جالپى بەتتىك شەكتەلىپ، قاتىستى ورنىن باساتىن تەحنيكالار جالپىلاستىرىلىپ، كەڭەيتىلىپ، ءار مۋ جەردىڭ اۋىل شارۋاشىلىق دارىلەرى، حيميالىق تىڭايتقىش وزىندىك قۇنى 100 يۋان اينالاسىندا تومەندەپ، ماقتانىڭ ورتاشا بىرلىك ءونىمى 50 كيلوگرام جوعارىلاپ، 200 يۋانعا جۋىق كىرىس ارتتى.
بيىل الدىڭعى جارتى جىلدا بۇكىل رايون ”ساپانى جوعارىلاتۋدى، وزىندىك قۇندى تومەندەتۋدى، ونىمدىلىكتى ارتتىرۋدى“ وزەك ەتە وتىرىپ، ماقتا ەگىمشىلىگىن باسىمدىققا يە ءوندىرىس وڭىرىنە اناعۇرلىم شوعىرلاندىرىپ، سۋ قاينارى قامتاماسىزدىعى جوق، جەمىس اعاشى، ماقتا ارالاس ەگىلەتىن ماقتا اتىزىنان ءبىر ميلليون 400 مىڭ مۋدان استام جەردى شەگەرىپ، ازايتىپ، ماقتا سورتى قۇرىلىمىن اناعۇرلىم ساپالىلاندىردى. ماقتا كاسىپ سالاسىنىڭ جوعارى ساپالى دامۋىن جەبەۋ ءۇشىن، اۋىل شارۋاشىلىعى، اۋىل - قىستاق تاراۋلارى ”جۇڭگو كۇكىرتتى قىشقىل ەستەرىن سۇرىپتاۋ نىسانى“ قىزمەتىمەن بىرلەستىرىپ، كۇكىرتتى قىشقىلدىڭ ورنىن باستىرۋ ادىستەرىن سارالاۋ سىناعى جانە ماقتانىڭ دەرت - دەربەز، زياندى جاندىكتەرىنەن تۇتاس باسقىشتا جاسىل ساقتانۋ - تىزگىندەۋ تەحنيكاسى ۇلگىسىن اشۋ نەگىزىندە ەكولوگيالىق تىزگىندەۋ، اۋىل شارۋاشىلىق تەحنيكاسى شارالارى، فيزيكالىق، تابيعي جاۋ جانە بيولوگيالىق اۋىل شارۋاشىلىق دارىلەرى سياقتى بەي حيميالىق ساقتانۋ - تىزگىندەۋ جانە ءدارىنى عىلمي پايدالانۋدى نەگىز ەتكەن جاسىل ساقتانۋ - تىزگىندەۋ تەحنيكاسىن بەلسەنە كەڭەيتىپ، كاسىپ سالاسىندا ساپانى جوعارىلاتىپ، ونىمدىلىگىن ارتتىرۋعا دەم بەردى.
كاسىپ سالاسى باستاماشى بولدى، جالپىلىق ونىمدىلىك بىرتە - بىرتە ارتتى
جۋىردا 2021 - جىلعى جۇڭگو شينجياڭ ىلە تۇلپار حالىقارالىق ساياحات مەرەكەسى سالتاناتپەن شىمىلدىعىن اشتى، داڭقىنا قۇمارتا كەلگەن ساياحاتشىلار موڭعۇلكۇرەنىڭ سايىن ساحاراسىنىڭ كورىكتى كورىنىسىن تاماشالاپ قانا قويماي، جەر قايىستىرعان قالىڭ سايگۇلىكتىڭ ءدۇبىرلى ايبىنىنان ءلاززاتتاندى، سونداي - اق رايونىمىزدىڭ جىلقى شارۋاشىلىعىنىڭ قارىشتاپ دامۋ قوزعاۋشى كۇشىن سەزىندى.
جۋىق جىلداردان بەرى رايونىمىزدىڭ جىلقى شارۋاشىلىعى كوپ نەگىزدى دامىپ، ءناسىل تاڭداۋ جانە جەتىلدىرۋ، مادەنيەت كاسىپ سالاسىن اشۋ سياقتى جاقتاردا قۋانارلىق ناتيجەگە قول جەتكىزدى، مۇنىڭ ىشىندە وزىق بيولوگيالىق ءدارى جاساۋ تەحنيكاسىنا سۇيەنىپ ”ءىشتى بيەمەن بىرلەستىرىلگەن انالىق گورمون“ كاسىپ سالاسىن قالىپتاستىرىپ، جىلقى شارۋاشىلىعىنىڭ تيبىن جاڭالاپ، دارەجەسىن ءوسىرۋدىڭ ۇلگىسىنە اينالدى.
سەرىكتەستىك وندىرگەن ”ءىشتى بيەمەن بىرلەستىرىلگەن انالىق گورمونعا“ قاتىستى ءونىم 26 ەل مەن رايونعا ساتىلدى. بيىل 1 − 4 ايدا سەرىكتەستىكتىڭ ساتۋ سوماسى وتكەن جىلعى ۇقساس مەزگىلدەگىمەن سالىستىرعاندا ％60 ارتتى“. شينجياڭ شينزىيۋان بيولوگيالىق ءدارى جاساۋ شەكتى جاۋاپكەرشىلىك سەرىكتەستىگىنىڭ باس ينجەنەرى لو جۇن بىلاي دەدى: شينزىيۋان بيولوگياسى ءىشتى بيەمەن بىرلەستىرىلگەن انالىق گورمون وندىرەتىن دۇنيە جۇزىندەگى ەكىنشى ۇلكەن ونەركاسىپتەنگەن كاسىپورىنعا اينالدى، ءونىمنىڭ بازارىنىڭ كومەسكى كۇشى وتە زور. قازىر كاسىپورىن جۇڭگو ءدارى عىلىمى داشۋەسى، سۋجوۋ داشۋەسى، نانجيڭ جۇڭگوشا شيپاگەرلىگى، دارىگەرلىگى داشۋەسى سياقتى عىلمي زەرتتەۋ ورىندارىمەن سەلبەسىپ، جىلقى مايى، جىلقى قان سارى سۋى قاتارلى بيولوگيالىق ونىمدەردى اشىپ، وزىق تەحنيكاعا سۇيەنىپ كاسىپ سالاسى تىزبەگىن اناعۇرلىم ۇزارتىپ، جىلقى شارۋاشىلىعىنىڭ قوسىمشا قۇنىن جوعارىلاتتى.
قازىر شينزىيۋان بيولوگياسى 3000نان استام باعىمشى وتباسىن كاسىپ سالاسىن دامىتۋعا قاتىناسۋعا باستاپ، ءىشتى بيە نەسەبىنىڭ ءار ليترىنىڭ ورتاشا ساتىلۋ باعاسى 5.5 يۋانعا جەتتى. بۇرىن ەشكىم ەلەمەيتىن ءىشتى بيە نەسەبى عىلىم - تەحنيكا مەن كاسىپ سالاسىنىڭ باستاماشىلىعىندا ەگىنشى - مالشىلاردىڭ كىرىستى ارتتىرىپ بايۋعا بەت الۋىنداعى جاڭا اسىلعا اينالدى.
جىلقى شارۋاشىلىعىنىڭ قارىشتاپ دامۋى رايونىمىزدىڭ اۋىل شارۋاشىلىعى ونىمدەرىن وڭدەۋ كاسىبىن بار كۇشپەن دامىتۋىنىڭ ىقشام كورىنىسى. بيىل الدىڭعى جارتى جىلدا تۇتاس رايون ”10 ءىرى كاسىپ سالاسىن“ دامىتۋدى ارقاۋ ەتىپ، شينجياڭ ىلە جىلقىسى شارۋاشىلىعى، ءجۇزىم كاسىپ سالاسى سىندى 2 باسىمدىققا يە ەرەكشە كاسىپ سالاسى شوعىرىن، اۋىل شارۋاشىلىعى كاسىپ سالاسىنداعى 7 قۋاتتى قالاشىقتى، 20 بىرلەسكەن تۇلعا قۇرىلىسىن جەدەل ىلگەرىلەتتى، قاراقاش اۋدانى جانە قورعاس اۋدانى 2021 - جىلعى مەملەكەتتىك وسىزاماندانعان اۋىل شارۋاشىلىعى كاسىپ سالاسى باقشاسىن قۇرۋ تىزىمىنە ەنىپ، بۇكىل رايوننىڭ اۋىل شارۋاشىلىعى ونىمدەرىن وڭدەۋ جالپى ءونىم قۇنى مەجەمەن 80 ميلليارد يۋاننان اسىپ، اۋىل - قىستاقتى گۇلدەندىرۋگە پارمەندى تىرەك ازىرلەدى.
