ەرىكتى تىلشىلەر جاڭ جيڭ، ءراپحات ءماردان
”تۇرعىن دوستار، مەن ۋشين الەۋمەتتىك اۋماعىنىڭ زەردەلى قىزمەت وتەۋ دىبىس كومەكشىسى ’شياۋشين‘ بولامىن، بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. وسى 100 جىل ۇلت ازاتتىعى، مەملەكەتتى قۇدىرەتتەندىرۋ جانە حالىقتىڭ باقىتى ءۇشىن ۇزدىكسىز قاجىرلىلىقپەن كۇرەس جاساعان، كۇشەيۋ جولىندا جىگەر كورسەتكەن 100 جىل...“ 7 - ايدىڭ ورتا شەنىندە قارامايلى قالاسى جايرانبۇلاق رايونى (قارامايلى جوعارى، جاڭا تەحنيكالىق كاسىپ سالالارىن اشۋ رايونى) ۋشين الەۋمەتتىك اۋماعى ”ي“ حۋباييىڭ قىزمەت تۇعىرى قاراستى اۋماقتاعى تۇرعىندارعا ءبىرىنشى دىبىستى ينفورماتسيا جولدادى، بۇل وسى تۇعىردىڭ رەسمي ينتەرنەت جەلىسىندە ىسكە قوسىلعاندىعىن كورسەتتى.
ءۇرتىس بىرنەشە كۇننەن بەرى قارامايلى قالاسى جايرانبۇلاق رايونى (قارامايلى جوعارى، جاڭا تەحنيكالىق كاسىپ سالالارىن اشۋ رايونى) ۋشين الەۋمەتتىك اۋماعى ”باۋرامدى“، ”جاڭاشا“، ”ۇعىنىقتى“ بولۋ سىندى ”ءۇش ەرەكشەلىكتى“ ۇشتاستىرعان ۇگىت لەكسيا ارقىلى ۇگىت لەكسيامەن قامتۋ كولەمىن كەڭەيتىپ، ۇگىت لەكسيانىڭ ساپا ونىمدىلىگىن جوعارىلاتىپ، پارتيا تاريحىن ۇيرەنۋ تاربيەسىن ءمان - ماعىنالى ورىستەتىپ، جۇرت جۇرەگىنە تەرەڭ ۇيالاتتى.
”باۋرامدى“ ۇگىت لەكسيا نەگىزگى تاقىرىپپەن تىعىز بايلانىستى بولدى. 7 - ايدان بەرى ۋشين الەۋمەتتىك اۋماعى اپتا سايىن بارلىق پارتيا مۇشەلەرىن، كادرلاردى توپتىق ۇيرەنۋگە ۇيىمداستىرىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزى مەن پارتيا تاريحىن ۇيرەنۋ تاربيەسى كىتاپتارى سياقتىلاردى ءبىر - بىرلەپ زەرتتەي وقىپ، ۇيرەنىپ، پارتيالى كادرلاردىڭ ۇيرەنۋدەن رۋحاني كۇش قابىلداۋىنا قۇلشىندى.
”جاڭاشا“ ۇگىت لەكسيانىڭ جاڭا ماعىناسى كوپ بولدى. ”قازىر ينفورماتسيا ءداۋىرى، ءبىر قول تەلەفونمەن - اق ءبىر الەۋمەتتىك اۋماقتىڭ ەسەپ ءنومىرى ارقىلى الەۋمەتتىك اۋماق تۇرعىندارىن ۇگىتپەن تولىق قامتۋدى جۇزەگە اسىرۋعا بولادى“، - دەدى ۋشين الەۋمەتتىك اۋماعى پارتيا ياچەيكاسىنىڭ شۋجيى شىن نا.
”ي“ حۋباييىڭ قىزمەت تۇعىرىنان پايدالانۋدان تىس، ءار اپتانىڭ ەكىنشى كۇنى ”ۋشين . شينجيايۋان“ دوۋيىن تىكە تاراتۋ تۇعىرى دا ءدال ۋاعىندا ينتەرنەت جەلىسىنە قوسىلادى، الەۋمەتتىك اۋماق كادرلارى كونە زات، كونە سۋرەت سياقتىلاردان پايدالانىپ، ينتەرنەت جەلىسىندەگى مەن جەلىدەن تىسقارىنى ءوزارا ۇشتاستىرۋ ءتاسىلى ارقىلى پارتيانىڭ تاريحى جونىندە ۇگىت لەكسيا جاسايدى. مۇنان تىس، ۋشين الەۋمەتتىك اۋماعى جاستار مەن ورەندەرگە ارناپ ءوزارا ىقپالداسۋ فورماسىنداعى ۇگىت لەكسيا ساباعىن اشىپ، ۇيرەنۋ ءتاسىلىن اناعۇرلىم جانداندىردى. شىن نا: تاسىلدەگى ”جاڭاشا“ بولعان ۇگىت لەكسيا تۇرعىنداردىڭ ايرىقشا قارسى الۋىنا يە بولدى، - دەدى.
”ۇعىنىقتى“ ۇگىت لەكسيا جاناسىمدى كۇشەيتتى. 7 - ايدىڭ 18 - كۇنى كەشتە ۋشين الەۋمەتتىك اۋماعىنىڭ قىزمەتكەرى ما جىيۇڭ تۇرعىن مۋ شيمەيدىڭ وتباسىنا كەلىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزى جانە پارتيانىڭ حالىققا تيىمدىلىك جاساۋ ساياساتى سياقتىلار جونىندە ۇگىت لەكسيا جاسادى. پارتيا تاريحىن ۇيرەنۋ تاربيەسى ورىستەتىلگەننەن بەرى ۋشين الەۋمەتتىك اۋماعىنىڭ قىزمەتكەرلەرى وتباسىلارىن ارالاپ، جاعداي ۇعىسىپ، قاراپايىم، ۇعىنىقتى تىلمەن قاراستى اۋماقتاعى تۇرعىندارعا پارتيانىڭ بەلەستەرى، قىزىل حيكايالار سياقتىلار جونىندە ۇگىت لەكسيا جاساپ، ءار ۇلت تۇرعىندارىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستادى.
