تيانشان تورى   ›   جاڭالىقتار   ›   شينجياڭ حابارلارى

جالا جابۋعا، داتتاۋعا جول بەرمەيمىز

□ شينجياڭ دۇڭفاڭ شي - ۋاڭ ءتۇستى مەتال شەكتى سەرىكتەستىگىنىڭ قىزمەتكەرى احمەتجان زەرىپ

  مەن ءوز باسىمنان وتكەن كەشىرمەم ارقىلى ءبىزدىڭ سەرىكتەستىككە ايتىلمىس ”زورلىقپەن ەڭبەككە سالۋ“ ءومىر سۇرۋدە دەپ جالا جاپقان وسەكتىڭ، راسىندا، كۇلكىلى ەكەندىگىن دالەلدەيمىن.

  مەن بۇرىن ەگىن ەگۋمەن جانە كۇندىك جۇمىس ىستەۋمەن تۇرمىسىمدى قامدايتىنمىن، كەيىن دوسىمنىڭ تانىستىرۋىمەن دۇڭفاڭ شي - ۋاڭ سەرىكتەستىگىنىڭ قىزمەتكەرى بولدىم.

  سەرىكتەستىككە العاش كەلگەنىمدە، مەنىڭ پۋتۇڭحۋا ورەم ەرەكشە ناشار ەدى، قىزمەتتەستەرمەن قارىم - قاتىناستا قينالاتىنمىن، قىزمەتتە جايباسار ەدىم. وسى سەبەپتى سەرىكتەستىك ارناۋلى مۇعالىم ورنالاستىرىپ ماعان كومەكتەستى. تىلدىك نەگىزىم بولدى، ونىمەن قوسا ۇستازىمنىڭ بەتپە - بەت باۋلۋىنىڭ ارقاسىندا مەن تەز جەتىلىپ، بىرتە - بىرتە ىسىلعان جۇمىسشىعا اينالدىم، مەنىڭ ايلىق ەڭبەكاقىم 3000 يۋاننان ءوسىپ 10 مىڭ يۋان اينالاسىنا جوعارىلادى. مۇنىڭ بارلىعىن مەن بۇرىن ويلاپ تا كورمەگەن ەدىم.

  سەرىكتەستىك كوپشىلىكتى جاتىن ورىنمەن تەگىن قامدادى، اۋا تەڭشەگىش، تەلەۆيزور، سۋ جىلىتۋ اسپابى، اۆتوماتتى كىر جۋۋ ماشيناسى سياقتى وتباسى ەلەكتر جابدىقتارىن سەپتەدى؛ دەنە شىنىقتىرۋ ءۇيى، قيمىل ءۇيى، وقۋ ءۇيى، كينوحانا سياقتى الاڭ - ورىندار مەن جابدىقتار ازىرلەدى؛ مەرزىمسىز تۇردە باقىتتى مەكەن قيمىلىن ورىستەتەدى: باسكەتبول جارىسى، لەكسيا سويلەۋ جارىسى، ءان - ءبي جارىسى، مەرەكەلىك قيمىلدار سياقتىلار.

  جۋىردا امەريكاداعى، باتىستاعى جۇڭگوعا قارسى كۇشتەر شينجياڭ ماقتاسىندا ايتىلمىس ”زورلىقپەن ەڭبەككە سالۋ“ ءومىر سۇرۋدە دەپ جالا جاپتى، ەندى امەريكا ساۋدا ىستەرى مينيسترلىگى سۋىق قولىن ءبىزدىڭ كاسىپورىنعا سوزدى. ءبىراق مەنىڭ كەشىرمەم ءبىزدىڭ سەرىكتەستىكتە ”زورلىقپەن ەڭبەككە سالۋ“ مۇلدە بولىپ كورمەگەندىگىن، ءبىزدىڭ سەرىكتەستىكپەن ەڭبەك توقتامىنا تەرەزەسى تەڭ، ەرىكتى تۇردە قول قويعاندىعىمىزدى، ءبىزدىڭ كاسىپورىندا مۇقيات ىستەپ، كوڭىلدى تۇرمىس كەشىرىپ جاتقاندىعىمىزدى، ايتىلمىس ”زورلىقپەن ەڭبەككە سالۋ“ بارىپ تۇرعان وسەك - اياڭ ەكەندىگىن تولىق تۇسىندىرە الادى. سەندەر بار ايلالارىڭدى جۇمساپ قىسىم ءتۇسىرىپ، بىزگە كۇيە جاقتىڭدار، ماقساتتارىڭ ءبىزدىڭ تاماشا تۇرمىسىمىزدى ءبۇلدىرۋ! مەن ءارقانداي ادامنىڭ سەرىكتەستىگىمىزدى داتتاۋىنا استە جول بەرمەيمىن، باقىتتى تۇرمىسقا تالپىنعان ۇقىق - مۇددەمىزدى باتىل قورعايمىن!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.