تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوننىڭ ”1 - تامىز“ حال سۇراۋ ۇيىرمەسى شينجياڭدا تۇراتىن اسكەري بولىمدەردەن حال سۇرادى

  انار بۇلت / شينجياڭ گازەتىنىڭ ءتىلشىسى جاڭ يانفاڭ، ەرىكتى تىلشىلەرى چىن جاۋلين، چاڭ يرۋ 7 - ايدىڭ 31 - كۇنى ۇرىمجىدەن حابارلايدى. جۇڭگو حالىق ازاتتىق ارمياسى قۇرىلعاندىعىنىڭ 94 جىلدىعى بايلانىسىمەن، اۆتونوميالى رايوندىق پارتكوم مەن ۇكىمەتتىڭ ءبىر تۇتاس ورنالاستىرۋىمەن 7 - ايدىڭ 26 - كۇنىنەن 30 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى ۋاڭ جۇنجىڭ قاتارلى باسشىلار اۆتونوميالى رايوننىڭ ”1 - تامىز“ حال سۇراۋ ۇيىرمەسىن باستاپ ءۇرىمجى قالاسىندا، قاشقار ايماعىندا، التاي ايماعىندا شينجياڭدا تۇراتىن اسكەري بولىمدەردەن حال سۇراپ، شينجياڭدا تۇراتىن حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى وفيتسەر - اسكەرلەرىنە جانە قامقورلىق ەتۋ وبيەكتىلەرىنە امانداسا بارىپ، اۆتونوميالى رايوندىق پارتكوم مەن ۇكىمەتتىڭ جانە بۇكىل شينجياڭداعى ءار ۇلت حالقىنىڭ شىنايى سالەمىن جەتكىزىپ، حالىقتىڭ پەرزەنت اسكەرلەرىنە وسكەلەڭ قۇرمەت ءبىلدىردى.

  ۋاڭ جۇنجىڭ قاتارلى اۆتونوميالى رايون باسشىلارى شينجياڭدا تۇراتىن اسكەري بولىمدەردەن حال سۇراعاندا بىلاي دەپ اتاپ كورسەتتى: ۇزاق ۋاقىتتان بەرى شينجياڭدا تۇراتىن اسكەري بولىمدەر شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، تياناقتاندىرىپ، شاقىرعاندا كەلەتىن، كەلگەندە شايقاسا الاتىن، شايقاسقاندا، ءسوزسىز، جەڭەتىن الىمدى اسكەرلەردى قۇلشىنا شىڭداپ شىقتى. اسكەردى جاتتىقتىرىپ، سوعىسقا دايىندالۋدى جاپپاي كۇشەيتىپ، اسكەري مىندەتتەردى ورىنداۋمەن بىرگە، قالىڭ كوماندير - جاۋىنگەرلەر تۇرعان جەرىن تۋعان اۋىلىنداي كورىپ، شينجياڭداعى ءار ۇلت حالقىمەن نيەتتەس بولىپ، ارميا مەن حالىق بىرگە قۇرۋ، قوس قولداۋداعى وزات ورىن سياقتى قيمىلداردى ىشكەرىلەي ورىستەتتى، اسىرەسە، ورنىقتىلىقتى قورعاۋ، قاتەردەن اراشالاۋ، اپاتتان قۇتقارۋ، كەدەيلەردى سۇيەمەلدەپ، قيىنشىلىعى بارلارعا كومەكتەسۋ، ىندەتتەن ساقتانۋ - تىزگىندەۋ سياقتى قىزمەتتەردە باسىن ءباي تىگىپ، جان قيارلىقپەن ىستەپ، ءىس جۇزىندىك ارەكەتتەرى ارقىلى جاڭا داۋىردەگى ارميا مەن ۇكىمەت، ارميا مەن حالىق ىنتىماعىنىڭ جاڭا تاراۋىن جازدى. كەزەكتە بۇكىل رايون جوعارىدان تومەنگە دەيىن باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرۋدە، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋدە، تياناقتاندىرۋدا شينجياڭدا تۇراتىن اسكەري بولىمدەردىڭ ءوز رولىن ءتىپتى دە جاقسى ساۋلەلەندىرىپ، پارتيا، ۇكىمەت، ارميا، ساقشى، بيڭتۋان، حالىق ءبىر نيەتتە بولىپ، نازاردى باس نىساناعا شوعىرلاندىرىپ، ”كەشەندى شارالاردى“ ويداعىداي اتقارىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تامىر تارتىپ تياناقتانۋىن بىرگە ىلگەرىلەتىپ، تيانشان الابىنىڭ قوعامدىق كەلەلى جاعدايى ورنىقتى بولعان، حالىق تىنىش ءومىر، شات - شادىمان تىرشىلىك كەشىرگەن تاماشا جاعدايدى بىرگە قورعاۋىن ءۇمىت ەتەمىن. اۆتونوميالى رايوندىق پارتكوم مەن ۇكىمەت مەملەكەت قورعانىسى مەن ارميانى وسىزامانداندىرۋ قۇرىلىسىن اۋەلگىسىندەي قولدايدى، جالپى حالىقتىڭ مەملەكەت قورعانىسى تاربيەسىن ۇزدىكسىز تەرەڭدەتىپ، ارميا مەن حالىقتىڭ توعىسا ىشكەرىلەي دامۋىن ىلگەرىلەتىپ، ارميانى قولداۋ جانە ولاردىڭ ۇيىنە قامقورلىق جاساۋ قىزمەتىن شىن نيەتپەن، كوڭىل قويا، كۇش سالا ويداعىداي ىستەپ، سۇيىسپەنشىلىكپەن جاۋاپكەرشىلىك ارقالاي وتىرىپ شينجياڭدا تۇراتىن اسكەري بولىمدەردەگى كوماندير - جاۋىنگەرلەردىڭ ءىس جۇزىندىك قيىنشىلىعىن شەشىپ، توننىڭ ىشكى باۋىنداي ارالاسقان، تاستاي بەرىك ارميا مەن ۇكىمەتتىڭ، ارميا مەن حالىقتىڭ قاتىناسىن ۇزدىكسىز بەكەمدەيدى جانە دامىتادى.

  حال سۇراۋ ۇيىرمەسى تاعى جارالانعان، مۇگەدەك اسكەريلەردىڭ، جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەردىڭ، قۇربانداردىڭ وتباسىنا بارىپ، ولارمەن شىن ىقىلاسپەن اڭگىمەلەسىپ، ولاردىڭ دەنساۋلىق جاعدايى، تۇرمىس احۋالى سياقتىلاردى ەگجەي - تەگجەيلى ۇعىسىپ، ولاردىڭ پارتيا مەن مەملەكەتكە جانە شينجياڭ قوعامىنىڭ دامۋىنا قوسقان زور ۇلەسىن تولىق تۇراقتاندىردى، ولاردىڭ دەنساۋلىقتارىنا كوڭىل ءبولىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، بويىنداعى قالعان كۇش - قۋاتىن ۇزدىكسىز ساۋلەلەندىرىپ، شينجياڭنىڭ قوعام ورنىقتىلىعىن قورعاۋدا، جوعارى ساپالى دامۋدى ىلگەرىلەتۋدە تاعى دا تىڭ ۇلەس قوسۋىن ءۇمىت ەتتى.

  شينجياڭدا تۇراتىن اسكەري بولىمدەردەگى قالىڭ كوماندير - جاۋىنگەرلەر ءبىر اۋىزدان مىنالاردى ءبىلدىردى: شي جينپيڭنىڭ ارميانى قۇدىرەتتەندىرۋ يدەياسىن باتىل دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اۆتونوميالى رايوندىق پارتكوم مەن ۇكىمەتتىڭ جانە بۇكىل شينجياڭداعى ءار ۇلت حالقىنىڭ شىنايى قامقورلىعىن سانالى تۇردە ارميانى قۇدىرەتتەندىرۋدىڭ قوزعاۋشى كۇشىنە اينالدىرىپ، ارميانى قۇدىرەتتەندىرۋ نىساناسىن ەستە بەرىك ساقتاپ، تاڭداۋلى ءداستۇردى ساۋلەلەندىرىپ، قىزىل قان تامىردى جالعاستىرىپ، جاپالى جاتتىعۋ ارقىلى جەڭۋ قابىلەتىن جەتىلدىرىپ، ارميانىڭ نەگىزگى ساتى قۇرىلىسىن اناعۇرلىم شىڭدايمىز، اناعۇرلىم بەرىكتەيمىز؛ تاپسىرمانى ەستە بەرىك ساقتاپ، جاۋاپكەرشىلىك ارقالاۋدى كۇشەيتىپ، كۇشتى قامال الۋعا شوعىرلاندىرىپ، تياناقتاندىرۋدى مىقتى يگەرىپ، پارتيا مەن حالىق جۇكتەگەن بورىشتى، مىندەتتى باتىلدىقپەن ويداعىدي ورىنداپ، شينجياڭنىڭ قوعام ورنىقتىلىعىن قورعاۋداعى ويداعىداي ”ورنىقتىرعىش“ بولىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا تىڭ دا زور ۇلەس قوسامىز.

  اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ ءۇرىمجى قالاسىنداعى حال سۇراۋ قيمىلىنا قاتىناستى. اۆتونوميالى رايوننىڭ ورىنباسار ءتوراعاسى قادىلبەك قامزا ۇيىرمەنى باستاپ حال سۇرادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.