تيانشان تورى   ›   جاڭالىقتار   ›   شينجياڭ حابارلارى

سىرتقا ەسىك اشۋ دەڭگەيىن جوعارىلاتىپ، جوعارى ساپالى دامۋدىڭ قوزعاۋشى كۇشىن، كومەسكى كۇشىن قاۋلاتىپ، ”14 - بەسجىلدىقتا“ جاقسى باستاما اشۋدى، جاقسى قادام تاستاۋدى ىلگەرىلەتۋ كەرەك

  شوكىرات زاكىر تارباعاتاي ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

  سىرتقا ەسىك اشۋ دەڭگەيىن جوعارىلاتىپ، جوعارى ساپالى دامۋدىڭ قوزعاۋشى كۇشىن، كومەسكى كۇشىن قاۋلاتىپ، ”14 - بەسجىلدىقتا“ جاقسى باستاما اشۋدى، جاقسى قادام تاستاۋدى ىلگەرىلەتۋ كەرەك

  انار بۇلت / شينجياڭ گازەتىنىڭ ءتىلشىسى لي ياڭ 7 - ايدىڭ 31 - كۇنى شاۋەشەكتەن حابارلايدى. 7 - ايدىڭ 29 - كۇنىنەن 30 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر تارباعاتاي ايماعىندا تەكسەرۋ - زەرتتەۋ جۇرگىزدى. شوكىرات زاكىر بىلاي دەپ باسا دارىپتەدى: پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ناقتى تالاپتارى بويىنشا، شينجياڭ تارباعاتاي ءتۇيىندى اشىق ۇستاۋ، ەسىك اشۋ سىناق رايونى قۇرىلىسىن جەدەل ىلگەرىلەتۋدى تۇتقا ەتىپ، اناعۇرلىم جوعارى دەڭگەيدە سىرتقا ەسىك اشۋدى ۇزدىكسىز ىلگەرىلەتىپ، جوعارى ساپالى دامۋدىڭ قوزعاۋشى كۇشىن، كومەسكى كۇشىن قاۋلاتىپ، ”14 - بەسجىلدىقتا“ جاقسى باستاما اشۋدى، جاقسى قادام تاستاۋدى ىلگەرىلەتۋ كەرەك.

  شوكىرات زاكىر ىلگەرىندى - كەيىندى شينجياڭ حۋاليڭ ساننۇڭ جايلىم، مال شارۋاشىلىعى شەكتى سەرىكتەستىگىنە، ءدوربىلجىن اۋدانى ونەركاسىپ باقشا رايونىنا، ءدوربىلجىن اۋدانى جەلاعاش قالاشىعى نارىنشاعانكول قىستاعىنا بارىپ، وسى زامانعى ەگىن، مال شارۋاشىلىعىنان ۇلگى كورسەتۋ رايونى قۇرىلىسى، ەرەكشە كاسىپ سالاسى، اۋىل - قىستاق ساياحاتىن دامىتۋ سياقتى جاعدايلارعا تەكسەرۋ - زەرتتەۋ جۇرگىزدى.

  شينجياڭ تارباعاتاي ءتۇيىندى اشىق ۇستاۋ، ەسىك اشۋ سىناق رايونى قۇرىلىسى دابىرالى جۇرگىزىلۋدە. شوكىرات زاكىر جاڭا ەنەرگيا جاڭالىق اشۋ كاسىپ سالاسى باقشاسى، حالىقارالىق تاس جول پورتى سياقتى نىسان قۇرىلىستارى جۇمىس باسىنا بارىپ، نىساننىڭ ىلگەرىلەۋ جاعدايىن ەگجەي - تەگجەيلى ۇعىسىپ، قۇرىلىس قارقىنىن كۇش سالا جەدەلدەتىپ، سىناق رايونىن تارباعاتاي ايماعىنىڭ جوعارى ساپالى دامۋىن ىلگەرىلەتەتىن ماڭىزدى قوزعالتقىشقا اينالدىرۋدى باسا دارىپتەدى. شوكىرات زاكىر تاعى باقتى شەكارا وتكەلى جالپىلىق اينالىم قولباسشىلىق شتابىنا، باقتى شەكارا ساقشى پۋنكتىنە، شاۋەشەك قالاسى چيانچۋانحۋ الاڭىنا، تارباعاتاي ايماعى جاڭا ءداۋىر وركەنيەتىن امالياتتا ايگىلەۋ ورتالىعىنا بارىپ، شەكارا وتكەلىنىڭ ىندەتتەن ساقتانۋ - تىزگىندەۋدى ۇدايىلاندىرۋ، قالا قۇرىلىسى، مادەنيەت، ساياحات كاسىپ سالاسىنىڭ دامۋى سياقتى جاعدايلارعا تەكسەرۋ - زەرتتەۋ جۇرگىزدى.

  تەكسەرۋ - زەرتتەۋ جۇرگىزگەن كەزدە شوكىرات زاكىر قاتىستى قىزمەت مالىمەتتەرىن تىڭدادى ءارى اڭگىمە ءماجىلىسىن اشتى. ول بىلاي دەپ باسا دارىپتەدى: مەملەكەتتىك كەڭەس شينجياڭ تارباعاتاي ءتۇيىندى اشىق ۇستاۋ، ەسىك اشۋ سىناق رايونىن قۇرۋدى بەكىتىپ، تارباعاتاي ايماعىن، اۋەلى، تۇتاس شينجياڭدى ەسىك اشۋدىڭ، دامۋدىڭ تابىلمايتىن ورايىنا يە ەتتى. اۆتونوميالى رايونداعى قاتىستى جاقتار بارىنشا قولداۋ كورسەتىپ، ءبىر نيەتپەن سەلبەسىپ، سىناق رايونىن جىبەك جولى ەكونوميكالىق بەلدەۋىندەگى ءتۇيىندى تىرەك، ورتا ازياداعى ەلدەرمەن سەلبەستىكتى تەرەڭدەتۋدەگى ماڭىزدى تۇعىر، جاعالاۋداعى وڭىرلەردىڭ ەكونوميكالىق دامۋىنىڭ تىڭ ارتۋ ۇيەگى، شەكارانى جانە مەملەكەت تەرريتوريا حاۋىپسىزدىگىن قورعاۋدىڭ ماڭىزدى قالتقىسى ەتىپ قۇرىپ شىعۋ كەرەك. تارباعاتاي ايماعى تۇلعالىق رولىن ساۋلەلەندىرىپ، نىسان قۇرىلىسىن جەدەل ىلگەرىلەتىپ، مەملەكەتتىڭ ءتۇرلى قولداۋ ساياساتتارىن ويداعىداي اقىلداسىپ، ويداعىداي تياناقتاندىرىپ، تۇزىلىستە، مەحانيزمدە جاڭالىق اشۋدى كۇشەيتىپ، ادام، قازىنا، ماتەريالدىڭ تارباعاتايعا توپتالۋىن اناعۇرلىم جاقسى باۋراپ، اشىق ۇستاۋدىڭ، ەسىك اشۋدىڭ ومىرشەڭدىك كۇشىن مۇمكىندىكتىڭ بارىنشا شىعارۋ كەرەك.

  شوكىرات زاكىر بىلاي دەپ باسا دارىپتەدى: تارباعاتاي ايماعى ءوز ابزالدىلىعىنان تولىق، جاقسى پايدالانىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك. حالىق تۇرمىسىن قامتاماسىز ەتۋ مەن جاقسارتۋدى كۇشەيتىپ، جۇمىستاندىرۋ، وقۋ - اعارتۋ، ەمدەۋ، تۇرعىن ءۇي سياقتى حالىق تۇرمىسىنا قاتىستى ناقتى ىستەردى جاقسى ىستەپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەپ، كەڭەيتىپ، كەدەيلىكتەن جاپپاي ارىلتۋ مەن اۋىل - قىستاقتى گۇلدەندىرۋدىڭ ءونىمدى ۇشتاسۋىن ىلگەرىلەتۋ كەرەك. دامۋ مەن حاۋىپسىزدىكتى ءبىر تۇتاس جوسپارلاۋعا، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋعا تاباندى بولىپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى سياقتى قىزمەتتەرى مىقتى يگەرۋ كەرەك. ۇلتتار ىنتىماعىن ونان ارى جەبەپ، تۇتاس رايوننىڭ ۇلتتار ىنتىماعىندا، العاباسارلىعىندا وزات ورىن قۇرۋداعى ۇلگىلىك، جەتەكشىلىك رولدى ويداعىداي ساۋلەلەندىرۋ كەرەك.

  شوكىرات زاكىر مىنانى تالاپ ەتتى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى وراي، قوزعاۋشى كۇش ەتىپ، پارتيا تاريحىن ۇيرەنۋ تاربيەسىنىڭ ىشكەرىلەۋىن، ناقتىلانۋىن ۇزدىكسىز ىلگەرىلەتىپ، ورنىقتىلىقتىڭ، دامۋدىڭ جاڭا جاعدايىن ۇزدىكسىز اشۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.