تيانشان تورى   ›   جاڭالىقتار   ›   شينجياڭ حابارلارى

حال سۇراۋ حاتى

  حال سۇراۋ حاتى

  شينجياڭدا تۇراتىن حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى اسكەري بولىمدەرىنىڭ وفيتسەر - اسكەرلەرىنە، حالىق جاساقتارى مەن زاپاستاعىلارعا، بۇكىل رايونداعى قىزىل ارميا ساقا جاۋىنگەرلەرىنە، ارميادان دەمالىسقا، زەينەتكە شىققان كادرلارعا، قۇربانداردىڭ، اسكەريلەردىڭ وتباسىنداعىلارعا، جارالى - مۇگەدەك اسكەريلەرگە، كاسىپ اۋىستىرعان، اسكەردەن بوساعان، قوسىننان قايتقان اسكەريلەرگە:

  جۇڭگو حالىق ازاتتىق ارمياسى قۇرىلعاندىعىنىڭ 94 جىلدىعى ساتىندە، اۆتونوميالى رايوندىق پارتكوم مەن اۆتونوميالى رايوندىق حالىق ۇكىمەتى بۇكىل رايونداعى ءار ۇلت حالقى اتىنان سىزدەرگە مەرەكەلىك قۇتتىقتاۋ جولدايدى جانە سىزدەردەن شىن ىقىلاسپەن حال سۇرايدى!

  94 جىلدان بەرى جۇڭگو حالىق ازاتتىق ارمياسى جۇڭگو كوممۋنيستىك پارتياسىنىڭ پارمەندى باسشىلىعىندا، سوعىس ءورتىن باستان كەشىرە وتىرىپ، جول بويى بوگەتتەردى بۇزىپ، توسقاۋىلداردى تالقانداپ، جەر توڭكەرىسى سوعىسىنىڭ، جاپون شاپقىنشىلارىنا قارسى تۇرۋ سوعىسىنىڭ، ازاتتىق سوعىسىنىڭ ۇلى جەڭىسىن قولعا كەلتىرۋ، وتاننىڭ حاۋىپسىزدىگى مەن حالىقتىڭ بەيبىت تۇرمىسىن قورعاۋ، رەفورما، دامۋ، ورنىقتىلىق كەلەلى جاعدايعا قىزمەت وتەۋ، قامتاماسىز ەتۋ ءۇشىن، وراسان زور قۇرباندىق بەرىپ، وشپەس ەڭبەك ءسىڭىردى. تاريح حالىق ارميامىزدىڭ ايتسا ايتقانداي پارتيانىڭ قولباسشىلىعىنا قۇلاق اساتىن قاھارمان ارميا ەكەندىگىن، ايتسا ايتقانداي ادالدىقپەن وتاننىڭ ءۇمىتىن اقتايتىن قاھارمان ارميا ەكەندىگىن، ايتسا ايتقانداي جۇڭحۋا ۇلتىنىڭ ۇلى گۇلدەنۋى ءۇشىن ەرلىكپەن كۇرەسەتىن قاھارمان ارميا ەكەندىگىن تولىق دالەلدەدى.

  پارتيا 18 - قۇرىلتايىنان بەرى شينجياڭدا تۇراتىن اسكەري بولىمدەر شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن جالپى بەتتىك دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ارميانى ساياسي جاقتان قۇرۋعا، ارميانى رەفورما ارقىلى قۇدىرەتتەندىرۋگە، ارميانى عىلىم - تەحنيكا ارقىلى قۇدىرەتتەندىرۋگە، ارميانى دارىندىلار ارقىلى قۇدىرەتتەندىرۋگە، ارميانى زاڭمەن جونگە سالۋعا تاباندى بولىپ، مەملەكەت قورعانىسى مەن ارميا رەفورماسىنىڭ ستراتەگيالىق ورايىن مىقتاپ ۇستاپ، اسكەر جاتتىقتىرىپ، سوعىسقا دايىندالۋ قىزمەتىن جان - جاقتى كۇشەيتىپ، ءتۇرلى كۇردەلى جاعدايلاردى دەر كەزىندە ءونىمدى ءبىر جاقتى ەتىپ، كوپ تۇرلىلەنگەن اسكەري ىستەر مىندەتتەرىن تابىستى ورىنداپ، جاڭا داۋىردەگى ارميانى قۇدىرەتتەندىرۋ ىستەرىن ۇزدىكسىز العا ىلگەرىلەتتى. قالىڭ وفيتسەر - اسكەرلەر تۇرعان جەرلەرىن اتا مەكەندەرىندەي كورىپ، ءار ۇلت بۇقاراسىمەن كوڭىل توعىستىرىپ، تيانشان الابىنا سۇيىسپەنشىلىك ورناتىپ، اۆتونوميالى رايوننىڭ ەكونوميكالىق، قوعامدىق قۇرىلىستارىنا بەلسەندىلىكپەن ات سالىستى جانە وعان قولداۋ كورسەتتى، اسىرەسە، ىندەتتەن ساقتانۋ - تىزگىندەۋدە، قاتەردەن اراشالاپ، اپاتتان قۇتقارۋدا، كەدەيلەردى سۇيەمەلدەپ، قيىنشىلىقتا قالعاندارعا كومەكتەسۋدە، قوعامنىڭ ورنىقتىلىن قورعاۋدا ادىلەت جولىندا ەشتەڭەدەن تايىنبايتىن، ءوز باسىمەن ساناسپايتىن ءىس جۇزىندىك ارەكەتتەرىمەن جاڭا داۋىردەگى ارميا - ۇكىمەت، ارميا - حالىق ىنتىماعىنىڭ جاڭا تاراۋىن جازدى. بۇكىل رايونداعى قىزىل ارميا ساقا جاۋىنگەرلەرى، ارميادان دەمالىسقا، زەينەتكە شىققان كادرلار، قۇربانداردىڭ، اسكەريلەردىڭ وتباسىنداعىلار، جارالى - مۇگەدەك اسكەريلەر جانە كاسىپ اۋىستىرعان، اسكەردەن بوساعان، قوسىننان قايتقان اسكەريلەر اسكەري قاسيەتىن ساقتاپ، قۇربان بەرۋگە، ءوزىن ارناۋعا پەيىل بولىپ، تۇرلىشە سالالاردا، تۇرلىشە شەپتەردە، تۇرلىشە قىزمەت ورىندارىندا ساۋلە شاشىپ، رول اتقارىپ، ەڭبەك ءسىڭىرىپ، ۇلەس قوستى. وسى ارادا سىزدەرگە شىنايى العىس ايتامىز جانە وسكەلەڭ قۇرمەت بىلدىرەمىز!

  كەزەكتە بۇكىل رايون جوعارى - تومەن بولىپ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى قىزمەتتەرىن تىڭعىلىقتى جاقسى ىستەپ، ەكونوميكانىڭ جوعارى ساپالى دامۋىن ىلگەرىلەتۋدە. ءبىز مەملەكەت قورعانىسى مەن ارميانى وسىزامانداندىرۋ قۇرىلىسىن ءباز - باياعىداي باتىل قولداپ، جالپى حالىقتىق مەملەكەت قورعانىسى تاربيەسىن ۇزدىكسىز تەرەڭدەتىپ، ارميانى قولداۋ جانە اسكەريلەر وتباسىنا قامقورلىق جاساۋ قىزمەتىن بار كۇشپەن جاقسى ىستەپ، قوسىننان بوساعان اسكەريلەرگە قىزمەت وتەۋ قامتاماسىزدىق جۇيەسىن ۇزدىكسىز كەمەلدەندىرىپ، ارمياعا كوڭىل بولەتىن، اسكەريلەردى ارداقتايتىن قويۋ رايدى كۇش سالا قالىپتاستىرىپ، ارميا - ۇكىمەت، ارميا - حالىق ىنتىماعىنىڭ تاماشا جاعدايىن ۇزدىكسىز بەكەمدەيمىز جانە دامىتامىز.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قامال الىپ، قيىندىقتاردى جەڭىپ، ۇزدىكسىز كۇرەس جۇرگىزىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا اناعۇرلىم زور ۇلەستەر قوسايىق!

  جولداستاردىڭ مەرەكەلەرىنىڭ مەرەيلى، دەنساۋلىقتارىنىڭ مىقتى، قىزمەتتەرىنىڭ ءساتتى، وتباسىلارىنىڭ باقىتتى بولۋىن تىلەيمىز!

  جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى

  شينجياڭ ۇيعۇر اۆتونوميالى رايوندىق حالىق ۇكىمەتى

  2021 - جىلى 7 - ايدىڭ 31 - كۇنى

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.