رايونىمىزدىڭ جەر - جەرى ”1 - تامىز“ ارميا قۇرىلۋ مەرەكەسى بايلانىسىمەن باي مازمۇندى، الۋان ءتۇرلى حال سۇراۋ قيمىلىن وتكىزدى −
تيانشان الابىندا ارميا مەن حالىقتىڭ ءبىرءۇيلى جانداي ەتەنە بەرەكەسى تىلگە تيەك بولدى
□ انار بۇلت / شينجياڭ گازەتىنىڭ تىلشىلەرى
8 - ايدىڭ 1 - كۇنى رايونىمىزدىڭ جەر - جەرى پارتيا تاريحىن ۇيرەنۋ تاربيەسىمەن بىرلەستىرە وتىرىپ، ”1 - تامىز“ ارميا قۇرىلۋ مەرەكەسى بايلانىسىمەن باي مازمۇندى، الۋان ءتۇرلى حال سۇراۋ قيمىلىن وتكىزىپ، ارميا مەن حالىقتىڭ بالىق پەن سۋداي تەرەڭ سۇيىسپەنشىلىگىن ونان ارى تەرەڭدەتىپ، حالىق ارميانى قولدايتىن، ارميا حالىقتى سۇيەتىن داڭقتى ءداستۇردى بەكەمدەپ جانە اسقاقتاتىپ، ارميا مەن حالىقتىڭ ءبىر ءۇيلى جانداي بەرەكەلى قويۋ بەينەسىن قالىپتاستىردى.
8 - ايدىڭ 1 - كۇنى تاڭ سارىدە شاپشال سىبە اۆتونوميالى اۋدانى شاپشال قالاشىعى فاليچۇن الەۋمەتتىك اۋماعىندا امەريكا جيھانگەرلىگىنە قارسى تۇرىپ، چاۋشيانعا كومەك بەرگەن 87 جاستاعى ساقا جاۋىنگەر حۋ دايميڭ وتباسى ءبىر توپ ەرەكشە ”تۋىستارىن“ − شاپشال سىبە اۆتونوميالى اۋدانى شيليماما قوعامدىق قىزمەت وتەۋ ورتالىعى پارتيا ياچەيكاسىنىڭ شۋجيى تان جىنليان مەن پارتيالى ەرىكتى قىزمەت وتەۋشىلەردى قارسى الدى.
تان جىنليان مەرەكە بايلانىسىمەن امانداسىپ، باقىت تىلەۋمەن بىرگە، حۋ دايميڭنىڭ دەنساۋلىق جاعدايى مەن تۇرمىس جاعدايىن ەگجەي - تەگجەيلى ۇعىستى، كوپشىلىك قورالانا وتىرىپ، حۋ دايميڭنىڭ داڭقتى جىلدار جونىندەگى حيكاياسىن دەن قويا تىڭدادى.
8 - ايدىڭ 1 - كۇنى تاڭ سارىدە شينجياڭ اسكەري رايونى التاي اسكەري بولىمشە رايونى اققابا شەكارا قورعانىس ليانىندەگى وفيتسەر - جاۋىنگەرلەر مەن سول جەردەگى مالشىلار بىرگە مەملەكەت تۋىن شىعاردى. الاڭداعى ادامدار قاز - قاتار ءتىزىلىپ، جىگەرلى رۋحپەن بىرتىندەي كوتەرىلگەن بەس جۇلدىزدى قىزىل تۋدان كوز الماي قاراپ، ۇلى وتانعا وسكەلەڭ قۇرمەت ءبىلدىردى جانە مول باقىت تىلەدى.
”كوپ جىلداردان بەرى جەرگىلىكتى ۇكىمەت پەن ءار ۇلت بۇقاراسىنىڭ بىزگە دەگەن قامقورلىعى مەن كومەگىنە العىس ايتامىز. شەكارا قورعاۋشى اسكەر رەتىندە، جاڭا داۋىردەگى ارميانى قۇدىرەتتەندىرۋ ساپارىندا ءبىز، ءسوز جوق، ءتىپتى دە اسقاق رۋحاني كۇيمەن، وتاننىڭ بەيبىتشىلىگىن، تىنىشتىعىن قورعاۋ ءۇشىن بارلىق كۇش - قۋاتىمىزدى ارنايمىز“، - دەدى اققابا شەكارا قورعانىس لياننىڭ باستىعى جىڭ حايپىڭ.
8 - ايدىڭ 1 - كۇنى شايار اۋداندىق قوسىننان بوساعان اسكەريلەر ىستەرى مەكەمەسى پارتيالى كادرلاردى ساقا جاۋىنگەر چىن شيجيدىڭ وتباسىنا بارۋعا ۇيىمداستىرىپ، قارت قاھارمانعا امانداسىپ، حال سۇراپ، چىن شيجيدىڭ توڭكەرىس جونىندەگى حيكايالارىن دەن قويا تىڭدادى. چىن شيجي 1951 - جىلى ارمياعا قاتىناسقان، شايقاس بارىسىندا زەڭبىرەك وعىنىڭ قۇرساۋىنا قاراماي، ءۇرتىس 6 رەت تەلەفون سىمىن جالعاپ، بايلانىستىڭ ۇزىلمەۋىنە كەپىلدىك ەتكەن.
شايار اۋداندىق قوسىننان بوساعان اسكەريلەرگە قىزمەت وتەۋ ورتالىعىنىڭ مەڭگەرۋشىسى ما شاڭشين: ”بۇل جۇرەككە جەتەتىن پارتيا ساباعى، ونان دا ماڭىزدىسى، ءبىر رەتكى رۋحاني سىن، ءبىز، ءسوز جوق، ءتۇرلى قىزمەت وتەۋلەردى دەن قويا، سۇيىسپەنشىلىكپەن ويداعىداي ىستەۋىمىز كەرەك“، - دەدى.
8 - ايدىڭ 1 - كۇنى تۇستەن بۇرىن شينجياڭ مۇناي الابى سەرىكتەستىگى باۋلۋ ورتالىعىنىڭ 30 وقۋشىسى ”مەملەكەت قورعانىس ءبانى“ دەپ اتالعان قارامايلى فىڭچىڭ مۇنايلىعى جۇمىس رايونى مۇناي الۋ 2 - پۋنكتى 4 - بانىنە كەلىپ ەكسكۋرسيالادى، ۇيرەندى.
4 - ءباننىڭ ءبانجاڭى لي رۇڭحۇي قوسىننان بوساعان 22 اسكەريدى باستاپ، ءباندى ”مەملەكەت قورعانىس ءبانى“ ەتىپ تۇلعالادى، ولار ”قوسىننان بوساسا دا قاسيەتىن جويماۋ“ رۋحىن ۇستانىپ، قىزمەت ورنىن تياناق ەتىپ، پارتيا مۇشەلەرىنىڭ اۆانگارد، باستاماشىلدىق رولىن ساۋلەلەندىردى، سونداي - اق الەۋمەتتىك يگىلىك قيمىلىنا بەلسەندى ات سالىسىپ، 5 جىلدان بەرى جالپى 56 مىڭ يۋان جىلۋ جيناپ، قيىنشىلىعى بار وقۋشىلارعا، زەيىن كەمىستىگى بار بالالارعا جانە قارتتار ۇيىندەگى قارتتارعا كومەكتەستى، قارجىلاي دەم بەردى.
(ءتىلشى شيا چيڭ، قاتىناسقان تىلشىلەر گى يوۋجۇن، جاڭ تيڭ، سۇڭ ۋيگو، ىلە تىلشىلەر پۋنكتىنەن شى شۋەحۇڭ، قارامايلى تىلشىلەر پۋنكتىنەن تيان حۋايىڭ، اقسۋ تىلشىلەر پۋنكتىنەن جاڭ لۋ، قۇمىل تىلشىلەر پۋنكتىنەن يە سۇي، ەرىكتى تىلشىلەر چىن جيڭ، لي شيۋفىڭ، جاۋ يىڭحاۋ)
