□ انار بۇلت / شينجياڭ گازەتىنىڭ ءتىلشىسى ليۋ مىڭمىڭ، ەرىكتى ءتىلشى ۋاڭرۇڭ جاۋشي
ۋاقىت تۋنەلى گۋاڭچين ءتىل تاقتاشاسىن ساۋساقپەن اقىرىن باسساڭىز، تامىلجىعان اۋەن شىعادى؛ قوس قولىڭىزبەن تۇرتپەلى ەكراندى باسساڭىز، الدىڭىزداعى ادام دەنەسى ارقىلى ەلەكتر وتكىزۋ شىراعى دەرەۋ جانادى... 7 - ايدىڭ 20 - كۇنى حوشۇت اۋدانى تەۋىلعا قالاشىعى تۋانجيە الەۋمەتتىك اۋماعىنىڭ عىلىم جالپىلاستىرۋ سارايىنىڭ ءتۇسىندىرۋشىسىنىڭ باستاۋىندا، تاڭ - تاماشا بولعان 20 نەشە بالا جاۋدىراي قاراپ، عىلىم - تەحنيكا بىلىمدەرىن قابىلداۋدا.
بۇل عىلىم جالپىلاستىرۋ سارايىنا كوپتەگەن عىلىم - تەحنيكا جابدىقتارى رەتتى قويىلعان، عىلىم جالپىلاستىرۋ مازمۇنى اۋىل شارۋاشىلىعى ءىلىمى، فيزيكا ءىلىمى، جاراتىلىستىق ءىلىم، استرونوميا سياقتى سالالاردى قامتيدى.
”بيىل 4 - ايدا عىلىم جالپىلاستىرۋ سارايى بۇقاراعا اشىق ۇستالدى. كورمە زالى ’عىلىم ارقىلى تۇرمىسقا وزگەرىس جاساۋدى‘ نەگىزگى تاقىرىپ ەتكەن، كورمە تۋىندىلارى جاكوبو عارىش ساتىسى، ادام دەنەسى ارقىلى ەلەكتر وتكىزۋ، گۋاڭچين، قار دىبىس تولقىنى، ۋاقىت تۋنەلى، مۋزيكالى اتقىلاما بۇلاق، جالتىراۋىق دوپ سياقتىلاردى قامتىپ، جارىق ءىلىمىن، بيولوگيا ءىلىمىن، بەيرەيال سياقتى قاعيدالار مەن توتەنشە جاعدايعا توتەپ بەرۋ، قاتەردەن ساقتانۋدىڭ عىلىم جالپىلاستىرۋ بىلىمدەرىن جاندى دا تىكە كورسەتتى“، - دەدى عىلىم جالپىلاستىرۋ ءتۇسىندىرۋشىسى ۋاڭ شياۋشۋە، عىلىم جالپىلاستىرۋ سارايىن ارناۋلى باسقاراتىن ادام بار، ءار اپتانىڭ دۇيسەنبى كۇنىنەن جەكسەنبى كۇنىنە دەيىن تۇتاس كۇن تولىق اشىلادى. عىلىم جالپىلاستىرۋدى سەزىندىرۋدەن ءتىس، عىلىم جالپىلاستىرۋ سارايى تاربيەلەۋ كۋرسى نەمەسە قيمىل شاعىن گرۋپپاسى سياقتى تاسىلدەر ارقىلى الەۋمەتتىك اۋماقتاعى تۇرعىندارعا قىسقا مەرزىمدىك تاربيەلەۋ، عىلىم جالپىلاستىرۋ لەكسياسى سياقتىلاردى ورىستەتەدى.
توپىراقتى ولشەپ ۇيلەسىمدى تىڭايتقىش بەرۋ سيفرلانعان تۇرتپەلى ەكرانى الدىندا، تۇرعىن شاۋ يۇيباۋ ازاماتتىق كۋالىگىن پارىقتاۋ ورنىنا قويىپ، ىلە - شالا تۇرتپەلى ەكراندى اقىرىن باسقان ەدى، ءوز جەرىنىڭ ازوت فوسفور كاليلى تىڭايتقىشىنان پايدالانۋ جاعدايى دەرەۋ اپ - انىق شىعا كەلدى. ”جۋىقتا اتىزداعى قىزىل بۇرىش قالامشاسىنىڭ ءسال سارعايعانىن كورىپ، اۋدانداعى اۋىل شارۋاشىلىق تەحنيكتەرىنەن كەڭەس سۇرادىم، ول ماعان اتىزدان توپىراق ۇلگىسىن اكەلىپ تىزىمدەتىپ، توپىراقتىڭ ەلەمەنت قۇرامىن ولشەت دەپ كەڭەس بەردى“، - دەدى شاۋ يۇيباۋ، بىرنەشە رەت باسىپ ءوز اتىزىمىزعا قانداي تىڭايتقىش بەرۋ، قالاي بەرۋ كەرەك ەكەندىگىن كورە الاتىنىمدى ويلاماپپىن، سارالانعان ساندى مالىمەتكە نەگىزدەلە وتىرىپ اۋىل شارۋاشىلىعى تەحنيكتەرىنەن تاعى دا كەڭەس الىپ، قيىنشىلىقتى تەز ارادا شەشتىك.
”عىلىم جالپىلاستىرۋ سارايى ءۇيىمىزدىڭ جانىندا بولىپ، ءبىزدىڭ اۋىل شارۋاشىلىعى داقىلدارىنا تىڭايتقىش تاڭداۋ، تىڭايتقىش بەرۋىمىزگە قولايلىلىق جاسادى“، - دەدى شاۋ يۇيباۋ، عىلىم جالپىلاستىرۋ سارايىندا تاعى كوپتەگەن اۋىل شارۋاشىلىعى عىلىم جالپىلاستىرۋ ماتەريالدارى مەن كەسكىندەرى بار، ءۇيىمىزدىڭ جانىندا ءجۇرىپ - اق اۋىل شارۋاشىلىعى عىلىم - تەحنيكا بىلىمدەرىن ۇيرەنە الامىز.
”بۇل اراداعى عىلىم - تەحنيكا جابدىقتارى تۇگەلدەي عاجايىپ، مىسالى ۋاقىت تۋنەلى گۋاڭچين، قۇلتەمىر سياقتىلاردى مەن بۇرىن كورمەپپىن“، - دەدى حوشۇت اۋداندىق 1 - ورتا مەكتەپتىڭ وقۋشىسى حۋ زىچي كوزىمەن كورگەن سوڭ.
حوشۇت اۋداندىق عىلىم - تەحنيكا قوعامى پارتيا باسشىلىق گرۋپپاسىنىڭ ورىنباسار شۋجيى، ءتوراعاسى ليۋ چۇنگۋاڭ بىلاي دەپ تانىستىردى، قازىر حوشۇت اۋدانى 10 اۋىل - قىستاق عىلىم جالپىلاستىرۋ سارايىن سالدى، 8 - ايدىڭ باسىندا جاپپاي اشامىز. سونىمەن بىرگە، جوسپارداعى جەر كولەمى 1500 شارشى مەترلىك حوشۇت اۋداندىق عىلىم - تەحنيكا سارايى بيىل 9 - ايدا قۇرىلىس باستايدى.
