انار بۇلت / شينجياڭ گازەتىنىڭ ءتىلشىسى لي ياڭ 8 - ايدىڭ 2 - كۇنى ۇرىمجىدەن حابارلايدى. 8 - ايدىڭ 2 - كۇنى تۇستەن كەيىن اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 131 - رەتكى ۇنەمىلىك ىستەر ءماجىلىسىن باسقارىپ اشىپ، اۆتونوميالى رايوننىڭ ازىقتىق اۋىل شارۋاشىلىق ونىمدەرى بويىنشا ”تيىم سالىنعان اۋىل شارۋاشىلىق دارىلەرىن ىستەتۋدى جونگە سالۋ، اۋىل شارۋاشىلىق دارىلەرى، حايۋانات دارىلەرى قالدىقتارىنىڭ ولشەمنەن اسۋىن تىزگىندەۋ، اۋىل شارۋاشىلىق ونىمدەرىنىڭ ساپاسىن جوعارىلاتۋدى جەبەۋ“ 3 جىلدىق قيمىلىن ورىستەتۋ سياقتى قاتىستى قىزمەتتەردى اقىلداستى.
ءماجىلىس مىنالاردى اتاپ كورسەتتى: ازىقتىق اۋىل شارۋاشىلىق ونىمدەرىنىڭ ساپا حاۋىپسىزدىگى − حالىق تۇرمىسىنا قاتىستى كەلەلى ماسەلە. تيىم سالىنعان، شەكتەلگەن ءدارى - دارمەكتەردەن زاڭعا قايشى پايدالانۋ، جاي اۋىل شارۋاشىلىق دارىلەرىنىڭ، حايۋانات دارىلەرىنىڭ قالدىعى ولشەمنەن اسىپ كەتۋ سياقتى ماسەلەلەردى شىن مانىندە شەشۋ ءۇشىن، رايونىمىز ازىقتىق اۋىل شارۋاشىلىق ونىمدەرى بويىنشا ”تيىم سالىنعان اۋىل شارۋاشىلىق دارىلەرىن ىستەتۋدى جونگە سالۋ، اۋىل شارۋاشىلىق دارىلەرى، حايۋانات دارىلەرى قالدىقتارىنىڭ ولشەمنەن اسۋىن تىزگىندەۋ، اۋىل شارۋاشىلىق ونىمدەرىنىڭ ساپاسىن جوعارىلاتۋدى جەبەۋ“ 3 جىلدىق قيمىلىن ورىستەتىپ، جاسىل ساقتانۋ - تىزگىندەۋ تەحنيكاسىنان جاپپاي پايدالانۋدى جەبەپ، اۋىل شارۋاشىلىق دارىلەرى مەن مال دارىلەرىنەن اناعۇرلىم عىلمي، ۇيلەسىمدى پايدالانۋعا مۇمكىندىك جاسايدى.
ءماجىلىس مىنالاردى اتاپ كورسەتتى: اۋىل شارۋاشىلىق دارىلەرىن وندىرۋگە، تيجارات ەتۋگە رۇقسات ەتۋدى ءبىتىرۋ ءتارتىبىن ونان ارى كەمەلدەندىرىپ، اۆتونوميالى رايوننىڭ اۋىل شارۋاشىلىق دارىلەرىنەن پايدالانۋعا شەك قويۋ ىستەرىن باسقارۋ تەكشەسىن بەلسەنە قۇرىپ، مال دارىلەرىن ەكى ولشەمدى كود بويىنشا تەگىن تەكتەۋ، باسقارۋ ءتۇزىمىن ورناتىپ، كەمەلدەندىرىپ، ينتەرنەتتە ەستەلىككە الىپ باسقارۋدى كۇشەيتۋ كەرەك. اۋدان دارەجەلىدەن جوعارى اۋىل شارۋاشىلىعى، اۋىل - قىستاق تاراۋلارىنىڭ كولەمدى وندىرىسپەن اينالىساتىن تۇلعالاردى باقىلاپ - باسقارۋ تىزىمدىگىن ورناتۋىن جەبەپ، اۋىل شارۋاشىلىق ونىمدەرىنىڭ ساپا حاۋىپسىزدىگىن شاپشاڭ تەكسەرۋ قىزمەتىن ويداعىداي ورىستەتىپ، اۆتونوميالى رايوننىڭ اۋىل شارۋاشىلىق ونىمدەرىنىڭ ساپا حاۋىپسىزدىگى بويىنشا تەگىن تەكتەۋ تەكشەسى، ەلەكتروندى تولىمدىلىق كۋالىگى سياقتى وسى زامانعى ينفورماتسيا، تەحنيكا جەتىستىكتەرىنەن پايدالانىپ، اۋىل شارۋاشىلىق ونىمدەرىنىڭ ساپا حاۋىپسىزدىگىن باقىلاۋ - باسقارۋ قىزمەتىنىڭ جەلىلەنۋىن، سيفرلانۋىن بىرتىندەپ ىلگەرىلەتۋ كەرەك. ەگىمشىلىك، باعىمشىلىق تاسىلىنە بۇرىلىس جاساپ، جالعان اۋىل شارۋاشىلىق دارىلەرىنە سوققى بەرۋ ارناۋلى قيمىلىن ورىستەتىپ، تيىم سالىنعان دارىلەردى پايدالانۋعا تيىم سالۋ، شەكتەۋ جونىندەگى بىلىمدەردى ۇگىتتەۋدى كۇشەيتۋ كەرەك. رايون، قالا، اۋدان، اۋىل ءتورت دارەجەلى باقىلاۋ - تەكسەرۋ تورابىنىڭ رولىن ساۋلەلەندىرىپ، ءتۇيىندى اۋىل شارۋاشىلىق ونىمدەرىن ۇلگى الىپ تەكسەرۋ رەت سانىن ارتتىرىپ، سۋ ونىمدەرى ساپاسىنىڭ حاۋىپسىزدىگىن باقىلاۋ - باسقارۋدى كۇشەيتىپ، تيىم سالىنعان، شەك قويىلعان دارىلەردەن پايدالانۋ سياقتى زاڭعا، بەلگىلەمەگە قايشى ارەكەتتەرگە قاتاڭ سوققى بەرۋ كەرەك. بازارعا كىرۋگە رۇقسات ەتۋدى باسقارۋدى قاتايتىپ، ازىق - تۇلىك ءوندىرۋ، اس - سۋ قىزمەت وتەۋ بۋىندارىن باسقارۋدى قاتايتىپ، ازىق - تۇلىك ءوندىرۋشىنىڭ تۇلعالىق جاۋاپكەرشىلىكتى تياناقتاندىرۋىنا قۋزاۋ سالۋ كەرەك. تۇتاس رايونىمىزداعى قوعام حاۋىپسىزدىگى ورگاندارىندا ءتۇرلى ارناۋلى قيمىل ورىستەتىپ، زاڭسىز مۇددە تىزبەگىن باتىل ءۇزۋ كەرەك. بىرلەسىپ قيمىلداۋ مەحانيزمى مەن كەڭەسۋ مەحانيزمىن ورناتىپ، اقاۋسىزداندىرىپ، قوعام بىرگە جونگە سالۋدى كۇشەيتىپ، قوعامدىق كۇشتەردى اۋىل شارۋاشىلىق دارىلەرى مەن حايۋانات دارىلەرى قالدىق ماسەلەسىن جونگە سالۋعا بەلسەنە ات سالىسۋىنا جەتەكشىلىك ەتۋ كەرەك.
ءماجىلىس باسقا دا ىستەردى اقىلداستى.
