حالىق گازەتى اۆتورلى ماقالا جاريالايدى
«ءبىرىنشى قادامدى ويداعىداي باسىپ، جاڭا بەينە كورسەتەيىك − باس شۋجي شي جينپيڭنىڭ ”14 - بەسجىلدىقتا“جاقسى باستاما اشۋ، جاقسى قادام تاستاۋ جونىندەگى ماڭىزدى بايىمداۋلارى تۋرالى جالپى شولۋ»
شينحۋا اگەنتتىگىنىڭ 8 - ايدىڭ 2 - كۇنى بەيجيڭنەن بەرگەن حابارى. حالىق گازەتى 8 - ايدىڭ 3 - كۇنى «ءبىرىنشى قادامدى ويداعىداي باسىپ، جاڭا بەينە كورسەتەيىك − باس شۋجي شي جينپيڭنىڭ ”14 - بەسجىلدىقتا“ جاقسى باستاما اشۋ، جاقسى قادام تاستاۋ جونىندەگى ماڭىزدى بايىمداۋلارى تۋرالى جالپى شولۋ» تاقىرىبىندا اۆتورلى ماقالا جاريالايدى.
”وتكەن 100 جىلدا جۇڭگو كوممۋنيستىك پارتياسى حالىققا، تاريحقا ۇزدىك جاۋاپناما تاپسىردى. قازىر جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا تاعى قادام تاستادى“. بيىل 7 - ايدىڭ 1 - كۇنى باس شۋجي شي جينپيڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا وسىلاي دەپ اتاپ كورسەتتى.
”بەيجيڭگە كىرىپ ەمتيحان تاپسىرۋ“ − 72 جىلدىڭ الدىندا پارتيا ورتالىق كوميتەتى شيبايپودان كەتكەن كەزدە، ماۋ زىدۇڭ جولداس ايبىندى تۇردە وسىلاي دەپ جاريالاعان ەدى.
”’ەمتيحان تاپسىرۋ‘ ءالى اياقتاعان جوق“ − پارتيا 18 - قۇرىلتايىنان بەرى، باس شۋجي شي جينپيڭ وسىنى تالاي رەت باسا دارىپتەدى.
ماقالادا بىلاي دەلىندى: 2020 - جىلى 10 - ايدىڭ 29 - كۇنى پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىساناسىن جاساۋ جونىندەگى ۇسىنىسىن» قاراپ ماقۇلدادى. بيىل 3 - ايدىڭ 11 - كۇنى 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى حالىق شارۋاشىلىعى مەن قوعامدىق دامۋدىڭ ”14 - بەسجىلدىق“ جوباسى جانە 2035 - جىلعا دەيىنگى بولاشاقتىق نىسانا باعدارلاماسى جونىندەگى قاۋلىنى داۋىسقا سالىپ ماقۇلداپ، وسى جوبا باعدارلاماسىن بەكىتۋدى ۇيعاردى.
ماقالادا بىلاي دەپ اتاپ كورسەتىلدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيانىڭ، بۇكىل ەلدەگى ءار ۇلت حالقىنىڭ ۇزدىكسىز كۇرەس جۇرگىزۋى ارقىلى ءبىز ءبىرىنشى 100 جىلدىق كۇرەس نىساناسىن جۇزەگە اسىردىق، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرىپ شىعىپ، مۇلدەم كەدەيلىك ماسەلەسىن تاريحي سيپاتتى شەشىپ، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قاراي تاسقىنداعان جىگەرمەن قادام تاستاپ كەلەمىز.
باستاما اشۋ جالپى جاعدايعا قاتىستى، قادام باسۋ سوڭعى تەبىندى بەلگىلەيدى. ”جاڭا ەمتيحان تاپسىرۋ جولىن“ ويداعىداي باسۋدا العاشقى قادام اسا ماڭىزدى.
باس شۋجي شي جينپيڭ بىلاي دەپ اتاپ كورسەتتى: ”بيىلعى ەكونوميكالىق، قوعامدىق دامۋ قىزمەتىن ويداعىداي ىستەۋ، ’14 - بەسجىلدىق‘ مەزگىلدەگى ەلىمىز دامۋىنىڭ العاشقى قادامىن ءساتتى باسۋ ايرىقشا ماڭىزدى. العاشقى قادامدى ءدال، نىق باسۋ، جاڭا بەينە جارىققا شىعارۋ، جاڭا ناتيجە شىعارۋ كەرەك“.
تالاي رەتكى ماڭىزدى ءماجىلىس، تالاي رەتكى تەكسەرۋ - زەرتتەۋ جۇرگىزۋدە ”14 - بەسجىلدىقتا“ جاقسى باستاما اشۋدى، جاقسى قادام تاستاۋدى ارقاۋ ەتە وتىرىپ، باس شۋجي شي جينپيڭ ءبىر قىدىرۋ ماڭىزدى ءسوز سويلەپ، ءبىر قىدىرۋ ماڭىزدى نۇسقاۋلار بەرىپ، ”جۇڭگو“ اتتى الىپ كەمەنىڭ تولقىن جارا ىلگەرىلەپ، بايىپتىلىقپەن الىسقا تارتۋىنا جەتەكشىلىك ەتتى.
ماقالادا بىلاي دەلىندى: بيىل ءبىرىنشى ماۋسىمدا ەل ءىشى ءوندىرىسىنىڭ جالپى ءونىم قۇنى سايكەس مەزگىلدەگىدەن ％18.3 ارتتى، 2 - ماۋسىمدا سايكەس مەزگىلدەگىدەن سالىستىرعاندا ％7.9 ارتتى، الدىڭعى جارتى جىلدا سايكەس مەزگىلدەگىدەن ％12.7 ارتتى، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋدىڭ جەتىستىگى ۇزدىكسىز كەڭەيىپ، بەكەمدەلىپ، ەكونوميكالىق اينالىم ۇزدىكسىز ورنىقتى قالپىنا كەلىپ، جۇڭگو ەكونوميكاسى ورنىقتىلىق بارىسىندا بەكەمدەلىپ، ورنىقتىلىق بارىسىندا جاقسارۋعا بەت الىپ، ”14 - بەسجىلدىقتا“ تياناقتى باستاما اشتى!
ماقالا 4 بولىككە بولىنگەن: جاڭا دامۋ كەزەڭىنە وتۋدە ەل ءىشى - سىرتىنداعى ورتانىڭ تەرەڭ وزگەرىسى ءبىرسىپىرا جاڭا ورايلار جاراتىپ قانا قويماي، ءبىرتالاي جاڭا سىن - سايىستار دا الا كەلدى، داعدارىس بارىسىندا جاڭا وراي جەتىلدىرۋگە، وزگەرىس بارىسىندا جاڭا جاعداي اشۋعا شەبەر بولۋ؛ جاڭا دامۋ ۇستانىمى ءبىر تۇتاس تۇلعا، ءسوز جوق، تولىق مەڭگەرىپ، دالمە - ءدال ءتۇسىنىپ، جاپپاي تياناقتاندىرىپ، جاڭا دامۋ ۇستانىمىن ەكونوميكالىق، قوعامدىق دامۋدىڭ تۇتاس بارىسىندا جانە ءارقايسى سالاسىندا دايەكتىلەندىرۋ؛ اناعۇرلىم بەرىك يدەيالىق سانالىلىق، ءدال دە ناقتى شارا، شىنايى يگەرىپ، ناقتى ىستەيتىن ارىن ارقىلى جاڭا دامۋ ارناسىن قالىپتاستىرۋدى ىلگەرىلەتۋدە تىڭعىلىقتى ناتيجەلەرگە قول جەتكىزۋ؛ ”مەملەكەتتىڭ زور ىستەرىن“ كوكەيدە ساقتاپ، جاڭا دامۋ كەزەڭىن يگەرۋدىڭ، جاڭا دامۋ ۇستانىمىن دايەكتىلەندىرۋدىڭ، جاڭا دامۋ ارناسىن قالىپتاستىرۋدىڭ ساياسي قابىلەتىن، ستراتەگيالىق كوزاياسىن، كاسىپتىك دەڭگەيىن ۇزدىكسىز جوعارىلاتۋ كەرەك.
ماقالادا بىلاي دەپ اتاپ كورسەتىلدى: ”14 - بەسجىلدىق“ الدەقاشان باستالدى، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى الدەقاشان باستالدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇدەرىسكە قادام تاستادى. ءبىز مىناعان كامىل سەنەمىز: جۇڭگو كوممۋنيستىك پارتياسىنىڭ پارمەندى باسشىلىعىندا، بۇكىل ەلدەگى ءار ۇلت حالقى تىعىز ىنتىماقتاسىپ، جاپپاي سوتسياليستىك وسىزاماندانعان قۇدىرەتتى ەل قۇرۋ نىساناسىن، ءسوز جوق، جۇزەگە اسىرادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن، ءسوز جوق، جۇزەگە اسىرادى!
ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قايسارلىقپەن شايقاسىپ، قاجىماي - تالماي كۇرەس جۇرگىزىپ، تاۋ كەزىكسە جول اشىپ، سۋ جولىقسا كوپىر سالىپ، مۇرات - سەنىمدى بەكەمدەپ، ءسوز جوق، جەڭىسكە جەتۋ سەنىمىن ارقالاپ، العا باسۋ جولىنداعى حاۋىپ - قاتەر مەن سىن - سايىس اتاۋلىنى باتىلدىقپەن جەڭىپ، ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن ەرلىكپەن العا تارتايىق، قايراتتانايىق، قۇلشىنايىق، ۇزاق جورىققا تاعى اتتانايىق!
