تيانشان تورى   ›   جاڭالىقتار   ›   انار گۇلى قىپ - قىزىل بولىپ اشىلدى

【ۇلتتار ىنتىماعىنىڭ بەرەكەلى شاڭىراعى】 مۇحتار رەيىم: تۋىسىم مەنى بايۋ جولىنا باستادى

اۆتورى: يۇي جياڭيان، لي شۋەرىن، شاۋ حۇڭتاۋ

  ”باۋىرىم، قاراشى، اۋلاداعى ٴجۇزىم، ورىك، شاپتول، المۇرت توتەنشە جاقسى جەمىس بەردى، جەمىس پىسقاندا، ٴسوز جوق، ۇيگە كەلىپ جە“. 7 – ايدىڭ 14 – كۇنى مۇحتار رەيىم جۇپ قۇراعان تۋىسى لي زۇڭجيەمەن بەينە ەكرانمەن سويلەسكەندە، مۇحتار رەيىم قول تەلەفونىن الىپ، اۋلاداعى جەمىس اعاشتارىنا قاراتىپ، جەمىس اعاشتارىنىڭ قاۋلاپ وسكەنىن ٴبىر – بىردەن لي زۇڭجيەگە كورسەتتى.

  مۇحتار رەيىم شينجياڭ اقسۋ ايماعى كەلپىن اۋدانى يۇىرچي اۋىلى ۇستىنقۇمارىق قىستاعىنىڭ تۇرعىنى، لي زۇڭجيە جۇڭگو مۇناي – حيميا ونەركاسىبى جارنا شەكتى سەرىكتەستىگى باتىس تەرىستىك مۇناي الابىن بارلاۋ – اشۋ زەرتتەۋ ورنىنىڭ باستىعى. 2014 – جىلى ەكەۋى جۇپ قۇراپ تۋىس بولعان، قازىر ٴبىر – ٴبىرىنىڭ قامىن جەيتىن جاقسى اعا - ىنىگە اينالدى.

  اۋلاداعى جەمىس اعاشتارى جاقىنعى 2 – 3 جىلدا لي زۇڭجيەنىڭ كومەگىندە ەگىلگەن، قازىر ىركەس – تىركەس جەمىس بەردى، ”‹سۋ ىشكەندە قۇدىق قازۋشىنى ۇمىتپا› دەگەن، وتباسىمىزدىڭ قيىنشىلىعى ەڭ اۋىر كەزىندە، جۇپ قۇراعان تۋىسىم بىزگە كومەكتەسىپ، ىشەر اس، كيەر كيىمنەن تارىقپايتىن بولدىق“، - دەدى مۇحتار رەيىم.

  لي زۇڭجيە مەن مۇحتار رەيىم جۇپ قۇراپ تۋىس بولعان كەز – مۇحتار رەيىم وتباسىنىڭ قيىنشىلىعى ەڭ اۋىر كەز ەدى. سول جىلى ۇلكەن قىزى جياڭسۋ عىلىم – تەحنيكا داشۋەسىنە ەندى عانا قابىلدانىپ، بالالارىن وقىتۋ ٴۇشىن، مۇحتار رەيىم جان – جاقتان قارىز اقشا سۇرايدى.

  لي زۇڭجيە بۇل جاعدايدى ۇققاننان كەيىن، ٴبىر جاعىنان مۇحتار رەيىمگە اقشالاي جاردەم بەرسە، ەندى ٴبىر جاعىنان ونىڭ جۇمىس تابۋىنا كومەكتەسىپ، ول كورىم كىرىسكە يە بولادى.

  2017 – جىلى جانە 2018 – جىلى مۇحتار رەيىمنىڭ ەكىنشى قىزى مەن ٴۇشىنشى قىزى دا ارت – ارتىنان داشۋەگە قابىلدانىپ، ونىڭ جۇگى ٴتىپتى دە اۋىرلاي ٴتۇستى. لي زۇڭجيە تاعى دا امالداپ داشۋەدە وقىپ جاتقان بالالارعا جازدىق، قىستىق كانيكولداعى قوسىمشا قىزمەت تاۋىپ بەرىپ، وتباسىنىڭ اۋىرتپالىعىن جەڭىلدەتۋگە كومەكتەستى.

  باۋىرى لي زۇڭجيەنىڭ كومەگىندە، 2019 – جىلى مۇحتار رەيىم وتباسى قارىزدارىن قايتارىپ، تاعى ٴبىراز امانات اقشا قويدى، 2020 – جىلى مۇحتار رەيىم ٴۇيىن اقتاپ، جاڭا سافا، توسەك سياقتى ٴۇي جيھازدارىن اۋىستىرىپ، تۇرمىسى دا بارعان سايىن جاقسارا ٴتۇستى.

  قازىر مۇحتار رەيىمنىڭ ۇلكەن قىزى، ەكىنشى قىزى، ٴۇشىنشى قىزى تۇگەل قىزمەتكە قاتىناسىپ، ونىڭ ٴوزى دە سەلبەستىك كووپەراتيۆىندە تۇراقتى قىزمەت ىستەپ، وتباسىنىڭ ايلىق ەڭبەكاقى كىرىسى 15 مىڭ يۋانعا جەتتى.

  مۇحتار رەيىم لي زۇڭجيەگە ايىرىقشا العىس ايتىپ: ”وسىنىڭ بارلىعىندا مەنىڭ جاقسى باۋىرىما العىس ايتامىن، ول مەنىڭ بايۋ جولىنا تۇسۋىمە كومەكتەستى، ٴبىز ومىرلىك جاقسى باۋىرلاستارمىز“ – دەدى.

  اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى