تيانشان تورى   ›   ۇيرەنۋ   ›   شولۋ

باۋتا مۇناراسىنىڭ شۇعىلاسى بولاشاقتى نۇرلاندىردى

− يان - ان رۋحى تۋرالى شولۋ

□ شينحۋا اگەنتتىگىنىڭ تىلشىلەرى

  ”سان مارتە ورالامىن مەن يان - انعا تۇسىمدە، سول باۋتانى مەيىرلەنە، قۇشىرلانا قۇشاقتاپ“.

  يان - ان جۇڭگو توڭكەرىسىنىڭ قاسيەتتى جەرى.

  1935 - جىلدان 1948 - جىلعا دەيىن وسىناۋ قىزىل توپىراق جۇڭگو كوممۋنيستىك پارتياسى ورتالىق كوميتەتىنىڭ تۇرعان جەرى بولدى. الاۋلى جىلدار پارتيامىزدىڭ كىشكەنەدەن ۇلكەيىپ، السىزدەن كۇشەيىپ، جۇڭگونىڭ توڭكەرىس ىستەرىنىڭ قۇلدىراۋدان شارىقتاۋعا قادام تاستاۋىنا باسشىلىق ەتىپ، جەڭىستەن تىڭ جەڭىسكە جەتۋىنە، سونداي - اق مىزعىماس ءارى دۇرىس ساياسي بەتالىستى، يدەيانى ازات ەتىپ، شىندىقتى ءىس جۇزىنەن ىزدەيتىن يدەيالىق لۋشياندى، بۇكىل ىنتا - پەيىلمەن حالىق ءۇشىن قىزمەت ىستەيتىن ءتۇبىرلى باس ماقساتتى، ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزەتىن شارۋاشىلىق قۇرۋ رۋحىن باستى مازمۇن ەتكەن يان - ان رۋحىن جەتىلدىرۋىنە كۋا بولدى.

  ”يان - ان رۋحى تالاي ۇرپاق جۇڭگو كوممۋنيستەرىن جەتىلدىردى، ول پارتيامىزدىڭ باعالى رۋحاني بايلىعى“. 2020 - جىلى 4 - ايدا باس شۋجي شي جينپيڭ شانشيدە قىزمەت تەكسەرگەندە يان - ان رۋحى ارقىلى قالىڭ پارتيا مۇشەلەرىن، كادرلاردى تاربيەلەۋگە، اۋەلگى ماقساتتى نارلەندىرۋگە، رۋحتى سومداۋعا بۇلجىماي تاباندى بولىپ، وسىدان سەنىم كۇشىن الۋدى، پارتيالىلىق پارىقتى تابۋدى، العا باسۋ بەتالىسىن دۇرىستاۋدى باسا دارىپتەدى.

  (1) سەنىمنىڭ ۇلى كۇشى

  يان - ان توڭكەرىستىك ەسكەرتكىش سارايىندا توڭكەرىسشىل جاستاردىڭ يان - انعا جەتكەندەگى ءبىر توپ كونە سۋرەتتەرى ادامدى اسەرلەندىرەدى − كيىمدەرى ءورىم - ءورىم، بەت - اۋىزدارى كىر - قوجالاق بولعانىمەن ولاردىڭ جانارلارى وتتى، رۋحتارى اسقاق ەدى.

     سۋرەتتىڭ استارىنداعى اڭگىمە ادامنىڭ كوڭىلىن تولقىتادى −

  1937 - جىلى 11 - ايدا شاڭحاي جاۋ قولىنا تۇسكەن سوڭ، ءبىر توپ وتانشىل جاس وتاندى جويىلۋدان قۇتقارۋ توبىنىڭ اتىمەن 13 ايدا 10 مىڭ شاقىرىمنان استام جولدى جاياۋ باسىپ يان - انعا كەلەدى.

  ”سۇيەگىم سىنعانىمەن، ءسىڭىرىم ساۋ، ەتىمدى سىلىپ العىن مەيلى، جۇرەگىم بار. اقتىق دەمىم قالعانشا جەر باۋىرلاسام دا يان - انعا جەتەمىن“. جاپون شاپقىنشىلارىنا قارسى سوعىس كەزىندە، يان - ان شام - شىراق بولىپ، 40 مىڭنان استام زيالى جاستىڭ جان پيدا دەپ اتتانعان توڭكەرىستىك قاسيەتتى جەرىنە اينالدى.

  ”يان - انعا بارايىق“ دەگەن ءسوزدىڭ جۇڭگونىڭ بايتاق دالاسىن جاڭعىرتۋىنىڭ سەبەبى جۇڭگو كوممۋنيستىك پارتياسىنىڭ ەل ىشىندەگى بارلىق ساياسي پارتيالار مەن توپتاردىڭ ىشىندە كەۋدە كەرىپ العا شىعىپ، جاپون شاپقىنشىلارىنا قارسى تۇرىپ، وتاندى جويىلۋدان قۇتقارۋدىڭ ۇلى تۋىن بيىك ۇستاپ، سان - ساناقسىز وتانشىل ارداگەرلەردىڭ قاراڭعى تۇنەكتەن شۇعىلالى ساۋلە تابۋىنا مۇمكىندىك بەرگەندىگى؛ يان - انداعى جەر كەپەلەردە ماركسيزمنىڭ اقيقات ساۋلەسىنىڭ نۇر شاشىپ، جۇڭحۋا ۇلتىنىڭ العا باسۋ باعىتىنا ۋاكىلدىك ەتكەندىگى ەدى.

  1935 - جىلى 10 - ايدا ورتالىق قىزىل ارميانىڭ ۇزاق جورىعى سولتۇستىك شانشيگە جەتتى. ۋاياۋباۋ ماجىلىسىندە پارتيا ورتالىق كوميتەتى جاپون شاپقىنشىلارىنا قارسى ۇلتتىق بىرلىكساپ قۇرۋداي تاكتيكالىق باعىتتى ايقىندادى.

  1945 - جىلى يان - انداعى ياڭجياليڭدە پارتيانىڭ 7 - قۇرىلتايى ماۋ زىدۇڭ يدەياسىن پارتيانىڭ جەتەكشى يدەياسى ەتىپ بەلگىلەپ، پارتيانىڭ حالىققا باسشىلىق ەتىپ جاپون شاپقىنشىلارىنا قارسى سوعىستىڭ جەڭىسىنە جانە جاڭا دەموكراتيالىق توڭكەرىستىڭ جەڭىسىنە جەتۋگە يدەيالىق، ساياسي، ۇيىمدىق جاقتان پارمەندى كەپىلدىك ازىرلەدى.

  يان - اننان بۇكىل جۇڭگوعا دەيىن پارتيامىز حالىققا باسشىلىق ەتىپ، توڭكەرىستىڭ، قۇرىلىستىڭ، رەفورمانىڭ تالاي - تالاي ۇلى جەڭىستەرىنە قول جەتكىزىپ، دۇرىس ساياسي باعىتقا تاباندى بولۋدىڭ، پارتيا ورتالىق كوميتەتىنىڭ بەدەلىن باتىل قورعاۋدىڭ، بۇكىل پارتيادا بۇيرىق - تيىمداردىڭ بۇلجىتپاي ورىندالۋىنا كەپىلدىك ەتۋدىڭ پارتيا مەن مەملەكەتتىڭ بولاشاعى مەن تاعدىرىنا بايلانىستى ەكەندىگىن، بۇكىل ەلدەگى ءار ۇلت حالقىنىڭ ءتۇبىرلى مۇددەسىنىڭ تياناعى ەكەندىگىن تولىق دالەلدەدى.

  ۋاقىت ايالسىز بولعانىمەن، سەنىم ماڭگىلىك.

  جاڭا داۋىردەگى كەدەيلىكتەن ارىلتۋدان قامال الۋ شايقاس مايدانىندا، اۋىل - قىستاقتى گۇلدەندىرۋ جولىندا، ىندەتكە قارسى اتتانۋدىڭ ءبىرىنشى شەبىندە... توپ - توپ جۇڭگو كوممۋنيستەرى جانقيارلىق كورسەتىپ، اتويلاپ الدا ءجۇردى. پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە ەلىمىز جاپپاي دوڭگەلەك داۋلەتتى قوعام قۇرىپ شىعىپ، مۇلدەم كەدەيلىككە تاريحي سيپاتتى قوش ايتىپ، ەكىنشى 100 جىلدىق كۇرەس نىساناسىنا قاراي كوكىرەك كەرنەگەن نىق سەنىممەن جورىق جاساۋدا.

  دۇرىس ساياسي باعىتقا تاباندى بولۋ يان - ان رۋحىنىڭ جانى. سەنىمنىڭ كۇشى ۇلى داريا، تىنىستى وزەن ىسپەتتى، ول جاسىرىن قۇز، قىرسىق يىرىمدەردەن تايسالماي شالقار تەڭىزگە قاراي بوگەۋ بەرمەس ارىنمەن جوڭكىلە اعىپ كەلەدى.

  (2) شىندىقتى ءىس جۇزىنەن ىزدەۋ

  يان - انداعى فىڭحۋاڭ تاۋىنىڭ ەتەگىندەگى سىعىرايعان ماي شامنىڭ تۇبىندە ماۋ زىدۇڭ ايگىلى «ۇزاققا سوزىلاتىن سوعىس تۋرالىنى» جازىپ، جاپون شاپقىنشىلارىنا قارسى تۇرۋدىڭ العاشقى كەزىندە ءبىر مەزەت سۇرەندەگەن ”مەملەكەت جويىلادى كوزقاراسىنا“، ”تەز جەڭىسكە جەتۋ كوزقاراسىنا“ تويتارىس بەرىپ، پارتيانىڭ جاپون شاپقىنشىلارىنا قارسى ۇزاققا سوزىلاتىن سوعىس باعىتىن جۇيەلى بايىمداپ، جۇڭگولىقتاردىڭ جاپون شاپقىنشىلارىنا قارسى سوعىستىڭ جەڭىسىنە قول جەتكىزەتىن بەكىمىن، سەنىمىن نىقتادى.

  ماي شام شاناقتى بولعانىمەن، ۇلى يدەيانىڭ دۇنيەگە كەلۋىنە كۋا بولدى.

  «ماۋ زىدۇڭ شىعارمالارىنان تاڭدامالىلاردىڭ» 1 - تومىنان 4 - تومىنا دەيىن 159 شىعارما ەنگىزىلسە، سونىڭ 112سى يان - انداعى مەزگىلدە جازىلعان ەكەن، بۇل ماركسيزمدى جۇڭگوشالاندىرعان شۇعىلالى ەڭبەكتەر، سونداي - اق يان - ان رۋحىنىڭ ماڭىزدى نازاريالىق نەگىزى ەدى.

      پارتيامىز ماركسيزمدى ءوز تۋىنا جازۋمەن قويماي، ونان دا ماڭىزدىسى، ونى توڭكەرىس توپىراعىنا تەرەڭ تامىر تارتقىزىپ، ۇزدىكسىز تۇردە ماركسيزمدى جۇڭگوشالاندىرۋدىڭ جاڭا دەڭگەيىن اشتى.

  1938 - جىلى يان - اندا اشىلعان پارتيا 6 - كەزەكتى ورتالىق كوميتەتىنىڭ التىنشى جالپى ماجىلىسىندە ماۋ زىدۇڭ بۇكىل پارتياعا ”ماركسيزمدى جۇڭگوشالاندىرۋ“ ۇرانىن تاستاپ، ”شىندىقتى ءىس جۇزىنەن ىزدەۋ“ ۇعىمىن العاش رەت قولداندى؛ 1941 - جىلى ماۋ زىدۇڭ «ۇيرەنۋىمىزگە وزگەرىس جاسايىق» دەگەن ماقالاسىندا شىندىقتى ءىس جۇزىنەن ىزدەۋ دەگەننىڭ نە ەكەندىگىن العاش رەت ەگجەي - تەگجەيلى باياندادى؛ پارتيانىڭ 7 - قۇرىلتايى ”شىندىقتى ءىس جۇزىنەن ىزدەۋدى“ پارتيانىڭ يدەيالىق لۋشيانى ەتىپ بەلگىلەدى.

  جاڭا دەموكراتيالىق توڭكەرىستىڭ باس لۋشيانىن بەلگىلەپ، بىرلىكساپ، قارۋلى كۇرەس، پارتيا قۇرىلىسى سىندى جەڭىسكە جەتۋدىڭ 3 ۇلكەن اسىلىن ورتاعا قويىپ، يان - اندا ستيل دۇرىستاۋ قوزعالىسىنا جانە زور ءوندىرىس قوزعالىسىنا باسشىلىق ەتىپ، نازاريانى امالياتپەن بايلانىستىرۋ، بۇقارامەن تىعىز بايلانىس ورناتۋ، سىن جانە ءوز - وزىنە سىن سىندى 3 ۇلكەن تاڭداۋلى ستيلدى قالىپتاستىردى...

  يان - انداعى مەزگىلدە ءار الۋان كۇردەلى جاعدايلار الدىندا، پارتيامىزدىڭ دۇرىس ۇلكەن ساياسي باعىت جۇرگىزە الۋىنىڭ سەبەبى يدەيانى ازات ەتۋگە، شىندىقتى ءىس جۇزىنەن ىزدەۋگە سۇيەنگەندىگى ەدى.

  ۇلتتى گۇلدەندىرۋدىڭ جولى كەدەرگىگە تولى ءارى ۇزاق، شىندىقتى ءىس جۇزىنەن ىزدەۋدە ماڭگى شەك بولمايدى.

  ماۋ زىدۇڭ يدەياسى، دىڭ شياۋپيڭ نازارياسى، ”ۇشكە ۋاكىلدىك ەتۋ“ ماڭىزدى يدەياسى، عىلمي دامۋ كوزقاراسى، شي جينپيڭ جاڭا ءداۋىر جۇڭگوشا سوتسياليزم يدەياسى − پارتيانىڭ 100 جىلدىق تاريحىندا ءار جولعى شەشۋشى تاڭداۋ كەزىنىڭ بارلىعىندا امالياتتان باستاۋ العان يدەيانىڭ شارىقتاۋى قاتار ءجۇرىپ وتىردى.

  پارتيا 18 - قۇرىلتايىنان بەرى جاڭا قالىپ ارقىلى جۇڭگو ەكونوميكاسىنىڭ دامۋىن قايتا تۇلعالاۋ ءىرى لوگيكاسىنان قامداۋ جاعىنداعى قۇرىلىمدىق رەفورمانى باتىل ىلگەرىلەتۋگە دەيىن؛ جاڭا دامۋ ۇستانىمىن دايەكتىلەندىرۋدەن جوعارى ساپالى دامۋدى نەگىزگى تاقىرىپ ەتۋگە دەيىن... شىندىقتى ءىس جۇزىنەن ىزدەۋگە تاباندى بولدى، پارتيامىزدىڭ ەكونوميكانىڭ دامۋ زاڭدىلىعىنا دەگەن تانىمى ۇزدىكسىز تەرەڭدەپ، جۇڭگو ەكونوميكاسىنا جەتەكشىلىك ەتىپ دامۋدىڭ جاڭا كەرەمەتتەرىن ۇزدىكسىز جاراتتى.

  بۇگىن ورتالىق پارتيا مەكتەبىنىڭ الاڭىندا ماۋ زىدۇڭ جولداس جازعان مەكتەپ اقىلياسى − ”شىندىقتى ءىس جۇزىنەن ىزدەۋ“ ءباز - باياعىسىنداي ەڭسە كوتەرىپ تۇر، ونىڭ تەرەڭ ماعىناسىن ايتپاسا دا انىق تۇسىنۋگە بولادى.

  (3) حالىق دەگەنىمىز بيلىك

  ”ءبىزدىڭ بۇل قوسىنىمىز بۇكىلدەي حالىقتى ازات ەتۋدى كوزدەيتىن، حالىق مۇددەسى ءۇشىن ءۇزىلدى - كەسىلدى قىزمەت ىستەيتىن قوسىن“.

  1944 - جىلى 9 - ايدىڭ 8 - كۇنى يان - ان زاۋيۋان باعى الاڭى. ماۋ زىدۇڭ جولداس جاۋىنگەر جاڭ سىدىعا ازا ءبىلدىرۋ جيىنىندا «حالىق ءۇشىن قىزمەت ىستەيىك» دەگەن ايگىلى لەكسياسىن جاسادى. ىلە - شالا پارتيانىڭ 7 - قۇرىلتايىندا ”بۇكىل ىنتا - پەيىلىمىزبەن حالىق ءۇشىن قىزمەت ىستەيىك“ دەگەن ءسوز پارتيا ۋستاۆىنا جازىلىپ، رەسمي تۇردە جۇڭگو كوممۋنيستىك پارتياسىنىڭ ءتۇبىرلى باس ماقساتىنا اينالدى.

  شيڭفۋ توعانىندا حالىق ءۇشىن قىزمەت ىستەۋ اۋەلگى ماقساتى سىلدىراي اعىپ جاتىر، كونە جەر كەپەلەردە كۇنى بۇگىنگە دەيىن ”ۇلىقتى ەمەس، حالىقتىڭ قىزمەتشىسىن عانا كورەسىڭ“ دەگەن تاماشا ءسوز تارالىپ ءجۇر... باتىس دۇنيەسى يان - اننان تۇڭعىش رەت جۇڭگو كوممۋنيستىك پارتياسىنىڭ شىنايى بەت - بەينەسىن ءتۇسىندى: بۇل حالىق قالاۋىنا ەرەكشە بولەنگەن، ومىرشەڭدىك كۇشكە تولى، بولاشاعى شەكسىز ساياسي پارتيا.

  بۇگىن بەيجيڭ جۇڭنانحايداعى شينحۋامىننىڭ كولدەنەڭ قابىرعاسىنا ماۋ زىدۇڭ جازعان ارىپتەردەن قيۋلاستىرىلعان ”为人民服务“ دەگەن 5 ۇلكەن ءارىپ جۇڭگو كوممۋنيستىك پارتياسىنىڭ اينىماس باس ماقساتىن ايبىنمەن كورسەتىپ تۇر.

  ”حالىقتىڭ تاماشا تۇرمىسقا دەگەن تالپىنىسى ءبىزدىڭ كۇرەس نىسانامىز“.

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ءبىر قىدىرۋ جوعارى دەڭگەيلى جوبالاۋ جاسادى، مۇندا بارىندە ”حالىق“ دەگەن ءسوز قامتىلىپ جاتتى:

  كەدەيلىكتەن ارىلتۋدان قامال الۋ − ”بايىرعى رايون حالقىن بۇكىل ەل حالقىمەن بىرگە جاپپاي دوڭگەلەك داۋلەتتى قوعام ورناتۋ جەتىستىكتەرىنەن يگىلىكتەندىرۋ“؛

  رەفورمانى تەرەڭدەتۋ − ”بۇقارا نەگە كوڭىل بولسە، نەنى تىلەسە، رەفورمادا سونى يگەرۋدى، سونى ىلگەرىلەتۋدى ورىنداۋ“؛

  زاڭمەن جونگە سالۋدى ىلگەرىلەتۋ − ”حالىق بۇقاراسىن ءاربىر ءادىليالىق دەلودان ادىلدىكتى، تۋراشىلدىقتى سەزىندىرۋگە قۇلشىنۋ“؛

  ادەبيەت - كوركەمونەر قىزمەتى − ”حالىقتى وزەك ەتكەن جاسامپازدىقتى باعدار ەتۋگە تاباندى بولىپ، زامانعا لايىق ءتىپتى دە كوپ تاڭداۋلى تۋىندىلاردى قۇلشىنا جاراتۋ“؛

  پارتيانى قاتاڭ جونگە سالۋ − ”بۇقاراعا ءتيىمدى ءىستى قانشالىق كىشكەنە بولسا دا ىستەۋ كەرەك، بۇقاراعا زياندى ءىستى قانشالىق كىشكەنە بولسا دا الاستاۋ كەرەك“؛

  ...

  پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى تۇڭعىش رەت ”جالپى حالىقتىڭ ورتاق بايۋىندا اناعۇرلىم كورنەكتى ماندىك ىلگەرىلەۋشىلىككە قول جەتكىزۋ كەرەك“ دەپ العا قويدى؛ ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا باعدارلاماسى ەڭ كەڭ حالىقتىڭ ءتۇبىرلى مۇددەسىن جاقسى جۇزەگە اسىرۋدى، جاقسى قورعاۋدى، جاقسى دامىتۋدى دامۋدىڭ شىعار ءتۇيىنى جانە تياناعى ەتتى...

  بيلىك دەگەنىمىز حالىق، حالىق دەگەنىمىز بيلىك.

  ”قاۋىن - قاربىز ساباققا، ساباق تامىرعا ۇلاسار. بۇقارا كوممۋنيستىك پارتيامەن، كوممۋنيستىك پارتيا حالىقپەن جالعاسار“. يان - ان مەزگىلىندەگى وسى شين تيانيوۋ اۋەنى تاريحتىڭ كەڭىستىگىندە كۇنى بۇگىنگە دەيىن جاڭعىرىپ تۇر.

  (4) قاجىرلىلىقپەن شارۋاشىلىق قۇرۋ

  ناننيۋان اشۋ وڭىرىندەگى ناننيۋان ءىرى ءوندىرىس ەسكەرتكىش سارايى مەن ناننيۋان اشۋ ءوڭىرى جوباسى سارايىنىڭ ارالىعى 100 مەتر، بىرەۋى شارۋاشىلىق قۇرۋ تاريحىن ەسكە سالسا، ال ەندى بىرەۋى دامۋ كوزقاراسىن امالياتتا ايگىلەيدى.

  تاريحقا كوز جىبەرگەندە، ول ءبىر بۇرىن بولىپ كورمەگەن قيىنشىلىققا تولى جىلدار ەدى، جاپون ارمياسى زور كولەمدە تازالاۋ جۇرگىزدى، گومينداڭ اسكەري ىستەر جاعىنان قورشاۋعا الدى جانە ەكونوميكالىق قۇرساۋلاۋ جۇرگىزدى... ءولىم مەن ءومىر تالعامى الدىندا ماۋ زىدۇڭ جولداس ءوزىمىز ەڭبەكتەنىپ، كيەر كيىم، ىشەر اس مولشىلىعىن جاسايىق، - دەگەندى ورتاعا قويدى.

  دۋماندى ءىرى ءوندىرىس جۇرگىزۋ ناۋقانى ءشوپ - شالاڭ باسىپ ”توزعان ناننيۋاندى“ استىققا تولى ”كورىكتى جياڭنانعا“ اينالدىردى ءارى اۋىل شارۋاشىلىعى، ونەركاسىپ، تاسىمال جانە ساۋدا سياقتى ءبىر قاتار ءبىرشاما كەمەلدى كاسىپورىنداردى قۇرىپ، ”بۇكىلدەي ءوزىن - ءوزى قامداي الاتىن ەكونوميكالىق نەگىزدى قالىپتاستىردى“.

  بۇگىنگى ناننيۋان ”بۇرىنعى جىلدارداعىدان دا كەرەمەت“. كۇرىش اتىزىنداعى گۇل تەڭىزىنىڭ ءيىسى اڭقىپ، مەملەكەتتىك سازدىق باقشاسى جىل قۇستارىنىڭ سايران باعىنا اينالدى، جاپ - جاسىل اۋىل - قىستاقتار قىزىل ساياحاتپەن جاراسىم تاۋىپ، بيولوگيالىق ساپالى تۇقىم، سيفرلى اۋىل شارۋاشىلىعى، ەكولوگيالىق ەگىس الاڭى... ەكولوگيالىق ورتانى قورعاۋ ەكونوميكانى دامىتۋمەن بىرگە گۇلدەنەتىن، بىرگە ءومىر سۇرەتىن دامۋ جوباسى ناننيۋاندا وركەن جايدى.

  ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جاساۋ سىندى شارۋاشىلىق قۇرۋ رۋحى − يان - ان رۋحىنىڭ ايقىن ەرەكشەلىگى، سان ۇرپاق جۇڭحۋا ۇلاندارىن قيىنشىلىققا قارسى اتتانىپ، قايراتتانا العا ۇمتىلۋعا شابىتتاندىرىپ كەلەدى.

  چاڭ - ى 4 - ءنومىرلى بارلاۋ اسپابىنىڭ ”ايدىڭ تەرىس بەتىن باعىندىرۋىنان“ ”كۇنلۇڭ“ ءنومىرلىنىڭ تەڭىزدە تۇڭعىش ۇشۋىنا، ونان تيانۋىن 1 - ءنومىرلىنىڭ مارسقا قونۋىنا، شىنجوۋ 12 - ءنومىرلى عارىشكەرلەرىنىڭ ”عارىشتا سەرۋەندەۋىنە“ دەيىن جۇلدىزدار دۇنيەسىن زەرتتەۋدىڭ باتىل قادامى جۇڭگونىڭ دەربەس ءوز - وزىنە قوجا بولىپ، ءوز كۇشىنە سۇيەنىپ ءومىر ءسۇرىپ جۇڭگو ارمانىن جۇزەگە اسىرۋىنىڭ ىقشام كورىنىسى ەسەپتەلەدى.

  بۇگىنگى تاڭدا ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي مەزگىلدەگىدەن دە اناعۇرلىم تاياي تۇستىك.

  جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاۋ كەرەك، جەڭىستىڭ جاعاسىنا جاقىنداعان سايىن سولعۇرلىم ماشاقاتتى، سولعۇرلىم جاپالى قۇلشىنىستار جاساۋىمىزعا تۋرا كەلەدى.

  ”مەيلى شارت - جاعداي قالاي وزگەرسىن، ءوز كۇشىنە سۇيەنىپ ءومىر سۇرەتىن، قاجىرلىلىقپەن كۇرەس جۇرگىزەتىن جىگەردى جوعالتۋعا بولمايدى“. ”ءبىز اناعۇرلىم جوعارى دەڭگەيدەگى ءوز كۇشىنە سۇيەنىپ ءومىر ءسۇرۋ جولىمەن ءجۇرىپ، اناعۇرلىم جوعارى دەڭگەيدەگى رەفورما جاساۋ، ەسىك اشۋدى اتقارىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىر - ءبىرىن جەبەيتىن جاڭا دامۋ ارناسىن جەدەل قالىپتاستىرۋىمىز كەرەك“. باس شۋجي شي جينپيڭ وسىلاي دەپ باسا دارىپتەدى.

  يان - ان رۋحىنان سارقىلماس قوزعاۋشى كۇش الۋ، تاريحتى اينا ەتىپ، تاريح ارقىلى مۇراتتى ايگىلەۋ ءبىزدى، ءسوز جوق، اناعۇرلىم اسقاق بەينەمەن جاڭا ساپارعا شىعۋعا، شۇعىلالى بولاشاققا قاراي باتىلدىقپەن العا باسۋعا شابىتتاندىرادى.

      (تىلشىلەر شيە شيياۋ، ساي شين - ي، زوۋ دۋوۋي، لي حاۋ) (شينحۋا اگەنتتىگىنىڭ 8 - ايدىڭ 2 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.