تيانشان تورى   ›   ۇيرەنۋ   ›   شولۋ

جان - تانىمىزبەن سوعايىق جاڭا قورعان

− جاپون شاپقىنشىلارىنا قارسى سوعىس رۋحى جونىندە شولۋ

شينحۋا اگەنتتىگىنىڭ تىلشىلەرى چۇي تيڭ، چىن سۇڭ

  ”قوزعال! قۇل بولعىسى كەلمەگەن جان! جان - تانىمىزبەن سوعايىق جاڭا قورعان...“، «ەرىكتىلەر مارشىندا» ءبىر مەملەكەت پەن ۇلتتىڭ ماڭگى ۇمىتىلعىسىز تاريحي ەستەلىگى ويىپ جازىلعان.

  1931 - جىلى جاپون شاپقىنشىلارى كوپە - كورنەۋ 18 - قىركۇيەك وقيعاسىن تۋدىرعاننان باستاپ، بۇكىل جۇڭحۋا ۇلاندارى الدىڭعىلارى جىعىلسا كەيىنگىلەرى ءىزىن باسىپ، 14 جىل بويى قاندى شايقاس جۇرگىزىپ، وراسان زور قۇرباندىقتارمەن تاياۋ زاماننان بەرگى سىرتقى جاۋدىڭ شاپقىنشىلىعىنا قارسى تۇرۋداعى تۇڭعىش رەتكى تولىق جەڭىسىنە قول جەتكىزدى.

  توتەنشە ماشاقاتتى جاپون شاپقىنشىلارىنا قارسى سوعىستا، بۇكىل جۇڭحۋا ۇلاندارى مەملەكەتتىڭ ءومىر ءسۇرۋى ءۇشىن شايقاس جۇرگىزدى، ۇلتتىڭ گۇلدەنۋى ءۇشىن شايقاس جۇرگىزدى، ادامزاتتىڭ ادىلەتى ءۇشىن شايقاس جۇرگىزدى، قوعامنىڭ كەڭ كولەمدە اتتانىسقا كەلتىرىلۋى، ۇلتتىڭ تەرەڭ ويانۋى، جاۋىنگەرلىك ەرىك - جىگەرىنىڭ مويىماستىعى، ءسوزسىز، جەڭىسكە جەتۋ سەنىمىنىڭ بەرىكتىگى بۇرىن بولماعان جوعارى دەڭگەيگە جەتتى.

  باس شۋجي شي جينپيڭ جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىرۋ اڭگىمە ماجىلىسىندە بىلاي دەپ اتاپ كورسەتتى: جۇڭگو حالقى جاپون شاپقىنشىلارىنا قارسى سوعىستىڭ ايبىندى بارىسىندا جاپون شاپقىنشىلارىنا قارسى سوعىس ۇلى رۋحىن جەتىلدىرىپ، دۇنيە جۇزىنە ەلدىڭ گۇلدەنۋى مەن جويىلۋىندا ءار ادامنىڭ جاۋاپكەرشىلىگى بار دەگەن وتانشىلدىق سۇيىسپەنشىلىكتى، ولىمنەن قورىقپايتىن، ولسە دە باس يمەيتىن ۇلتتىق جىگەردى، جاۋىزدىقتان تىكسىنبەيتىن، سوڭىنا دەيىن قاندى سوعىس جۇرگىزەتىن قاھارماندىق جىگەردى، قايىسپاس، مىزعىماس، ءسوزسىز، جەڭىسكە جەتۋ سەنىمىن ايگىلەدى.

  ”بۇكىل ەل حالقى جاپپاي اتتانىسقا كەلدى“:

  وتانشىلدىق سۇيىسپەنشىلىك بۇرىن بولماعان دارەجەدە تاسقىندادى

  جۇڭگو حالقىنىڭ جاپون شاپقىنشىلارىنا قارسى سوعىسى ەسكەرتكىش سارايىنىڭ كورمە زالىندا كەزىندەگى جۇڭگو كوممۋنيستىك پارتياسى جينجۇڭ ەرەكشە كوميتەتى ۇيىمداستىرۋ ءبولىمىنىڭ باستىعى ۋاڭ شياۋسىنىڭ ىنىسىنە جازعان حاتى قويىلعان. حاتتا بىلاي دەپ جازىلعان: ”’جاپون شاپقىنشىلارىنا قارسى سوعىس‘ ءبىزدىڭ ۇلى انامىز، ول جاڭا جۇڭگونى، جاڭا ۇلتتى، جاڭا حالىقتى ومىرگە اكەلۋدە“.

  جاپون شاپقىنشىلارىنا قارسى سوعىسقان 14 جىلدا، ءبىر ءۇن باستان - اياق تاستاي بەرىك بولىپ وشپەدى −

  ”ءبىز بۇكىل ەل حالقىن جاپپاي جۇمىلدىرعان، تولىق ۇلتتىق توڭكەرىستىك سوعىستى، ياعني جاپون شاپقىنشىلارىنا قارسى جالپى بەتتىك سوعىستى قۋاتتايمىز. ويتكەنى جاپون شاپقىنشىلارىنا قارسى تۇرعان وسىنداي سوعىس عانا بۇقارالىق سوعىس بولادى، سوندا عانا وتاندى قورعاۋ ماقساتىنا جەتۋگە بولادى“.

  اۋمالى - توكپەلى زاماندا ءوز قاسيەتىن ساقتادى، دۇلەي تولقىنداردا تىرەك بولىپ، قاتەرگە قارسى شاپتى − جۇڭگو كوممۋنيستەرى جاپون شاپقىنشىلارىنا قارسى ۇلتتىق بىرلىكساپ ۇلى تۋىن بيىك ۇستاپ، جۇڭگونىڭ جاپون شاپقىنشىلارىنا قارسى سوعىسىنىڭ جەڭىسكە جەتۋ بەتالىسىنا ءجون سىلتەپ، جۇڭگو حالقىنىڭ ەلدىڭ گۇلدەنۋى مەن جويىلۋىندا ءار ادامنىڭ جاۋاپكەرشىلىگى بار دەگەن وتانشىلدىق سۇيىسپەنشىلىگىن بارىنشا قاۋلاتتى؛ ”قالىڭ حالىق قارسى اتتاندى قاھارلى الىپ قايراتپەن، ءبىر نيەتپەن شەپكە شىقتى ارىنى اسقاق ايباتپەن“، بۇكىل ۇلتتىڭ جاپون شاپقىنشىلارىنا قارسى سوعىسى تاريحىنىڭ بوگەۋ بەرمەس اساۋ تاسقىنى قالىپتاستى.

  قايىسپاس جۇڭحۋا دالاسىنا كوممۋنيستەردىڭ، ۇلت ۇلاندارىنىڭ وتباسى - وتان الدىنداعى ادىلەتى جازىلدى −

  ”سەنەن ءۇمىت ەتەرىم، نيڭىر! تەزىرەك ەرجەتىپ، جەر استىندا جاتقان اناڭا جۇبانىش بول!“. شىعىس سولتۇستىك جاپون شاپقىنشىلارىنا قارسى بىرلەسكەن ارمياسى 3 - جۇنى 1 - شىسى 2 - تۋانىنىڭ جىڭۋيى جاۋ يمان جاپون ارمياسىمەن سوعىستا تۇتقىندالىپ، ەرلىكپەن قۇربان بولعان كەزىندە، بۇعاناسى قاتپاعان ۇلىنا قوشتاسۋ حاتىن جازىپ قالدىرادى.

  ”مەن جۇڭگولىقپىن، بالامدى 8 - ارمياعا مەن جىبەرگەم. تىزە بۇك دەگەندەرىڭ قيال“. 8 - ارميا 3 - زۇڭدۇي حۇيمين تارماق اترەتىنىڭ سىليڭيۋانى ما بىنجايدىڭ شەشەسى باي ۋىنگۋان جاپون ارمياسىنىڭ قوقان - لوقىسىنان قورىقپاي، اشتىق جاريالاپ، وتان ءۇشىن قۇربان بولدى.

  جاپون شاپقىنشىلارىنا قارسى ۇلتتىق بىرلىكساپ قۇردى، شىعىس سولتۇستىك جاپون شاپقىنشىلارىنا قارسى بىرلەسكەن ارميا قۇردى، ارتقى شەپ شايقاس الاڭىن اشتى، حالىق بۇقاراسىن كەڭىنەن اتتانىسقا كەلتىردى جانە قارۋلاندىردى... جۇڭگو حالقىنىڭ باقىتى ءۇشىن، جۇڭحۋا ۇلتىنىڭ دەربەستىگى مەن ازاتتىعى ءۇشىن، جۇڭگو كوممۋنيستەرى جاپون شاپقىنشىلارىنا قارسى كۇشتەردىڭ ىشىندە، ۇلت دەربەستىگىن قورعاۋدا ەڭ بەرىك، ۇلت مۇددەسىن قورعاۋدا ەڭ بەكەم، سىرتقى جاۋدىڭ شاپقىنشىلىعىنا قارسى تۇرۋدا ەڭ باتىل ءبىر توپ ادام بولدى.

  مەملەكەت قورعانىس داشۋەسى مەملەكەت حاۋىپسىزدىگى شۋەيۋانى اسكەري ىستەر يدەياسى جانە اسكەري ىستەر تاريحى وقىتۋ - زەرتتەۋ كەڭسەسىنىڭ مەڭگەرۋشىسى شۋ جيان بىلاي دەدى: جاپون شاپقىنشىلارىنا قارسى سوعىس كەزىندە بۇقارانىڭ تاۋقىمەت تانىمى، مەملەكەت كوزقاراسى، ۇلت تانىمى ءۇزىلدى - كەسىلدى جانداندىرىلدى، جۇڭگو كوممۋنيستىك پارتياسى جۇڭحۋا ۇلتىن جويىلۋدان قۇتقارۋ ۇمىتىنە تىرەك بولىپ، بۇكىل ۇلتتىڭ جاپون شاپقىنشىلارىنا قارسى سوعىسىنىڭ تاريحي تاسقىنىن قالىپتاستىرۋدى ىلگەرىلەتىپ، بۇكىل ەل حالقىن باستاپ، جاپون شاپقىنشىلارىنا قارسى سوعىستىڭ جالپى بەتتىك جەڭىسىنە قول جەتكىزدى.

  ”اشتى - تۇشتىنى بىرگە تاتىپ، ءولىم مەن ومىردە بىرگە بولدى“:

  ۇلت نامىسى اسقاق تۇردى، ”ولمەدى“

  1938 - جىلى جاپون شاپقىنشىلارىنا قارسى سوعىس كەزىندە، مايدان فوتوگرافى روبەرت كاپا ۋحاننىڭ كوشەسىنەن تۇسىرگەن ءبىر سۋرەتتە بۇقارا جامىراي جالاۋ ۇستاپ تۇر، اراسىنداعى ءبىر جالاۋعا ”نيەتىمىزدەن قايتپايمىز!“ دەگەن 2 ءارىپ ايشىقتى جازىلعان.

  ولىمنەن قورىقپايتىن، ولسە دە باس يمەيتىن ۇلت نامىسى جۇڭحۋا ۇلتىنىڭ اسقاق تا ايبىندى رۋحاني داستانىن جازدى.

  1937 - جىلى 7 - شىلدە وقيعاسى بۇرق ەتە ءتۇستى، سول جىلى 8 - ايدا سول كەزدەگى 8 - ارميانىڭ ورىنباسار سانموۋجاڭى زو چۋان جۋدى، پىڭ دىحۋايلارمەن بىرگە قوسىن باستاپ، شىعىستا حۋاڭحىدان ءوتىپ، سولتۇستىك جۇڭگوعا شەرۋ تارتىپ، جاپون شاپقىنشىلارىنا قارسى بازا اشتى.

     ”شەشە: جاپون قاراقشىلارى وتانىمىزدى ويرانداپ، ءناسىلىمىزدى جويماقشى، وتان ويراندالىپ، ءناسىل جويىلۋ لاڭى ءاربىر جۇڭگولىقتىڭ باسىنا كەلىپ وتىر... ءبىز دە سولتۇستىك جۇڭگو حالقىمەن اشتى - تۇشتىنى بىرگە تاتىپ، ءولىم مەن ومىردە بىرگە بولۋعا بەكىدىك، جاۋ قالاي شابۋىلداسا دا، حۋاڭحىنىڭ وڭتۇستىك جاعاسىنا قايتپايمىز“. زو چۋان شەشەسىنە جازعان حاتىندا ەرىك - جىگەرىن وسىلاي ءبىلدىردى.

  100 تۋان زور شايقاس، حۋاڭيادۇڭدى قورعاۋ شايقاسى، جاۋ ارتقى شەبىندەگى پارتيزاندىق سوعىس... 1942 - جىلعى جاپون قاراقشىلارىنىڭ جاپپاي ”تازالاۋى“ كەزىندەگى قورشاۋدى بۇزىپ شىعىپ، ورىن اۋىستىرۋ شايقاسىندا، زو چۋان باقىتقا قارسى قۇربان بولدى. 7 جىل وتكەننەن كەيىن عانا، شەشەسى ۇلىنىڭ وتان ءۇشىن ءومىرىن قيعاندىعىن بىلەدى.

  1937 - جىلى، سىچۋان انشيان اۋدانى. جاس ۋاڭ جيانتاڭ ارمياعا قاتىناسىپ جاۋعا اتتاندى، ونىڭ اكەسى ۋاڭ جىچىڭ جورىققا اتتانعان ۇلىنا اق كەزدەمەدەن جاسالعان ۇلكەن تۋ ۇسىنادى، تۋدىڭ ءدال ورتاسىندا ”ءولىم“ دەگەن كەسەك ءارىپ جازىلعان، سول جاعىنا كىشى ارىپپەن بىلاي جازىلعان: ”تۋ ۇسىندىم، جانىڭنان تاستاما، جارالانساڭ قانىڭدى ءسۇرت، ولسەڭ كەبىنىڭ بولسىن...“.

  سۇڭحۋ شايقاسى، ۋحان شايقاسى، چاڭشانى قورعاۋ شايقاسى، حىڭياڭدى قورعاۋ شايقاسى... شاپقىنشىلار سۇعاناقتىق جاساعان ءار قادامى ءۇشىن اۋىر بوداۋ بەرىپ وتىردى؛ سانشي - چاحار - حىبەي، حىبەي - شاندۇڭ - حىنان، حۋنان - حۋبەي - جياڭشي، حۋبەي - حىنان - انحۇي... ارتقى شەپتە جاپون شاپقىنشىلارىنا قارسى بازالار قۇرىلىپ، شاپقىنشىلاردى حالىقتىق سوعىستىڭ تەرەڭ تەڭىزىنە باتىردى.

  جۇڭگو اسكەري ىستەر عىلىم اكادەمياسى دۇنيە ءجۇزى اسكەري ىستەرىن زەرتتەۋ ءبولىمىنىڭ بۇرىنعى ورىنباسار باستىعى لو يۋان بىلاي دەدى: وتكەندە بولسىن، الدە قازىر بولسىن، ۇلتتى جويىلۋدان قۇتقارۋ بولسىن، الدە ۇلتتى گۇلدەندىرۋدە بولسىن، جۇڭگو كوممۋنيستىك پارتياسى باسشىلىق ەتكەن باتىلدىقپەن جەڭىسكە جەتەتىن، ەرلىكپەن قۇربان بولاتىن حالىق ارمياسى، ىنتىماقتاسا الاتىن، ۇيىمداسا الاتىن جۇڭگو حالقى − ءبىزدىڭ بارلىق جاۋدى جەڭۋىمىزدەگى، بارلىق قيىنشىلىقتى ەڭسەرۋىمىزدەگى سەنىمىمىزدىڭ تياناعى، كۇش - قۋاتىمىزدىڭ تياناعى.

  ”اينىماس ەرىك“:

  قاھارماندىق جىگەرمەن تاريحي ەپوس جازدى

  ”باسىم شابىلىپ، قانىم توگىلسە دە، اينىماس ەركىمنەن اۋىتقىمايمىن“. وسىنداي قاتال بەكىمگە كەلگەن شىعىس سولتۇستىك جاپون شاپقىنشىلارىنا قارسى بىرلەسكەن ارمياسى 1 - باعىت ارمياسىنىڭ زۇڭسىليڭى، قوسىمشا جىڭۋيى ياڭ جيڭيۇي قوسىن باستاپ جاپونيا قۋىرشاق ارمياسىمەن چاڭبايشان تاۋى مەن حيلۇڭجياڭ وزەنى الابىندا سوعىس جۇرگىزىپ، 1940 - جىلى 2 - ايدا 35 جاسىندا ەرلىكپەن قۇربان بولادى. ول قۇربان بولعان سوڭ، جاپونيا ارمياسى ونىڭ دەنەسىن بورشالاعاندا، اسقازانىنان قۋراعان شوپتەردىڭ، اعاش قابىعىنىڭ، ماقتا تالشىعىنىڭ عانا بار ەكەنىن كورەدى.

  1941 - جىلى 8 - ايدا جاپونيا قۋىرشاق ارمياسى شانشي - چاحار - حىبەي شەكارا وڭىرىندە بۇرىن بولماعان كولەمدەگى زور ”تازالاۋ“ جۇرگىزەدى، سول جىلى 9 - ايدا يشيان اۋدانىنداعى لاڭياشان تاۋىن قورشاپ شابۋىلدايدى، قورعاۋ مىندەتىن ۇستىنە العان 8 - ارميانىڭ 5 جاۋىنگەرى جاۋعا قايسارلىقپەن توسقاۋىلداي سوققى بەرەدى، ولار ەڭ سوڭعى ءبىر تال وعىنا دەيىن تاۋىسىپ، ەڭ سوڭعى ءبىر گراناتىن لاقتىرىپ بولعان سوڭ، جاۋعا تاس جاۋدىرادى... ەڭ سوڭعى ساتتە، باتىرلار ولسە دە تىزە بۇكپەي، مىلتىقتارىن تۇگەل شاعىپ، وزدەرى قۇزدان سەكىرەدى...

  انحۇي ۋحۋ قالاسىنداعى جىشان تاۋىندا، جۇڭگو ۇزاق جورىق ارمياسىنىڭ ايگىلى قولباسى داي انلان جياڭجۇننىڭ سۇيەگى جەرلەنگەن. 1942 - جىلى 3 - ايدا داي انلان قوسىن باستاپ بيرماعا بارىپ ۇزاق جورىق ارمياسىنىڭ جاپون شاپقىنشىلارىنا قارسى سوعىسىنا قاتىناسادى. ول جۇبايىنا جازعان حاتىندا: ”وتان ءۇشىن سوعىستا ولسەم، سول ەڭ ۇلكەن داڭق“ دەپ جازادى. ەرەكشە ايانىشتى تۇڭگۋدى قورعاۋ شايقاسىندا داي انلان قوسىن باستاپ جاۋمەن سۇراپىل شايقاسادى، 800 ادامنىڭ قۇربان بەرۋىمەن جاپونيا ارمياسىنىڭ 20 نەشە رەتكى شابۋىلىن تويتارادى، جاۋ ارمياسىنان 4000 نەشە ادامدى جويىپ، 400 نەشە ادامدى تۇتقىنداپ، ءسويتىپ، مەملەكەتتىڭ ايبىنىن كورسەتتى. شايقاس اياقتاعان سوڭ، داي انلان شەگىنىپ بارا جاتقان جولدا جاۋدىڭ شابۋىلىنا ۇشىراپ، اۋىر جارالانىپ، 38 جاسىندا ەل ءۇشىن ەرلىكپەن قۇربان بولادى.

  ”قورلىعىنا جاتتاردىڭ قارسى اتتانىپ، جياڭجۇن كەۋدە كەرىپ شىقتى جارىپ. باستاعان مەحانيكا قوسىنى ەدى، ەرلىگى باستى جاۋدىڭ جىنىن قاعىپ. دۇڭگۋادا ءوتتى قان توگىس توسقاۋىلدار، قايتارىپ تاڭجيدى الدىڭ، قاشتى جاۋلار. وقىستان قۇربان بولدىڭ قىرعىن شەپتە، ەرجۇرەك ۇلى ارمانىڭ تۋ بوپ تۇرار“. ماۋ زىدۇڭ داي انلانعا ارناپ ازا ءسوزىن جازىپ، جاپون شاپقىنشىلارىنا قارسى تۇرۋداعى وسى ايگىلى قولباسىنا، ۇلت قاھارمانىنا قايعىلى ازا ءبىلدىردى.

  ءبىر سۇيەم جەر ءبىر تامشى قاننىڭ، ءبىر ۋىس توپىراق ولمەس رۋحتىڭ بوداۋىنا كەلگەن! قالىڭ جۇڭحۋا ۇلاندارى جاۋىزدىقتان تىكسىنبەيتىن، سوڭىنا دەيىن قاندى سوعىس جۇرگىزەتىن قاھارماندىق ەرلىك - جىگەرمەن دۇنيە جۇزىلىك فاشيزمگە قارسى سوعىستىڭ شىعىستاعى شەكسىز ايبىندى داستانىن جازدى.

  ”جاپون شاپقىنشىلارىنا قارسى سوعىس ۇزاققا سوزىلاتىن سوعىس“:

  سەنىم ”ەڭ سوڭعى جەڭىسكە“ جەتكىزدى

  ”جۇڭگو جويىلا ما؟ جاۋاپ: جويىلمايدى، ەڭ سوڭعى جەڭىس جۇڭگونىكى بولادى. جۇڭگو تەز جەڭىسكە جەتە الا ما؟ جاۋاپ: تەز جەڭىسكە جەتە المايدى، جاپون شاپقىنشىلارىنا قارسى سوعىس ۇزاققا سوزىلاتىن سوعىس بولادى“.

  1938 - جىلى 5 - ايدا سولتۇستىك شانشي يان - انداعى جەر كەپەدە، ماۋ زىدۇڭ ”مەملەكەت جويىلادى كوزقاراسى“، ”تەز جەڭىسكە جەتۋ كوزقاراسى“ تۇمانىن سيىرىپ، جاپون شاپقىنشىلارىنا قارسى سوعىس جەڭىسىنىڭ نۇرلى بولاشاعىن بولجادى.

  قايىسپاس، مىزعىماس، ءسوزسىز، جەڭىسكە جەتۋ سەنىمى جۇڭگونىڭ بايتاق دالاسىندا جاۋ باسىپ العان جەردى قايتارىپ الىپ، ۇلتتىڭ گۇلدەنۋىن جۇزەگە اسىرۋداي ايبىندى ماقسات، ۇلى كۇشتى تاسقىنداتتى −

  يان - اندا، جۇڭگو كوممۋنيستىڭ پارتياسى جاپون شاپقىنشىلارىنا قارسى بازا قۇرىپ عانا قويماي، ونىڭ ۇستىنە جاڭا دەموكراتيزمدى مازمۇن ەتكەن قوعامدىق وزگەرىس جۇرگىزىپ، سول تۇستاعى وتانشىل جاستاردىڭ جۇرەگىندەگى قاسيەتتى جەرگە اينالىپ، جۇڭحۋانىڭ توپ - توپ تاڭداۋلى ۇلاندارىن ءبىر اراعا جيدى؛

  يۇننان كۇنميڭدە، جاپون شاپقىنشىلارىنا قارسى سوعىس ورتىندە قۇرىلعان باتىس وڭتۇستىك بىرىككەن داشۋەسىندە، توبەسى قاڭىلتىر تەمىرمەن جابىلىپ، قابىرعاسى سارى توپىراقتان تۇرعىزىلعان ساباقحانادا، اۋە شابۋىلىنان قورعانۋ ساقتىق سيگنالىنىڭ سۇركەيلى ءۇنى مەن جاپون قاراقشىلارىنىڭ بومبىلاۋىندا، شوق جۇلدىزدارداي جارقىراعان ۇلى ۇستازدار، عالىمدار تاربيەلەندى؛

  1945 - جىلى 9 - ايدىڭ 9 - كۇنى جياڭسۋ نانجيڭدە، كەزىندەگى جاپون ارمياسىنىڭ زور قىرعىنىنان امان قالعان قالا حالقى جەڭىس شاتتىعىندا جاپون شاپقىنشىلارى تىزە بۇگۋ حاتىنا قول قويعان تاريحي ساتكە ءوز كوزدەرىمەن كۋا بولدى...

  ”ءبىر نيەتپەن جاپپاي، جاۋ وعىنان قايتپاي، العا باس!...“. جۇڭگو حالقى قۇرىشتاي مويىماس قايسارلىقپەن كۇشتى جاۋدى جەڭىپ، جان - تانىمەن قۇرىش قورعان سوعىپ، الدىڭعىلاردىڭ ءىزىن سوڭعىلار باسىپ، ەل باسىنا تونگەن حاۋىپكە قارسى اتتانىپ، دۇنيەنى ءدۇر سىلكىندىرگەن، اسەرلى دە عالامات تاريحي ايبىندى داستان جازدى. جاپون شاپقىنشىلارىنا قارسى سوعىستىڭ ۇلى رۋحى جۇڭحۋا ۇلتىنىڭ ءومىر ءسۇرۋى مەن قۇرىپ - جوعالۋىن بەلگىلەيتىن تاريحي ساتتە شىڭدالدى، شۇعىلا شاشتى؛ جاپون شاپقىنشىلارىنا قارسى سوعىس ورتىندە دۇنيەگە كەلگەن «ەرىكتىلەر مارشى»، جۇڭحۋا حالىق رەسپۋبليكاسىنىڭ مەملەكەت گيمىنە اينالىپ، ۇرپاقتار بويى جۇڭحۋا ۇلاندارىنىڭ جۇرەگىندە شىعاندادى.

  جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسى جۇڭگو حالقىنىڭ ۇلت دەربەستىگىنە، ەركىندىگىنە، ازاتتىعىنا ۇمتىلۋ ەرىك - جىگەرىن بەكەمدەپ، بايىرعى جۇڭگونىڭ قايتا تۇلەپ قاناتتانۋ، لاۋلاعان ورتتە قايتا سومدالۋداي جاڭا جورىعىن باستادى. جاپون شاپقىنشىلارىنا قارسى سوعىستىڭ ۇلى رۋحى جۇڭگو حالقىنىڭ اسا قىمباتتى رۋحاني بايلىعى، جۇڭگو حالقىن بارلىق قيىندىقتى، حاۋىپ - قاتەردى، كەدەرگىلەردى جەڭۋگە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەس جۇرگىزۋگە ماڭگى جىگەرلەندىرەدى.

  (شينحۋا اگەنتتىگىنىڭ 8 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.