قورعاس شەكارا وتكەلىنە توپتاسقان جۇڭگو - ەۆروپا كەزەكشى پويەزدارى (6 - ايدىڭ 16 - كۇنى ۇشقىش اپپاراتپەن تۇسىرىلگەن). بيىل جىل باسىنان بەرى قورعاس، الاتاۋ ساعاسى شەكارا وتكەلىنەن شەكارادان شىققان جۇڭگو - ەۆروپا كەزەكشى پويەزىنىڭ سانى قاۋىرت ارتتى. □ سۋرەتتى انار بۇلت / شينجياڭ گازەتىنىڭ ءتىلشىسى جوۋ پىڭ تۇسىرگەن
انار بۇلت / شينجياڭ گازەتىنىڭ ءتىلشىسى چىن چياڭۋي 8 - ايدىڭ 5 - كۇنى ۇرىمجىدەن حابارلايدى. 2021 - جىلدىڭ الدىڭعى جارتىسىنداعى شينجياڭنىڭ سىرتقى ساۋداسىنا قاتىستى جاعدايلار جونىندەگى اقپار جاريالاۋ ماجىلىسىنەن ۇعىسۋعا قاراعاندا، الدىڭعى جارتى جىلدا رايونىمىزدىڭ سىرتقى ساۋدا يمپورت - ەكسپورت جالپى قۇنى 65 ميلليارد 870 ميلليون يۋان حالىق اقشاسىنا جەتىپ، سايكەس مەزگىلدەگىدەن ％19.1 ارتقان، 2019 - جىلعى ۇقساس مەزگىلدەگىدەن ％5.4 ارتىپ، سىرتقى ساۋدادا ورنىقتىلىق بارىسىندا بەكەمدەلۋ، ورنىقتىلىق بارىسىندا جاقسارۋ جاعدايى جارىققا شىققان.
الدىڭعى جارتى جىلدا رايونىمىزدىڭ سىرتقى ساۋدا ەكسپورت جالپى قۇنى 50 ميلليارد 160 ميلليون يۋان بولىپ، سايكەس مەزگىلدەگىدەن ％50 ارتىپ، ەكسپورت ءۇرتىس 5 اي ارتقان؛ يمپورت جالپى قۇنى 15 ميلليارد 710 ميلليون يۋان بولعان.
ساۋدا تاسىلىنەن قاراعاندا، ادەتتەگى ساۋدا ءالى دە رايونىمىزدىڭ 1 - ۇلكەن ساۋدا ءتاسىلى بولىپ وتىر. الدىڭعى جارتى جىلدا رايونىمىزدا ادەتتەگى ساۋدا تاسىلىندەگى يمپورت - ەكسپورت جالپى قۇنى 30 ميلليارد 610 ميلليون يۋان بولىپ، سايكەس مەزگىلدەگىدەن ％30.6 ارتىپ، رايونىمىز سىرتقى ساۋدا يمپورت - ەكسپورت جالپى قۇنىنىڭ ％46.5ىن يەلەپ، بىلتىرعى ۇقساس مەزگىلدەگىمەن سالىستىرعاندا 4.1 پايىز جوعارىلاعان؛ شەكارالىق شاعىن سوما تاسىلىندەگى يمپورت - ەكسپورتتىڭ جالپى قۇنى 30 ميلليارد 270 ميلليون يۋان بولىپ، سايكەس مەزگىلدەگىدەن ％15.9 ارتىپ، رايونىمىز سىرتقى ساۋدا يمپورت - ەكسپورت جالپى قۇنىنىڭ ％46ىن يەلەگەن.
الدىڭعى جارتى جىلدا جۇڭگو شينجياڭىنىڭ ”ءبىر بەلدەۋ، ءبىر جول“ جەلى بويىنداعى ەلدەرمەن جانە وڭىرلەردەگى جالپى بەتتىك ەكونوميكالىق سەرىكتەستىك قارىم - قاتىناس كەلىسىمىن جاساسقان ەلدەرمەن بولعان ەكونوميكا - ساۋدا بارىس - كەلىسى جيىلەپ، يمپورت - ەكسپورت جالپى قۇنى كورنەكتى ارتتى. ”ءبىر بەلدەۋ، ءبىر جول“ جەلى بويىنداعى ەلدەرگە قاراتىلعان يمپورت - ەكسپورتتىڭ جالپى قۇنى 56 ميلليارد 650 ميلليون يۋان بولىپ، سايكەس مەزگىلدەگىدەن ％23.1 ارتىپ، رايونىمىز سىرتقى ساۋدا يمپورت - ەكسپورت جالپى قۇنىنىڭ ％86ىن يەلەدى؛ وڭىرلەردىڭ جالپى بەتتىك ەكونوميكالىق سەرىكتەستىك قارىم - قاتىناس كەلىسىمىن جاساسقان ەلدەرگە قاراتىلعان يمپورت - ەكسپورت جالپى قۇنى 4 ميلليارد 660 ميلليون يۋان بولىپ، سايكەس مەزگىلدەگىدەن ％23.9 ارتتى.
ەكسپورت ەتىلگەن تاۋارلاردىڭ تۇرىنەن قاراعاندا، رايونىمىزدا ەڭبەك شوعىرلانعان ونىمدەردىڭ ەكسپورت ەتىلۋى جىلدام ارتىپ، ماشينا - ەلەكتر ونىمدەرىنىڭ سالىستىرماسى جوعارىلاعان. الدىڭعى جارتى جىلدا ەڭبەك شوعىرلانعان ونىمدەر ەكسپورتىنىڭ جالپى قۇنى 22 ميلليارد 430 ميلليون يۋان بولىپ، سايكەس مەزگىلدەگىدەن ％58.2 ارتىپ، رايونىمىز سىرتقى ساۋدا ەكسپورت جالپى قۇنىنىڭ ％44.7 يەلەگەن؛ ماشينا - ەلەكتر ونىمدەرىنىڭ ەكسپورتى 16 ميلليارد 60 ميلليون يۋان بولىپ، سايكەس مەزگىلدەگىدەن ％61.7 ارتىپ، رايونىمىز سىرتقى ساۋدا ەكسپورت جالپى قۇنىنىڭ ％32ىن يەلەپ، ۇستاعان سالىستىرماسى بىلتىرعى ۇقساس مەزگىلمەن سالىستىرعاندا 2.3 پايىز وسكەن.
حالىقتىق كاسىپورىندار ءالى دە رايونىمىزدىڭ سىرتقى ساۋداسىنداعى نەگىزگى كۇش. الدىڭعى جارتى جىلدا حالىقتىق كاسىپورىنداردىڭ يمپورت - ەكسپورت جالپى قۇنى 54 ميلليارد 200 ميلليون يۋان بولىپ، سايكەس مەزگىلدەگىدەن ％42.6 ارتىپ، رايونىمىز سىرتقى ساۋدا ەكسپورت جالپى قۇنىنىڭ ％82.3 يەلەدى. مۇنىڭ ىشىندە ەكسپورت 46 ميلليارد 300 ميلليون يۋان بولىپ، سايكەس مەزگىلدەگىدەن ％50.2 ارتتى؛ يمپورت 7 ميلليارد 900 ميلليون يۋان بولىپ، سايكەس مەزگىلدەگىدەن ％9.9 ارتتى.
الدىڭعى جارتى جىلدا ءۇرىمجى قالاسىنىڭ، ىلە قازاق اۆتونوميالى وبلىسىنىڭ، قاشقار ايماعىنىڭ، تارباعاتاي ايماعىنىڭ، سانجى حۇيزۋ اۆتونوميالى وبلىسىنىڭ، اقسۋ ايماعىنىڭ، شىحىزى قالاسىنىڭ، التاي ايماعىنىڭ، قارامايلى قالاسىنىڭ، قۇمىل قالاسىنىڭ سىرتقى ساۋدا يمپورت - ەكسپورت جالپى قۇنى تۇگەلدەي تۇرلىشە دەڭگەيدە ارتۋدى جۇزەگە اسىردى، مۇنىڭ ىشىندە ءۇرىمجى قالاسىنىڭ يمپورت - ەكسپورت جالپى قۇنى تۇتاس شينجياڭنىڭ ءارقايسى ايماق، وبلىس، قالالارىندا الدىڭعى ورىندا تۇر.
