تيانشان تورى   ›   جاڭالىقتار   ›   شينجياڭ حابارلارى

”باقىت ايالداماسى“ جۇرت جۇرەگىن مەيىرگە بولەدى

  التاي ايماعىندا:

  ”باقىت ايالداماسى“ جۇرت جۇرەگىن مەيىرگە بولەدى

  انار بۇلت / شينجياڭ گازەتىنىڭ ءتىلشىسى جاڭ تيڭ، التاي تىلشىلەر پۋنكتىنەن حۋ جۇنشيۋ

  ”مال باعۋ تىم ماشاقتاتتى، ءبىر ءتاۋىرى پارتيا مەن ۇكىمەت بىزگە ’باقىت ايالداماسىن‘ سالىپ بەردى“، - دەدى 7 - ايدىڭ 26 - كۇنى قابا اۋدانى جايىلما اۋىلىنداعى مالشى مۇرات تۇرسىنبەك قۋانىشپەن: ”ءبىز قازىر كۇندىز مال باعامىز، ورتانى قورعايتىن دارەتحانامىز بار، تازالىق ساقتاۋىمىزعا قولايلى. كەشتە مال شارۋاشىلىعى كەڭسەسىنە بارساق ەلەكتر شىراق بار، تاعى ۇيىمىزدەگىلەرگە تەلەفون بەرىپ تىلدەسە الامىز“.

  پارتيا تاريحىن ۇيرەنۋ تاربيەسى ورىستەتىلگەننەن بەرى مالشىلاردىڭ كوشى - قون مەزگىلىندە جىلى سۋمەن جۋىنا الۋىنا، ەلەكتردەن پايدالانا الۋىنا مۇمكىندىك جاساۋ ءۇشىن، التاي ايماعى ءىس جۇزىندىكپەن بىرلەستىرىپ، بەلسەندىلىكپەن بۇقارا ءۇشىن ناقتى ءىس ىستەپ، قيىن ماسەلەلەردى شەشىپ، ”باقىت ايالداماسى“ قۇرىلىسىن حالىققا تيىمدىلىك جاساۋ نىسان قامباسىنا كىرگىزىپ، بايلىق قاينارىن ءبىر تۇتاس جوسپارلاپ، بار كۇشپەن ”مىڭ شاقىرىمدىق كوش جولىنداعى باقىت ايالداماسىن“ قۇرىپ، مال شارۋاشىلىق وڭىرىندەگى بۇقارانىڭ ءوندىرىس، تۇرمىسىنا قولايلىلىق جاسادى.

  ”بۇرىن ءبىز كوشكەندە دەمالماقشى بولساق، تەك قانا ءشوپتى جەرلەرگە اۋناي كەتۋشى ەدىك، جەر ءارى سۋىق ءارى سىز، تازالىعى دا جاقسى ەمەس ەدى. قازىر ايالدامامىز بار، جۋىنۋ، ەلەكتردەن پايدالانۋ ەرەكشە قولايلى بولدى“. جەمەنەي اۋدانى توستى اۋىلى قاراشوقى قىستاعىنداعى مالشى كاۋسار ايقىن ”باقىت ايالداماسىن“ ماداقتادى.

  توستى اۋىلىنداعى ”باقىت ايالداماسى“ ارال جايلاۋىنا سالىنعان، يەلەگەن جەر كولەمى 500 شارشى مەتردەن اسادى، تازالىق ءۇيى، مونشاسى، مال شيپاگەرلىك ءۇيى، ءماجىلىسحاناسى، دەمالۋ ءۇيى ورنالاستىرىلعان ءارى قىزمەت وتەۋمەن قامدايتىن قىزمەتكەرلەرى دە بار. توستى اۋىلدىق پارتكومنىڭ مۇشەسى ءمولدىر ماقسات بىلاي دەدى: ”’باقىت ايالداماسى‘ نان، كومىر، ءدارى - دارمەك سياقتى زاتتىق ماتەريالدار دايىنداپ، مالشىلاردىڭ حاۋىپسىز كوشۋىن قامتاماسىز ەتتى“.

  ءتىلشىنىڭ التاي ايماقتىق پارتكوم ۇيىمداستىرۋ بولىمىنەن ۇعىسۋىنا قاراعاندا، بيىل التاي ايماعى ءارقايسى جەردەگى بۇرىنعى بار مال شارۋاشىلىق كەڭسەلەرىنىڭ دارەجەسىن كوتەرىپ، جاڭالاپ، كۇن ەنەرگياسى ارقىلى ەلەكترمەن قامداۋ، جىلۋمەن قامداۋ جابدىقتارىن ورناتىپ، ورتانى قورعايتىن دارەتحانا، مال قورالايتىن قورشاۋ سالىپ، كوشكەن مالشىلاردىڭ ءوندىرىس، تۇرمىس قاجەتىن جاپپاي قامتاماسىز ەتكەن. قازىرگە دەيىن تۇتاس ايماقتا جيىنى 132 ”باقىت ايالداماسى“ سالىنعان.

  ”ءبىز تاعى ’باقىت ايالداماسى‘ ارقىلى پارتيانىڭ حالىققا تيىمدىلىك جاساۋ ساياساتىن ۇگىتتەپ، مالشى بۇقارانى پارتيانىڭ مەيىرىنە العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە اناعۇرلىم جەتەكتەي تۇستىك“، - دەدى التاي ايماقتىق پارتكوم ۇيىمداستىرۋ ءبولىمىنىڭ ورىنباسار باستىعى ساي ۋيۋي.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.