− كوپ ەلدىڭ اۋمىندا تۇراتىن كونسۋلدارىنىڭ شينجياڭعا كەلىپ ارالاۋىنان، ساپاردا بولۋىنان ەستەلىك
انار بۇلت / شينجياڭ گازەتىنىڭ ءتىلشىسى ياڭ شۋحان
ساياحات كورىنىس وڭىرلەرىندە ساياحاتشىلارمەن اڭگىمەلەسىپ، ءدامدى تاعام مادەنيەتى جانە ساياحات فۋنكتسياسىنا يە نان مادەنيەتى كاسىپ باقشاسىن ەكسكۋرسيالادى... 7 - ايدىڭ 27 - كۇنىنەن 29 - كۇنىنە دەيىن موزامبيك، انگولا، ەستونيا، نيگەر جانە ماليدىڭ اۋمىندا تۇراتىن باس كونسۋلدارىنىڭ، قۇرمەتتى كونسۋلدارىنىڭ ەكسكۋرسيا - ساپار ۇيىرمەسى شينجياڭعا كەلىپ ارالادى، ساپاردا بولدى. ەكسكۋرسيا - ساپار ۇيىرمەسىنىڭ مۇشەلەرى ىلگەرىندى - كەيىندى ءۇرىمجى قالاسىنا، تۇرپان قالاسىنا، سانجى قالاسىنا بارىپ، شينجياڭنىڭ ءار جاقتاعى دامۋ جەتىستىكتەرىنە كۋا بولدى جانە ونى سەزىندى.
7 - ايدىڭ 27 - كۇنى تۇستەن بۇرىن ەكسكۋرسيا - ساپار ۇيىرمەسى ۇرىمجىدە ”شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسىن“ ەكسكۋرسيالادى. ەستونيانىڭ اۋمىندا تۇراتىن قۇرمەتتى كونسۋلى لياۋ زىيۇن تىلشىگە ءوزىنىڭ شينجياڭعا 10 نەشە رەت كەلگەنىن، ءار جولى كەلگەن سايىن جاڭا وزگەرىستەردى سەزىنەتىندىگىن ايتتى. ول: ”باتىستاعى جۇڭگوعا قارسى كۇشتەر جات نيەتپەن وسەك - اياڭ تاراتىپ، شينجياڭعا كۇيە جاقتى، ال مەن شينجياڭنىڭ ۇلتتارىنىڭ ىنتىماقتى، ءدىنىنىڭ جاراسىمدى ەكەنىن، حالىق تۇرمىسىنىڭ وتە جاقسى جاقسارعانىن جانە قامتاماسىز ەتىلگەنىن كوردىم. مەن اۋمىنعا قايتقان سوڭ، شينجياڭنىڭ گۇلدەنىپ - كوركەيگەن، دامىعان ناقتى جاعدايىن ۇگىتتەپ، اناعۇرلىم كوپ ادامنىڭ شينجياڭعا كەلىپ كورۋىنە مۇمكىندىك جاسايمىن“، - دەدى.
”جۇڭگو شينجياڭ ۇكىمەتىنىڭ ۇيلەسىمدى شارا قولدانىپ، بۇكىل دۇنيە ءجۇزىنىڭ لاڭكەستىككە قارسى كۇرەسىنە تاماشا تاجىريبە ازىرلەگەندىگىنە ءدان ريزامىن“. موزامبيكتىڭ اۋمىندا تۇراتىن باس كونسۋلى رافيل كۋستوديو ماكس: ءبىز شينجياڭدا شينجياڭ حالقىنىڭ باقىتتى تۇرمىسىن سەزىندىك، - دەدى.
ءۇرىمجى قالاسىنداعى ياڭحاڭ مەشىتىندە ەكسكۋرسيا - ساپار ۇيىرمەسىنىڭ مۇشەلەرى وسى ارادا حالىققا قولايلى قىزمەت وتەۋ ءتۇيىنى، شاعىن ءورت ءوشىرۋ پۋنكتى سياقتى قۇرىلعى - جابدىقتارمەن جابدىقتالعانىن، ۇكىمەتتىڭ قالىپتى ءدىني قيمىلداردى قامتاماسىز ەتىپ وتىرعانىن كوردى. انگولانىڭ اۋمىندا تۇراتىن باس كونسۋلى ەدۋارد ۆيلاسكو كاليانو بىلاي دەدى: كەيبىرەۋلەر شينجياڭدا تۇرلىشە ۇلتتاردى، تۇرلىشە دىندەردى كەمسىتۋ جايتى بار دەسەدى، ءبىز مۇقيات باقىلادىق، بۇل بۇكىلدەي جات نيەتتى ادامداردىڭ ويدان شىعارعان وسەك - اياڭى ەكەن. شينجياڭدا ۇكىمەت ءدىني سەنىم ەركىندىگىنە قۇرمەت ەتىپ جانە ونى قورعاپ، قالىپتى ءدىني قيمىلدار زاڭ بويىنشا قورعالعان، ءبىز كورگەن شىندىق مىنە وسى، وعان كۇيە جاعۋعا بولمايدى.
جازدىڭ شىلىڭگىر ىستىعىندا تۇرپاندا جەمىس - جيدەكتىڭ حوش ءيىسى اڭقيدى. ەكسكۋرسيا - ساپار ۇيىرمەسى ىلگەرىندى - كەيىندى كارىز قۇدىعى باعىنا، قازىحان مەشىتىنە، تۇرپان نان كاسىپ باقشاسىنا جانە بۇيلىق كورىنىس وڭىرىنە بارىپ، شينجياڭ حالقىنىڭ باقىتتى دا تىنىش تۇرمىسىن شىنايى سەزىندى. نان كاسىپ باقشاسىنداعى جۇمىسشىلاردىڭ كاسىپتىك تاربيەلەۋدەن كەيىن ءارى شارۋا، ءارى ونەركاسىپ جۇمىسشىسى بولعانىن، ءجۇزىم ەگۋمەن قوسا ينتەرنەتتىك تىكە تاراتۋدا ساتا الاتىندىعىن، سونىمەن بىرگە نان كاسىپ باقشاسىندا جۇمىس ىستەپ، كىرىستەرىن ارتتىراتىندىعىن بىلگەننەن كەيىن، ەكسكۋرسيا - ساپار ۇيىرمەسىنىڭ مۇشەلەرى ىركەس - تىركەس تاڭداي قاعىپ، القاۋ ءبىلدىردى. موزامبيكتىڭ اۋمىندا تۇراتىن باس كونسۋلىنىڭ حانىمى ماتتارينا دا كونسەسان اۋگۋستا بىلاي دەدى: كاسىپ باقشاسى جەرگىلىكتى شارۋالارعا قىزمەت ورايىن ازىرلەپ، ولاردىڭ كىرىسى مەن تۇرمىس ساپاسىن جوعارىلاتىپ، ادامدار باقىتتى، تاماشا تۇرمىس كەشىرىپ جاتىر ەكەن، بۇل − ەڭ ۇلكەن ادامدىق ۇقىق. ايتىلمىس ”زورلىقپەن ەڭبەككە سالدى“ دەۋشىلىك جۇڭگونىڭ شينجياڭىن مۇلدە ورىنسىز جازعىرعاندىق.
ءۇرىمجى تەمىر جول قۇرىلىسى اۋىر ونەركاسىپ شينجياڭ شەكتى سەرىكتەستىگىنىڭ ءوندىرىس سەحىندا ماشينالار گۇرىلدەپ، قاربالاس جۇمىس ءجۇرىپ جاتتى. ەكسكۋرسيا - ساپار ۇيىرمەسى ارالاي ءجۇرىپ كورىپ، قالقان قۇرىلىمدى ماشيناسىنىڭ، ماقتا جيناۋ ماشيناسىنىڭ ءوندىرىلۋ، قۇراستىرىلۋ بارىسىن ىشكەرىلەي ۇعىسىپ، كاسىپورىننىڭ جەدەل دامۋىنا القاۋ ايتتى. ەرەكشە ترانسفورماتور شەكتى جارنا سەرىكتەستىگى شينجياڭ ترانسفورماتور زاۆودىندا كاسىپتىك تەحنيكالىق تابىستار ادامدى قايران قالدىردى. ”شينجياڭ ەرەكشە ترانسفورماتورى ءبىزدىڭ انگولانىڭ دامۋىنا اسا باعالى تەحنيكا ازىرلەپ وتىر“، - دەدى ەدۋارد ۆيلاسكو گاليانو.
شينجياڭ اۋىل شارۋاشىلىق كورمە باقشاسىندا ەكسكۋرسيا - ساپار ۇيىرمەسىنىڭ مۇشەلەرى جاڭاشا اۋىل شارۋاشىلىق ەگىمشىلىك تەحنيكاسىنا ەرەكشە قىزىعىپ، ىركەس - تىركەس ايالداپ، ەستەلىك سۋرەتكە ءتۇستى ءارى اۋىل شارۋاشىلىق تەحنيكا ماماندارىمەن ىشكەرىلەي پىكىر اۋىستىردى.
ەكسكۋرسيا - ساپار ۇيىرمەسى شينجياڭ حالىقارالىق ۇلكەن بازارىنا بارىپ، شينجياڭنىڭ جەرگىلىكتى سالت - ساناسى مەن كوپ نەگىزدى مادەنيەتىن سەزىندى، بۇل اراداعى ءداستۇرلى قۇرىلىستار، ۇلتتىق سالت - سانا، ءدامدى تاعامدار، بەيزاتتىق مادەنيەت مۇرالار سياقتىلاردىڭ تارتىمدىلىعى الىستان كەلگەن قوناقتاردى ايرىقشا وزىنە تارتتى. اۋمىن ەرەكشە اكىمشىلىك رايونى ۇكىمەتى باس شتاپ ىستەرى مەكەمەسىنىڭ باسقارما باستىعى جاڭ يۇڭمەي وسى رەت شينجياڭعا كەلگەندە، شينجياڭداعى قاراپايىم بۇقارانىڭ ناقتى تۇرمىسىن ءوز كوزىمەن كورىپ، وزىندىك ەرەكشەلىككە يە شينجياڭ مادەنيەتىن ءتۇسىنىپ، شينجياڭ ەكونوميكاسىنىڭ دامۋىنىڭ كۇشتى ءلۇپىلىن سەزىنگەنىن ءبىلدىردى.
3 كۇن ىشىندە ەكسكۋرسيا - ساپار ۇيىرمەسىنىڭ بارلىق مۇشەلەرى تاياۋ جىلداردان بەرى شينجياڭنىڭ ەكونوميكاسىنىڭ، قوعامىنىڭ جەدەل دامىعاندىعىنا قايران قالدى، ولار جابال مىنالاردى ءبىلدىردى: شينجياڭ قوعامىنىڭ كەلەلى جاعدايى ۇزدىكسىز ورنىقتى بولىپ، ءار ۇلت حالقى تاتۋ - ءتاتتى ءوتىپ، تىنىش ءومىر، شات - شادىمان تىرشىلىك كەشىرىپ، ءاربىر ادامنىڭ جۇزىنە كۇلكى ۇيالاعانىن كوردىك. ولار شينجياڭداعى ءار ۇلت حالقىنىڭ، ءسوز جوق، اناعۇرلىم كوركەم بولاشاققا قۇشاق اشاتىندىعىنا كامىل سەنەتىندىكتەرىن ايتتى.
