تيانشان تورى   ›   جاڭالىقتار   ›   شينجياڭ حابارلارى

اۋىل شارۋاشىلىعى ماشينالارىنا جانى قۇشتار بايۋدىڭ باستاماشىسى

 □ انار بۇلت / شينجياڭ گازەتىنىڭ ءتىلشىسى سۇڭ يا - ۋىن

  ”قازىر اۋىل شارۋاشىلىعى ءوندىرىسىنىڭ جەر جىرتۋ، ەگۋ، ورۋ سىندى ءتۇرلى بۋىندارىنىڭ ماشينالاسۋ دەڭگەيى بارعان سايىن جوعارىلاپ، شارۋالاردىڭ ەگىن ەگۋى بارعان سايىن وڭايلاستى“. 8 - ايدىڭ 1 - كۇنى جىڭ اۋدانىنداعى ۋيمين اۋىل شارۋاشىلىعى ماشينالارى اۋىل شارۋاشىلىعى سەلبەستىك كووپەراتيۆىنىڭ القا باستىعى جاڭ ۋيدۇڭ قولىنداعى جۇمىسىن ىستەي ءجۇرىپ، تەبىرەنە سويلەدى.

  جاڭ ۋيدۇڭ جىڭ اۋدانى باجياحۋ ەگىس الاڭىنىڭ قىزمەتكەرى، اۋىل شارۋاشىلىعى ماشينالارىن جۇرگىزەتىن شاكىرتتەن قازىرگى سەلبەستىك كووپەراتيۆىنىڭ القا باستىعى بولعانعا دەيىن، بيىل 53 جاستاعى جاڭ ۋيدۇڭنىڭ باسىم كوپ ۋاقىتى اۋىل - قىستاق ارالارىنا زىر جۇگىرۋمەن، اتىزداردى ارالاۋمەن ءوتتى، اۋىل شارۋاشىلىعى ماشينالارى، ەگىس جۇمىستارىمەن اينالىسىپ، تۇرمىسى دا اۋىل شارۋاشىلىعى ماشينالارىنىڭ جاڭالانۋىنا ىلەسە كۇن سايىن جاقساردى.

  1993 - جىلى جاڭ ۋيدۇڭ 16 مىڭ يۋان اقشا جيىپ، ءبىر تراكتور ساتىپ الىپ، قىستاقتاعى العاشقى توپتاعى اۋىل شارۋاشىلىعى ماشيناسى بار ادامدار قاتارىنا قوسىلادى. ”سول كەزدە جىڭ اۋدانىندا تراكتورى بار ادامدار وتە از ەدى، مەن ءوز جەرىمدى سالۋدان تىس، قىستاقتاعىلارعا تۇقىم ءسىڭىرىپ بەرەتىنمىن، ەگىس قاربالاستىعى كەزىندە ماقتا جانە جۇگەرى تاسىپ، ەگىس ارەدىگىندە تاسىمالمەن اينالىسىپ، كىرىسىم ءبىرتالاي جوعارىلادى. تۇرمىسىم دا جاقساردى“، - دەدى جاڭ ۋيدۇڭ كۇلە سويلەپ.

  2004 - جىلى ورتالىقتىڭ 1 - ءنومىرلى حۇجاتىندا اۋىل شارۋاشىلىعىن ماشينالاندىرۋ دەڭگەيىن جوعارىلاتىپ، شارۋالارعا، ەگىس الاڭى قىزمەتكەرلەرىنە، ەگىس ماشيناسى بار كاسىپتىك وتباسىلارىنا جانە تىكە اۋىل شارۋاشىلىعى وندىرىسىمەن اينالىساتىن اۋىل شارۋاشىلىعى ماشينالارىمەن قىزمەت وتەۋ ۇيىمدارىنا ءىرى تۇرپاتتى اۋىل شارۋاشىلىعى ماشينالارىن ساتىپ الۋىنا جانە جاڭالاۋ بويىنشا بەلگىلى مولشەردە قوسىمشا قاراجات بەرۋ ورتاعا قويىلدى. بۇل حابار جاڭ ۋيدۇڭدا ءىرى تۇرپاتتى اۋىل شارۋاشىلىق ماشيناسىن ساتىپ الۋ ويىن تۋدىردى.

  ”جىڭ اۋدانىنىڭ ەگىستىك جەر اۋماعى كەڭ، ەگەر ءىرى تۇرپاتتى اۋىل شارۋاشىلىعى ماشينا جابدىقتارىن پايدالانىپ ەگىن ەكسە، شارۋا وتباسىلارى، ءسوز جوق، قارسى الادى، ونىڭ ۇستىنە قوسىمشا قاراجاتى دا بار“. وسى ويدىڭ جەتەگىندە جاڭ ۋيدۇڭ ىلگەرىندى - كەيىندى سول كەزدەگى ەڭ وزىق ماقتا تەرۋ ماشيناسىن، جوعارى ات كۇشىندىك تراكتور ساتىپ الدى... ونىڭ وتباسى جەرگىلىكتى ورىنداعى تانىمال اۋىل شارۋاشىلىعى ماشينالارىن جۇرگىزەتىن وتباسىعا اينالدى، ءار جىلى اۋىل شارۋاشىلىق ماشينالارىن جۇرگىزۋدەن تاباتىن كىرىسى تۇگەلدەي 100 نەشە مىڭ يۋان بولدى.

  2015 - جىلى جاڭ ۋيدۇڭ قىستاقتاعى 6 اۋىل شارۋاشىلىعى ماشيناسى شەبەرىن باستاپ، جىڭ اۋدانى ۋيمين اۋىل شارۋاشىلىعى ماشينالارى اۋىل شارۋاشىلىعى سەلبەستىك كووپەراتيۆىن قۇردى، تاعى 2 ماقتا تەرۋ ماشيناسىن ساتىپ اكەلىپ، اۋىل شارۋاشىلىعى ماشينالارىمەن قىزمەت وتەۋ كولەمىن جىڭ اۋدانىنان تۇتاس بۇراتالا موڭعۇل اۆتونوميالى وبلىسىنا دەيىن كەڭەيتتى.

  تاياۋ 2 جىلدا جىڭ اۋدانى قولدانىلمالى ۇشقىش اپپاراتپەن وسىمدىك باپتاۋ تەحنيكاسىن كەڭ كولەمدە جالپىلاستىردى، جاڭ ۋيدۇڭ 150 مىڭ يۋان قارجى قوسىپ، 2 وسىمدىك باپتاۋ ۇشقىش اپپاراتىن ساتىپ الدى. قالاي ورنىن تۇراقتاندىرۋدان ۇشقىش اپپاراتتى قالاي ۇشىرۋعا، ودان ءدارى مولشەرىن دالمە - ءدال مەڭگەرۋگە دەيىن جاڭ ۋيدۇڭ مەن كووپەراتيۆ مۇشەلەرى قايتا - قايتا جاتتىقتى.

  ”وسىمدىك باپتاۋ ۇشقىش اپپاراتىمەن ءدارى شاشقاندا، دالمە - ءدال بولۋ، ءونىمى جوعارى بولۋ، سىڭىمدىلىگى كۇشتى بولۋ سىندى باسىمدىقتارعا يە ءارى ۋاقىتتان ۇتادى، كۇش زايا بولمايدى، ونىمدىلىك جوعارىلايدى ءارى ەگىس ءدارىسىنىڭ ىستەتىلۋ مولشەرى ازايتىلىپ، حاۋىپسىز بولادى، ورتانى قورعايدى، ءبىز ءبىر اي ۋاقىتتا ۇيرەنىپ، ءبىلىپ الدىق“، - دەدى جاڭ ۋيدۇڭ اسەرلەنە، - ”ەگىس ءدارىسىن شاشۋدا بۇرىنعى ءدارى ساندىعىن ارقالاپ كوتەرىپ ءجۇرىپ، ادام كۇشىمەن بۇركۋدەن كەيىنگى ءوزى شاشاتىن تاياقشالى ءدارى بۇرىككىشكە دامىدى، ال قازىر وسىمدىك باپتاۋ ۇشقىش اپپاراتىمەن ءدارى بۇركەتىن بولدىق، اۋىل شارۋاشىلىعىنىڭ دامۋ قارقىنى شىنىمەن وتە تەز!“.

  بيىل جىڭ اۋدانى ۋيمين اۋىل شارۋاشىلىعى ماشينالارى اۋىل شارۋاشىلىعى سەلبەستىك كووپەراتيۆى جىڭ اۋدانىنىڭ ماڭىنداعى اۋىل - قالاشىقتارداعى شارۋالاردىڭ 15 مىڭ مۋ جەرىنە ەگىمشىلىك جونىنەن قىزمەت وتەدى، كووپەراتيۆ مۇشەلەرىنىڭ كىرىسى دە جىل سايىن ارتۋدا.

  تاياۋ جىلداردان بەرى اۋىل شارۋاشىلىعى كاسىپ سالاسى قۇرىلىمىن رەتتەۋ تەبىنىنىڭ ۇزدىكسىز ارتۋىنا ىلەسە، شينجياڭنىڭ ەگىمشىلىك كاسىبى، مال شارۋاشىلىعى، جەمىس ورمان شارۋاشىلىعى قاتارلىلاردىڭ ماشينالانۋ ورەسى بارعان سايىن جوعارىلادى. ”اۋىل شارۋاشىلىعىن ماشينالاندىرۋ − اۋىل شارۋاشىلىعىن وسىزامانداندىرىپ دامىتۋداعى تەتىك جانە كەپىل، مەن مۇنىڭ كۋاگەرىمىن، يگىلىگىن كورۋشىسىمىن، الداعى كۇندەردە تۇرمىسىمىزدىڭ بارعان سايىن جاقساراتىندىعىنا سەنەمىن“، - دەدى جاڭ ۋيدۇڭ.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.