الدىڭعى جارتى جىلدا مال شارۋاشىلىعىنىڭ دامۋ جاعدايى جاقسى بولدى
ءسۇت ونىمدەرىنىڭ ساتىلۋ مولشەرى سايكەس مەزگىلدەگىدەن 2 ەسە ارتتى
انار بۇلت / شينجياڭ گازەتىنىڭ ءتىلشىسى حي حۇڭۋي 8 - ايدىڭ 7 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق مال شارۋاشىلىق، مال شيپاگەرلىگى مەكەمەسىنەن ۇعىسۋىنشا: الدىڭعى جارتى جىلدا رايونىمىز مال شارۋاشىلىعىنىڭ دامۋى تاماشا اۋقىمدى ساقتاعان، شوشقا، سيىر، قوي، قۇس ەتىنىڭ جالپى ءونىم مولشەرى 833 مىڭ توننا، سيىر ءسۇتىنىڭ ءونىم مولشەرى 941 مىڭ توننا، قۇس جۇمىرتقاسىنىڭ ءونىم مولشەرى 216 مىڭ توننا بولىپ، سايكەس مەزگىلدەگىدەن جەكە - جەكە ％8.05، ％18.7، ％1.3 ارتقان. تۇتاس رايونداعى ءسۇت ونىمدەرىنىڭ سىرتقا ساتىلۋى مولشەرمەن 90 مىڭ توننا بولىپ، سايكەس مەزگىلدەگىدەن ％20 ارتقان.
بيىل جىل باسىنان بەرى اۆتونوميالى رايوندىق مال شارۋاشىلىعى، مال شيپاگەرلىگى مەكەمەسى اۋىل - قىستاقتى گۇلدەندىرۋ ستراتەگياسىن اتقارۋدى باس تۇتقا ەتىپ، مال شارۋاشىلىعىنداعى قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، ەكولوگيالىق دامۋ بەتالىسىنا تاباندى بولىپ، ەگىن، مال شارۋاشىلىعىن بىرلەستىرۋدەن جازباي، بايلىق ابزالدىلىعىن ساۋلەلەندىرىپ، رايون ءىشىن مال شارۋاشىلىق ونىمدەرىمەن قامداۋعا كەپىلدىك ەتۋمەن بىرگە، جوعارى دەڭگەيلى بازار قاجەتىن تياناق ەتىپ، ەرەكشە مال شارۋاشىلىعىن كۇش سالا دامىتتى.
الدىڭعى جارتى جىلدا تۇتاس رايونداعى شوشقانىڭ قوراداعى سانى 3 ميلليون 994 مىڭ باس، بازارعا شىعارىلعانى 3 ميلليون 21 مىڭ باس بولىپ، سايكەس مەزگىلدەگىدەن جەكە - جەكە ％26.2، ％16.9 ارتقان؛ تۇتاس رايونداعى سيىردىڭ قوراداعى سانى 6 ميلليون 3000 باس، بازارعا شىعارىلعانى ءبىر ميلليون 379 مىڭ باس بولىپ، سايكەس مەزگىلدەگىدەن جەكە - جەكە ％10.1، ％5.8 ارتقان؛ تۇتاس رايوندا بازارعا شىعارىلعان قوي 16 ميلليون 894 مىڭ تۇياق بولىپ، سايكەس مەزگىلدەگىدەن ％2 ارتقان.
تانىستىرۋعا نەگىزدەلگەندە، 2021 - جىلى شينجياڭ سويىس قويدىڭ تەز جەتىلىپ، تەز ءوسۋىن جەدەلدەتىپ، سويىس سيىردى بورداقىلاۋ تەحنيكاسىن كەڭىنەن جالپىلاستىرۋ جانە كولەمدەنگەن بورداقىلانعان سيىر فەرماسى قۇرىلىسى تەبىنىن ارتتىرىپ، سالىنىپ بولعان، كولەمدەنگەن قۇس فەرماسى باعىمشىلىعىنىڭ ونىمدىلىگىن جەدەل جوعارىلاتىپ، سىرتقا ءتىرى شوشقا شىعارۋ كاسىپ سالاسى باسىمدىعىن بەكەمدەپ، كەڭەيتىپ، وڭدەۋ - ساتۋ تورىن بەلسەنە كەمەلدەندىرىپ، مال شارۋاشىلىعى كاسىبىن باعىمشىلىقپەن، وڭدەۋمەن، ساتۋمەن ءبىر تۇلعالاندىرا دامىتۋدى جەبەپ، كاسىپ سالاسىنىڭ باستاماشىلدىق ەتۋ قابىلەتىن كۇشەيتكەن.
اۆتونوميالى رايوندىق مال شارۋاشىلىعى، مال شيپاگەرلىگى مەكەمەسىندەگى قاتىستى جاۋاپتى جولداس مىنانى ءبىلدىردى: بيىل تۇتاس رايونداعى مال شارۋاشىلىعى، مال شيپاگەرلىگى جۇيەسى مەملەكەتتىڭ مال شارۋاشىلىعى كاسىبىن جوعارى ساپالى دامىتۋ جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، قامداۋعا كەپىلدىك ەتىپ، كىرىستى ارتتىرۋدى، ساپاسىن جوعارىلاتىپ، ونىمدىلىكتى ارتتىرۋدى تياناق ەتىپ، كاسىپ سالاسى ارقىلى كەدەيلىكتەن ارىلتۋ جەتىستىكتەرىن بەكەمدەۋدى، كەڭەيتۋدى مال شارۋاشىلىعى كاسىبىنىڭ جوعارى ساپالى دامۋىمەن ءونىمدى ۇشتاستىرىپ، مال شارۋاشىلىق ونىمدەرىمەن قامتاماسىزداندىرۋ، قامداۋ قابىلەتىن كۇش سالا جوعارىلاتىپ، تۇتاس رايوندا جاڭادان ارتقان ەت ءونىم مولشەرىن 100 مىڭ توننادان، ءسۇت ءونىم مولشەرىن 100 مىڭ توننادان، قۇس جۇمىرتقاسىنىڭ ءونىم مولشەرىن 10 مىڭ توننادان اسىرۋعا كۇش سالادى.
