حالىق گازەتى اۆتورلى ماقالا جاريالادى
«جۇڭحۋا ۇلتىنىڭ ۇلى گۇلدەنۋىنە بەرىك سالاماتتىق نەگىز قالادى − باس شۋجي شي جينپيڭنىڭ سالاماتتى جۇڭگو جونىندەگى ماڭىزدى بايىمداۋلارى تۋرالى شولۋ»
شينحۋا اگەنتتىگىنىڭ 8 - ايدىڭ 7 - كۇنى بەيجيڭنەن بەرگەن حابارى. حالىق گازەتى 8 - ايدىڭ 8 - كۇنى «جۇڭحۋا ۇلتىنىڭ ۇلى گۇلدەنۋىنە بەرىك سالاماتتىق نەگىز قالادى − باس شۋجي شي جينپيڭنىڭ سالاماتتى جۇڭگو جونىندەگى ماڭىزدى بايىمداۋلارى تۋرالى شولۋ» اتتى اۆتورلى ماقالا جاريالادى.
”وسىزامانداندىرۋدىڭ ەڭ ماڭىزدى كورسەتكىشى − حالىقتىڭ دەنساۋلىعى، بۇل حالىقتىڭ باقىتتى تۇرمىسىنىڭ نەگىزى. بۇل ءىستى مىقتى يگەرۋ، حالىقتى بارىنەن جوعارى قويۋ، ءومىردى بارىنەن جوعارى قويۋ بۇكىل پارتيا، بۇكىل قوعام، ءسوز جوق، بەرىك ورناتۋعا ءتيىستى ۇستانىم بولۋعا ءتيىس“. بيىل 3 - ايدىڭ 23 - كۇنى باس شۋجي شي جينپيڭ فۋجياندا قىزمەت تەكسەرگەندە وسىلاي دەپ اتاپ كورسەتتى.
ماقالادا بىلاي دەلىنگەن: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتىڭ سالاماتتىعىن قورعاۋدى اناعۇرلىم كورنەكتى ورىنعا قويىپ، مەملەكەتتىك دەنساۋلىق ساقتاۋ جانە سالاماتتىق جينالىسىن اشىپ، جاڭا داۋىردەگى دەنساۋلىق ساقتاۋ جانە سالاماتتىق قىزمەتى باعىتىن بەلگىلەپ، «”سالاماتتى جۇڭگو 2030“ جوبا باعدارلاماسىن» باسىپ تاراتىپ، سالاماتتى جۇڭگو قۇرۋ ۇندەۋىن جاريالاپ، سالاماتتى جۇڭگو قۇرۋدىڭ كەلەلى باعىت - ساياساتتارى مەن ارەكەت باعدارناماسىن ايقىنداپ، حالىقتىڭ سالاماتتىق جاعدايى مەن نەگىزگى ەمدەۋ - دەنساۋلىق ساقتاۋ قىزمەت وتەۋىنىڭ ادىلدىگىن، قولجەتىمدىلىگىن ۇزدىكسىز جاقسارتتى. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسى بارىسىندا ەلىمىزدىڭ ەمدەۋ، ءدارى - دارمەك، دەنساۋلىق ساقتاۋ جۇيەسى سىننان ءوتىپ، ىندەتتەن ساقتانۋ - تىزگىندەۋدىڭ توسقاۋىل شايقاسىندا جەڭىسكە جەتۋدە ماڭىزدى رول اتقارىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن قورعاۋعا، ەكونوميكالىق، قوعامدىق دامۋدى قالپىنا كەلتىرۋگە ماڭىزدى ۇلەس قوستى.
ماقالادا مىنالار اتاپ كورسەتىلگەن: باس شۋجي شي جينپيڭنىڭ سالاماتتى جۇڭگو قۇرىلىسى جونىندەگى ماڭىزدى بايىمداۋلارىنىڭ ويى اسقاق، مازمۇنى باي، يدەياسى تەرەڭ، سالاماتتى جۇڭگو قۇرىلىسىن جاپپاي ىلگەرىلەتىپ، جاڭا داۋىردەگى ەلىمىزدىڭ دەنساۋلىق ساقتاۋ جانە سالاماتتىق ىستەرىنىڭ دامۋىن جەدەل ىلگەرىلەتىپ، حالىقتىڭ سالاماتتىعىن جان - جاقتى، تۇتاس پەريوتتا قامتاماسىز ەتۋگە قۇلشىنىپ، ”قوس 100 جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا بەرىك سالاماتتىق نەگىز قالاۋدا توتەنشە ماڭىزدى جەتەكشىلىك مانگە يە.
ماقالا 9 بولىككە بولىنگەن: حالىقتىڭ دەنساۋلىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويۋ؛ الدىن الۋ − ەڭ ۇنەمدى، ەڭ ءونىمدى سالاماتتىق تاكتيكا؛ ەمدەۋ، دەنساۋلىق ساقتاۋ بويىنشا قىزمەت وتەۋدىڭ ساپاسى مەن دەڭگەيىن جوعارىلاتۋ؛ ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋ؛ عىلىم - تەحنيكا − ادامزاتتىڭ اۋرۋمەن كۇرەسىنىڭ وتكىر قارۋى؛ جۇڭي شيپاگەرلىك، ءدارى - دارمەك عىلمي زەرتتەۋلەرى مەن وندا جاڭالىق اشۋدى بەلسەنە ىلگەرىلەتۋ؛ دەنە تاربيەنى، دەنە شىنىقتىرۋدى حالىقتىڭ سالاماتتىعىمەن ۇشتاستىرۋ؛ حالىق بۇقاراسىنىڭ دەنساۋلىعىنا ىقپال جاسايتىن كورنەكتى قورشاعان ورتا ماسەلەلەرىن شىنايى شەشۋ؛ ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋ.
ماقالادا مىنالار اتاپ كورسەتىلگەن: حالىقتىڭ سالاماتتىعى − ءاربىر ادامنىڭ ەسەيىپ - ەرجەتۋىنىڭ جانە باقىتتى تۇرمىستى جۇزەگە اسىرۋىنىڭ ماڭىزدى نەگىزى، ۇلتتىڭ گۇلدەنىپ - كوركەيۋىنىڭ جانە مەملەكەتتىڭ بايىپ، قۇدىرەتتەنۋىنىڭ ماڭىزدى بەلگىسى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، حالىقتى وزەك ەتكەن دامۋ يدەياسىنا تاباندى بولىپ، حالىقتىڭ سالاماتتىعىن قامتاماسىزداندىرۋدى الدىمەن دامىتىلاتىن ستراتەگيالىق ورىنعا قويۋعا تاباندى بولىپ، سالاماتتى جۇڭگو قۇرىلىسىن جەدەل ىلگەرىلەتىپ، الەۋمەتتىك دەنساۋلىق ساقتاۋ قورعانىس تورىن بەرىك توقىپ، حالىقتىڭ دەنساۋلىعىن جان - جاقتى، تۇتاس پەريوتتا قامتاماسىز ەتىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن بىرگە قۇرساق، ءبىز، ءسوز جوق، ىندەتكە قارسى اتتانۋ كۇرەسىنىڭ جالپى بەتتىك جەڭىسىنە قول جەتكىزە الامىز، سالاماتتىق پەن ەكونوميكانىڭ، قوعامنىڭ ءتيىمدى سايكەستىكپەن دامۋىن، ءسوز جوق، جۇزەگە اسىرا الامىز، بارلىق ادامنىڭ سالاماتتى تاماشا بولاشاقتان يگىلىكتەنۋىن جۇزەگە اسىرا الامىز، حالىقتىڭ تاماشا تۇرمىسقا دەگەن تالپىنىسىن، ءسوز جوق، ۇزدىكسىز جۇزەگە اسىرا الامىز، جۇڭحۋا ۇلتى، ءسوز جوق، اناعۇرلىم سالاماتتى، مىعىم بولا ءتۇسىپ، اناعۇرلىم اسقاق بەينەمەن دۇنيە جۇزىندەگى ۇلتتار قاتارىندا قاسقايىپ تۇرا الادى!
