فۋجيان:
كاسىپ سالاسى ارقىلى شينجياڭعا كومەكتەسۋ سانجى وبلىسى ەكونوميكاسىنىڭ دامۋىنا جاڭا قوزعالتقىش تۇلعالادى
□ انار بۇلت / شينجياڭ گازەتىنىڭ ءتىلشىسى گى يوۋجۇن، سانجى تىلشىلەر پۋنكتىنەن ليۋ شي
8 - ايدىڭ 2 - كۇنى ءتىلشى سانجى قالاسى بينحۋ قالاشىعىنا ورنالاسقان سىنمياۋ بالىقشىلىق كاسىپتىك سەلبەستىك كووپەراتيۆىنە باردى، بۇل ارادان ساعىم ويناعان بالىق كولشىگى مەن قاربالاس جۇرگەن كووپەراتيۆ مۇشەلەرىن كورەسىز.
”بىرنەشە كۇننىڭ الدىندا فۋجيان ولكەسىنىڭ شينجياڭعا كومەكتەسۋ مامانى چىن جيانگونىڭ جەتەكشىلىگىندە سەلبەستىك كووپەراتيۆىندە باعىلعان كاليفورنيا الابۇعا قۇرت شاباعىن مەزگىلسىز كوبەيتۋ تاجىريبەسى تۇڭعىش تابىستى بولدى“، - دەدى وسى سەلبەستىك كووپەراتيۆىنىڭ جاۋاپتىسى شۇي جۇن.
شاباق جەتىلدىرۋ تەحنيكاسىنىڭ جەتەرسىزدىگى سەبەبىنەن سانجى قالاسى قازىر باعىپ وتىرعان بالىقتىڭ ءتۇرىن نەگىزىنەن فۋجيان سياقتى جەرلەر قامداپ وتىر، تاسىمال اقىسى جوعارى. بۇل رەت جەرگىلىكتى ورىندا شاباق جەتىلدىرۋ ءساتتى بولىپ، كاليفورنيا الابۇعا تۇقىمىن جەرگىلىكتى ورىندا جەتىلدىرۋ جانە قامداۋ ماسەلەسىن شەشىپ، شاباق جەتىلدىرۋ ۋاقىتىن بارىنشا قىسقارتىپ، باعىمشىلىق وزىندىك قۇنىن تومەندەتتى.
شۇي جۇن بىلاي دەدى: ”وسى رەتكى مەزگىلسىز كوبەيتىلگەن كاليفورنيا الابۇعا بالىعى ۋىلدىرىعىن جەرگىلىكتى باعىمشىلىق وتباسىلارىنا ءوز الدىنا جەتىلدىرۋگە، وسىرۋگە بەرۋدەن سىرت، تاعى ۇرىقتانعان تۇقىمدى ساتۋدى نەگىز ەتىپ، ەلىمىزدىڭ وڭتۇستىگىندەگى ءىشىنارا وڭىرلەردەگى ونەركاسىپ ءوندىرىس ءتاسىلى بويىنشا باعۋ بازاسىن قامدادى. قازىر ءونىم سۇرانىستى قاناعاتتاندىرا الماي وتىر، نەبارى 4 كۇننىڭ ىشىندە ۇرىقتانعان تۇقىمنان 5 ميلليون تۇيىردەن استامى ساتىلىپ بولدى“.
فۋجياننىڭ بايتاق دالاسىنان تيانشان باۋرايىنا دەيىن، شينجياڭعا باعىتتامالى كومەكتەسۋ دانەكەر بولىپ، اراسىن اسقار تاۋلار مەن اساۋ وزەندەر ءبولىپ جاتقان قيىرداعى فۋجيان ولكەسى مەن سانجى حۇيزۋ اۆتونوميالى وبلىسىنداعى ءار ۇلت بۇقاراسىن تىعىز بايلانىستىردى.
كەلەلى نىساندار قۇرىلىسى جەدەل جۇرىلۋدە، ونەركاسىپ باقشا رايوندارى ەڭسە كوتەرۋدە، كاسىپ سالاسى ارقىلى شينجياڭعا كومەكتەسۋ نىساندارى تياناقتانىپ، تامىر تارتۋدا، كاسىپ سالاسى ارقىلى شينجياڭعا كومەكتەسۋ سانجى وبلىسىندا كەسەك تابىس، مول ناتيجە بەرۋدە. ”13 - بەسجىلدىق“ مەزگىلىندە فۋجيان ولكەسى ەلەۋلى نىسان قۇرىلىسىن قوزعاۋشى كۇش قاينارى ەتىپ، شينجياڭعا كومەكتەسۋ نىسانىنان جالپى 239ىن اتقارىپ، شينجياڭعا كومەكتەسۋگە قوسقان قارجىسى 2 ميلليارد 163 ميلليون يۋانعا جەتىپ، سانجى وبلىسىنىڭ كەدەيلىكتەن ارىلتۋدان قامال الۋ شەشۋشى شايقاسىندا شەشۋشى جەڭىسكە جەتۋىنە، حالىق تۇرمىسىنىڭ ىرىس - قۇتىن ارتتىرۋىنا، ۇلتتار ىنتىماعىن تەرەڭدەتۋىنە پارمەندى تىرەك بولدى.
8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى اشىلعاننان كەيىن، فۋجيان ولكەسىنىڭ شينجياڭعا كومەكتەسۋ الدىڭعى جاق قولباسشىلىق شتابى دەر كەزىندە ارناۋلى تاقىرىپتىق بەينە ەكران ءماجىلىسىن اشىپ، ءماجىلىس رۋحىن ىشكەرىلەي ۇيرەندى، دايەكتىلەندىردى ءارى الداعى جەردە شينجياڭعا كومەكتەسۋدە ءتۇيىندى تۇردە نە ىستەۋ كەرەكتىگى، قالاي ىستەۋ كەرەكتىگى جونىندە ارناۋلى ورنالاستىرۋ جاسادى.
سانجى وبلىستىق پارتكومنىڭ ورىنباسار شۋجيى، فۋجيان ولكەلىك شينجياڭعا كومەكتەسۋ الدىڭعى جاق قولباسشىلىق شتابىنىڭ باستىعى ۋاڭ جۇڭ مىنالاردى ءبىلدىردى: فۋجيان ولكەسى سانجى وبلىسىنا ەكونوميكا، عىلىم - تەحنيكا، وقۋ - اعارتۋ، ەمدەۋ، دارىندى سياقتىلاردى قامتىعان جان - جاقتىلى كومەكتەسۋ مەحانيزمىن ۇزدىكسىز ىلگەرىلەتىپ، سانجى وبلىسىنىڭ دامۋىنا ارىندى قوزعاۋشى كۇش قوسادى. كاسىپ سالاسى ارقىلى شينجياڭعا كومەكتەسۋ تەبىنىن اناعۇرلىم كۇشەيتىپ، ”حايچۋاڭحۇي“، ”شۋزى فىڭحۇي“، ”توۋچياحۇي“ سياقتى تۇعىرلاردان ويداعىداي پايدالانىپ، ونەركاسىپ - ساۋدا بىرلەستىگىنىڭ، فۋجيان ساۋدا قوعامىنىڭ دانەكەرلىك رولىن ساۋلەلەندىرىپ، فۋجيان ولكەسىنىڭ ءىشى - سىرتىنداعى كاسىپورىنداردى سانجى وبلىسىنا كەلىپ قارجى قوسىپ، شارۋاشىلىعىن گۇلدەندىرۋگە باستاپ، سانجى وبلىسىنىڭ ناقتى ەكونوميكا كولەمىن جانە ناقتى قۋاتىن ۇزدىكسىز كۇشەيتەدى.
ۋاڭ جۇڭ مىنالاردى ءبىلدىردى: فۋجيان ولكەسىنىڭ شينجياڭعا كومەكتەسۋ قىزمەتىندەگى كوپ جىلدىق ىزدەنىس امالياتى بارىسىندا قالىپتاسقان جاقسى وي جەلىسىن، تاماشا تاجىريبەلەرىن مۇقيات قورىتىندىلاپ جانە ۇزاق ۋاقىت تاباندى بولىپ، ”ءبىر قالادا، ءبىر اۋداندا ءبىر ءتۇيىندى ايگىلى ماركا“ تۇلعالاۋ نەگىزىندە، ۇزدىكسىز جاڭالىق اشىپ، تاڭداۋلى ءونىم شىعارىپ، فۋجيان ولكەسىنىڭ شينجياڭعا كومەكتەسۋ جاڭا ايگىلى ماركاسىن، جاڭا جارقىن تۇيىندەرىن جاراتامىز. سونىمەن بىرگە، كاسىپ سالاسى ارقىلى شينجياڭعا كومەكتەسۋ، اۋىل - قىستاقتى گۇلدەندىرۋ، شينجياڭدى مادەنيەتپەن نارلەندىرۋ سياقتى جاقتاردا ىجداعاتتى جوبا - جوسپار جاساپ، شينجياڭعا كومەكتەسۋ قىزمەتىندە تىڭ سالا، تىڭ ۇلگى، تىڭ جولدى بەلسەنە قاراستىرىپ، 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن تياناقتاندىرىپ، ەگجەي - تەگجەيلىلەندىرىپ، ناتيجە شىعارامىز.
تانىستىرۋعا قاراعاندا ”14 - بەسجىلدىق“ مەزگىلىندە فۋجيان ولكەسى جوسپار ىشىندە شينجياڭعا كومەكتەسۋ نىسانىنان 150دەن استامىن ورنالاستىرىپ، شينجياڭعا كومەكتەسۋگە 2 ميلليارد 300 ميلليون يۋاننان استام قارجى قوسادى ەكەن.
