تيانشان تورى
تيانشان تورى   ›   جاڭالىقتار   ›   شينجياڭ حابارلارى

رايونىمىز جۇڭي شيپاگەرلىك - دارىگەرلىگىنىڭ ەرەكشەلىككە يە دامۋىن ىلگەرىلەتۋدى جەدەلدەتتى

  انار بۇلت / شينجياڭ گازەتىنىڭ ءتىلشىسى سۋ لۋپيڭ 8 - ايدىڭ 8 - كۇنى ۇرىمجىدەن حابارلايدى. تاياۋدا «اۆتونوميالى رايوننىڭ <مەملەكەتتىك كەڭەس كەڭسەسىنىڭ جۇڭي شيپاگەرلىك - دارىگەرلىگىنىڭ ەرەكشەلىككە يە دامۋىن جەدەلدەتۋ جونىندەگى ءبىر قىدىرۋ ساياسات - شارالارىن دايەكتىلەندىرۋدى، تياناقتاندىرۋدى> اتقارۋ جوباسىن» (تومەندە قىسقارتىلىپ «اتقارۋ جوباسى» دەلىنەدى) باسىپ تاراتتى. «اتقارۋ جوباسىندا» مىنالار العا قويىلدى: رايونىمىزداعى جۇڭي شيپاگەرلىك - دارىگەرلىگىنىڭ ەرەكشەلىككە يە دامۋىن ىلگەرىلەتۋدى جەدەلدەتىپ، جۇڭي شيپاگەرلىك - دارىگەرلىگىنىڭ دامۋى جونىندەگى كەلەلى ينجەنەريانى اتقارىپ، جۇڭي شيپاگەرلىگىمەن ەمدەۋگە قىزمەت وتەۋ جۇيەسى قۇرىلىسىن كۇشەيتۋ كەرەك.

  «اتقارۋ جوباسىندا» مىنالار العا قويىلدى: جەرگىلىكتى ۇكىمەت ۇكىمەتتىك جۇڭي شيپاگەرلىگى تۇرىندەگى شيپاحانالاردىڭ نەگىزدىك قۇرىلىسى، جابدىق ساتىپ الۋ، ءتۇيىندى پاندەردى دامىتۋ، دارىندىلاردى باۋلۋ قاتارلىلار جونىندەگى ۇسىنىلىم ساياساتىن تياناقتاندىرىپ، جەرگىلىكتى ۇكىمەتتىڭ ارناۋلى زايوم ارقىلى قولداۋ سىندى ارنالارمەن شارتقا ۇيلەسەتىن ۇكىمەتتىك جۇڭي شيپاگەرلىگى تۇرىندەگى شيپاحانالاردىڭ قۇرىلىس نىسانىن ىلگەرىلەتۋى؛ اۆتونوميالى رايونداعى جۇڭي شيپاگەرلىگى تۇرىندەگى شيپاحانالارىنىڭ جۇڭي شيپاگەرلىگى (جۇڭي شيپاگەرلىگى مەن باتىسشا ەمدەۋدى ۇشتاستىرۋدى قامتيدى) باعىتىنداعى مەملەكەتتىك مەديتسينا ورتالىقتارى مەن وڭىرلىك ەمدەۋ ورتالىقتارى قۇرىلىسىنا قولداۋ كورسەتۋى؛ ساپالى جۇڭي شيپاگەرلىگى بايلىق قاينارىن مولايتۋدى جانە بىركەلكى ورنالاستىرۋدى ىلگەرىلەتىپ، باسىمدىققا يە، اۋرۋ ءتۇرى ەرەكشەلىگى ايقىن جۇڭي شيپاگەرلىگى تۇرىندەگى شيپاحانالار مەن بولىمدەردى قۇرۋ؛ اۆتونوميالى رايونىمىزدا ەكىنشى دارەجەلى جانە ودان جوعارى جۇڭي شيپاگەرلىگى تۇرىندەگى شيپاحانالاردىڭ جۇعىمدالۋ ءبولىمى، قىزۋ امبولاتورياسى، جۇقپالى اۋرۋ ناۋقاستار رايونىنا وزگەرتۋگە بولاتىن رايون سىندى قۇرىلىستاردى كۇشەيتىپ، بۇكىل رايونىمىزدا جۇڭي شيپاگەرلىگى مەن باتىسشا ەمدەۋ ۇشتاستىرىلعان ”ارناۋلى“ سەلبەسكەن شيپاحانا قۇرۋ، جۇڭي شيپاگەرلىگى مەن باتىسشا ەمدەۋ ۇشتاستىرىلعان ”ارناۋلى“ سەلبەسكەن ءبولىم، ”ارناۋلى“ نەگىزگى ساتى ەمدەۋ، دەنساۋلىق ساقتاۋ قۇرىلىمدارىن قۇرۋ كەرەك.

  «اتقارۋ جوباسىندا» مىنالار ورتاعا قويىلدى: جوعارى مەكتەپ تاربيەسى مەن ۇستاز شەبەرلىگى تاربيەسىن كۇشەيتىپ، جۇڭي شيپاگەرلىك، دارىگەرلىك دارىندىلارى نەگىزىن بەكەمدەۋ؛ 9 جىلدىق جۇڭي شيپاگەرلىگى مەن باتىسشا ەمدەۋ ۇشتاستىرىلعان مەديتسينالىق تاربيەنى ورىستەتۋگە قولداۋ كورسەتىپ، از ءارى ساز، جوعارى دەڭگەيلى، جوعارى ورەلى جۇڭي شيپاگەرلىگى مەن باتىسشا ەمدەۋ ۇشتاستىرىلعان دارىندىلاردى جەتىلدىرۋ كەرەك. 2021 - جىلدىقتان باستاپ جۇڭي شيپاگەرلىك، دارىگەرلىك ساباقتارى تولىق كۋرس كلينيكالىق مەديتسينا تۇرىندەگى كاسىپتەردە، ءسوز جوق، وقىتىلاتىن ساباققا جانە وقۋ تاۋىسۋداعى پراكتيكا مازمۇنىنا ەنگىزىلەدى، جوعارى دارەجەلى كاسىپتىك مەكتەپتەردىڭ كلينيكالىق مەديتسينا كاسىبىندە جۇڭي شيپاگەرلىك نەگىزى جانە قولايلى تەحنيكا بويىنشا، ءسوز جوق، وقىتىلاتىن ساباق اشىلادى. جۇڭي شيپاگەرلىگى مەن باتىسشا ەمدەۋ ۇشتاستىرىلعان ەمدەۋ ءتۇزىمى كەمەلدەندىرىلەدى. امبەباپ شيپاحانا، جۇقپالى اۋرۋلار شيپاحاناسى، ارناۋلى كاسىپتىك شيپاحانا قاتارلىلار جۇڭي شيپاگەرلىگى مەن باتىسشا ەمدەۋ ۇشتاستىرىلعان شيپاحانا ۇلگىسىن بىرتىندەپ جالپىلاستىرىپ، جۇڭي شيپاگەرلىگى مەن باتىسشا ەمدەۋدى ۇشتاستىرا دياگنوز قوياتىن جانە ەمدەيتىن مەحانيزمدى جالپىلاستىرادى؛ اۆتونوميالى رايوندا جۇڭي شيپاگەرلىك - دارىگەرلىگىنىڭ كەلەلى الەۋمەتتىك دەنساۋلىق ساقتاۋ وقيعاسىنا توتەپ بەرۋ جانە ىندەتتەن ساقتانۋ، ەمدەۋدەگى تىرەكتى دارىندىلار قامباسى قۇرىلادى، اۆتونوميالى رايوندا جۇڭي شيپاگەرلىگى ىندەتتەن ساقتانۋ، ەمدەۋ جانە شۇعىل مەديتسينالىق قۇتقارۋ - كومەك بەرۋ قوسىنى قاتارلىلار قۇرىلادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.