تيانشان تورى
تيانشان تورى   ›   جاڭالىقتار   ›   شينجياڭ حابارلارى

الدىڭعى جارتى جىلدا ”تەمىر جول، تاس جول، اۆياتسيا“ جولاۋشى، جۇك تاسىمال ناتيجەسى كورنەكتى بولدى

  انار بۇلت / شينجياڭ گازەتىنىڭ ءتىلشىسى لۋ فىڭباۋ، پراكتيكانت اينگار ءانۋار 8 - ايدىڭ 7 - كۇنى ۇرىمجىدەن حابارلايدى. قاتىناس - تاسىمال − حالىق شارۋاشىلىعىنىڭ جانە قوعامدىق دامۋدىڭ ”بارومەترى“. الدىڭعى جارتى جىلدا شينجياڭ تەمىر جول، تاس جول، حالىقتىق اۆياتسيا جولاۋشى، جۇك تاسىمالى ۇزدىكسىز قالپىنا كەلدى ءارى ورنىقتى قاداممەن ارتىپ، كورنەكتى ناتيجە جاراتتى.

  7 - ايدىڭ 28 - كۇنى تۇستەن بۇرىن تۇڭعىش ”جۇڭگو، قىرعىزستان، قازاقستان“ تاس جول، تەمىر جول بىرىككەن تاسىمالى جۇڭگو - ەۆروپا كەزەكشى پويەزىمەن تاسىمالدانعان 725 توننا جۇك تاس جول تاسىمالى ارقىلى تورعات شەكارا وتكەلىنەن شەكارادان شىعىپ، قىرعىزستان مەن قازاقستانعا جونەلتىلدى. الدىڭعى جارتى جىلدا الاتاۋ ساعاسىنان، قورعاستان شەكارادان وتكەن كەزەكشى پويەز 6106عا جەتىپ، سايكەس مەزگىلدەگىدەن %47.1 ارتتى.

  جۇڭگو - ەۆروپا كەزەكشى پويەزىنىڭ قاتىناۋ سانىنىڭ جەدەل ارتۋى شينجياڭنىڭ تەمىر جول جۇك تاسىمالى مولشەرىنىڭ ورنىقتى ارتۋىن پارمەندى جەبەدى.

  بيىل جىل باسىنان بەرى شينجياڭنىڭ تەمىر جول تاراۋلارى تاسىمالدى ”تاس جولدان تەمىر جولعا ويىستىرۋدى“ كۇش سالا ىلگەرىلەتىپ، قىسقا ارالىققا جۇك شىعارۋ، جۇك ءتۇسىرۋ، اۆتوكولىك، جۇك قوراپشاسىن سەپتەۋ سياقتى ماسەلەلەردى كۇش سالا شەشىپ، كومىر، مەتال، كەن رۋداسى سياقتى كوپ تۇتىنىلاتىن جۇك تاسىمالىنىڭ ىركىلىسسىز بولۋىن قامتاماسىز ەتتى. سونىمەن قاتار، ءبىر جاعىنان، تاسىمالداۋعا، ەندى ءبىر جاعىنان، قۋاتىن ۇلعايتۋعا تاباندى بولىپ، ءۇرىمجى سولتۇستىك ۆوكزالىنان جياڭجۇنمياۋ تەمىر جولىنا دەيىنگى قۋاتىن ۇلعايتۋ، وزگەرتىپ سالۋ ينجەنەرياسىن جۇرگىزىپ، وتكەلدىڭ تاسىمال قۋاتىن اناعۇرلىم ارتتىردى. الدىڭعى جارتى جىلدا شينجياڭ تەمىر جولىنىڭ زات جونەلتۋ مولشەرى 90 ميلليون 300 مىڭ تونناعا جەتىپ، بىلتىرعى ۇقساس مەزگىلمەن سالىستىرعاندا %8.5 ارتتى.

  تەمىر جول جۇك تاسىمالى مولشەرى ورنىقتى ارتىپ، تاس جول تاسىمالى مولشەرى دە كورنەكتى ارتتى. الدىڭعى جارتى جىلدا رايونىمىزدىڭ تيجارات سيپاتتى تاس جولىنداعى جولاۋشى تاسىمال مولشەرى 70 ميلليون 630 مىڭ ادام - رەتكە جەتىپ، سايكەس مەزگىلدەگىدەن %155 ارتىپ، 2019 - جىلداعىنىڭ %94.8ىنە جەتىپ، سايكەس مەزگىلدەگىدەن ارتۋ مولشەرى مەن قالپىنا كەلۋ دەڭگەيى بۇكىل ەل بويىنشا الدىڭعى ورەدە بولدى.

  تاس جول جولاۋشى تاسىمال مولشەرى زور مولشەردە ارتقاننان تىس، جۇك تاسىمالىنىڭ ارتۋ مولشەرى دە ءبىرشاما كورنەكتى بولدى. الدىڭعى جارتى جىلدا بۇكىل رايونىمىزداعى تيجارات سيپاتتى تاس جولدىڭ جۇك تاسىمال مولشەرى 229 ميلليون تونناعا جەتىپ، جۇك تاسىمال مولشەرى سايكەس مەزگىلدەگىدەن %10.9 ارتقان. الدىڭعى جارتى جىلدا مەملەكەت، ولكە نەگىزگى تاس جولىنداعى كۇندىك ورتاشا قاتىناۋ مولشەرىندە كورسەتىلۋىنشە، كۇنىنە 5908 اۆتوكولىك مەملەكەت، ولكە نەگىزگى تاس جولىندا قاتىناپ، مۇندا جۇك اۆتوموبيلدەرىنىڭ قاتىناۋ مولشەرى %61.3تى يەلەدى.

  اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ شۋجيى، ورىنباسار مەڭگەرمە باستىعى لي شۋەدۇڭ مىنانى ءبىلدىردى: ورنىقتىلىقتىڭ پايداسى، ىندەتتەن ساقتانۋدىڭ پايداسى، ساياساتتىڭ پايداسى ۇزدىكسىز تۋىنداۋىنىڭ ارقاسىندا، الدىڭعى جارتى جىلدا رايونىمىزدىڭ تيجارات سيپاتىندىق تاس جولدارىنداعى جولاۋشى، جۇك تاسىمالى ورنىقتى قاداممەن قالپىنا كەلدى، بۇل اۆتونوميالى رايون ەكونوميكاسىنىڭ جالپىلىق جاقتان جاقسارۋ بەتالىسىمەن بىردەي بولدى.

  ”ءبىز اۆياتسيا جەلىلەرىن كوبەيتىپ، جوعارى ونىمدىلىكتى زات اينالىمى تۇعىرىن قۇردىق، الدىڭعى جارتى جىلداعى تاسىمال مولشەرى سايكەس مەزگىلدەگىدەن %16.5 ارتتى“، - دەدى نانحاڭ زات اينالىم شينجياڭ بولىمشە سەرىكتەستىگى ساتۋ، باسقارۋ كەڭسەسىنىڭ مەڭگەرۋشىسى فان يۇيدۇڭ.

  نانحاڭ زات اينالىم تاسىمال مولشەرى ارتىپ قانا قالماستان، بۇكىل شينجياڭنىڭ اۋە تاسىمال مولشەرى ورنىقتى قالپىنا كەلدى ءارى ۇزدىكسىز ارتتى. الدىڭعى جارتى جىلدا شينجياڭ اۋەجاي توبىنىڭ جولاۋشى قابىلداۋ - جونەلتۋ شاماسى 15 ميلليون 52 مىڭ 400 ادام - رەت بولىپ، جۇك جانە پوچتا جولدامالارىن قابىلداۋ - جونەلتۋ مولشەرى 85 مىڭ 800 توننا بولىپ، 166 مىڭ 400 رەت ۇشىپ - قونۋعا كەپىلدىك ەتىپ، سايكەس مەزگىلدەگىدەن جەكە - جەكە %61.5، %14.0، %17.4 ارتتى. مۇندا ءۇرىمجى اۋەجايى 9 ميلليون 206 مىڭ 900 ادام - رەت جولاۋشى، 68 مىڭ 300 توننا جۇك قابىلداپ - جونەلتىپ، 73 مىڭ 500 رەت ۇشىپ - قونۋعا كەپىلدىك ەتىپ، سايكەس مەزگىلدەگىدەن جەكە - جەكە %64.7، %13.7، %44.0 ارتتى؛ شينجياڭ ىشىندەگى تارماق جەلى اۋەجايلارى 5 ميلليون 845 مىڭ 500 ادام - رەت جولاۋشى، 17 مىڭ 500 توننا جۇك جانە پوچتا جولدامالارىن قابىلداپ - جونەلتىپ، 92 مىڭ 900 رەت ۇشىپ - قونۋعا كەپىلدىك ەتىپ، سايكەس مەزگىلدەگىدەن جەكە - جەكە %56.9، %15.3، %2.4 ارتتى.

  الدىڭعى جارتى جىلدا شينجياڭ تەمىر جول، تاس جول، حالىقتىق اۆياتسيا جولاۋشى، جۇك تاسىمالى ورىنداعان وسى كورنەكتى ناتيجەلەر رايونىمىز ەكونوميكا اينالىمىنىڭ ”جوعارى دەڭگەيدە باستاپ ورنىقتى ءجۇرۋ، ورنىقتىلىق بارىسىندا ىلگەرىلەۋ، ىلگەرىلەۋ بارىسىندا ساپانى جوعارىلاتۋ، تۇتاس تۇلعادا جاقسارۋعا بەت الۋ“ جاعدايىن تولىق بەينەلەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.