انار بۇلت / شينجياڭ گازەتىنىڭ ءتىلشىسى چىن چياڭۋي 8 - ايدىڭ 9 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر شەكتى سەرىكتەستىگىنەن ۇعىسۋعا قاراعاندا، 8 - ايدىڭ 8 - كۇنى بايىنعولين وبلىسى − كۇشار ەكىنشى رەت 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى رەسمي ىسكە قوسىلعان.
بايىنعولين وبلىسى − كۇشار ەكىنشى رەت 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى − تۇرپان − بايىنعولين وبلىسى − كۇشار ەكىنشى رەت ەلەكتر جەتكىزۋ، كەرنەۋ وزگەرتۋ ينجەنەرياسىنىڭ قۇرامداس بولىگى، ينجەنەرياعا نەگىزگى قوسىلعان قارجى ءبىر ميلليارد 8 ميلليون 300 مىڭ يۋان، 2019 - جىلى 5 - ايدا قۇرىلىس باستالعان. ينجەنەريا بايىنعولين وبلىسىنداعى 750 كيلوۆولتتىق كەرنەۋ وزگەرتۋ پۋنكتىنەن باستالىپ، كۇشارداعى 750 كيلوۆولتتىق كەرنەۋ وزگەرتۋ پۋنكتىنە تۇتاسادى، حوشۇت اۋدانىن، حىجيڭ اۋدانىن، يانچي حۇيزۋ اۆتونوميالى اۋدانىن، كورلا قالاسىن، بۇگۇر اۋدانىن، كۇشار اۋدانىن باسىپ وتەدى، 289 كيلومەترلىك جەلى جاڭادان سالىنعان، 601 نەگىزدىك تەمىر مۇنارا جاڭادان سالىنعان.
ينجەنەريا جەلى بويىنىڭ جاعراپيالىق ورتاسى كۇردەلى، جەلىنىڭ كوپ بولىكتەرى اسقار تاۋعا، قۇزار شىڭعا، قۇبا تۇزگە، ءشول - جازيراعا ورنالاسقان، ونىڭ ۇستىنە ينجەنەريانىڭ ءبىر ءبولىم ءوڭىر بولىكتەرى سالىنىپ بىتكەن ىلە − كۇشار 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى مەن بايىنعولين وبلىسى − كۇشار ءبىرىنشى رەت 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىنىڭ اراسىنا ورنالاسقان، قۇرىلىس جۇرگىزۋ ورنىنىڭ ەكى جەلىمەن پاراللەل قاشىقتىعى جەكە - جەكە 48 مەتر، 70 مەتر اينالاسىندا، ەڭ جاقىن ارا قاشىقتىعى 21 مەتر بولىپ، ينجەنەريانىڭ قۇرىلىس جۇرگىزۋ قيىندىق دەڭگەيى زور.
”ينجەنەريادا 56 نەگىزدىك مۇنارا تاۋلى وڭىرگە ورنالاسقان، ءىرى تيپتى جابدىقتاردى جەتكىزۋ مۇمكىن ەمەس، بۇل قۇرىلىس جۇرگىزۋگە جانە ماتەريالداردى تاسۋعا وتە زور قيىندىق اكەلدى. ينجەنەريا قۇرىلىسىن ىلگەرىلەتۋ ءۇشىن ءبىز اسپالى جولمەن تاسىمالداۋ ءتاسىلىن قولداندىق، 11 اسپالى جول ورناتىپ، 2786 توننا ماتەريالدى تاسىمالداۋدىڭ قيىن بولۋ ماسەلەسىن شەشتىك“، - دەدى بايىنعولين وبلىسى − كۇشار ەكىنشى رەت 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى شارۋاشىلىق قوجايىنى نىسان ءبولىمىنىڭ ديرەكتورى شيە ۋىن.
ينجەنەريا رەسمي ىسكە قوسىلعاننان كەيىن، وڭتۇستىك شينجياڭنىڭ 750 كيلوۆولتتىق ەلەكتر تورىنىڭ ەلەكتر جەتكىزۋ قۋاتىن پارمەندى كوتەرىپ، وڭتۇستىك شينجياڭنىڭ قالىپتى ەلەكتردەن پايدالانۋ قاجەتىن قاناعاتتاندىرادى. سونىمەن بىرگە وڭتۇستىك شينجياڭنىڭ تازا ەنەرگياسىن سىرتقا شىعارىپ، بايلىقتان ساپالى پايدالانۋدى جۇزەگە اسىرۋعا ءتيىمدى بولىپ، وڭتۇستىك شينجياڭ ەكونوميكاسىنىڭ تەز قارقىنمەن، اقاۋسىز دامۋىن جەبەۋگە نەگىز قالايدى.
