انار بۇلت / شينجياڭ گازەتىنىڭ ءتىلشىسى لي ياڭ 8 - ايدىڭ 9 - كۇنى ۇرىمجىدەن حابارلايدى. 8 - ايدىڭ 9 - كۇنى تۇستەن بۇرىن اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 132 - رەتكى ۇنەمىلىك ىستەر ءماجىلىسىن باسقارىپ اشىپ، ”14 - بەسجىلدىق“ كەزىندەگى اۆتونوميالى رايوننىڭ ورمان شارۋاشىلىعىن، جايلىمدى قورعاۋ، دامىتۋ، مال شارۋاشىلىعىن دامىتۋ سياقتى قىزمەتتەرىن اقىلداستى.
ءماجىلىس مىنالاردى اتاپ كورسەتتى: ”13 - بەسجىلدىق“ مەزگىلىندە شينجياڭنىڭ ورمان شارۋاشىلىعىن، جايلىمدى قورعاۋ، دامىتۋ نىساناسى مەن باستى مىندەتتەرى دەر كەزىندە ورىندالىپ، ەكولوگيا جاعدايى كورنەكتى جاقساردى، قورعاۋ جۇيەسى كۇن سايىن كەمەلدەنىپ، كاسىپ سالاسىن دامىتۋ جانە ەكولوگيالىق جاقتان كەدەيلەردى سۇيەمەلدەۋ ناتيجەسى كورنەكتى، ورمان، جايلىم جاعىنان شينجياڭعا كومەكتەسۋ جەتىستىگى قوماقتى بولدى، ءتۇيىندى سالالارداعى رەفورما ءۇرتىس تەرەڭدەپ، ەكولوگيالىق مادەنيەت قارىشتاپ دامىدى. ”14 - بەسجىلدىق“ مەزگىلىندە شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، تۇنىق سۋ، جاسىل تاۋ − باعالى بايلىق، مۇزدى القاپ، قارلى دالا دا باعالى بايلىق ۇستانىمىن بەرىك ورناتىپ، تاۋ، سۋ، ورمان، ەگىنجاي، كول، جايلىم، ءشول، مۇزدىقتى ءبىر تۇلعالاندىرا قورعاۋ مەن جۇيەلى جونگە سالۋدى ءبىر تۇتاس جوسپارلاپ ىلگەرىلەتىپ، ورمان، جايلىم ىستەرىنىڭ جوعارى ساپالى دامۋىن ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساپ، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن قاناعاتتاندىرۋدى ءتۇبىرلى ماقسات ەتىپ، ورمان باستىعى ءتۇزىمىن جاپپاي اتقارىپ، ەكولوگيانى قورعاۋدى، قالپىنا كەلتىرۋدى ءبىر تۇتاس جوسپارلاپ ورىستەتىپ، مەملەكەتتىك باقشانى نەگىزگى تۇلعا ەتكەن جاراتىلىستىق قورعالاتىن جەر جۇيەسىن عىلمي قۇرىپ، ورمان شارۋاشىلىعى، جايلىم، مەملەكەتتىك باقشا − ۇشەۋىنىڭ ءبىر تۇلعالانا توعىسا دامۋىن ىلگەرىلەتىپ، جىبەك جولى ەكونوميكالىق بەلدەۋى وزەكتى رايونىنىڭ ەكولوگيالىق قالتقىسىن بەرىك ورناتىپ، جەمىس ورمانى شارۋاشىلىعىن نەگىز ەتكەن جاسىل كاسىپ سالاسىن كۇشەيتىپ، ەكولوگيالىق جۇيەنىڭ كومىر قىشقىل گازىن جيۋ مولشەرىن جوعارىلاتىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىرتەگىن بەيتاراپتاندىرۋدى ءتارتىپتى ىلگەرىلەتىپ، ورماندى، جايلىمدى زاماناۋي جونگە سالۋ جۇيەسىن قۇرىپ، اقاۋسىزداندىرىپ، شينجياڭنىڭ ەكونوميكاسىنىڭ، قوعامىنىڭ باياندى دامۋىنا پارمەندى تىرەك بولۋ كەرەك.
ءماجىلىس مىنالاردى اتاپ كورسەتتى: مال شارۋاشىلىعى − شينجياڭنىڭ ءداستۇرلى، نەگىزدىك كاسىپ سالاسى جانە ەرەكشە باسىمدىققا يە كاسىپ سالاسى، شينجياڭنىڭ اۋىل شارۋاشىلىعى، اۋىل - قىستاق ەكونوميكاسىنىڭ ماڭىزدى تىرەگى، اۋىل - قىستاقتى گۇلدەندىرۋدى جاپپاي ىلگەرىلەتۋدەگى، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋدەگى وزەكتى كاسىپ سالاسى. ”14 - بەسجىلدىق“ كەزىندە ەگىن شارۋاشىلىعى مەن مال شارۋاشىلىعىن ۇشتاستىرۋعا، جايلىم مەن مالدى سايكەستىرۋگە تاباندى بولىپ، مال شارۋاشىلىق وڭىرلەرىنىڭ مال شارۋاشىلىعىن ورنىقتىرىپ، ەگىنشىلىك وڭىرلەرىنىڭ مال شارۋاشىلىعىن دامىتۋدى كورنەكتىلەندىرىپ، شوعىرلانعان، ولشەمدەنگەن، كولەمدەنگەن دامۋ جولىمەن جۇرۋگە تاباندى بولىپ، نەگىزدى بەكەمدەۋگە، ولقىلىقتاردى تولىقتاۋعا، ءالسىز تۇستاردى كۇشەيتۋگە، قۇرىلىمدى ساپالىلاندىرۋعا، توعىسۋدى جەبەۋگە، نەگىزگى تۇلعانى زورايتۋعا، قوزعاۋشى قۋاتتى ارتتىرۋعا كۇش سالىپ، عىلىم - تەحنيكادا جاڭالىق اشۋ مەن ساياساتتىق قولداۋدى كۇشەيتىپ، ەتتى سيىر، ەتتى قوي كاسىپ سالاسىن زورايتۋعا كۇش سالىپ، ءسۇت شارۋاشىلىعىنىڭ گۇلدەنۋىن جەدەل ىلگەرىلەتىپ، شوشقا، ءۇي قۇستارى كاسىبى سالاسىن ساپالىلاندىرىپ، زورايتىپ، جەرگىلىكتى جاعدايعا قاراي ەرەكشە كاسىپ سالاسىن دامىتىپ، ۇيلەسىمدى كولەمدە شارۋاشىلىق جۇرگىزۋدى بەلسەنە ىلگەرىلەتىپ، مال ونىمدەرىمەن قامداۋدى قامتاماسىز ەتۋدىڭ عىلمي، ۇيلەسىمدى، حاۋىپسىز، جوعارى ءونىمدى جۇيەسىن قۇرىپ، نەگىزگى مال ونىمدەرىنىڭ جالپىلىق ءوندىرىس قابىلەتىن جوعارىلاتىپ، رايونىمىزدىڭ مال شارۋاشىلىعىنىڭ جەدەل دامۋىن ىلگەرىلەتۋ كەرەك.
ءماجىلىس باسقا دا ىستەردى اقىلداستى.
