اۆتونوميالى رايونداعى 24 تاراۋ بىرلەسىپ «پىكىر» باسىپ تاراتتى
”14 - بەسجىلدىق“ كەزىندەگى قونىس جاڭالاۋدان كەيىنگى سۇيەمەلدەۋ قىزمەتىن ورنالاستىردى
انار بۇلت / شينجياڭ گازەتىنىڭ ءتىلشىسى شى شين 8 - ايدىڭ 9 - كۇنى ۇرىمجىدەن حابارلايدى. جۋىقتا اۆتونوميالى رايوندىق دامۋ جانە رەفورما كوميتەتى، اۋىل - قىستاقتى گۇلدەندىرۋ مەكەمەسى سياقتى 24 تاراۋ بىرلەسىپ «اۆتونوميالى رايوننىڭ قونىس جاڭالاپ كەدەيلەردى سۇيەمەلدەۋ بويىنشا كوشىرىلگەننەن كەيىنگى سۇيەمەلدەۋ قىزمەتىن شىنايى جاقسى ىستەپ، قونىس جاڭالاپ كەدەيلىكتەن ارىلتۋ جەتىستىكتەرىن بەكەمدەۋ، كەڭەيتۋ جونىندەگى اتقارۋ پىكىرىن» (تومەندە قىسقارتىلىپ «پىكىر» دەلىنەدى) باسىپ تاراتىپ، ”14 - بەسجىلدىق“ كەزىندەگى قونىس جاڭالاۋدان كەيىنگى سۇيەمەلدەۋ قىزمەتىن ورنالاستىرىپ، قونىس جاڭالاپ كەدەيلىكتەن ارىلتۋدىڭ جەتىستىكتەرىن ۇزدىكسىز بەكەمدەدى.
«پىكىردە» مىنالار ايقىندالدى: ”اۆتونوميالى رايون باس جاۋاپتى بولۋ، قالا، اۋدان تياناقتاندىرۋدى يگەرۋ“ سىندى قىزمەت مەحانيزمىنە تاباندى بولىپ، اۋىل - قىستاقتى گۇلدەندىرۋ جانە جاڭاشا قالا - قالاشىقتاندىرۋ ستراتەگياسىن اتقارۋعا ۇشتاستىرىپ، نازاردى وڭتۇستىك شينجياڭداعى 4 ايماق - وبلىستاعى بۇرىنعى اۋىر كەدەي وڭىرلەرگە شوعىرلاندىرىپ، 10 ايماق (وبلىس، قالا)، 56 اۋدانداعى (قالا، رايون) 333 قونىس جاڭالاپ سۇيەمەلدەۋدەگى شوعىرلى ورنالاستىرۋ اۋماعىن ءتۇيىن ەتىپ، وڭىرلەرگە، تۇرلەرگە ءبولىپ، دالمە - ءدال شارا قولدانۋ پرينسيبىنە ساي كەيىنگى سۇيەمەلدەۋ قىزمەتىن ويداعىداي ىستەپ، نازاردى كاسىپ سالاسى جانە جۇمىستاندىرۋ سىندى ”ەكى شەشۋشى تۇيىنگە“ شوعىرلاندىرىپ، جەرگىلىكتى جاعدايعا قاراي كەيىنگى كاسىپ سالاسىن دامىتىپ، كوپ ارنالار ارقىلى جۇمىستاندىرۋدى جەبەپ، الەۋمەتتىك اۋماقتىڭ جونگە سالۋىن كۇشەيتىپ، قوعامدىق توعىسۋدى جەبەپ، قونىس جاڭالاعان بۇقارانىڭ ”تۇراقتاپ تۇرۋىن، جۇمىسى بار بولۋىن، بىرتىندەپ بايۋىن“ جۇزەگە اسىرادى.
جۇمىستاندىرۋدى جەبەۋ جاعىندا، اۆتونوميالى رايوندىق دامۋ جانە رەفورما كوميتەتى جاقىن ماڭنان جۇمىستاندىرۋ ارناسىن كەڭەيتۋ، باسقا سالاعا ويىستىرىپ جۇمىستاندىرۋدى ۇيىمداستىرىپ ورىستەتۋ، شەبەرلىككە باۋلۋ تەبىنىن ارتتىرۋ، جۇمىستاندىرۋدى قاداعالاۋ - ساقتاندىرۋ سياقتى 4 جاقتان جۇمىستاندىرۋ ارقىلى سۇيەمەلدەۋ قىزمەتىن باياندى ورىستەتەدى. بۇل مىنالاردى قامتيدى: قۇرىلىس ارقىلى كومەكتەسۋ ساياساتىنىڭ رولىن بەلسەندىلىكپەن ساۋلەلەندىرىپ، ورنالاستىرۋ اۋماعىنىڭ توڭىرەگىنە ءبىر توپ قۇرىلىس ارقىلى كومەكتەسۋ نىساندارىن اتقارىپ، قونىس جاڭالاعان بۇقارانى ينجەنەريا قۇرىلىستارىنا قاتىناسۋعا الدىمەن تارتىپ، ورنالاستىرۋ اۋماعىنىڭ توڭىرەگىندەگى توقىماشىلىق، كيىم - كەشەك، ەلەكتروندى قۇراستىرۋ، جالعان شاش، اياق كيىم، باس كيىم، اۋىل شارۋاشىلىق قوسىمشا ونىمدەرىن مانەرلەۋ، نان سياقتى ەڭبەك شوعىرلانعان كاسىپ سالالارىنىڭ ارتىقىشىلىعىن سۇيەنىش ەتىپ، قونىس جاڭالاعان بۇقارانىڭ دەربەس شارۋاشىلىق قۇرۋىن قولداپ، ءادىس - امالىن تاۋىپ قونىس جاڭالاعان بۇقارانىڭ جاقىن ماڭنان جۇمىستانۋىنا مۇمكىندىك تۋدىرۋ؛ باعىتتامالى كومەكتەسۋ، رايون ءىشى سەلبەستىگى، نىسانالى كومەكتەسۋ، سۇيەمەلدەۋ سياقتى مەحانيزمدەردىڭ رولىن بەلسەندىلىكپەن ساۋلەلەندىرىپ، قونىس جاڭالاعان بۇقارانىڭ تەز ارادا جۇمىس ىستەۋىنە مۇمكىندىك جاساپ، ولاردىڭ ىستەيتىن جۇمىسى، تاباتىن اقشاسى بولۋىنا مۇمكىندىك تۋدىرۋ؛ ءتۇرلى باۋلۋ بايلىق قاينارلارىن بىرىكتىرىپ، مەملەكەتتە ءبىر تۇتاس قولدانىلاتىن ءتىل - جازۋ جانە ءوندىرىس، تۇرمىس شەبەرلىگىنە باۋلۋ سياقتى باعىتتامالى شەبەرلىكتەرگە باۋلۋدى ورىستەتىپ، قونىس جاڭالاعان بۇقارانىڭ قابىلەتىنىڭ جەتەرسىز بولۋ ماسەلەسىن شەشىپ، ءبىر ادامدى باۋلىپ، ءبىر ادامدى جۇمىستاندىرۋعا كۇش سالۋ؛ قونىس جاڭالاعان بۇقارانىڭ جۇمىستانۋ جاعدايىن ۇعىسىپ، تەكسەرۋ جۇرگىزىپ، جۇمىستانۋ ەستەلىگىن جاساپ، ءمان - جايىنىڭ انىق، جاعدايىنىڭ ايقىن بولۋىن جۇزەگە اسىرىپ، قونىس جاڭالاعان بۇقارانىڭ دەر كەزىندە جۇمىستاندىرۋ ارقىلى كومەككە، سۇيەمەلگە يە بولۋىنا مۇمكىندىك جاساۋ، ت. ب.
كاسىپ سالاسىنىڭ دامۋى − قونىس جاڭالاعان بۇقارانىڭ ورنىعىپ كىرىستەرىن ارتتىرىپ بايۋىنىڭ ورنىقتىرعىشى، سونداي - اق اۋىل - قىستاقتى گۇلدەندىرۋدىڭ قاجەتتى تالابى. ورنالاستىرۋ اۋماعىنىڭ ءىس جۇزىندىك ەرەكشەلىگىنە ساي، اۆتونوميالى رايون 3 جاقتان كەيىنگى كاسىپ سالاسىن زور كۇشپەن دامىتۋعا كۇش سالادى. ءبىرىنشى، كاسىپ سالاسىن جەتىلدىرۋدى ويداعىداي ۇستاپ، ءاربىر ورنالاستىرۋ اۋماعىندا، كەم دەگەندە، بىردەن كىرىستى ورنىقتى ارتتىرۋدىڭ جەتەكشى كاسىپ سالاسى بولۋىنا مۇمكىندىك جاسايدى. ەكىنشى، شينجياڭ ىشىندەگى، شينجياڭ سىرتىنداعى كاسىپ سالاسى ارقىلى كومەكتەسىپ سۇيەمەلدەۋدى كۇشەيتەدى. قازىرگى بار باعىتتامالى كومەكتەسۋ قىزمەت مەحانيزمىن سۇيەنىش ەتىپ، ورنالاستىرۋ اۋماعى تۇرعان اۋدان، قالا مەن باعىتتامالى سۇيەمەلدەيتىن، كومەكتەسەتىن وڭىرلەردىڭ بايلانىس جاساپ سەلبەستىك جاساۋىن جەبەپ، ساۋداگەر شاقىرىپ، قارجى ەنگىزۋ تەبىنىن كۇشەيتىپ، ءتۇرلى كاسىپ باقشاسى اۋماقتارىن الدىمەن پايدالانىپ، باستاماشى كاسىپورىنداردى قونىس جاڭالاپ ورنالاستىرۋ اۋماقتارىنىڭ توڭىرەگىندە زاۆود سالىپ، كاسىپتى كوركەيتۋگە شابىتتاندىرىپ، ءتىپتى دە كوپ قوعامدىق كاپيتال مەن ءتۇرلى بازار نەگىزگى تۇلعالارىن كاسىپ سالاسى باقشا رايوندارىن اشۋعا، قۇرۋعا جانە ىسكە قوسۋعا بەلسەندى تۇردە قاتىناسۋعا باستاپ، ورنالاستىرۋ اۋماقتارى كاسىپ سالالارىن زورايتادى، نىعايتادى. ءۇشىنشى، ونىمدەردىڭ ساتىلۋ ارناسىن مولايتادى، كەڭەيتەدى. كولەمدى ساۋدا، ساياحات كاسىپورىندارى مەن ورنالاستىرۋ اۋماقتارى تۇرعان جەرلەردىڭ ۇزاق ۋاقىت ورنىقتى تۇردە ءوندىرۋ - ساتىپ الۋ سەلبەستىگى قارىم - قاتىناسىن ورناتۋىن قولداپ، اۋىل شارۋاشىلىق ەرەكشە ونىمدەرىن ءوندىرۋدى، ساتۋدى ۇشتاستىرۋ قيمىلىن وتكىزىپ، ورنالاستىرۋ اۋماقتارىنىڭ ەرەكشە ونىمدەرىنىڭ قامداۋ تىزبەگىن اشىپ، قونىس جاڭالاعان بۇقارانىڭ ونىمدەرىنىڭ ”ساتىلۋى قيىن بولۋ“ ماسەلەسىن شەشۋىنە كومەكتەسەدى.
«پىكىردە» ساياساتتىڭ دايەكتىلەنۋىن، اتقارىلۋىن قامتاماسىز ەتۋ ءۇشىن ۇيىمدىق باسشىلىقتى كۇشەيتۋ، قازىنالىق ۇسىنىلىمدى ارتتىرۋ، فينانستىق قولداۋدى كۇشەيتۋ، ىنتالاندىرۋدى، باعالاۋدى كۇشەيتۋ سياقتى 4 جاقتا ايقىن تالاپتار قويىلدى.
