تيانشان تورى
تيانشان تورى   ›   جاڭالىقتار   ›   ءۇرىمجى

كوڭىل بولىڭىزدەر! نانمىننىڭ مىنا جول بولەگىندە قاتىناۋ تاسىلىندە وزگەرىس بولادى

  قۇرىلىس جۇرگىزىلۋ قاجەتىنە ساي، 2021 – جىلى 8 – ايدىڭ 14 – كۇنى ساعات 0دەن باستاپ، قۇرىلىس جول بولەگىندە جابىق قۇرىلىس جۇرگىزىلەدى. قۇرىلىستىڭ ٴساتتى جۇرگىزىلۋىنە جانە توڭىرەگىندەگى تۇرعىنداردىڭ نەگىزگى ٴجۇرىس – تۇرىسىنا كەپىلدىك ەتۋ ٴۇشىن، «جۇڭحۋا حالىق رەسپۋبليكاسىنىڭ جول قاتىناس حاۋىپسىزدىگى زاڭى» جانە «جۇڭحۋا حالىق رەسپۋبليكاسىنىڭ جول قاتىناس حاۋىپسىزدىگى زاڭىن اتقارۋ ەرەجەسىندەگى» قاتىستى بەلگىلەمەلەرگە ساي، قۇرىلىس جۇرگىزىلەتىن جول بولەگى مەن توڭىرەگىندەگى جولداردا قاتىناسقا تيىم سالۋ جانە ٴبولىپ ورنالاستىرۋ ۇيعارىلدى، ناقتى شارالاردى تومەندەگىدەي حابارلاندىرامىز:

  ٴبىرىنشى، جابىق قۇرىلىس جۇرگىزىلەتىن ۋاقىت

  2021 – جىلى 8- ايدىڭ 14 – كۇنىنەن 2022 – جىلى 6 – ايدىڭ 30 - كۇنىنە دەيىن.

  ەكىنشى، قۇرىلىستى قورشاۋ جانە قاتىناستى ۇيىمداستىرۋ جوباسى

  1. ازاتتىق وڭتۇستىك جولىنان حالىق جولىنىڭ تۇيىلىسىنە دەيىن (جۇڭگو بانكەسىنىڭ الدىنداعى بولەگى) بۇكىلدەي جابىق قۇرىلىس جۇرگىزىلىپ، اۆتوكولىك قاتىناۋعا تيىم سالىنادى.

  حالىق جولىندا (ازاتتىق سولتۇستىك جولىنان ازاتتىق وڭتۇستىك جولىنا دەيىنگى جول بولەگى) قوس باعىتتاعى 4 اۆتوكولىك جولىندا بۇكىلدەي جابىق قۇرىلىس جۇرگىزىلىپ، اۆتوكولىك قاتىناۋعا تيىم سالىنادى.

  2. جيانجۇڭ جولى (حالىق تەاترحاناسى جول بولەگى)، شينحۋا كىتاپ دۇكەنىنىڭ الدىنداعى جول 5 اۆتوكولىك جولىنا وزگەرتىلىپ، اۆتوكولىكتەردىڭ قوس باعىتتا قاتىناۋىنا رۇقسات ەتىلەدى.

  حالىق جولىنداعى (ازاتتىق سولتۇستىك جولىنان ازاتتىق وڭتۇستىك جولىنا دەيىنگى جول بولەگى) قۇرىلىس ٴوڭىرى اشىلىپ، 5 اۆتوكولىك جولىندىق ٴبولۋ، جەتەكتەۋ جولى ورنالاستىرىلىپ، اۆتوكولىكتەردىڭ قوس باعىتتا قاتىناۋىنا رۇقسات ەتىلەدى.

  ٴۇشىنشى، قوعامداعى اۆتوكولىكتەردىڭ نەگىزگى ٴبولىنۋ جەلىسى

  بۇرىن ازاتتىق وڭتۇستىك جولىنان حالىق جولىنىڭ تۇيىلىسىنە (جۇڭگو بانكەسىنىڭ الدىنداعى بولەگى) دەيىن قاتىنايتىن اۆتوكولىكتەر، جيانجۇڭ جولىمەن (حالىق تەاترحاناسى جول بولەگى)، شينحۋا كىتاپ دۇكەنىنىڭ الدىنداعى جولمەن اينالىپ جۇرۋىنە بولادى.

  جابىق قۇرىلىس جۇرگىزىلگەن مەزگىلدە، قالىڭ قالا تۇرعىندارىنىڭ قاتىناس باسقارۋ حابارلاندىرۋىنا ساي، وزدەرىنىڭ ٴجۇرىس – تۇرىس جولىن الدىن الا جوسپارلاپ، قاتىناس زاڭ – ەرەجەلەرىنە سانالى بويسۇنىپ، وركەنيەتتى قاتىناپ، ناق مايدانداعى حالىق ساقشىلارى مەن باسقارۋشى قىزمەتكەرلەردىڭ قولباسشىلىعىنا بويسۇنۋىن سۇرايمىز.

  ٴۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى

  2021 – جىلى 8 – ايدىڭ 9 - كۇنى 

  اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.