انار بۇلت / شينجياڭ گازەتىنىڭ ءتىلشىسى لۋ فىڭباۋ، پراكتيكانت ءانقار ءانۋار 8 - ايدىڭ 10 - كۇنى ۇرىمجىدەن حابارلايدى. اۆتونوميالى رايوندىق قاتىناس - تاسىمال مەڭگەرمەسىنەن ۇعىسۋعا قاراعاندا، تاياۋدا رايونىمىز «شينجياڭ ۇيعۇر اۆتونوميالى رايونىنىڭ اۋىل - قىستاق تاس جولىندا ”تاس جول باستىعى ءتۇزىمىن“ جاپپاي اتقارۋ جوباسىن» باسىپ تاراتىپ (تومەندە قىسقارتىلىپ «اتقارۋ جوباسى» دەلىنەدى)، 2022 - جىلدىڭ سوڭىنا بارعاندا، اۋىل - قىستاق تاس جولىنىڭ اۋدان، اۋىل، قىستاق 3 دارەجەلى ”تاس جول باستىعى ءتۇزىمىن“ جاپپاي ورناتىپ، بارلىق اۋىل - قىستاق تاس جولىن تۇگەلدەي ”كۇزەتەتىن“ ادام بولۋدى جولعا قويادى ەكەن.
«اتقارۋ جوباسىندا» مىنالار ورتاعا قويىلدى: رايونىمىز اۋداندىق (قالا) ۇكىمەتتىڭ جاۋاپتى جولداسى باس تاس جول باستىعى بولعان اۋىل - قىستاق تاس جولىنىڭ ”تاس جول باستىعى ءتۇزىمىن“ جاپپاي اتقارىپ، اۋدان دارەجەلى تاس جول باستىعىن اۋدان دارەجەلى حالىق ۇكىمەتىنىڭ قاتىناس - تاسىمال قىزمەتىنە جاۋاپتى جولداس ارقالايدى، اۋىل دارەجەلى تاس جول باستىعىن اۋىلدىق (قالاشىق) حالىق ۇكىمەتىنىڭ نەگىزگى جاۋاپتى جولداسى ارقالايدى، قىستاق دارەجەلى تاس جول باستىعىن قىستاق تۇرعىندارى كوميتەتىنىڭ مەڭگەرۋشىسى ارقالايدى، ءار دارەجەلى تاس جول باستىعى نەگىزىنەن قاتىستى اۋىل - قىستاق تاس جولىن باسقارۋ جانە وعان ساياتىن ماسەلەلەردى سايكەسىپ جونگە سالۋ قىزمەتىنە جاۋاپتى بولادى.
«اتقارۋ جوباسىندا» مىنالار ورتاعا قويىلدى: ”تاس جول باستىعى ءتۇزىمىن“ وزەك ەتكەن اۋىل - قىستاق تاس جولىن باسقارۋ، قورعاۋ جۇيەسىن ورناتىپ، اۋىل - قىستاق تاس جول قۇرىلىسىنىڭ اياق الىسىن جەدەلدەتىپ، اۋىل - قىستاق تاس جولىن باسقارۋ مەن قورعاۋدى كۇشەيتىپ، اۋىل - قىستاق تاس جولىنىڭ تاسىمال دەڭگەيىن جوعارىلاتىپ، اۋىل - قىستاق تاس جولىنىڭ ەكولوگياسىن قورعاۋدى كۇشەيتىپ، اۋىل - قىستاق تاس جولىنىڭ توتەنشە جاعدايعا توتەپ بەرۋى مەن حاۋىپسىزدىگىن باسقارۋدى كۇشەيتۋ كەرەك.
«اتقارۋ جوباسىندا» مىنالار ورتاعا قويىلدى: 2021 - جىلدىڭ سوڭىنا دەيىن اۋدان، اۋىل، قىستاق تاس جولىن قامتىعان ”تاس جول باستىعى ءتۇزىمىنىڭ“ ۇيىمدىق باسقارۋ جۇيەسىن نەگىزىنەن ورناتىپ، ۇكىمەت باسشىلارى جاۋاپتى بولۋ ءتۇزىمىنىڭ جاۋاپكەرشىلىك جۇيەسىن ورناتىپ، ۇقىق پەن جاۋاپكەرشىلىك ايقىندالعان اۋىل - قىستاق تاس جولىن باسقارۋ مەحانيزمىن العاشقى قادامدا قالىپتاستىرىپ بولۋ كەرەك. 2022 - جىلدىڭ سوڭىنا بارعاندا اۋىل - قىستاق تاس جولىنىڭ ”تاس جول باستىعى ءتۇزىمىن“ جاپپاي ورناتىپ، ۇكىمەت جەتەكشىلىك ەتەتىن، تاراۋلار سايكەسەتىن، جوعارى - تومەن بىرلەسىپ ارەكەتتەنەتىن، اينالىمى جوعارى ءونىمدى اۋىل - قىستاق تاس جولىنىڭ ”سالۋ، باسقارۋ، قورعاۋ، اينالىم“ قىزمەت ارناسىن نەگىزىنەن قالىپتاستىرىپ، اۋىل - قىستاق تاس جولىن جونگە سالۋ قابىلەتىن كورنەكتى جوعارىلاتۋ كەرەك. 2025 - جىلدىڭ سوڭىنا بارعاندا ”تاس جول باستىعى ءتۇزىمىن“ وزەك ەتكەن ”تورتتە جاقسى اۋىل - قىستاق جولى“ قۇرىلىسىنىڭ ۇزاق ءونىمدى مەحانيزمىن جاپپاي ورناتىپ، اۋىل - قىستاق تاس جولىنىڭ جوعارى ساپالى دامۋ جۇيەسىن نەگىزىنەن قالىپتاستىرۋ كەرەك.
