تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

كاسىپ سالاسى ارقىلى شينجياڭعا كومەكتەسۋدى تەرەڭدەتىپ، ”قان جاساۋ“ يقۋاتىن كۇشەيتتى

  حىنان:

  كاسىپ سالاسى ارقىلى شينجياڭعا كومەكتەسۋدى تەرەڭدەتىپ، ”قان جاساۋ“ يقۋاتىن كۇشەيتتى

  انار بۇلت / شينجياڭ گازەتىنىڭ ءتىلشىسى ۋي يۇڭگۇي

  قۇمىل قالاسىندا تومەن كۇكىرتتى، تومەن كۇلدى ساپالى كومىر مول شىعادى، الايدا جانعان سوڭ اتموسفەرانى لاستايتىن ساپاسىز كومىر دە بار. كومىر بايلىعىنان جوعارى ءونىمدى پايدالانىپ، لاستانۋدى ازايتۋ ءۇشىن، حىنان ولكەسى شينجياڭعا باعىتتامالى كومەكتەسۋ قىزمەتى الدىڭعى جاق قولباسشىلىق شتابى اراتۇرىك اۋدانى ناۋماۋحۋ ونەركاسىپ باقشاسىنا ساپاسىز كومىردەن تازا كومىر وندىرەتىن كاسىپورىن ەنگىزدى. بۇل كاسىپورىننىڭ اتى شينجياڭ بىنشين ەنەرگيا عىلىم - تەحنيكا شەكتى سەرىكتەستىگى، وسى ايدىڭ سوڭىندا وندىرىسكە قوسىلىپ، جىلىنا 900 مىڭ توننا تازا كومىر وندىرەدى.

  تازا كومىردى شيكى كومىرمەن سالىستىرعاندا، جىلۋ شىعار مولشەرى جوعارى بولۋمەن بىرگە، شىعاراتىن گاز لاس زاتىن %60تەن جوعارى ازايتۋعا بولادى. بۇل نىساننىڭ تياناقتانۋى حىنان ولكەسىنىڭ كاسىپ سالاسى ارقىلى شينجياڭعا كومەكتەسۋدى تەرەڭدەتىپ، قۇمىل قالاسىنىڭ جوعارى ساپالى دامۋىن جەبەۋىنىڭ بەينەسى.

  بيىل حىنان ولكەسى اۆتونوميالى رايوننىڭ قۇمىل قالاسىنا قاراتقان ”شينجياڭنىڭ جوعارى ساپالى دامۋىنداعى ماڭىزدى ارتۋ ۇيەگىن تۇلعالاۋ“ عىلمي ورنىن ارقاۋ ەتە وتىرىپ، ”14 - بەسجىلدىق“ دامۋ جوباسىمەن بىرلەستىرە وتىرىپ، 130دان استام شينجياڭعا كومەكتەسۋ نىسان جوباسىن جاسادى. مۇنىڭ ىشىندە كاسىپ سالاسى ارقىلى شينجياڭعا كومەكتەسۋ نىساندارىندا، قۇمىل قالاسىنىڭ ”كومىر، ەلەكتر، مۇناي، گاز، جەل، كۇن نۇرى قورى“ ءبىر تۇلعالانعان ەنەرگيا بازاسى قۇرىلىسى مەن كومىر حيميا ونەركاسىبى، جاڭا ماتەريال سياقتى 100 ميلليارد دارەجەلى كاسىپ سالاسى شوعىرى قۇرىلىسىمەن بىرلەستىرىپ، ءبىر توپ وزىق تەحنيكالى، بازار بولاشاعى كەڭ ساپالى سەلبەستىك نىسانىن جاسادى، جوبالادى.

  ءبىر توپ كاسىپ سالاسى ارقىلى شينجياڭعا كومەكتەسۋ جاڭا نىساندارى ارت - ارتىنان تياناقتاندى جانە وندىرىسكە قوسىلدى. حىنان ولكەسى گۇڭگىڭ اۋىل شارۋاشىلىعى ماشينالارىن جاساۋ شەكتى سەرىكتەستىگىنىڭ قۇمىل قالاسى جوعارى، جاڭا تەحنيكا كاسىپ سالاسىن اشۋ رايونىندا قارجى قوسىپ سالعان جىلىنا 30 مىڭ وزىق اۋىل شارۋاشىلىعى ماشيناسىن جاساۋ نىسانى سالىنۋدا؛ شينجياڭ تيانجىفىڭ ەنەرگيا ۇنەمدەۋ تاقتايشا ماتەريالدارى شەكتى سەرىكتەستىگى وندىرگەن جوعارى سورتتى مەتال بەتتى قۋىس تاقتا شينجياڭنىڭ، اۋەلى، باتىس سولتۇستىك ءوڭىردىڭ وسى تەكتەس ءونىم جوق بولۋ بوستىعىن تولدىردى؛ باركول قازاق اۆتونوميالى اۋدانى اينالمالى ەكونوميكا كاسىپ سالاسىن شوعىرلاندىرۋ وڭىرىندە، شينجياڭ گوشين جيەيۇي ورتانى قورعايتىن ەلەكتر شىعارۋ شەكتى سەرىكتەستىگىنىڭ تازا كومىرتەگى قالدىق گازىنان ەلەكتر شىعارۋ نىسانى 7 - ايدا جۇمىس باستادى. بۇل نىساننىڭ 1 - مەرزىمىنە 180 ميلليون يۋان قارجى قوسىلىپ، 30MW تىق 3 گەنەراتور اگراگاتى سەپتەلدى، تۇگەلدەي سالىنىپ بولعان سوڭ جىلىنا ءبىر ميلليارد 400 ميلليون تەكشەمەتر تازا كومىرتەگى قالدىق گازىن جۇمساپ، جىلدىق ەلەكتر تاراتۋ مولشەرى 400 ميلليون كيلوۆات - ساعات اينالاسىندا بولادى، ەنەرگيا ۇنەمدەپ، ىعىستىرۋدى ازايتۋدى جۇزەگە اسىرىپ قانا قالماستان، قۇمىل قالاسىنىڭ كومىردى ىشكەرىلەي مانەرلەۋ كاسىپ تىزبەگىن دە ۇزدىكسىز ۇزارتادى.

  8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى اشىلعاننان بەرى، حىنان ولكەسى قۇمىل قالاسىنىڭ ”قان جاساۋ“ يقۋاتىن كۇشەيتۋىنە اناعۇرلىم قولداۋ كورسەتىپ، ءىرى كاسىپورىنداردىڭ، توپتاردىڭ شينجياڭعا كەلىپ قارجى قوسىپ، كاسىپ سالاسىن گۇلدەندىرۋىن ىلگەرىلەتتى. كەزەكتە حىنان ولكەسى ەنەرگيا، حيميا ونەركاسىپ توبى، سى - نيان توبى، لۇڭچىڭ توبى قۇمىل قالاسىمەن ستراتەگيالىق سەلبەستىك كەلىسىمىنە قول قويىپ، قۇمىل قالاسىنىڭ ەرەكشە باسىمدىققا يە كاسىپ سالاسىنىڭ دامۋىن جەتىلدىرۋگە، زورايتۋعا دەم بەرمەك.

     ”ءبىز 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن ويداعىداي دايەكتىلەندىرىپ، تياناقتاندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىنا قىزمەت وتەۋدىڭ جانە ونىمەن توعىسۋدىڭ كىرىسۋ ءتۇيىنىن دالمە - ءدال تاۋىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا كۇش - قۋاتىمىزدى ارناپ، حىناننىڭ شينجياڭعا كومەكتەسۋىنىڭ اناعۇرلىم ناتيجەلى كوركەم تاراۋىن جازامىز“، - دەدى حىنان ولكەسى شينجياڭعا باعىتتامالى كومەكتەسۋ قىزمەتى الدىڭعى جاق قولباسشىلىق شتابى پارتكومىنىڭ شۋجيى، باس قولباسشىسى، قۇمىل قالالىق پارتكومنىڭ ورىنباسار شۋجيى شۇي شياڭفىڭ.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.