تيانشان تورى   ›   جاڭالىقتار   ›   شينجياڭ حابارلارى

ۇيرەنۋ ءتاسىلىن جاڭالاپ، تەرەڭدەي ۇيرەنىپ، جەتە تۇسىنۋگە كۇش سالدى

انار بۇلت / شينجياڭ گازەتىنىڭ تىلشىلەرى

  سوڭعى كۇندەردەن بەرى رايونىمىزدىڭ جەر - جەرى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن دەن قويا ۇيرەنىپ، دايەكتىلەندىرىپ، رۋحاني ءمانىن جەتە ءتۇسىندى ءارى امالياتپەن ۇشتاستىرىپ ۇيرەنۋ ءتاسىلىن جاڭالاپ، ۇيرەنۋ جولدارىن بايىتىپ، تەرەڭدەي ۇيرەنىپ، جەتە تۇسىنۋگە كۇش سالدى.

  ”بەس ساباقحانا“ ۇيرەنۋ قىزۋ ورلەۋىن كوتەردى

  8 - ايدىڭ 4 - كۇنى قۇمىل قالاسى يجوۋ رايونى شىيوۋشينچىڭ ءمالىسى شيحۋان جولى الەۋمەتتىك اۋماعىنىڭ مەڭگەرۋشىسى ۋاڭ سۇيفاڭ 80 جاستاعى ساقا پارتيا مۇشەسى شياۋ سۇيلاننىڭ ۇيىنە بارىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحى جونىندە ۇگىت لەكسيا جاسادى. پارتيا تاريحىن ۇيرەنۋ تاربيەسى ورىستەتىلگەننەن بەرى قۇمىل قالاسى ءىس جۇزىندىككە ساي، جاسامپازدىقپەن، ”جىلجىمالى ساباقحانا“ اشىپ، ءجۇرىپ - تۇرۋى قولايسىز ساقا پارتيا مۇشەلەرىنىڭ، قارت كادرلاردىڭ ۇيلەرىنە بارىپ ۇگىت لەكسيا جاسادى.

  7 - ايدىڭ باسىنان بەرى قۇمىل قالاسىنداعى تاراۋلار، ورىندار ءىس جۇزىندىك جاعدايمەن ۇشتاستىرىپ ۇيرەنۋ ءتاسىلىن جاڭالاپ، تۇتاس قالاداعى پارتيا مۇشەلەرىن، كادرلاردى، تۇرعىنداردى، جاستار مەن ورەندەردى ”ارناۋلى تاقىرىپتىق ساباقحاناسى“، ”ينتەرنەت ساباقحاناسى“، ”جىلجىمالى ساباقحانا“، ”ورىندىقتى ساباقحانا“، ”التى جارىمداعى ساباقحانا“ سىندى ”بەس ساباقحانا“ ارقىلى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرۋگە ۇيىمداستىردى.

  ”باس شۋجي شي جينپيڭنىڭ ’1 - شىلدەدەگى‘ ماڭىزدى ءسوزىنىڭ رۋحىن اناعۇرلىم ويداعىداي ۇگىتتەۋ ءۇشىن، ءبىز ساقا پارتيا مۇشەلەرىن، ساقا قىزىل ارميا جاۋىنگەلەرىن ات سالىسۋعا ۇسىنىس ەتىپ، جانىمىزداعى ادامدارمەن، جانىمىزداعى ىستەرمەن ۇشتاستىرۋ ارقىلى ۇگىت لەكسيا جاسادىق“. قۇمىل قالالىق قوسىننان شەگىنگەن اسكەريلەر ىستەرى مەكەمەسىنىڭ يجوۋ رايونى شيحى ءمالىسى چۋانشۋيۋان الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي پۋ دىگو بىلاي دەدى: الەۋمەتتىك اۋماق ”ينتەرنەت ساباقحاناسى“، ”جىلجىمالى ساباقحانا“ سياقتى تاسىلدەر ارقىلى ۇگىت لەكسيانىڭ قامتۋ اۋماعىن ۇزدىكسىز كەڭەيتىپ، ۇگىت لەكسيا ونىمدىلىگىن جوعارىلاتتى.

  قازىر قۇمىل قالاسىنداعى اۋىل - قىستاقتار (الەۋمەتتىك اۋماق) تۇرعىندار اۋماعى سايالىعى، قىزىل تاربيە ءدالىزى، شاعىن الاڭ، شارۋالار كىتاپ ءۇيى سياقتى ورىنداردا ”ورىندىقتى ساباقحانانى“ جابال تۇلعالاپ، حالىق اراسىنان شىققان ۇگىت لەكسياشىلاردىڭ رولىن تولىق ساۋلەلەندىرىپ، بۇقارانىڭ ەسىك الدىندا سالقىنداعان، اڭگىمە دۇكەنىن قۇرعان ۋاقىتىنان پايدالانىپ ۇگىت لەكسيا جاسادى.

  ”ورىندىق اكەلىپ وتىرىپ، قىستاق تۇرعىندارىمەن شۇيىركەلەسۋ بارىسىندا باس شۋجي شي جينپيڭنىڭ ’1 - شىلدەدەگى‘ ماڭىزدى ءسوزىنىڭ رۋحى جونىندە ۇگىت لەكسيا جاسادىق، مۇنداي ءتاسىل قاراپايىم، تىكە، ءونىمدى“. قۇمىل قالاسى ارباۋ قالاشىعى انار ءدانى ۇگىت لەكسيا اترەتىنىڭ حالىق اراسىنان شىققان ۇگىت لەكسياشىسى ۋ شيانميڭ: ”ورىندىقتى ساباقحانا“ ۇگىت لەكسيانىڭ اناعۇرلىم جاناسىمدى بولۋىنا مۇمكىندىك جاسادى“ دەپ قارادى.

  ”مول مازمۇندى پارتيا ساباعى“ ۇيرەنۋدىڭ ناقتىلانۋىن ىلگەرىلەتتى

  ءبىراز ۋاقىتتان بەرى اقسۋ ايماعى پارتيا تاريحىن ۇيرەنۋ تاربيەسىندە پارتيا ساباعى فورماسىن بايىتۋ، ۇيرەنۋ ونىمدىلىگىن ارتتىرۋ جاعىنا كۇش سالىپ، ”كىم وتەدى؟ نەنى ءوتۋ كەرەك؟ قالاي ءوتۋ كەرەك؟ كىمگە ءوتۋ كەرەك؟“ دەگەندى ارقاۋ ەتە وتىرىپ، ارناۋلى تاقىرىپتىق پارتيا ساباعى، ناق مايدان پارتيا ساباعى، امالياتتىق پارتيا ساباعى سياقتى ”مول مازمۇندى پارتيا ساباعىن“ اشتى.

  اقسۋ ايماعى جاسىل شارۋاشىلىق اشۋ شەكتى سەرىكتەستىگى ”ماماندار لەكسياسى + قىزمەتكەرلەر ساباقحاناسى“ ءتاسىلى ارقىلى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇگىتتەدى ءارى اقسۋ ايماقتىق پارتكوم پارتيا مەكتەبىنىڭ لەكتورلارىن جانە ساقا جاۋىنگەرلەردى ارناۋلى تاقىرىپتىق پارتيا ساباعىن وتۋگە ۇسىنىس ەتتى. پارتيا ساباعىن تىڭداعاننان كەيىن، سەرىكتەستىكتەگى قىزمەتكەرلەر قىزمەت امالياتىمەن ۇشتاستىرىپ اسەرلەرىن اڭگىمەلەپ، تۇسىنىكتەرىن ايتتى.

  ”مۇنداي ارناۋلى تاقىرىپتىق پارتيا ساباعىنىڭ باس شۋجي شي جينپيڭنىڭ ’1 - شىلدەدەگى‘ ماڭىزدى ءسوزىنىڭ رۋحىنىڭ كەلەلى ءمانى مەن باي مازمۇنىن جەتە تۇسىنۋىمىزگە جانە يگەرۋىمىزگە توتەنشە سەپتىگى تيەدى“، - دەدى وسى سەرىكتەستىكتىڭ قىزمەتكەرى ياڭ جيە توتەنشە اسەرلەنە.

     پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتۋ ءۇشىن، اقسۋ ايماعى ساقا پارتيا مۇشەلەرىن، ساقا ۇلگىلەردى، جاس پارتيا مۇشەلەرىن، وزات تيپتەردى مىنبەگە شىعىپ، نازاريالىق ءتۇسىندىرۋ، ساندى مالىمەتتەرمەن سالىستىرۋ سياقتى تاسىلدەر ارقىلى پارتيانىڭ شۇعىلالى بارىسىن جان - جاقتى، اسەرلى بايانداۋعا بەلسەنە جەتەكتەدى. ساباقتان كەيىن تانىمىن، اسەرىن، تۇسىنىگىن ايتۋ ارقىلى پارتيا ساباعىن ۇيرەنۋ ونىمدىلىگىن تەرەڭدەتتى.

  سونىمەن بىرگە، اقسۋ ايماعى ياچەيكانى بىرلىك ەتىپ، بۇكىل ايماقتاعى 5000نان استام پارتيا ياچەيكاسىن ”تۇيىلىستىرىپ، تۇتاستىرىپ“، ”ءسوز جوق، باراتىن“ پارتيا ساباعىن اشتى، ءار دارەجەلى پارتكومدار (پارتيا باسشىلىق گرۋپپاسى) باسشىلىق القالارى قۇرامىنداعىلار كوتەرمەگە الىپ بايلانىس ورناتقان اۋدانداردا (قالا)، اۋىل - قالاشىقتاردا (ءمالى)، قىستاقتاردا (الەۋمەتتىك اۋماق)، كاسىپورىنداردا، مەكەمە - ورىنداردا (تاراۋ)، مەكتەپتەردە، ت.ب ارالاپ ءجۇرىپ ساباق ءوتتى. ءار دارەجەلى پارتيالى كادرلار وتباسىلارىن ارالاپ جاعداي ۇعىسۋ، ۇلتتار ىنتىماعى بىرلەسكەن دوستىق قيمىلى سياقتىلارمەن ۇشتاستىرىپ، نازاريالىق ۇگىت لەكسيا جاساۋ، ەڭبەك امالياتى جانە قيىنشىلىقتاردى شەشۋ ارقىلى بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىن كۇش سالا ويداعىداي شەشتى.

  ”كىتاپ وقۋ كۋرسى“ قيمىلى قىزىل گەندى جالعاستىردى

  7 - ايدىڭ 26 - كۇنى فۋكاڭ قالالىق وداق كوميتەتى فۋكاڭ قالالىق كىتاپحانا بولىمشەسىندە پيونەرلەردىڭ پارتيا تاريحىن ۇيرەنۋ تاربيەسى بويىنشا كىتاپ وقۋ كۋرسى قيمىلىن ورىستەتتى. سول ورىندا قيمىلعا قاتىناسقان پيونەرلەر قىزىل حيكايالاردى تىڭداپ، وزدەرى ۇناتاتىن قىزىل كىتاپتاردى ورتاقتاسىپ، كىتاپ وقۋدان العان اسەرلەرى جونىندە پىكىر اۋىستىردى.

  باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنۋ، دايەكتىلەندىرۋ، نەگىزگى ساتى وداق ۇيىمدارىنىڭ پارتيا تاريحىن ۇيرەنۋ تاربيەسىن دەن قويا ويداعىداي ىستەۋ ءۇشىن، فۋكاڭ قالالىق وداق كوميتەتى پارتيا تاريحىن ۇيرەنۋ تاربيەسى بويىنشا كىتاپ وقۋ كۋرسى قيمىلىن ورىستەتتى. فۋكاڭ قالالىق وداق كوميتەتىنىڭ ورىنباسار شۋجيى يۋان فىڭ: ”پيونەرلەردىڭ پارتيا تاريحىن ۇيرەنۋ تاربيەسى بويىنشا كىتاپ وقۋ كۋرسىن ورىستەتىپ، ءوسپىرىم بالالار وڭاي قابىلدايتىن ۇيرەنۋ تاسىلىنەن پايدالانىپ پارتيا تاريحىن ۇگىتتەپ، پارتيا تاريحىن ۇيرەنۋ تاربيەسى ارقىلى پيونەرلەردى پارتيانىڭ، وداقتىڭ، وتريادتىڭ تامىرلاس بايلانىسىن ىشكەرىلەي بىلۋگە تاربيەلەپ، جەتەكتەپ، پيونەرلەردىڭ داڭق سەزىمىن ۇزدىكسىز كۇشەيتىپ، پارتيانى ءسۇيۋ، وتاندى ءسۇيۋ سۇيىسپەنشىلىگىن تەرەڭدەتىپ، قىزىل گەندى ۇرپاقتار بويى جالعاستىرامىز“، - دەدى.

  بيىلعى جازعى دەمالىستا فۋكاڭ قالاسى پارتيا تاريحىن ۇيرەنۋ تاربيەسىن ورتا، باستاۋىش مەكتەپ وقۋشىلارىنىڭ جازعى دەمالىستاعى ءمورال تاربيەسى امالياتتىق قيمىلىمەن ۇشتاستىرىپ، باي مازمۇندى ”قىزىل زەرتتەۋ - وقۋ“ قيمىلىن ورىستەتىپ، جاستار مەن وسپىرىمدەردىڭ فۋكاڭ ونەركاسىپ كورمە سارايىنا، فۋكاڭ قالالىق مەملەكەت قورعانىسى تاربيەسى بازاسىنا، ت.ب بارىپ، جاستار مەن وسپىرىمدەردى تاريحتى ءبىلىپ پارتيانى سۇيۋگە، تاريحتى ءبىلىپ وتاندى سۇيۋگە جەتەكتەپ، پارتيانى قىزۋ ءسۇيۋ، وتاندى قىزۋ ءسۇيۋ، مەكەندى قىزۋ ءسۇيۋ ىنتاسىن قاۋلاتتى.

  (ءتىلشى شيا چيڭ، قۇمىل تىلشىلەر پۋنكتىنەن يە سۇي، ەرىكتى تىلشىلەر گاڭ ليچياڭ، حى چۇنيىڭ، جاۋ شيا)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.