تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

كاسىپ سالاسى ارقىلى شينجياڭعا كومەكتەسىپ، ”ءۇش باقشا رايونىن“ ءتۇيىندى تۇلعالادى

  حىبەي:

  كاسىپ سالاسى ارقىلى شينجياڭعا كومەكتەسىپ، ”ءۇش باقشا رايونىن“ ءتۇيىندى تۇلعالادى

  انار بۇلت / شينجياڭ گازەتىنىڭ ءتىلشىسى دۋ جيانحۇي 8 - ايدىڭ 11 - كۇنى كورلادان حابارلايدى. 8 - ايدىڭ 5 - كۇنى كورلا ەكونوميكالىق، تەحنيكالىق اشۋ رايونى حىبەي (بايىنعولين وبلىسى) عىلىم - تەحنيكا كاسىپ سالاسى باقشاسىنا كىرگەنىمىزدە، اق پەن كوك ءتۇس ارالاس ولشەمدى زاۆود ۇيلەرىنىڭ جەدەل سالىنىپ جاتقاندىعى، قۇرىلىس ماشينالارىنىڭ ارلى - بەرلى قايشالىسىپ، قاربالاستىققا ءتۇسىپ جاتقان كورىنىس كوز الدىمىزعا كەلدى.

  بايىنعولين موڭعۇل اۆتونوميالى وبلىسى گۋاڭرۇي اينەك بۇيىمدارىن جاساۋ شەكتى سەرىكتەستىگىنىڭ ءوندىرىس سەحىندا جۇمىسشىلار اينەكتى كەسىپ ساندىققا سالۋدا. ”بۇل سەرىكتەستىك زاۆود قۇرۋدان ءوندىرىستى سىناق ەتۋگە دەيىن نەبارى 58 كۇن ۋاقىت جۇمسادى“. حىبەي ولكەسى شينجياڭعا كومەكتەسۋ قىزمەتى الدىڭعى جاق قولباسشىلىق شتابى ساۋداگەر شاقىرۋ ورتالىعىنىڭ مەڭگەرۋشىسى حان جانشاڭ بىلاي دەدى: كاسىپورىن بۇكىل ىنتا - پەيىلىمەن ءوندىرىستى يگەردى، ءبىزدىڭ جاۋاپكەرشىلىگىمىز كاسىپورىندى بىرگە - ءبىر ”كۇتۋشى ۇلگىسىندەگى“ قىزمەت وتەۋمەن قامداپ، كاسىپورىننىڭ زەيىن - زەردەنى شوعىرلاندىرىپ، دامۋعا دەن قويۋىنا مۇمكىندىك جاساۋ.

  بىلتىر 5 - ايدان بەرى حىبەي (بايىنعولين وبلىسى) عىلىم - تەحنيكا كاسىپ سالاسى باقشاسى رەسمي ىسكە قوسىلىپ شارۋاشىلىق جۇرگىزگەننەن بەرى انىق قارجى قوسۋ نيەتىنە كەلگەن كاسىپورىن 150دەن استى، مۇنىڭ ىشىندە 42 كاسىپورىن كاسىپ سالاسى باقشاسىنا ىرگە تەپتى، 23 كاسىپورىن جۇمىس باستاپ زاۆود سالدى، 6 كاسىپورىن ءوندىرىستى سىناق ەتتى. بيىل الدىڭعى جارتى جىلدا حىبەي ولكەسى شينجياڭعا كومەكتەسۋ قىزمەتى الدىڭعى جاق قولباسشىلىق شتابى بايىنعولين وبلىسى مەن بيڭتۋان 2 - شىسىنا 65 نىسان ەنگىزدى، بۇعان جوسپار بويىنشا جالپى 19 ميلليارد 470 ميلليون يۋان قارجى قوسادى.

  ”كاسىپ سالاسى باقشا قۇرىلىسىن العاش باستاعان كەزدە ءبىز ’حىبەي قارقىنى، شيۇڭ - ان ساپاسى‘ ارقىلى كاسىپ سالاسى باقشاسىن تۇلعالاۋدى جولعا قويدىق“. بايىنعولين موڭعۇل اۆتونوميالى وبلىستىق پارتكومىنىڭ ورىنباسار شۋجيى، حىبەي ولكەسى شينجياڭعا كومەكتەسۋ قىزمەتى الدىڭعى جاق قولباسشىلىق شتابىنىڭ قولباسشىسى شۇي فۋجۇن بىلاي دەدى: ءبىز حىبەي ولكەسى شينجياڭعا كومەكتەسۋ قىزمەتى الدىڭعى جاق قولباسشىلىق شتابى ساۋداگەر شاقىرۋ ورتالىعىن ارناۋلى قۇرىپ، ”اماناتتاۋ ۇلگىسىندەگى“ ”باقشا ىشىندەگى باقشا“ باقشا رايونى ارقىلى شينجياڭعا كومەكتەسۋ ۇلگىسىندە جاڭالىق اشىپ، بۇكىل قىزمەتكەر ساۋداگەر شاقىرۋدى، ساۋدا ارقىلى ساۋداگەر شاقىرۋدى، اماناتتاپ ساۋداگەر شاقىرۋدى، دالمە - ءدال ساۋداگەر شاقىرۋدى ۇزدىكسىز تەرەڭدەتىپ، ءبىر توپ نىسان كاسىپورىندارىن كەلىسىمگە كەلىپ ىرگە تەبۋگە باۋراپ، كومەك العان جەردىڭ ەكونوميكاسىنىڭ جوعارى ساپالى دامۋىن پارمەندى جەبەپ، الداعى جەردەگى كاسىپ سالاسى ارقىلى شينجياڭعا كومەكتەسۋگە ءساتتى تاجىريبە توپتادىق.

  شۇي فۋجۇن مىنالاردى ءبىلدىردى: حىبەي ولكەسى شينجياڭعا كومەكتەسۋ قىزمەتى الدىڭعى جاق قولباسشىلىق شتابى 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن ىشكەرىلەي ۇيرەنۋدى، دايەكتىلەندىرۋدى كەزەكتەگى ماڭىزدى ساياسي مىندەت ەتۋگە تاباندى بولىپ، پارتكوم ءماجىلىسىن، نازاريا ۇيرەنۋ وزەكتى گرۋپپاسىنىڭ ۇيرەنۋ ءماجىلىسىن، پارتيا ياچەيكاسىنىڭ ءماجىلىسىن دەر كەزىندە اشىپ، جەتكىزىپ، ۇيرەنىپ، زەرتتەۋ - تالقىلاۋعا، پىكىر اۋىستىرۋعا مۇقيات ۇيىمداستىرىپ، دايەكتىلەندىرۋدىڭ، تياناقتاندىرۋدىڭ ناقتى جوباسىن جوسپارلاپ، زەرتتەپ، ناقتى جاۋاپتى ادام، ماڭىزدى شارالار، ورىندايتىن شەكتى ۋاقىت سياقتىلاردى ايقىنداپ، جاڭا داۋىردەگى، جاڭا كەزەڭدەگى شينجياڭعا باعىتتامالى كومەكتەسۋ قىزمەتىنىڭ دارەجەسىن جوعارىلاتىپ، تەبىنىن ارتتىرۋدى، تياناقتانىپ ونىمدىلىككە قول جەتكىزۋدى ىلگەرىلەتتى.

  ”كەلەسى قادامدا ءبىز كومەك العان جەردىڭ ەرەكشەلىگىمەن بىرلەستىرە وتىرىپ، كاسىپ سالاسى ارقىلى شينجياڭعا كومەكتەسۋدى بارىنەن ماڭىزدى ورىنعا قويۋعا تاباندى بولىپ، كاسىپ سالاسى ارقىلى شينجياڭعا كومەكتەسۋدى ءۇرتىس جوعارى ساپامەن ىلگەرىلەتۋ جاعىنا كۇش سالىپ،’14 - بەسجىلدىقتاعى‘ حىبەي - شينجياڭ كاسىپ سالاسى سەلبەستىگى مەن نىسانداردى ورنالاستىرۋدى دالمە - ءدال جوسپارلايمىز“. شۇي فۋجۇن بىلاي دەدى: ءبىز ”ءۇش باقشا رايونىن، كوپ تۇعىردى، ءبىر ينتەرنەتتى“ ءتۇيىندى تۇردە تۇلعالاپ، حىبەي (بايىنعولين وبلىسى) عىلىم - تەحنيكا كاسىپ سالاسى باقشاسىنىڭ، ەكولوگيالىق كاسىپ سالاسى باقشاسىنىڭ جانە تيەمىنگۋان ەكونوميكالىق، تەحنيكالىق اشۋ رايونىنىڭ دامۋىن، ساپاسىنىڭ جوعارىلاۋىن، ونمدىلىگىن ارتتىرۋىن بەلسەندى ىلگەرىلەتەمىز، اسىرەسە، 2020 - جىلدان بەرى ەنگىزگەن جالپى 29 ميلليارد 600 ميلليون يۋان قارجى قوسىلعان 119 نىسانعا قاداعالاي قىزمەت وتەپ، نىسانداردىڭ ەرتەرەك جۇمىس باستاۋىن، ەرتەرەك سالىنىپ بولۋىن، ەرتەرەك وندىرىسكە قوسىلۋىن، ەرتەرەك ونىمدىلىك كورسەتۋىن جەبەپ، كومەك العان جەرلەردىڭ ”قان جاساۋ“ يقۋاتىن كۇشەيتۋىنە بار كۇشپەن قولداۋ كورسەتىپ، شينجياڭعا كومەكتەسۋ كاسىپ سالالارىنىڭ شىن مانىندە تياناقتانىپ، تامىر تارتۋىنا، گۇل اشىپ، جەمىس بەرۋىنە مۇمكىندىك جاسايمىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.