200 نەشە ءتۇرلى ءدارى - دارمەكتىڭ باعاسى ورتا ەسەپپەن ％50تەن استام تومەندەدى
ءدارى - دارمەكتەر مەن شىعىن ماتەريالدارىن شوعىرلى ساتىپ الۋ بۇقارانىڭ اۋرۋ كورسەتۋ اۋىرتپالىعىن جەڭىلدەتتى
انار بۇلت / شينجياڭ گازەتىنىڭ ءتىلشىسى جاۋ مين
ءدارى - دارمەكتىڭ باعاسى سان مىڭداعان وتباسىنا ساياتىن جۇمىس. ءدارى - دارمەكتىڭ باعاسى ءبىراز ارزانداسا، بۇقارانىڭ ەمدەلۋ اۋىرتپالىعى ءبىر مىسقال جەڭىلدەيدى. 2019 - جىلى 12 - ايدا رايونىمىز ءدارى - دارمەكتى شوعىرلى تۇردە كوپ مولشەرمەن ساتىپ الۋدى جولعا قويعاننان بەرى، بيىل 6 - ايدىڭ سوڭىنا دەيىن ىلگەرىندى - كەيىندى 200 نەشە ءتۇرلى ءدارى - دارمەكتى شوعىرلى ساتىپ الىپ، ءدارى - دارمەكتەردىڭ باعاسى ورتا ەسەپپەن ％50تەن استام تومەندەدى. بيىل الدىڭعى جارتى جىلدا رايونىمىزدا تاڭدالعان ايدارشا ارتەريا تىرەۋىنەن 18 مىڭ 500ىن قولدانىپ، ايدارشا ارتەريا تىرەۋىنىڭ باعاسى ورتا ەسەپپەن ％93 تومەندەدى. سوزىلمالى اۋرۋعا، سالماقتى اۋرۋعا شالدىققاندار ۇنەمى قولداناتىن دارىلەردەن ايدارشا ارتەريا تىرەۋىنە، جاساندى كوزىشىلىك لينزا، ودان ايدارشا ارتەريانى كەڭەيتكىش شارشا قالتاسى سياقتى قىمبات باعالى مەديتسينالىق ماتەريالدارعا دەيىن ءدارى - دارمەكتەر مەن مەديتسينالىق شىعىن ماتەريالدارىن شوعىرلى ساتىپ الۋ جەتىستىكتەرىنىڭ تياناقتانۋى رايونىمىزداعى ءار ۇلت بۇقاراسىن ەمدەۋ رەفورماسىنىڭ پايداسىنان شىنايى يگىلىكتەندىردى.
200 نەشە ءتۇرلى ءدارى - دارمەكتىڭ باعاسى ارزانداعانىمەن، ساپاسى تۇسپەدى
”باعدارلى ءدارى گەفيتينيبتىڭ ءبىر قورابى 500 يۋاننان استام ارزانداپتى“. 8 - ايدىڭ 9 - كۇنى ءۇرىمجى قالاسى شينحۋا وڭتۇستىك جولىنداعى بولشەك ساتۋعا بەلگىلەنگەن ءدارى دۇكەنىنەن ءدارى العان لياڭ جيڭ قۋانىشپەن بىلاي دەدى: ”بۇرىن 2000 يۋاننان اساتىن دارىلەر قازىر بىرنەشە ءجۇز يۋانعا ءتۇسىپتى، بۇل بۇقاراعا وتە ۇلكەن تيىمدىلىك اكەلدى!“.
شوعىرلى ساتىپ الۋدان بۇقاراعا تيىمدىلىك اكەلگەن ءدارى - دارمەكتەر از ەمەس. قازىرگە دەيىن رايونىمىز ىلگەرىندى - كەيىندى مەملەكەتتىڭ شوعىرلى تۇردە، كوپ مولشەرمەن ساتىپ الۋى بويىنشا 4 توپتا 157 ءتۇرلى ءدارى - دارمەك ساتىپ الدى، بۇل 4 توپتاعى ءدارى - دارمەكتەردىڭ باعاسى ورتا ەسەپپەن ％65 ارزانداعان، بۇدان ءار جىلى ەمدەۋ قاراجاتى شىعىسىنان 600 ميلليون يۋاننان استام ۇنەمدەۋگە بولادى.
بيىل رايونىمىزدىڭ ەمدەۋ قامسىزداندىرۋ تاراۋلارى ءدارى - دارمەكتى شوعىرلى ساتىپ الۋعا ۇزدىكسىز كۇش سالىپ، بيڭتۋاننىڭ ەمدەۋ قامسىزداندىرۋ تاراۋلارىمەن بىرگە شانشي، گانسۋ، چيڭحاي، نيڭشيا، گۋاڭشي 5 ولكە - رايونمەن بىرلەسىپ وزدىكتەرىنەن ”ۇيىرمە قۇراپ“، ”N + 2“ وداعى بويىنشا ءدارى - دارمەكتى شوعىرلى تۇردە، كوپ مولشەرمەن ساتىپ الۋ جۇمىسىن ورىستەتتى. مەملەكەتتىڭ ءدارى - دارمەك شوعىرلى ساتىپ الۋىنا تولىقتىرما رەتىندە، وسى رەتكى بىرلەسىپ شوعىرلى ساتىپ الۋدا رايونىمىز نەگىزدىك ەمدەۋ قامسىزداندىرۋىنىڭ ءدارى - دارمەك تىزىمىندەگى قولدانىلۋ مولشەرى كوپ، ساتىپ الۋ سوماسى جوعارى، كلينيكادا قولدانىلىمى جەتىلگەن ءدارى - دارمەكتەردى الدىمەن تاڭدادى، 50 ءتۇرلى ءدارى - دارمەكتىڭ باعاسى ورتا ەسەپپەن ％40.55 تومەندەپ، ەڭ جوعارى تومەندەۋ مولشەرى ％93كە جەتتى، كەلىسىپ ساتىپ الۋ مولشەرى بويىنشا ەسەپتەگەندە، تاڭدالعان ءدارى - دارمەكتەر مەن باعاسى بايلانىستىرىلعان ءدارى - دارمەكتەرگە جۇمسالعان قاراجات ساتىپ الۋ مەزگىلى ىشىندە 100 ميلليون يۋانعا جۋىق ۇنەمدەلەتىن بولدى.
وسى نەگىزدە رايونىمىز تاعى تاڭدالعان تۇرلەردىڭ ىشىندە ءبىر تۇتاس قولدانىلاتىن اتى ۇقساس ءارى مولشەرى بىردەي، سونداي - اق بۇكىل رايونداعى ەمدەۋ قۇرىلىمدارىنىڭ ءدارى - دارمەك ساتىپ الۋدى باسقارۋ تۇعىرىندا ساتىلاتىن ءدارى - دارمەكتەردىڭ باعاسىنا قاراتا باعاسىن بايلانىستىرىپ، ءدارى - دارمەكتىڭ قولجەتىمدىلىگى مەن ءدارى - دارمەكتىڭ ساپا دەڭگەيىن جۇيەلى تۇردە جوعارىلاتتى.
قىمبات باعالى مەديتسينالىق شىعىن ماتەريالدارىنىڭ باعاسى ％90تەن استام ارزاندادى
ءدارى - دارمەكتەردى شوعىرلى ساتىپ الۋدىڭ پايداسى بۇلار عانا ەمەس، قىمبات باعالى مەديتسينالىق شىعىن ماتەريالدارىن شوعىرلى تۇردە، كوپ مولشەرمەن ساتىپ الۋ ناۋقاستاردىڭ ەمدەلۋ اۋىرتپالىعىن دا بارىنشا جەڭىلدەتتى.
بيىل رايونىمىز قىمبات باعالى مەديتسينالىق شىعىن ماتەريالدارىن ءتۇيىندى تۇردە ساتىپ الۋ وبيەكتىسى ەتتى. 1 - ايدىڭ 1 - كۇنى مەملەكەت ۇيىمداستىرعان ايدارشا ارتەريا تىرەۋىن شوعىرلى تۇردە، كوپ مولشەرمەن ساتىپ الۋ بويىنشا تاڭدالعانداردىڭ ناتيجەسى رايونىمىزدا تياناقتانىپ، اتقارىلىپ، جەكە باعاسى 13 مىڭ يۋان اينالاسىنداعى تىرەۋلەر 700 يۋان اينالاسىنا دەيىن ارزانداپ، ايدارشا ارتەريا تىرەۋىنىڭ باعاسى ورتا ەسەپپەن ％93 تومەندەدى. 6 - ايدىڭ سوڭىنا دەيىن رايونىمىز تاڭدالعان تىرەۋلەردەن 18 مىڭ 500ىن پايدالاندى.
بيىل جىل باسىندا ءۇرىمجى قالاسىنىڭ 58 جاستاعى تۇرعىنى لي ميڭنىڭ جۇرەك بۇلشىق ەتى توسىن ءتۇيىلىپ، اۋرۋحاناعا جەدەل قۇتقارۋعا تۇسەدى، اۋرۋحانا وعان 2 ايدارشا ارتەريا تىرەۋىن ورناتادى، ”بۇل رەتكى وپەراتسياعا شوعىرلى ساتىپ الىنعان ايدارشا ارتەريا تىرەۋى پايدالانىلىپ، جالپى جۇمسالعان قاراجات 2000 يۋانعا جەتپەدى. قازىر دەنساۋلىعىم ايتارلىقتاي قالپىنا كەلىپ قالدى“.
جاساندى كوزىشىلىك لينزانىڭ باعاسىن ونان ارى تومەندەتۋ ءۇشىن، بيىل 2 - ايدا رايونىمىز شانشي ولكەسى باس بولىپ ۇيىمداستىرعان ولكە ارالىق وداق بويىنشا جاساندى كوزىشىلىك لينزانى شوعىرلى ساتىپ الۋعا قاتىناسىپ، 56 ءونىم تاڭدالىپ، ولكە ارالىق وداقتاعى ولكەلەردىڭ (اۆتونوميالى رايون، بيڭتۋان) بۇرىنعى ساتىپ الۋ باعاسىمەن سالىستىرعاندا، تاڭدالعان ونىمدەردىڭ باعاسى ورتا ەسەپپەن ％44 تومەندەپ، ەڭ جوعارى تومەندەۋ مولشەرى ％85كە جەتتى. قازىر جاساندى كوزىشىلىك لينزا سىندى شىعىن ماتەريالى رايونىمىزدا تياناقتانىپ، تومەن، ورتا، جوعارى باعا ارالىعى قالىپتاسىپ، اناعۇرلىم كوپ ناۋقاستاردىڭ ەرىكتى تاڭداۋىنا بەرىلدى.
ايدارشا ارتەريا تىرەۋىنىڭ باعاسى شوعىرلى ساتىپ الۋ ارقىلى زور مولشەردە تومەندەگەننەن كەيىن، وسىنداي ايدارشا ارتەرياعا قاتىستى ەمدەۋگە قاجەتتى ايدارشا ارتەريانى كەڭەيتكىش شارشا قالتانىڭ باعاسى ءالى ءبىرشاما جوعارى بولعان ەدى، بيىل 5 - ايدا مەملەكەتتىك ەمدەۋ قامتاماسىز ەتۋ مەكەمەسىنىڭ ءبىر تۇتاس جوسپارلاپ ىلگەرىلەتۋىنە ساي، رايونىمىز ايدارشا ارتەريانى كەڭەيتكىش شارشا قالتانى شوعىرلى تۇردە، كوپ مولشەرمەن ساتىپ الۋدى تياناقتاندىرىپ، 16 ميلليون يۋانعا ساتىپ الۋعا كەلىستى، كەلىسىپ ساتىپ الۋ مولشەرى بويىنشا ەسەپتەگەندە، بۇل شارا ءبىر ساتىپ الۋ جىلىندا ناۋقاستار مەن ەمدەۋ قامسىزداندىرۋ قورىنىڭ شىعىسىن 144 ميلليون يۋان اينالاسىندا ازايتا الادى.
ءدارى - دارمەكتەر مەن شىعىن ماتەريالدارىن شوعىرلى ساتىپ الۋدى ۇدايىلاندىردى، تۇزىمدەندىردى
مەملەكەتتىڭ ءدارى - دارمەكتى شوعىرلى ساتىپ الۋعا ۇيىمداستىرۋ ساياساتىنىڭ تياناقتانۋىن ىلگەرىلەتىپ، بۇقارانىڭ ساپاسى حاۋىپسىز، باعاسى ۇيلەسىمدى ءدارى - دارمەكتەن ەرتەرەك پايدالانۋىنا مۇمكىندىك جاساۋ ءۇشىن، رايونىمىز مەملەكەتتىڭ ءدارى - دارمەكتى شوعىرلى ساتىپ الۋعا ۇيىمداستىرۋ ساياساتىن تياناقتاندىرۋ سەرپىنىن ۇزدىكسىز ارتتىرىپ، ءدارى - دارمەكتى شوعىرلى ساتىپ الۋدىڭ ءتۇرلى قىزمەتتەرىن شىن مانىندە ويداعىداي ىستەدى ءارى ۇكىمەتتىك ەمدەۋ قۇرىلىمدارىنىڭ تاڭدالعان ءدارى - دارمەكتەردى الدىمەن ساتىپ الۋىن جانە پايدالانۋىن بەلسەنە ىلگەرىلەتىپ، ۇكىمەتتىك ەمدەۋ قۇرىلىمدارىنىڭ تاڭدالعان ءدارى - دارمەكتەردى ساتىپ الۋ، جەتكىزۋ، پايدالانۋ، ەسەپ جاۋىپ اقشا قايتارۋ سياقتى بۋىندارىنا تۇتاس تىزبەك بويىنشا جەتەكشىلىك ەتتى جانە باقىلاۋ - باسقارۋ جۇرگىزدى.
بيىل 6 - ايدا مەملەكەتتىك ەمدەۋدى قامتاماسىز ەتۋ مەكەمەسى قاتارلى 8 تاراۋ «مەملەكەتتىڭ قىمبات باعالى مەديتسينالىق شىعىن ماتەريالدارىن شوعىرلى تۇردە، كوپ مولشەرمەن ساتىپ الۋعا جانە پايدالانۋعا ۇيىمداستىرۋ جونىندەگى جەتەكشى پىكىرىن» باسىپ تاراتىپ، مەملەكەتتىڭ قىمبات باعالى مەديتسينالىق شىعىن ماتەريالدارىن شوعىرلى تۇردە، كوپ مولشەرمەن ساتىپ الۋعا ۇيىمداستىرۋ جۇمىسىن ورىستەتىپ، شوعىرلى ساتىپ الۋ ساياساتىن كەمەلدەندىرۋ جونىندە ىزدەنىس جاساۋدى، ونىڭ قامتۋ كولەمىن بىرتىندەپ كەڭەيتۋدى ايقىن اتاپ كورسەتتى. قازىر جاساندى ۇرشىق بۋىنى، جاساندى تىزە بۋىنى، ايدارشا ارتەريانىڭ (PTCA) جەتەك جىپشەسى سياقتى قىمبات باعالى مەديتسينالىق شىعىن ماتەريالدارى شوعىرلى ساتىپ الۋعا ەنگىزىلۋ ۇستىندە، بۇلاردى بيىلعى جىل ىشىندە رايونىمىزداعى ناۋقاستار پايدالانا الادى.
تاياۋدا 5 - توپتا مەملەكەتتىڭ ءدارى - دارمەكتەردى شوعىرلى ساتىپ الۋىنا تاڭدالعانداردىڭ ناتيجەسى رەسمي جاريالانىپ، 61 ءتۇرلى ءدارى - دارمەكتى ساتىپ الۋ ءساتتى بولىپ، باعا ورتا ەسەپپەن ％56 تومەندەدى، بۇل ءدارى - دارمەكتەردىڭ ىشىندە جوعارى قان قىسىم، ايدارشا ارتەريانىڭ قاتايۋىنان بولاتىن جۇرەك اۋرۋى، قانتتى نەسەپ اۋرۋى سياقتى ۇنەمى كەزىگەتىن اۋرۋلارعا، سوزىلمالى اۋرۋلارعا قولدانىلاتىن دارىلەر، سونداي - اق وكپە راگى، ومىراۋ راگى، تىك ىشەك راگى سياقتى سالماقتى اۋرۋلارعا قولدانىلاتىن دارىلەر قامتىلعان. بيىل 9 - ايدا رايونىمىزداعى ناۋقاستاردىڭ وسى توپتاعى باعاسى تومەندەتىلگەن ءدارى - دارمەكتەردى پايدالانۋىنان ءۇمىت بار.
اۆتونوميالى رايوندىق ەمدەۋدى قامتاماسىز ەتۋ مەكەمەسى ءدارى - دارمەك باعاسى جانە مەردىگەر شاقىرىپ ساتىپ الۋ باسقارماسىنىڭ قاتىستى جاۋاپتىسى بىلاي دەپ تانىستىردى: كەزەكتە رايونىمىز مەملەكەتتىڭ ءدارى - دارمەكتەر مەن شىعىن ماتەريالدارىن شوعىرلى ساتىپ الۋعا ۇيىمداستىرۋ ساياساتىن اتقارۋى ۇدايىلانۋعا، تۇزىمدەنۋگە قادام تاستاپ، بۇقارانىڭ ەمدەلۋ، ءدارى - دارمەك پايدالانۋ ساپا دەڭگەيى كورنەكتى جوعارىلاپ، ءدارى - دارمەك قاراجاتى كورنەكتى تومەندەپ، قامسىزداندىرۋعا قاتىناسقان ناۋقاستاردىڭ اۋىرتپالىعىن جەڭىلدەتۋ جانە ەمدەۋ قامسىزداندىرۋ قورىنىڭ حاۋىپسىزدىگىن قامتاماسىز ەتۋ سىندى ”ەكى جاقتان تەڭ ۇتۋدى“ جۇزەگە اسىردى. مەملەكەتتىك ەمدەۋدى قامتاماسىز ەتۋ مەكەمەسىنىڭ ءبىر تۇتاس ورنالاستىرۋىنا ساي، بۇدان بىلاي رايونىمىز اناعۇرلىم كوپ ءدارى - دارمەكتەر مەن قىمبات باعالى مەديتسينالىق شىعىن ماتەريالدارىن شوعىرلى ساتىپ الۋ كولەمىنە ەنگىزىپ، شوعىرلى ساتىپ الۋعا تاڭدالعانداردىڭ باعاسىنىڭ ناقتى تياناقتانۋىنا شىنايى كەپىلدىك ەتىپ، بۇقارانىڭ ساپالى، باعاسى ءتيىمدى ونىمدەردەن شىن مانىندە پايدالانۋىنا مۇمكىندىك جاسايدى.
