تيانشان تورى   ›   جاڭالىقتار   ›   سپورت الەمى

بالالاردىڭ فۋتبول ارمانىن قاۋلاتتى

انار بۇلت / شينجياڭ گازەتىنىڭ ءتىلشىسى سۇڭ يا - ۋىن

  ”پاس بەر، پاس بەر“، ”كوپشىلىك سايكەسۋگە كوڭىل بولىڭدەر...“ 8 - ايدىڭ 6 - كۇنى جىڭ اۋدانى تولى قالاشىعى ساعانمورگۇن قىستاعىنداعى فۋتبول الاڭىندا ءبىر توپ قارا دومالاق شىمىر بالالار فۋتبول الاڭىندا زىر جۇگىرىپ، دوپ دوداسىنا تۇسۋدە.

  ساعانمورگۇن قىستاعى اۋدان قالاشىعىنان 40 كيلومەتر شالعايدا. ”بۇرىن بالالار ۇنەمى جولدىڭ جاعاسىنداعى الاڭقايلاردا فۋتبول تەبەتىن، ەرەكشە قاتەردە ەدى“، - دەدى تولى قالاشىق ورتا مەكتەبىنىڭ دەنە تاربيە وقىتۋشىسى ءپارمان سىدىق ەسىنە الا.

  بالالاردىڭ كاسىپتىك فۋتبول ماشىعىن جاساۋىنا كومەكتەسۋ ءۇشىن، 2015 - جىلى ءپارمان اۋىل - قىستاق باستاۋىش مەكتەپ فۋتبول كومانداسى حۇڭباۋ فۋتبول كومانداسىن قۇرىپ، 14 بالانى اترەت مۇشەسى ەتىپ قابىلدادى.

  فۋتبول كومانداسى قۇرىلدى، قايدا ماشىقتاندىرعان ءجون؟

  2016 - جىلى ساعانمورگۇن قىستاعى 500 مىڭ يۋان قارجى قوسىپ، قىستاقتا ءبىر ولشەمدى فۋتبول الاڭىن سالدى. وسى شاعىن عانا جاسىل الاڭ قىستاقتاعى جاس وسپىرىمدەردىڭ ”ارمان جەرىنە“ اينالدى.

  ”قازىر ءار كۇنى مەكتەپتەن تاراعاننان كەيىن، ءبىز ۇنەمى فۋتبول تەبەمىز، فۋتبول الاڭى مەنىڭ ەڭ ۇناتاتىن جەرىم“، - دەدى ءمۇتالىپ مۇساجان فۋتبولىن قۇشاقتاپ تۇرىپ قۋانىشپەن.

  بيىل 14 جاستاعى ءمۇتالىپ حۇڭباۋ فۋتبول كومانداسىنىڭ مۇشەسى، كىشكەنتايىنان فۋتبول تەبۋدى ۇناتاتىن، ءار كۇنى وقۋدان تاراعاننان كەيىن كىشكەنتاي سەرىكتەرىمەن بىرگە فۋتبول تەبەدى.

  ”بالالار فۋتبول تەبۋدى ايرىقشا ۇناتقانىمەن، ءبىراق كاسىپتىك بىلىمدەرى جەتەرسىز، ناتيجە جاراتامىن دەيدى ەكەن، ءسوز جوق، باسقالاردان كوپ قۇلىشىنىپ، تەر توگۋى كەرەك“، - دەدى ءپارمان، بالالاردىڭ ماشىقتانۋ ۋاقىتىنا كەپىلدىك ەتۋ ءۇشىن، ول ءار كۇنى قىزمەتتەن تۇسكەننەن كەيىن بالالارمەن بىرگە ءبىر ساعات ۋاقىت ماشىق جاسايدى. وقىتۋدىڭ اناعۇرلىم جۇيەلى، عىلمي بولۋى ءۇشىن ءپارمان ۇنەمى ءوزىن تاربيەلەپ، ينتەرنەت جەلىسىنەن ءتۇرلى فۋتبول ماتەريالدارىن ىزدەپ جانە وقىتۋ بەينە ەكراندارىن كورىپ ۇيرەنىپ، از - ازدان بالالارعا ۇيرەتەدى.

  بالالار دا ءپارماننىڭ قۇلشىنىستارىنىڭ ۇمىتىنەن شىقتى، تۇڭعىش رەت جىڭ اۋدانىنداعى ورتا، باستاۋىش مەكتەپ وقۋشىلارىنىڭ فۋتبول ۇسىنىس جارىسىنا قاتىناسىپ اعا جۇلدەگەر بولدى.

  ”مەن بۇرىن تەك قانا فۋتبولدى جاقسى كورۋشى ەدىم، قازىر مۇعالىم بىزگە پاس بەرۋ، دوپ توقتاتۋ سياقتى نەگىزگى تەحنيكالاردى ۇيرەتتى، مەنىڭ دوپ تەبۋ ونەرىم تەز العا باستى. مەن قازىر فۋتبول كومانداسىنىڭ ۇيتقى كۇشىمىن“. وزىندەگى وزگەرىستەردى اۋىزعا العاندا، ءمۇتالىپتىڭ جۇزىنەن ماقتانىش ەسەدى.

  حۇڭباۋ فۋتبول كومانداسىنىڭ اترەت مۇشەلەرى جونىنەن العاندا، فۋتبول ءبىر ءتۇرلى اۋەس قانا ەمەس، ونان دا ماڭىزدىسى، قىستاق پەن قىستاقتان سىرتقى دۇنيەنى تۇتاستىراتىن كوپىر.

  ءمۇتالىپ 3 جىلدىڭ الدىنداعى ءۇرىمجى ساپارىن ەسىنەن شىعارعان جوق. ول تۇڭعىش رەت پويەزعا وتىرىپ ۇرىمجىگە كەلىپ، ۇرىمجىدەگى ءبىر باستاۋىش مەكتەپتىڭ فۋتبول كومانداسىمەن دوستىق جارىسىن وتكىزەدى. وسى رەتكى جارىس ارقىلى شەت - شالعايداعى اۋىل - قىستاقتاعى فۋتبولشى بالالار تۇڭعىش رەت ۇلكەن قالاعا كەلەدى.

  ”فۋتبول سپورتى بالالاردىڭ دەنساۋلىعىن كۇشەيتۋگە دەم بەرۋدەن سىرت، ونان دا ماڭىزدىسى، ولاردىڭ ۇجىم سەلبەستىگى مەن كۇرەس جاساۋ رۋحىن جەتىلدىرۋىنە پايدالى، ولاردىڭ اناعۇرلىم قۋاتتى، اناعۇرلىم باتىل بولۋىنا مۇمكىندىك جاسايدى“. ءپارمان بىلاي دەدى: بالالاردىڭ وسى رۋحپەن ءتىپتى دە جوعارى جارىس الاڭدارىندا ارشىنداي العا باسۋىن ءۇمىت ەتەمىن.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.