تيانشان تورى   ›   جاڭالىقتار   ›   ەل ءىشى حابارى

ءتىپتى كوپ ناقتى سەلبەستىكتەر ورىستەتۋدى ءۇمىت ەتەمىز، ۆيرۋستىڭ تەگىن انىقتاۋدى ساياسيلاندىرۋعا قارسى تۇرامىز

− مالتانىڭ سىرتقى ىستەر مينيسترى بارتولومەن سۇحبات

شينحۋا اگەنتتىگىنىڭ ءتىلشىسى چىن ۋىنشيان

  مالتانىڭ سىرتقى ىستەر مينيسترى ەۆاريستە بارتولو تاياۋدا شينحۋا اگەنتتىگى ءتىلشىسىنىڭ ارناۋلى سۇحباتىن قابىلداعاندا: مالتا مەن جۇڭگو قارىم - قاتىناسىنىڭ ۇزدىكسىز تەرەڭدەۋىنە بايلانىستى، ەكى ەلدىڭ بولاشاقتا ءتىپتى كوپ ناقتى سەلبەستىكتەر ورىستەتۋىنەن ءۇمىت بار، - دەدى. ول سونىمەن بىرگە، جاڭا تيپتى ايدارشا ۆيرۋستىڭ تەگىن انىقتاۋدى ساياسيلاندىرۋعا باتىل قارسى تۇراتىندىعىن ءبىلدىردى.

  بارتولو 7 - ايدىڭ اياق شەنىندە جۇڭگوعا ساپارلاي كەلگەن. ونىڭ قاراۋىنشا، وسى رەتكى ساپار ەرەكشە بەلسەندى جانە مول ونىمدىلىككە يە بولعان. ول جۇڭگونىڭ نەگىزدىك قۇرىلعىلار سياقتى سالالاردا مالتاعا ماڭىزدى كومەك كورسەتكەندىگىنە العىس ايتتى ءارى كەلەر جىلى ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن وراي ەتىپ، ەكى جاققا ءتيىمدى ءتىپتى كوپ نىسانداردى ورىستەتۋدى ءۇمىت ەتتى، مۇندا تازا ەنەرگيا، ساياحات، دەنساۋلىق ساقتاۋ، وقۋ - اعارتۋ جانە گۋمانيتارلىق اۋىس - كۇيىس سياقتى سالالارداعى سەلبەستىك قامتىلدى.

  ول بىلاي دەدى: ۇلاستىرۋ، تۇتاستىرۋ اسا ماڭىزدى، ”جۇڭگو باسقا ەلدەرمەن بارىس - كەلىس جاساعاندا مەملەكەتتىڭ ۇلكەن - كىشىلىگىن نەگىز ەتپەي، قايتا قۇرمەت پەن ۋادەنى نەگىز ەتەدى“.

  جاڭا تيپتى ايدارشا ۆيرۋستىڭ تەگىن انىقتاۋ ماسەلەسىن اۋىزعا العاندا، بارتولو بىلاي دەدى: ”ءبىزدىڭ جاۋىمىز جاڭا تيپتى ايدارشا ۆيرۋس، ءبىر - ءبىرىمىز ەمەس. ءبىز ىندەتتىڭ نە ءۇشىن تۋىلعاندىعىن، سونداي - اق قالاي تۋىلعاندىعىن انىقتاۋىمىز كەرەك، مۇنىڭ ءبارى دالەل - سىپاتتى نەگىز ەتۋى ءتيىس. ءبىز الەۋمەتتىك دەنساۋلىقتى جەلەۋ ەتىپ ساياسيدى تالكەك ەتپەۋىمىز كەرەك“.

  بارتولو مىنالاردى ءبىلدىردى: بۇكىل الەم ۆاكسينا ەگۋدە اۋىر دارەجەدە بىركەلكىسىز بولۋ سايىسىنا ءدوپ كەلۋدە. ”ءبىز ەرەكشە قيىن كەزەڭدە تۇرمىز، ونىڭ ۇستىنە ۆيرۋس ءتۇرىنىڭ وزگەرۋىنە ىلەسىپ، بۇل كەزەڭ ءبىز ويلاعاننان دا ۇزاق بولادى. بۇل ءبىر رەتكى الەۋمەتتىك دەنساۋلىق ساقتاۋ داعدارىسى، دۇنيە جۇزىندەگى ءار ەل جاپپاي حاۋىپسىز بولعاندا عانا، ءوز مەملەكەتى حاۋىپسىز بولا الادى“.

  بارتولو بىلاي دەدى: كليمات وزگەرىسى، جاڭا تيپتى ايدارشا ۆيرۋس وكپە قابىنۋ ىندەتى، كوشپەندىلەر، ينتەرنەت حاۋىپسىزدىگى سياقتى الەمدىك ماسەلەلەر تەك ءار ەلدىڭ ورتاق قۇلشىنۋى ارقىلى عانا شەشىلەدى. ”ەشقانداي ءبىر ەل ءوز باسىن عانا كۇيىتتەي المايدى نەمەسە وسى ماسەلەلەردى دەربەس شەشە المايدى، سەلبەستىك جاساۋ ءتاسىلىن تابۋ ەرەكشە ماڭىزدى“.

  بارتولو جۇڭگونىڭ الەمدىك سەلبەستىكتى ىلگەرىلەتۋ ءۇشىن جاساعان قۇلشىنىستارىن القاپ، جۇڭگونىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جاعىندا مالتانى قامتىعان كوپتەگەن مەملەكەتكە زور كۇشپەن قولداۋ كورسەتكەندىگىنە العىس ايتتى.

  ەۆروپا مەن جۇڭگونىڭ ەكونوميكا، ساۋدا قارىم - قاتىناسىنا ايالداعاندا، بارتولو مىنالاردى ءبىلدىردى: جۇڭگو − ەۆروپا وداعىنىڭ ماڭىزدى ساۋدا سەرىگى. ەۆروپا مەن جۇڭگو ءبىر - بىرىمەن سەلبەسۋگە بولاتىن جەرلەردى كورە الۋى قاجەت، پىكىر ۇقساماعان جەرلەر جونىنەن الاۋىزدىقتاردى شەشۋ ءتاسىلىن قاراستىرۋ قاجەت.

  بارتولو بىلاي دەدى: قارسىلاسۋ ەڭ ناشار ءىس. ”جۇڭگونى جاۋ ساناۋدىڭ ەش ءجونى جوق. ءارقانداي ىستە پىكىردىڭ بىركەلكى بولۋى قاجەت ەمەس، الايدا بۇل استە قارسىلاسۋدان دەرەك بەرمەيدى، ءبىز، ءسوز جوق، الاۋىزدىقتاردى شەشۋ ءتاسىلىن تابۋىمىز كەرەك. قانشا ايتقانىمەن، ءبىز ءبىر دۇنيە جۇزىندە جاساپ جاتىرمىز“.

  (شينحۋا اگەنتتىگىنىڭ 8 - ايدىڭ 10 - كۇنى ۆاللەتتادان بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.