تيانشان تورى   ›   جاڭالىقتار   ›   ەل ءىشى حابارى

جاڭا تيپتى ايدارشا ۆيرۋستىڭ تەگىن انىقتاۋ ماسەلەسىن ساياسيلاندىرۋعا قارسى تۇرامىز

شريلانكا دەنساۋلىق ساقتاۋ مينيسترى:

جاڭا تيپتى ايدارشا ۆيرۋستىڭ تەگىن انىقتاۋ ماسەلەسىن ساياسيلاندىرۋعا قارسى تۇرامىز

  شينحۋا اگەنتتىگىنىڭ 8 - ايدىڭ 10 - كۇنى كولومبودان بەرگەن حابارى (ءتىلشى تاڭ لۋ). شريلانكانىڭ دەنساۋلىق ساقتاۋ مينيسترى ۆاننييالاچي 8 - ايدىڭ 9 - كۇنى جاڭا تيپتى ايدارشا ۆيرۋستىڭ تەگىن انىقتاۋ ماسەلەسىن ساياسيلاندىرۋعا قارسى تۇراتىندىعىن ءبىلدىردى.

  ۆاننييالاچي سول كۇنى جۇڭگونىڭ شريلانكادا تۇراتىن باس ەلشىسى چي جىنحۇڭمەن كەزدەستى. ەكى جاق ءبىر اۋىزدان بىلاي دەپ قارادى: جاڭا تيپتى ايدارشا ۆيرۋستىڭ تەگىن انىقتاۋ عىلمي ماسەلە، ساياسيلاندىرۋمەن اينالىسۋ ماسەلەنى شەشۋگە ءتيىمسىز بولىپ قانا قويماي، ءار ەلدىڭ ىندەتتى ەرتەرەك جەڭىپ شىعۋىنا كەدەرگىلىك جاسايدى.

  ۆاننييالاچي مىنالاردى ءبىلدىردى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جۇڭگو شريلانكانى قىمباتتى ەمدەۋ زاتتىق بۇيىمدارىمەن جانە شۇعىل قاجەتتى ۆاكسينامەن توقتاۋسىز قامدادى، قازىرگە دەيىن شريلانكانىڭ بۇكىل ەل بويىنشا ەكتىرگەن ۆاكسيناسىنىڭ شامامەن %80ى جۇڭگونىڭ ۆاكسيناسى. قازىر شريلانكا جاڭا تيپتى ايدارشا ۆيرۋستىڭ وزگەرگەن ءتۇرى دەلتا ۆيرۋسى الا كەلگەن قاتاڭ سايىسقا ءدوپ كەلۋدە، جۇڭگو جاقتىڭ اۋەلگىدەي كومەك كورسەتۋىن ءۇمىت ەتەمىز.

  چي جىنحۇڭ بىلاي دەدى: جۇڭگو حالقى بىلتىر ىندەت تۋىلا قالعان العاشقى مەزگىلدە شريلانكاداعى ءار سالا قايراتكەرلەرىنىڭ جۇڭگونى بار كۇشپەن قولداعاندىعىن ۇمىتپايدى، جۇڭگو ۆاكسيناسىنىڭ شريلانكانىڭ بۇكىل ەلدە ۆاكسينا ەگۋ جوسپارىندا باستى رول اتقارعاندىعىن كورىپ قۋاندىق. قازىر جۇڭگو شاماسى جەتەتىن كولەم ىشىندە شريلانكانى ۆاكسينا جانە شۇعىل قاجەتتى ەمدەۋ جابدىقتارىمەن ۇزدىكسىز قامداپ، شريلانكا جاقتىڭ بار كۇشپەن ىندەتكە قارسى اتتانۋىن قولدايدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.