تيانشان تورى   ›   ۇيرەنۋ   ›   شولۋ

بيڭتۋان رۋحىن ماڭگى شۇعىلا شاشتىرايىق

گازەتىمىزدىڭ شولۋشىسى

  ”جيڭگاڭشاندا ومىرگە كەلىپ، ناننيۋاندا ەسەيىپ - ەرجەتتى، اينالا ۇرىس سالىپ، 10 مىڭ شاقىرىم جول باسىپ، تيانشاندا تىڭ يگەردى“. جۇڭگو كوممۋنيستەرىنىڭ رۋحاني شەجىرەسىندە ”وتاندى قىزۋ ءسۇيۋ، قالتقىسىز ۇلەس قوسۋ، قاجىرلىلىقپەن شارۋاشىلىق قۇرۋ، ءورىس اشا العا ىلگەرىلەۋدى“ نەگىزگى مازمۇن ەتكەن بيڭتۋان رۋحى ۋاقىت پەن كەڭىستىكتەن اسىپ ءوتىپ، ۋاقىت وتكەن سايىن جاڭارىپ، شينجياڭداعى ءار ۇلت كادر - بۇقاراسىنىڭ جاڭا داۋىردەگى ۇزاق ساپاردى جاقسى باسۋىنىڭ قۋاتتى رۋحاني قوزعاۋشى كۇشىنە اينالدى.

  3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ بىلاي دەپ باسا دارىپتەدى: ”ۇلت رۋحى مەن ءداۋىر رۋحىن اسقاقتاتىپ، توراڭعى رۋحىن جانە بيڭتۋان رۋحىن امالياتتا ايگىلەپ، ءار دارەجەلى كادرلاردى جاڭا داۋىردە شەكارا وڭىرگە تامىر تارتۋعا، شەكارا وڭىرگە ۇلەس قوسۋعا ىنتالاندىرۋ كەرەك“.

  بيڭتۋان − پارتيا ورتالىق كوميتەتىنىڭ شينجياڭ قىزمەتى جونىندەگى باس نىساناسىن جۇزەگە اسىرۋداعى ماڭىزدى ستراتەگيالىق كۇش، شينجياڭنىڭ ەكونوميكالىق، قوعامدىق دامۋىنداعى ماڭىزدى كۇش. 60 نەشە جىلدان بەرى بيڭتۋان قۇر قولمەن شاڭىراق كوتەرىپ، قاجىرلىلىقپەن كۇرەس جۇرگىزىپ، مەملەكەت جۇكتەگەن تىڭ يگەرىپ، شەكارانى قورعاۋداي داڭقتى بورىشىن ادالدىقپەن اتقارىپ، ورنىقتىرعىش، الىپ دومنا پەش، ۇلگى كورسەتۋ رايونى سىندى فۋنكتسيالىق رولىن تولىق ساۋلەلەندىرىپ، شينجياڭنىڭ دامۋىن ىلگەرىلەتۋگە، ۇلتتار ىنتىماعىن كۇشەيتۋگە، قوعام ورنىقتىلىعىن قورعاۋعا، مەملەكەت شەكارا قورعانىسىن بەكەمدەۋگە وشپەس تاريحي ۇلەس قوسۋدا. تالاي ۇرپاق بيڭتۋاندىقتار قوس قولدارىمەن ءشول دالا، قۇبا ءتۇزدى شۇرايلى جاسىل القاپ ەتىپ قۇرىپ شىعىپ، قوس اياقتارىمەن وتاننىڭ ۇزىننان - ۇزاق شەكارا قورعانىس جەلىسىن ولشەپ، قوس جۇدىرىقتارىمەن ءار ءتۇرلى بولشەكتەۋ، ءبۇلدىرۋ ارەكەتتەرىنەن ساقتانىپ، سوققى بەردى، ولار مۇرات جانە سەنىمدەرىمەن، تاباندىلىق جانە قايسارلىقتارىمەن ۇلى بيڭتۋان رۋحىن قۇنارلاندىرىپ، دەڭگەيىن جوعارىلاتىپ، شينجياڭداعى ءار ۇلت كادر - بۇقاراسىن جاڭا ساپاردا تىڭ دا اناعۇرلىم زور كەرەمەتتەر جازىپ، جاڭا تاريحي شۇعىلالار جاراتۋعا شابىتتاندىرۋدا.

  باتىس بولىكتىڭ بايتاق دالاسىندا قاسقايىپ تۇرعان رۋحاني وشپەس ەسكەرتكىش رەتىندە، بيڭتۋان رۋحى جۇڭحۋا ۇلتىنىڭ وتانشىلدىق رۋحىنىڭ جالعاسۋى، دامۋى، توڭكەرىس، سوعىس جىلدارىندا قالىپتاسقان قىزىل رۋحتىڭ زامانىمىزدا جالعاسۋى، سوتسياليستىك وزەكتى قۇن كوزقاراسىنىڭ ناقتى بەينەلەنۋى، مول داۋىرلىك مانگە يە بولىپ، كوز سۇرىندىرەتىن نۇر - شۇعىلا شاشۋدا.

  وتاندى قىزۋ ءسۇيۋ − بيڭتۋان رۋحىنىڭ وزەگى مەن جانى، بيڭتۋاندىقتاردىڭ مەملەكەتتىڭ ەڭ جوعارى مۇددەسىن بارلىعىنان زور ساناعان، جۇڭحۋا ۇلتىنىڭ ءتۇبىرلى مۇددەسىن ماڭىزدى ورىنعا قويعان ايبىندى ۋادەسىن ايگىلەدى؛ قالتقىسىز ۇلەس قوسۋ − بيڭتۋان رۋحىنىڭ قۇن تالپىنىسى، بيڭتۋاندىقتاردىڭ جاستىق كوكتەمىن، بۇكىل ءومىرىن ارناعان، بۇكىل ءومىرىن ۇرپاقتارعا ارناعان وكىنىشسىز تاڭداۋىن ايگىلەدى؛ قاجىرلىلىقپەن شارۋاشىلىق قۇرۋ − بيڭتۋان رۋحىنىڭ امالياتتىق قاسيەتى، بيڭتۋاندىقتاردىڭ شايقاس جۇرگىزۋگە ەرەكشە قابىلەتتى، جاپا - ماشاقاتقا ەرەكشە ءتوزىمدى، ۇلەس قوسۋعا ەرەكشە پەيىل توڭكەرىستىك رۋحىن ايگىلەدى؛ ءورىس اشا العا ىلگەرىلەۋ − بيڭتۋان رۋحىنىڭ ءداۋىر كەلبەتى، بيڭتۋاندىقتاردىڭ قاي - قاشان دا تاسقىنداعان جىگەردى ساقتايتىن، قايسارلانا تالپىناتىن قوزعاۋشى كۇشىن، ومىرشەڭدىك كۇشىن ايگىلەدى. بيڭتۋان رۋحى ءوزارا بايلانىستى ءبىر تۇتاس تۇلعا، تەك جاڭا ءداۋىر شارت - جاعدايىمەن ۇشتاستىرىپ، بايىتۋ، دامىتۋ، امالياتتان وتكىزۋ بارىسىندا جالپى بەتتىك يگەرگەندە جانە تەرەڭ تۇسىنگەندە عانا، ۇزدىكسىز اسقاقتاتىپ، شۇعىلا شاشتىرۋعا بولادى.

  بۇگىن شينجياڭداعى ءار ۇلت حالقى بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستاپ، تاسقىنداعان جىگەرمەن ەكىنشى 100 جىلدىق كۇرەس نىساناسىن بەتكە الۋدا. جاڭا تاريحي باستامادا، ءسوز جوق، بيڭتۋان رۋحىن زور كۇشپەن اسقاقتاتىپ، ”مەملەكەتتىڭ زور ءىسىن“ ەستە بەرىك ساقتاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ۇستاپ، ۇزاق بولاشاقتىق شارالاردى كوبىرەك قاراستىرىپ، نەگىزدى بەكەمدەۋ شارالارىن كوبىرەك اتقارىپ، جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قاجىماي - تالماي كۇرەس جۇرگىزۋ كەرەك؛ ىنتىماقتاسىپ ۇلەس قوسۋ سانالىلىعىن كۇشەيتىپ، پارتيانى قىزۋ ءسۇيىپ، وتاندى قىزۋ ءسۇيىپ، جۇڭحۋا ۇلتى ۇلى شاڭىراعىن قىزۋ ءسۇيىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ اناردىڭ دانىندەي تىعىز ۇيىسۋىن جەبەۋ كەرەك؛ ءىس ىستەپ، ناتيجە شىعارۋدىڭ رۋح - جىگەرىن تاسقىنداتىپ، ارتىقشىلىقتى اسىرىپ، ولقىلىقتاردى تولىقتاپ، ءالسىز تۇستاردى كۇشەيتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ورنىقتىلىق، دامۋ قىزمەتتەرىنىڭ جاڭا جاعدايىن قۇلشىنا اشۋ كەرەك.

  جاڭا داۋىردە كۇرەس جۇرگىزىپ، جاڭا ساپاردا ەكپىندەي ىلگەرىلەۋ كەرەك. بيڭتۋان رۋحىن ويداعىداي جالعاستىرىپ، ويداعىداي اسقاقتاتىپ، سانالى تۇردە جۇڭگو كوممۋنيستەرىنىڭ رۋحانى شەجىرەسىمەن اۋەلگى ماقساتتى نارلەندىرىپ، رۋحتى شىڭداپ، كۇرەس جىگەرىن ىنتالاندىرساق، ءبىز، ءسوز جوق، العا ىلگەرىلەۋ جولىنداعى حاۋىپ - قاتەر، سىن - سايىس اتاۋلىنى جەڭىپ، ”كورىكتى شينجياڭ قۇرۋدىڭ، وتان ارمانىن بىرگە جۇزەگە اسىرۋدىڭ“ تەلەگەي كۇشىن ۇيىستىرىپ، پارتيانىڭ ءۇمىتىن اقتايتىن، حالىقتىڭ ءۇمىتىن اقتايتىن، ءداۋىردىڭ ءۇمىتىن اقتايتىن جاڭا شۇعىلالى ناتيجەلەردى جاراتاتىن بولامىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.