تيانشان تورى
تيانشان تورى   ›   جاڭالىقتار   ›   ەل ءىشى حابارى

بەيزاتتىق مادەنيەت مۇرالاردى قورعاۋ قىزمەتىن اناعۇرلىم كۇشەيتۋ كەرەك

جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى پىكىر باسىپ تاراتتى

بەيزاتتىق مادەنيەت مۇرالاردى قورعاۋ قىزمەتىن اناعۇرلىم كۇشەيتۋ كەرەك

  شينحۋا اگەنتتىگىنىڭ 8 - ايدىڭ 12 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «بەيزاتتىق مادەنيەت مۇرالاردى قورعاۋ قىزمەتىن اناعۇرلىم كۇشەيتۋ جونىندەگى پىكىردى» باسىپ تاراتتى، سونداي - اق حابارلاندىرۋ شىعارىپ جەر - جەردەن، تاراۋلاردان ءىس جۇزىندىكپەن ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.

  «پىكىردە» مىنالار اتاپ كورسەتىلدى: بەيزاتتىق مادەنيەت مۇرالارى جۇڭحۋانىڭ تاڭداۋلى، ءداستۇرلى مادەنيەتىنىڭ ماڭىزدى قۇرامداس بولىگى، جۇڭحۋا وركەنيەتىنىڭ ۇزىننان - ۇزاققا جالعاسۋىنىڭ جاندى كۋاسى، ۇلتتىق سۇيىسپەنشىلىكتى جالعايتىن، مەملەكەتتىڭ تۇتاستىعىن بايلانىستىراتىن ماڭىزدى نەگىز. ”قورعاۋدى نەگىز ەتۋ، قۇتقارۋدى ءبىرىنشى ورىنعا قويۋ، ۇيلەسىمدى پايدالانۋ، جالعاستىرا دامىتۋ“ سىندى قىزمەت باعىتىن دايەكتىلەندىرىپ، بەيزاتتىق مادەنيەت مۇرالارىن جالعاستىرۋ، دامىتۋ ينجەنەرياسىن ىشكەرىلەي اتقارىپ، بەيزاتتىق مادەنيەت مۇرالارىن جۇيەلى تۇردە قورعاۋ ورەسىن شىنايى جوعارىلاتىپ، جاپپاي سوتسياليستىك وسىزاماندانعان مەملەكەت قۇرۋعا رۋحاني كۇش - قۋات ازىرلەۋ كەرەك.

  «پىكىردە» ورتاعا قويىلعان باستى نىسانا: 2025 - جىلعا بارعاندا بەيزاتتىق مادەنيەت مۇرالارىنىڭ ۋاكىلدىك سيپاتتى نىسانى ءونىمدى قورعالادى، قىزمەت ءتۇزىمى عىلمي تۇردە ارناعا ءتۇسىپ، ءونىمدى اينالىمعا يە بولادى، حالىق بۇقاراسىنىڭ بەيزاتتىق مادەنيەت مۇرالارعا قاتىناسۋ سەزىمى، تابىس سەزىمى، شىنايى مويىنداۋ سەزىمى كورنەكتى كۇشەيەدى، بەيزاتتىق مادەنيەت مۇرالارىنىڭ وسى زامانعا قىزمەت وتەۋ، حالىققا باقىت جاراتۋ رولى اناعۇرلىم ساۋلەلەنەدى.

  2035 - جىلعا بارعاندا بەيزاتتىق مادەنيەت مۇرالارى جاپپاي ءونىمدى قورعاۋعا يە بولادى، جالعاسۋ ومىرشەڭدىك كۇشى كورنەكتى كۇشەيەدى، قىزمەت ءتۇزىمى ءتىپتى دە كەمەلدەنەدى، جالعاستىرۋ جۇيەسى ءتىپتى دە اقاۋسىزداندىرىلادى، قورعاۋ ۇستانىمى جۇرت جۇرەگىنە اناعۇرلىم ۇيالايدى، حالىقاراداعى ىقپال كۇشى كورنەكتى كۇشەيەدى، ەكونوميكانىڭ، قوعامنىڭ باياندى دامۋىن ىلگەرىلەتۋدەگى جانە مەملەكەتتىڭ كەلەلى ستراتەگياسىنا قىزمەت وتەۋدەگى رولى ءتىپتى دە كورنەكتىلەنەدى.

  «پىكىردە» بەيزاتتىق مادەنيەت مۇرالارىن قورعاۋ، جالعاستىرۋ جۇيەسىن اقاۋسىزداندىرۋ، بەيزاتتىق مادەنيەت مۇرالارىن قورعاۋ، جالعاستىرۋ ورەسىن جوعارىلاتۋ، بەيزاتتىق مادەنيەت مۇرالارىن تاراتۋ، جالپىلاستىرۋ تەبىنىن ارتتىرۋ سياقتىلار جونىندە ايقىن تالاپتار قويىلدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.