تيانشان تورى
تيانشان تورى   ›   جاڭالىقتار   ›   ەل ءىشى حابارى

«جاپپاي دوڭگەلەك داۋلەتتى قوعام ورناتۋ: جۇڭگونىڭ ادامدىق ۇقىق ىستەرى دامۋىنىڭ شۇعىلالى تاراۋى» اق تىستى كىتابى جاريالاندى

  شينحۋا اگەنتتىگىنىڭ 8 - ايدىڭ 12 - كۇنى بەيجيڭنەن بەرگەن حابارى. مەملەكەتتىك كەڭەستىڭ اقپارات كەڭسەسى 8 - ايدىڭ 12 - كۇنى «جاپپاي دوڭگەلەك داۋلەتتى قوعام ورناتۋ: جۇڭگونىڭ ادامدىق ۇقىق ىستەرى دامۋىنىڭ شۇعىلالى تاراۋى» اق تىستى كىتابىن جاريالادى.

  اق تىستى كىتاپتا بىلاي دەلىندى: جاپپاي دوڭگەلەك داۋلەتتى قوعام ورناتۋ − جۇڭگو كوممۋنيستىك پارتياسى مەن جۇڭگو ۇكىمەتىنىڭ حالىقتىڭ ىرىس - قۇتىن ارتتىرۋ، جالپى حالىقتىڭ ادامدىق ۇقىعىن قامتاماسىز ەتۋ دەڭگەيىن جوعارىلاتۋ، مەملەكەتتىڭ وسىزاماندانۋىن جۇزەگە اسىرۋ ءۇشىن اتقارعان كەلەلى مەملەكەتتىك دامۋ ستراتەگياسى. جۇڭگو جاپپاي دوڭگەلەك داۋلەتتى قوعام ورناتىپ، ادامدىق ۇقىقتىڭ نەگىزىن نىعايتىپ، ادامدىق ۇقىقتىڭ مازمۇنىن بايىتىپ، ادامدىق ۇقىقتىڭ كوز اياسىن كەڭەيتتى، بۇل ادامدىق ۇقىقتىڭ جاپپاي دامىعاندىعى مەن ودان جالپى حالىقتىڭ بىرگە يگىلىكتەنگەندىگىن كورسەتىپ جۇڭگونىڭ ادامدىق ۇقىق ىستەرىنىڭ جاڭا تاراۋىن جازىپ، ادامزاتتىڭ ادامدىق ۇقىققا قۇرمەت ەتۋ جانە قامتاماسىز ەتۋ كەرەمەتىن جاراتتى.

  اق تىستى كىتاپتا بىلاي دەپ اتاپ كورسەتىلدى: جاپپاي دوڭگەلەك داۋلەتتى قوعام ورناتۋ ادامدىق ۇقىق ىستەرىنىڭ جاڭا ءورىسىن اشىپ، مۇلدەم كەدەيلىكتى جويۋ ارقىلى نەگىزگى تۇرمىستىق دەڭگەي ۇقىعىن جۇزەگە اسىرىپ، دامۋ ارقىلى ادامدىق ۇقىقتى جەبەپ، ەكونوميكالىق، قوعامدىق مادەنيەت ۇقىق - مۇددەسىن ارتتىرىپ، ىزگى زاڭمەن شەبەرلىكپەن جونگە سالۋدى اتقارۋ ارقىلى ازاماتتىق ۇقىق - مۇددەنى، ساياسي ۇقىق - مۇددەنى قورعاپ، قوعامدىق ادىلدىكتى جەبەۋ ارقىلى ارنايى قاۋىمنىڭ ۇقىق - مۇددەسىن قامتاماسىز ەتتى.

  اق تىستى كىتاپتا بىلاي دەلىندى: جۇڭگونىڭ حالىق سانى دۇنيە ءجۇزى جالپى حالىق سانىنىڭ بەستەن بىرگە جۋىعىن يەلەيدى. جۇڭگونىڭ جاپپاي دوڭگەلەك داۋلەتتى قوعام ورناتۋى − دۇنيە ءجۇزى ادامدىق ۇقىق ىستەرىنىڭ دامۋ تاريحىنداعى ماڭىزدى بەلەس. جۇڭگونىڭ جاپپاي دوڭگەلەك داۋلەتتى قوعام ورناتۋ ۇلى بارىسىندا جاساعان ادامدىق ۇقىققا قۇرمەت ەتۋ جانە قامتاماسىز ەتۋدەگى تابىستى ادىستەرى مەن تاجىريبەلەرى ادامزاتتىڭ ىرىس - قۇتىن ارتتىرۋعا جۇڭگو پاراساتىن ارناپ، جۇڭگو جوباسىن ازىرلەدى.

  اق تىستى كىتاپتا بىلاي دەپ اتاپ كورسەتىلدى: ادامدىق ۇقىقتى قامتاماسىز ەتۋدىڭ ەڭ جاقسىسى جوق، تەك ءتىپتى دە جاقسىسى بار. جاپپاي دوڭگەلەك داۋلەتتى قوعام ورناتۋ جۇڭگونىڭ ادامدىق ۇقىق دامۋىنىڭ، العا باسۋىنىڭ جاڭا باستاماسىنا بەرىك نەگىز قالادى. جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا، جۇڭگو كوممۋنيستىك پارتياسى جاڭا دامۋ كەزەڭىن يگەرىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، ۇزدىكسىز جالپى حالىقتى باستاپ، اناعۇرلىم باقىتتى دا تىنىش تۇرمىس پەن اناعۇرلىم جوعارى دەڭگەيدەگى ادامدىق ۇقىقتان يگىلىكتەنۋ ءۇشىن كۇرەس جاسايدى. جۇڭگونىڭ دۇنيە ءجۇزى ادامدىق ۇقىق ىستەرىنىڭ دامۋى ءۇشىن تىڭ دا اناعۇرلىم زور ۇلەس قوساتىندىعى داۋسىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.