تيانشان تورى   ›   جاڭالىقتار   ›   عىلىم-تەحنيكا

شينجياڭدا 5G بازالىق ستانسيا سانى 10 مىڭنان استى

  انار بۇلت/ شينجياڭ گازەتىنىڭ ءتىلشىسى فان چيۇڭيان 8 - ايدىڭ 13 - كۇنى ۇرىمجىدەن حابارلايدى. شينجياڭ حابار - بايلانىس باسقارۋ مەكەمەسىنەن ۇعىسۋعا قاراعاندا، 2019 - جىلى 5G بازالىق ستانسيا قۇرىلىسى باستاپ اتقارىلعاننان قازىرگە دەيىن شينجياڭدا جالپى 10 مىڭ 490 5G بازالىق ستانسياسى سالىنعان. بيىل الدىڭعى جارتى جىلدا شينجياڭ 5Gگە ءبىر ميلليارد 30 ميلليون يۋان قارجى قوسىپ، 5G ابونتتەرى 3 ميلليون 684 مىڭعا جەتىپ، ءۇرىمجى قالاسىنداعى ءتۇيىندى وڭىرلەردە، سونداي - اق ءارقايسى ايماق، وبلىس، قالا ورتالىق قالالارىنداعى نەگىزگى قالا رايونىندا 5G جەلىسى تۇتاستاي قامتىلدى.

  2021 - جىلى شينجياڭ ينفورماتسيا حابار - بايلانىس كاسىبى ءبىر ميلليارد 700 ميلليون يۋان قارجى قوسۋدى جوسپارلاپ، 5G جەلىسى قۇرىلىسىن جەدەلدەتىپ، بارلىق ايماق دارەجەلى قالالاردىڭ نەگىزگى قالا رايوندارىن 5G جەلىسىمەن ارت - ارتىنان قامتۋدى، بارلىق اۋدان قالاشىق، تۋان - الاڭدارىن، سونداي - اق 4A، 5A دارەجەلى كورىنىس وڭىرلەرىن 5G جەلىسىمەن قامتۋدى جۇزەگە اسىردى. 5G جەلىسىن قۇرۋ مەن پايدالانۋدى ىشكەرىلەي ۇشتاستىرۋدى جەدەل ىلگەرىلەتۋ ءۇشىن، اۆتونوميالى رايونداعى 13 كاسىپ سالاسىنىڭ نەگىزگى باسقارۋ تاراۋلارى 5Gلىك قولدانىلمالى ورتا مەن قولدانىلاتىن سالالار ءورىسىن كەڭەيتەدى.

  2019 - جىلى 10 - ايدىڭ 31 - كۇنى ءۇرىمجى قالاسى بۇكىل ەل بويىنشا تۇڭعىش توپتا 5Gدى ساۋداعا پايدالانعان قالا بولدى. شينجياڭنىڭ 5Gلىك جەلى قۇرىلىسى مەن كاسىپ سالاسىنىڭ دامۋىن ىلگەرىلەتىپ، سيفرلى ەكونوميكانىڭ جوعارى ساپالى دامۋىنا باستاماشى بولۋ ءۇشىن، 2020 - جىلى 4 - ايدا شينجياڭ 5G جەلى قۇرىلىسىن دامىتۋ قىزمەتى باسشىلىق گرۋپپاسىن قۇرىپ، شينجياڭ حابار - بايلانىس باسقارۋ مەكەمەسى ءارقايسى حابار - بايلانىس كاسىپورىندارىن 5G جەلىسى قۇرىلىسىنىڭ تۇلعالىق جاۋاپكەرشىلىگىن شىنايى اتقارۋعا ۇيىمداستىرىپ، 5G جەلىسى قۇرىلىسىن كۇش سالا جەدەلدەتتى. اۆتونوميالى رايون تاعى «اۆتونوميالى رايوننىڭ 5Gلىك جەلى قۇرىلىسىن دامىتۋدى جەبەۋ جوباسى»، «اۆتونوميالى رايوننىڭ 5Gلىك جەلى قۇرىلىسىن دامىتۋدى ىلگەرىلەتۋ جونىندەگى اتقارۋ جوباسى» سىندى ساياساتتىق حۇجاتتاردى جاساپ اتقارىپ، 5Gلىك جەلى قۇرىلىسى بارىسىنداعى كىرۋ قيىن بولۋ، ورىن تاڭداۋ قيىن بولۋ، جۇرگىزۋ قيىن بولۋ، جالاقىسى جوعارى بولۋ، توك باعاسى قىمبات بولۋ سىندى ءتۇرلى ماسەلەلەردى شەشۋدى بەلسەنە ىلگەرىلەتىپ، 5Gلىك جەلى قۇرىلىسىنىڭ دامۋىنا تاماشا ورتا جاراتىپ، ”5G+ كاسىپ سالالارىندا پايدالانۋدى“ العاشقى قادامدا كوپ ورىندا، كوپ كاسىپ سالاسىندا، كوپ ءتۇرلى سالادا توعىستىرۋ ارناسىن بىرتىندەپ قالىپتاستىرىپ، 5Gدى پايدالانۋ جانە كاسىپ سالالارىنداعى ۇلگى كورسەتۋ ونىمدىلىگى باستاپقى قادامدا كورىنە باستادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.