تاياۋدا رەسەي ديپلوماتيالىق اقىل - پاراسات قويماسى قۇرىلىمى، رەسەي حالىقارالىق ىستەر القالار كەڭەسى سايتتا «امەريكا جانە جاڭا تيپتى ايدارشا ۆيرۋستىڭ تەگى: جالعان كەڭەستىك ءتارتىپ» اتتى ماقالا جاريالاپ، امەريكانىڭ جاڭا تيپتى ايدارشا ۆيرۋستىڭ تەگىن انىقتاۋ ماسەلەسىن ساياسيلاندىرعاندىعىن سىندادى.
ماقالانىڭ اۆتورى، رەسەي حالىقارالىق ىستەر القالار كەڭەسىنىڭ مەڭگەرۋشىسى كورتۋنوۆ − رەسەيدىڭ ايگىلى حالىقارالىق ماسەلەلەر مامانى. ول ماقالاسىندا قازىرگى كەزدە امەريكانىڭ جۇڭگو جاڭا تيپتى ايدارشا ۆيرۋستىڭ تارالۋىنا جاۋاپتى بولۋى كەرەك دەپ داۋرىققان سوزدەرى بۇكىلدەي شاتپاق، - دەپ جازعان. ماقالادا مىنالار اتاپ كورسەتىلگەن: جاڭا تيپتى ايدارشا ۆيرۋس امەريكانىڭ دەنساۋلىق ساقتاۋ جۇيەسىندەگى ءبىرسىپىرا نەگىزگى ماسەلەلەردى اشىپ تاستادى، بۇل ءارقايسى شتات ۇكىمەتتەرى ارا سايكەسىمدىلىك كەمشىل بولۋ، قوعامدىق شوعىردىڭ ىندەت كەزىندە حاۋىپسىز سەزىنبەۋى، باسىم كوپ ساندى ادامداردىڭ ۇكىمەتكە سەنىم ارتۋ دارەجەسىنىڭ ۇزدىكسىز تومەندەۋى، ەمدەۋ، قىزمەت وتەۋ قاراجاتىنىڭ تىم قىمبات بولۋى سياقتىلاردى قامتيدى. ماقالادا بىلاي دەپ قارالعان: وسىنداي جاعدايدا بايدەن ۇكىمەتى قۇرباندىقتى شەتەلدەن قاراستىرماي، قايتا وسى ماسەلەلەردى شەشۋگە دەن قويعانى ءجون. جۇڭگوعا قۇتىرىنا سوقتىعۋدىڭ وسى جۇيەلىك ماسەلەلەردى شەشۋگە ەشقانداي پايداسى تيمەيدى، كەرىسىنشە، ىندەت كەزىندەگى جۇڭگونىڭ مەملەكەتتىك الەۋمەتتىك دەنساۋلىق ساقتاۋ جۇيەسى جاعىنداعى تاجىريبەلەرىنە مۇقيات ءارى ءادىل زەرتتەۋ جۇرگىزسە، كومەگى ءتيۋى مۇمكىن.
كورتۋنوۆ مىنانى بايقادى: امەريكانىڭ ىندەتكە قارسى اتتانۋ جاعىنداعى ساتسىزدىگى سىرتقى دۇنيەنىڭ امەريكانىڭ الەمنىڭ باسشىسى رولىن ۇزدىكسىز اتقارا بەرۋىنە كۇدىك - كۇمانىن تۋدىردى، امەريكا اقپارات قۇرالدارى وزدەرى جاساعان الەمنىڭ ىندەتكە قارسى اتتانۋ قاتار تاقتاسىندا امەريكانى دۇنيە جۇزىندە 1 - ورىنعا قويدى، الايدا مۇنداي دارەجە باعالاۋ تەك ادامداردىڭ كەكەسىندى كۇلكىسىنە قالادى. ماقالادا بىلاي دەلىنگەن: امەريكا ۇكىمەتىنىڭ ينفورماتسيا سايىسى ارقىلى جۇڭگوعا سوقتىعىپ، ساياسي ماقساتىنا جەتۋگە ۇرىنعان قاسكۇنەمدىگى ىسكە اسپايدى، بۇلاي ىستەۋى امەريكا جونىنەن، الدە دۇنيە جۇزىندەگى باسقا وڭىرلەر جونىنەن بولسىن، زيانىنان باسقا ەشقانداي پايداسى جوق.
(«ورتالىق تەلەۆيزيا ستانسياسى حابارلارى» كليەنتىنەن الىندى)
