تيانشان تورى   ›   جاڭالىقتار   ›   ەل ءىشى حابارى

كۇدىكتى تۇيىندەر كوپ! ۋحان اسكەريلەر سپورت جينالىسى كەزىندە امەريكانىڭ ءىس - ارەكەتىنىڭ قالىپسىز بولعانى قالاي؟

  بيىل 3 - ايدا امەريكا ۆاشينگتون تەكسەرۋشى ءتىلشىسى جورج ۋيبو كەسكىندى قوعامدىق قارىم - قاتىناس مەدياسىندا مىنانى اتاپ كورسەتتى: 2019 - جىلى ۋحانداعى اسكەريلەر سپورت جينالىسىنا قاتىناسقان امەريكا سپورتشىسى جاڭا تيپتى ايدارشا ۆيرۋس وكپە قابىنۋ ىندەتىن ەڭ العاش تۋدىرعان ”ءنولىنشى ءنومىرلى ناۋقاس“ بولۋى مۇمكىن. بۇل ءسوز تارالىسىمەن ”ءدۇمپۋ تۋدىردى“ دەۋگە بولادى. ادامدار نازارىن 2019 - جىلعى دۇنيە جۇزىلىك اسكەريلەر سپورت جينالىسىنا اۋدارۋمەن بىرگە، امەريكا سپورتشىلارىنىڭ ءتۇرلى قالىپسىز ءىس - ارەكەتتەرىن بايقاماي قويمادى، امەريكا جاق بۇعان، ءسوز جوق، ايقىن جاۋاپ بەرۋ كەرەك.

  ءبىرىنشى كۇمان: امەريكا ارمياسىنىڭ سپورتشىسى، ءسىرا، قانداي اۋرۋعا شالدىققان؟

  2019 - جىلى 10 - ايدا امەريكا 300دەن استام سپورتشىسىن ۋحانعا 7 - كەزەكتى دۇنيە جۇزىلىك اسكەريلەر سپورت جينالىسىنا قاتىناسۋعا جىبەردى. وسى بارىستا امەريكانىڭ 5 اسكەري سپورتشىسىندا ىلگەرىندى - كەيىندى قىزۋى ورلەۋ، جوتەلۋ جانە ءىش ءوتۋ سىندى جۇقپالى اۋرۋ بەلگىلەرى بايقالىپ، دەرەۋ ۋحانداعى ايگىلى جۇقپالى اۋرۋلار شيپاحاناسى جينيىنتان شيپاحاناسىنا جەتكىزىلىپ ەمدەتىلدى. سول كەزدە باستابىندا بەزگەك دەپ دياگنوز قويىلدى. دەسەدە، بۇل جۇرتتى كۇماننان ارىلتا المادى: قازىر مەيلى امەريكادا، الدە جۇڭگودا بولسىن، بەزگەك نەگىزىنەن جويىلعان، تەك افريكا سياقتى دەنساۋلىق شارت - جاعدايى وتە ناشار جەرلەردە عانا بەزگەكپەن جۇعىمدالۋ جاعدايى بار. ەندەشە، امەريكا اسكەرى بەزگەكتى قايدان جۇقتىرىپ ءجۇر؟

  ەكىنشى كۇمان: امەريكا نەلىكتەن دەرەۋ اسكەري ۇشاق جىبەرىپ، 5 ادامدى ەلىنە الىپ قايتتى؟

  بىرەۋلەر تەك بەزگەكپەن جۇعىمدالعان بولسا، جۇڭگودا بۇكىلدەي ەمدەپ جازۋعا بولار ەدى، امەريكاعا الىپ قايتىپ ەمدەتۋدىڭ دە قاجەتى جوق؛ ەلىنە قايتىپ ەمدەلگىسى كەلگەن كۇندە دە، حالىقتىق اۆياتسيا ۇشاعىنا وتىرۋعا بولاتىن ەدى، نەلىكتەن اقشانىڭ بەتىنە قاراماي ولاردى اسكەري ۇشاقپەن شۇعىل الىپ قايتتى دەپ كۇمانداندى؟

  ءىس جۇزىندە اۋىرعان 5 اسكەردى ارناۋلى ۇشاقپەن ەلىنە الىپ قايتىپ 2 كۇن وتكەن سوڭ، امەريكانىڭ جارىسقا قاتىناسقان وزگە اسكەري سپورتشىلارى دا امەريكاعا قايتىپ كەتتى. نەلىكتەن وسى 5 اسكەر 2 كۇن دە كۇتىپ تۇرا المادى؟

  ءۇشىنشى كۇمان: اۋىرعان 5 اسكەردىڭ ناۋقاس مالىمەتىن نەلىكتەن اشىق جاريالامايدى؟

  ادامدى ءتىپتى دە كۇدىكتەندىرەتىنى، اۋىرعان 5 اسكەر امەريكاعا قايتىپ بارعاننان كەيىن، ولار جونىندە ەشقانداي حابار - مالىمەت بولمادى. امەريكا جاق سىرتقا قاراتا حاباردى قۇرساۋلاپ، قاتىستى ناۋقاستاردىڭ تەكسەرۋ مالىمەتى سياقتىلاردى دا سىرتقا جاريالامادى. وسىنشاما ابىگەر بولسا دا، ۇيلەسىمدى تۇسىنىك جاساماعانى سىرتقى دۇنيەنىڭ كۇدىگىن تۋدىرماي قويمايدى.

  ءتۇرتىنشى كۇمان: امەريكا قۇراماسى نەلىكتەن بىردە - ءبىر التىن مەدال الا المادى؟

  تاعى ءبىر كۇدىكتى جەرى، امەريكانىڭ جارىسقا قاتىناسقان سول جولعى 300 نەشە ادامنان قۇرالعان قۇراماسىنىڭ ىشىندە نەبىر مىقتى شەبەرلەر بار، نەلىكتەن ەڭ سوڭىندا بىردە - ءبىر التىن مەدالعا يە بولا المادى؟

  6 كەزەك اسكەريلەر سپورت جينالىسىنا قاتىناسقان تۇراقتى قوناق رەتىندە، امەريكا 7 - كەزەكتى اسكەريلەر سپورت جينالىسىنا دايىندالۋ ءۇشىن بارىن سالدى، جارىسقا قاتىسۋشى شەبەرلەر اراسىندا مىقتى جەكەلەر مەن ۇجىمدار جەتەرلىك، مىسالى، امەريكا ايەلدەر باسكەتبولى امەريكا اسكەريلەر سپورتىنىڭ ايەلدەر باسكەتبولى تاريحىنداعى ەڭ كۇشتى قۇرامالاردىڭ ءبىرى. الايدا امەريكانىڭ سول جولى تاريحتان بەرى ءبىرىنشى رەت التىن مەدالدان قۇر الاقان قالىپ، 35 - ورىنعا ءتۇسىپ قالۋى جۇرت كۇتپەگەن جايت بولدى. امەريكانىڭ سول جولى ”بىردە - ءبىر التىن مەدالعا ۇمتىلماۋداي“ كەڭ پەيىلدىلىك اڭعارتۋى ادامداردا ونىڭ كوڭىلى باسقادا تۇرعانداي كۇدىك تۋدىرماي قويمايدى.

  جوعارىداعى ءتۇرلى كۇدىكتەردىڭ بارلىعى امەريكا جاقتىڭ قاتىستى ينفورماتسيالاردى اشىق جاريالاپ، حالىقارالىق قوعامعا اشىق جاۋاپ قايتارۋىن قاجەت ەتەدى.

  («ورتالىق تەلەۆيزيا ستانسياسى حابارلارى» كليەنتىنەن الىندى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.