حالىقارالىق زەرتتەۋ ۇجىمى ديسسەرتاتسيا جاريالاپ بىلاي دەپ اتاپ كورسەتتى −
جاڭا تيپتى ايدارشا ۆيرۋسى 2019 - جىلى جاز سوڭىندا يتاليادا تارالعان بولۋى مۇمكىن
شينحۋا اگەنتتىگىنىڭ 8 - ايدىڭ 11 - كۇنى بەيجيڭنەن بەرگەن حابارى. ءبىر حالىقارالىق زەرتتەۋ ۇجىمى تاياۋدا الدىن الا دايىندالعان نۇسقاداعى ديسسەرتاتسياسىن جاريالاپ بىلاي دەدى: زەرتتەۋشىلەر يتاليانىڭ قىزىلشا سياقتى اۋرۋلاردى باقىلاۋ - تەكسەرۋ نىسانىنىڭ 2019 - جىلى 9 - ايدا الىنعان ۇلگى نۇسقاسىنان جاڭا تيپتى ايدارشا ۆيرۋس ريبونۋكلەين قىشقىلىنىڭ بولىمدى ەكەندىگىن تەكسەرىپ شىقتى، بۇل جاڭا تيپتى ايدارشا ۆيرۋستىڭ 2019 - جىلى جاز سوڭىندا يتاليانىڭ سولتۇستىك وڭىرىندە تارالعان بولۋى مۇمكىن دەگەندى بىلدىرەدى.
يتاليا ميلان داشۋەسى مەن كانادا نيۋفوۋندلاند ەسكەرتكىش داشۋەسى سياقتى قۇرىلىمداردىڭ زەرتتەۋشىلەرى وسى زەرتتەۋگە قاتىناسقان، الدىن الا دايىندالعان نۇسقاداعى ديسسەرتاتسيا 8 - ايدىڭ 6 - كۇنى امەريكانىڭ قوعامدىق عىلىمدار زەرتتەۋ سايتىندا جاريالانىپ، ”«قانداۋىر» سەلبەستىك الدىن الا دايىندالعان نۇسقا نىسانىنا“ قاراستى دەپ انىق بەلگىلەنگەن. الدىن الا دايىندالعان نۇسقاداعى ديسسەرتاتسيا − كاسىپتەستەردىڭ سارالاۋىنان ءالى وتپەگەن، عىلمي مەرزىمدى باسىلىمداردا رەسمي جاريالانباعان، ايتسەدە، ينفورماتسيانى دەر كەزىندە ءبولىسۋ سياقتى ماقساتتا اشىق جاريالانعان ديسسەرتاتسيا.
ديسسەرتاتسيادا بىلاي دەلىنگەن: كەيبىر جاڭا تيپتى ايدارشا ۆيرۋس وكپە قابىنۋ ىندەتىنە شالدىققان ناۋقاستار تەرىسىندە قىزىلشا پايدا بولعانىن مالىمدەگەن، زەرتتەۋشىلەر يتاليانىڭ سولتۇستىك بولىگىندەگى لومبارديا ۇلكەن رايونىنداعى قىزىلشا جانە ەسەكجەمدى باقىلاۋ - تەكسەرۋ تاجىريبەحاناسىندا ساقتالعان ۇلگىنى تاڭداپ الىپ، جاڭا تيپتى ايدارشا ۆيرۋس ريبونۋكلەين قىشقىلى، جاڭا تيپتى ايدارشا ۆيرۋس انتيدەنەسى سياقتى مولەكۋلالىق دالەل - ىسپاتتار بار - جوعىن تەكسەردى.
ولار 156 ناۋقاستان الىنعان كومەكەي تامپونى، نەسەپ جانە قان سارسۋى سىندى جيىنى 435 ۇلگىنى زەرتتەپ، 13 ناۋقاستا جاڭا تيپتى ايدارشا ۆيرۋسىمەن جۇعىمدالۋىنىڭ مولەكۋلالىق دالەل - ىسپاتى ساقتالعانىن بايقاعان. مۇنداعى 11 ناۋقاستان 2019 - جىلى 8 - ايدان 2020 - جىلى 2 - ايعا دەيىنگى ارالىقتا ۇلگى الىنعان، 2 ناۋقاستان 2020 - جىلى 3 - ايدان 2021 - جىلى 3 - ايعا دەيىنگى ارالىقتا ۇلگى الىنعان.
ديسسەرتاتسيادا بىلاي دەلىنگەن: جاڭا تيپتى ايدارشا ۆيرۋس ريبونۋكلەين قىشقىلىن تەكسەرۋ ناتيجەسى بولىمدى بولعان ناۋقاستاردان ەڭ ەرتەدە 2019 - جىلى 9 - ايدىڭ 12 - كۇنى ۇلگى الىنعان. زەرتتەۋشىلەر وسى ارقىلى جاڭا تيپتى ايدارشا ۆيرۋس 2019 - جىلى جاز سوڭىندا لومبارديا ۇلكەن رايونىندا تارالعان بولۋى مۇمكىن دەپ تۇسپالدادى.
يتاليا جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالعاندىعى تۇراقتانعان ناۋقاستى تۇڭعىش رەت 2020 - جىلى 1 - ايدىڭ 30 - كۇنى مالىمدەگەن، الايدا كوپ ءتۇرلى زەرتتەۋلەر جاڭا تيپتى ايدارشا ۆيرۋستىڭ يتاليادا الدەقاشان تارالعان بولۋى مۇمكىن ەكەندىگىن كورسەتتى.
2020 - جىلى 11 - ايدا يتاليا ميلان مەملەكەتتىك وسپە زەرتتەۋ ورنىنىڭ زەرتتەۋشىلەرى وسى ەلدىڭ «وسپە جۋرنالىندا» ديسسەرتاتسيا جاريالاپ بىلاي دەدى: 2019 - جىلى 10 - ايدا الىنعان 1 - اپتاداعى قان ۇلگىسىندە جاڭا تيپتى ايدارشا ۆيرۋستىڭ قابىلداۋىش بايلانىستىراتىن دومەن (RBD) وزگەشە انتيدەنەسى ساقتالعان؛ 2020 - جىلى 12 - ايدا ميلان داشۋەسى زەرتتەۋشىلەرىنىڭ امەريكانىڭ «جاڭاشا جۇقپالى اۋرۋلار جۋرنالىنداعى» مالىمەتىندە بىلاي دەلىنگەن: 2019 - جىلى 12 - ايدىڭ 5 - كۇنى الىنعان كومەكەي تامپونى ۇلگىسىنەن جاڭا تيپتى ايدارشا ۆيرۋسىن تەكسەرۋ ناتيجەسى بولىمدى بولعان؛ 2021 - جىلى 1 - ايدا ميلان داشۋەسى باس بولعان ءبىر حالىقارالىق زەرتتەۋ ۇجىمىنىڭ «انگليا تەرى اۋرۋلار ءىلىمى جۋرنالىنداعى» مالىمەتىندە ولاردىڭ وسى ەلدەگى تەرى اۋرۋىمەن اۋىرعان ءبىر جاس ايەلدەن 2019 - جىلى 11 - ايدىڭ 10 - كۇنى الىنعان ءتىرى تكان تەكسەرۋ ۇلگىسىنەن جاڭا تيپتى ايدارشا ۆيرۋستىڭ گەن تىزبەگىن بايقاعاندىعى ايتىلعان.
(«حالىق گازەتىنىڭ» 8 - ايدىڭ 12 - كۇنگى سانىندا باسىلعان)
