تيانشان تورى   ›   جاڭالىقتار   ›   ەل ءىشى حابارى

«تولقىن جارا ىلگەرىلەپ جاڭا باستاما اشۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ”14 - بەسجىلدىقتا“ جاڭا جاعدايدى نىق قاداممەن اشۋعا جەتەكشىلىك ەتكەندىگى تۋرالى ەستەلىك»

شينحۋا اگەنتتىگى كولەمدى ادەبي حابار تاراتتى

«تولقىن جارا ىلگەرىلەپ جاڭا باستاما اشۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ”14 - بەسجىلدىقتا“ جاڭا جاعدايدى نىق قاداممەن اشۋعا جەتەكشىلىك ەتكەندىگى تۋرالى ەستەلىك»

  شينحۋا اگەنتتىگىنىڭ 8 - ايدىڭ 14 - كۇنى بەيجيڭنەن بەرگەن حابارى. شينحۋا اگەنتتىگى 8 - ايدىڭ 14 - كۇنى كولەمدى ادەبي حابار «تولقىن جارا ىلگەرىلەپ جاڭا باستاما اشۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ”14 - بەسجىلدىقتا“ جاڭا جاعدايدى نىق قاداممەن اشۋعا جەتەكشىلىك ەتكەندىگى تۋرالى ەستەلىكتى» تاراتتى.

  ماقالادا بىلاي دەپ اتاپ كورسەتىلدى: 2021 - جىلدىڭ ءمانى وزگەشە ەكەندىگى داۋسىز. جۇڭگو كوممۋنيستىك پارتياسىنىڭ 100 جىلدىق مەرەيتويى، ”قوس 100 جىل“ وسى تۇيىندە توعىستى؛ ”14 - بەسجىلدىق“ جوبا باستاپ اتقارىلىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىنا قادام تاستالدى.

  بيىل جىل باسىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، جۇڭگو ەكونوميكاسىنىڭ ورنىقتىلىق بارىسىندا جاقسارۋعا قاراي بەت الۋىنا جەتەكشىلىك ەتىپ، جوعارى ساپالى دامۋدا جاڭا ونىمدىلىككە قول جەتكىزىپ، قوعامدىق كەلەلى جاعدايدا ورنىقتىلىقتى ساقتاپ، ەكىنشى 100 جىلدىق كۇرەس نىساناسىنا قاراي جاڭا ۇلى شەرۋ تارتۋ بارىسىندا بايسالدى دا نىق قادام تاستادى.

  ماقالا 5 بولىككە بولىنگەن: ”العاشقى قادامدى ءدال، نىق باسۋ، جاڭا بەينە جاراتۋ، جاڭا ناتيجەگە قول جەتكىزۋ“، ”جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋ“، ”اناعۇرلىم جاقسى تۇرمىستى بىرگە ىلگەرىلەتەيىك، جۇزەگە اسىرايىق“، ”دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولۋدان باستان - اياق جازباۋ“، ”جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا تاعى دا قادام تاستادى“.

  ماقالادا بىلاي دەپ اتاپ كورسەتىلدى: ساپار الىس، ماقساتقا تەك كۇرەسپەن عانا جەتەمىز، تاۋ كەزىسكە جول اشىپ، سۋ جولىقسا كوپىر سالۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى، بۇكىل ەلدەگى ءار ۇلت حالقىنىڭ بەرىك ىنتىماعى، جۇڭگو كوممۋنيستەرىنىڭ تاسقىنداعان كۇرەس رۋحى بار، مىنە بۇل جۇڭحۋا ۇلتى ۇلى گۇلدەنۋىنىڭ بوگەۋ بەرمەس تاريحي ۇردىسكە قادام تاستاۋداعى كۇش - قايراتىنىڭ تياناعى.

  4 - ايدىڭ 25 - كۇنى گۋاڭشي چۋانجوۋ، شياڭجياڭ وزەنى جاعاسى.

  سول جىلدارداعى قىزىل ارميا ۇزاق جورىعىنىڭ شياڭجياڭداعى قاندى شايقاس مايدانىنا كەلگەندە، باس شۋجي شي جينپيڭ بۇگىنگى ارقىلى كەشەگىنى ەسكە الىپ، ءسوزدى كەسەتىپ بىلاي دەدى −

  ”قي سىپىردىق قالىڭ قولدى جەكسەن ەتىپ جەرمەنەن. ءبىز كەلەسى 100 جىلدىق كۇرەس نىساناسىن جۇزەگە اسىرۋدا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، وسىنداي جەڭىسكە جەتۋ سەنىمىندە بولۋىمىز كەرەك“.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.