تيانشان تورى   ›   جاڭالىقتار   ›   شينجياڭ حابارلارى

ۇگىت لەكسيا جۇرت جۇرەگىنە تەرەڭ ۇيالاپ، ەكپىندەي ىلگەرىلەۋدىڭ كۇشىن ۇيىستىردى

□ انار بۇلت / شينجياڭ گازەتىنىڭ تىلشىلەرى

  رايونىمىزدىڭ جەر - جەرى ۇيرەنۋ، ۇگىت لەكسيا فورماسىن جاڭالاۋ ارقىلى اناعۇرلىم يكەمدى، جۇرتقا اناعۇرلىم جاناسىمدى تاسىلمەن يدەيا ۇلى كۇشىن ۇعىندىرىپ، جاۋاپكەرشىلىك ارقالاۋدى كۇشەيتىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ ناقتىلانۋىنا، جۇرەكتەرگە ۇيالاۋىنا، ارەكەتتە ايگىلەنىپ، ونىمدىلىك كورسەتۋىنە شىنايى كەپىلدىك ەتتى.

  بۇقارالىق ۇلكەن ساحنا ۇگىت لەكسياسى جۇرت جۇرەگىنە ۇيالادى

  8 - ايدىڭ 11 - كۇنى كەشتە لوپنۇر اۋدانى ىنتىماق قالاشىعى توراڭعى مادەنيەت الاڭىنىڭ ”بۇقارالىق ۇلكەن ساحناسىندا“ باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحى جونىندەگى فورماسى الۋان ءتۇرلى، مازمۇنى باي ۇگىت لەكسيا دابىرالى ورىستەتىلدى.

  ”سوڭعى جىلدارداعى قىستاقتىڭ وزگەرىسىن كوپشىلىكتىڭ ءبارى كوردى، جاتاعان ۇيدەن عيماراتقا كوشىپ كىردى، سىرتقا شىققانداعى كولىگىمىز ۆەلوسيپەدتەن شاعىن اۆتوكولىككە وزگەردى، اسفالت جول ەسىك الدىمىزعا دەيىن توسەلدى، وسىلاردىڭ بارلىعى پارتيانىڭ ابزال ساياساتىنىڭ ارقاسىندا كەلگەن...“. قيمىل كەزىندە لوپنۇر اۋدانى ىنتىماق قالاشىعى شيحايزى قىستاعىنداعى ساقا پارتيا مۇشەسى تاڭ پيڭشۋان بۇقارانىڭ ماڭىنداعى ۇساق وزگەرىستەردەن باستاپ قاراپايىم تىلمەن بايانداعاندا الاڭنان ءالسىن - ءالى شاتىرلاعان شاپالاق ءۇنى كوتەرىلدى.

  لوپنۇر اۋدانى ىنتىماق قالاشىعى 7 - ايدىڭ ورتاسىنان باستاپ ءار سارسەنبى، جۇما كۇنى كەشتەرى توراڭعى مادەنيەت الاڭىنىڭ ”بۇقارالىق ۇلكەن ساحناسىندا“ ”كەشكى ساباقحانا“ اشىپ، پارتيالى كادرلاردى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحى جونىندە تۇرلىشە تۇرعىدان، ءار قىرىنان ۇگىت لەكسيا جاساۋعا ۇيىمداستىردى ءارى تارتىمدى ادەبيەت - كوركەمونەر ويىن نومىرلەرىن كىرىكتىرىپ، بۇقارانىڭ القاۋىنا بولەندى.

  ”پارتيالى كادر رەتىندە، ءبىز ءۇنىمىزدى اسقاقتاتىپ باستاماشىلدىقپەن سويلەۋىمىز كەرەك. باس شۋجي شي جينپيڭنىڭ’1 - شىلدەدەگى‘ ماڭىزدى ءسوزىنىڭ رۋحىن جاندى بايانداپ، ءار ۇلت بۇقاراسى ءبىر نيەتپەن ەكپىندەي ىلگەرىلەيتىن قۋاتتى كۇشتى ۇيىستىرۋىمىز كەرەك“، - دەدى شيحايزى قىستاعىنىڭ ءبىرىنشى شۋجيى ياڭ شوشۇن.

  ساحنادا ۇگىت لەكسياشىلار بار ىنتاسىمەن سويلەدى، ساحنا استىندا قىستاق تۇرعىندارى مەيىرلەنە تىڭدادى. ”ءارى تارتىمدى ادەبيەت - كوركەمونەر ويىنى بار، ءارى سيلىقتى سۇراۋ - جاۋاپ بار، مادەنيەت تۇرمىسىمىزدى بايىتىپ عانا قويماي، تاعى پارتيانىڭ ابزال ساياساتىن ىشكەرىلەي تۇسىنۋىمىزگە مۇمكىندىك جاسادى، مۇنداي ۇگىت لەكسيانى جۇرتشىلىق قارسى الادى“، - دەدى لوپنۇر اۋدانى ىنتىماق قالاشىعى كۇڭپان قىستاعىنىڭ تۇرعىنى يۋان شينيىڭ.

  تانىستىرۋعا قاراعاندا، لوپنۇر اۋدانىنىڭ ىنتىماق قالاشىعى ”بۇقارالىق ۇلكەن ساحناعا“ سۇيەنىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحى، كەدەيلىكتەن ارىلتۋدان قامال الۋ جەتىستىگى، جاڭا ءداۋىردى جىرلاۋ سياقتىلاردى ۇگىتتەۋدى ءوزارا ۇشتاستىرىپ، ۇگىت لەكسيا جاساۋ، ىقپالداستى سۇراۋ - جاۋاپ، ادەبيەت - كوركەمونەر ويىنى، قىزىل كينو قويۋ سياقتى كوپ ءتۇرلى فورمالار ارقىلى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحى ”ءۇنىنىڭ“ جۇرت جۇرەگىنە ۇيالاۋىن، بارشا جۇرتتىڭ تەگىس ءبىلۋىن ىلگەرىلەتكەن.

  كوپ ءتۇرلى فورمالارمەن ۇيرەنۋ ورلەۋىن كوتەردى

  ”جاس كادرلار جەكە مۇرات - تالپىنىسىن پارتيا مەن مەملەكەت ىستەرىنە توعىستىرۋ كەرەك“. 8 - ايدىڭ 10 - كۇنى تۇستەن بۇرىن شاپشال سىبە اۆتونوميالى اۋدانى شاپشال قالاشىعى حۇڭشىليۋ الەۋمەتتىك اۋماعىنىڭ ۋ شيۋفاڭ قىزمەت كەڭسەسىندە ۇلتتار ىنتىماعىنداعى، العاباسارلىعىنداعى مەملەكەتتىك ۇلگىلى جەكە ۋ شيۋفاڭ جاس كادرلارعا باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحى جونىندە ۇگىت لەكسيا جاسادى.

  7 - ايدىڭ باسىنان بەرى، شاپشال سىبە اۆتونوميالى اۋدانى باسشىلىق القاسى ۇلگى كورسەتىپ سويلەۋ، كاسىپتىك كۇشتەر ىشكەرىلەي سويلەۋ، مىڭ پارتيا ۇيىمى شۋجيى باستاماشىلدىقپەن سويلەۋ، 10 مىڭ پارتيالى كادر ەرە ءجۇرىپ سويلەۋ، جۇپ قۇراپ، تۋىس بولعان كادرلار وتباسىلارىن ارالاپ ۇنەمى سويلەۋ، پارتيا قۇرىلىسى جەتەكشىلەرى پىسىقتاۋ جاساپ سويلەۋ، وزات تيپتەر ءتول كەشىرمەلەرىن سويلەۋ، بۇقارالىق ۇگىت لەكسياشىلار بەتپە - بەت سويلەۋ سياقتى فورمالار ارقىلى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىنىڭ اۋىل - قىستاقتارعا جەتكىزىلۋىن، ورگاندارعا جەتكىزىلۋىن، مەكتەپتەرگە جەتكىزىلۋىن، الەۋمەتتىك اۋماقتارعا جەتكىزىلۋىن، كاسىپورىندارعا جەتكىزىلۋىن ىلگەرىلەتتى، قالادان اۋىل - قىستاققا دەيىن، ءماجىلىس كەڭسەسىنەن ءجۇزىم سورەسىنىڭ استىنا دەيىن جۇرتشىلىققا جاناسىمدى، جۇرت جۇرەگىنە ۇيالايتىن ۇگىت لەكسيا سان مىڭداعان وتباسىلارىنا جەتكىزىلدى.

  تالاي - تالاي تەرەڭ، جان - جاقتى، رۋحتى جەلپىندىرەتىن ۇگىت لەكسيا، جاندى دا جالىندى، ۇعىنىقتى دا ايىزىن قاندىراتىن ىقپالداستى اۋىس - كۇيىستەر باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىمەن ءار ۇلت كادر - بۇقاراسىنىڭ جۇرەگىن نارلەندىرىپ، قالىڭ پارتيا مۇشەلەرىنىڭ، كادرلاردىڭ، بۇقارانىڭ يدەيا مەن ارەكەتتى ماڭىزدى ءسوزدىڭ رۋحىمەن بىرلىككە كەلتىرىپ، ناقتى قىزمەت بارىسىندا تياناقتاندىرۋىنا مۇمكىندىك جاسادى.

  بۇقارالىق ۇگىت لەكسياشىلار تاماشا ءۇن جەتكىزدى

  سوڭعى كۇندەردەن بەرى، كۇشار قالاسى بۇقارالىق ۇگىت لەكسياشىلاردىڭ رولىن ساۋلەلەندىرىپ، ءارقايسى اۋىل - قالاشىقتاردى، ءمالى، الەۋمەتتىك اۋماقتاردى ىشكەرىلەي ارالاپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحى جونىندە ۇگىت لەكسيا ورىستەتىپ، تۇتاس قوعامدا ۇيرەنۋ، دايەكتىلەندىرۋ ورلەۋىن كوتەردى.

  8 - ايدىڭ 11 - كۇنى تۇستەن بۇرىن كۇشار قالاسى وچا قالاشىعى چيڭشۇي قىستاعىنىڭ قيمىل كەڭسەسىندە، بۇقارالىق ۇگىت لەكسياشى مامۇت داۋۇت «مەن جانە مەنىڭ وتانىم» ءانىن تەرەڭ سۇيىسپەنشىلىكپەن شىرقاپ، پارتيانىڭ ۇلىلىعىن انمەن جىرلاپ، بۇگىنگى باقىتتى تۇرمىستى القادى.

  مامۇت بۇرىن قىستاقتاعى كەدەي شارۋا بولاتىن، قىستاق كادرلارى مەن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ كومەگىندە قۇلشىنۋ ارقىلى باقىتتى تۇرمىس كەشىردى. ”بۇگىنگى تاماشا تۇرمىسىمىز پارتيانىڭ قامقورلىعىنىڭ ارقاسىندا كەلدى. بۇقارالىق ۇگىت لەكسياشى رەتىندە، مەن ماڭىمداعى بۇقاراعا پارتيانىڭ ابزال ساياساتىن كۇش سالا ۇگىتتەۋگە قۇلشىنامىن“، - دەدى مامۇت.

  قيمىل ۇستىندە، مامۇت قاراپايىم، تۇسىنىكتى تىلمەن سول ورىنداعى بۇقاراعا باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحى جونىندە ۇگىت لەكسيا جاساپ، بۇقارانىڭ ماڭىندا تۋىلعان قۋانارلىق وزگەرىستەن باستاپ سويلەپ، بۇقارانى پارتيانىڭ مەيىرىنە العىس ايتۋعا، پارتيانىڭ ۇنىنە قۇلاق اسۋعا، پارتياعا ىلەسۋگە جەتەكتەدى.

  ناعىز سۇيىسپەنشىلىككە، شىنايى پەيىلگە تولعان ۇگىت لەكسيا بۇقارانىڭ باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحى جونىندەگى تۇسىنىگىن تەرەڭدەتۋىنە كومەكتەستى.

  ”جاڭا داۋىردەگى داشۋە وقۋشىسى رەتىندە، ءبىز، ءسوز جوق، ونەرگە توسەلىپ، ءار رەتكى ۇيرەنۋ ورايىن يگەرىپ، قازىرگى جاعدايدى قاستەرلەپ، ءىس جۇزىندىك ارەكەتىمىزبەن وتان مەن حالىقتىڭ ءۇمىتىن اقتاۋىمىز كەرەك“، - دەدى چيڭشۇي قىستاعىنداعى اۋىلىنا قايتقان داشۋە وقۋشىسى الميرا مامەت.

  كۇشار قالاسى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى پارتيا تاريحىن ۇيرەنۋ تاربيەسىنىڭ ماڭىزدى مازمۇنى ەتىپ، ۇگىت لەكسيا فورماسىن ۇزدىكسىز جاڭالاپ، ۇگىت لەكسيا مازمۇنىن بايىتىپ، باسشى كادرلار باستاماشىلدىقپەن سويلەۋ، كاسىپ ۋاكىلدەرى قامىتىپ سويلەۋ، بۇقارا اراسىنداعى شەبەرلەر ەرەكشەلىگىمەن سويلەۋ سياقتى كوپ ءتۇرلى تاسىلدەر ارقىلى ۇگىت لەكسيا ورىستەتىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن سان مىڭداعان وتباسىلارىنا جەتكىزدى.

  (ءتىلشى شيا چيڭ، بايىنعولين وبلىسى تىلشىلەر پۋنكتىنەن لي ليڭ، ىلە تىلشىلەر پۋنكتىنەن شى شۋەحۇڭ، ەرىكتى تىلشىلەر ۋاڭ جيانچياڭ، گاۋ شاشا، ۋ يان - ان، يۇڭ حاي)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.