تيانشان تورى
تيانشان تورى   ›   جاڭالىقتار   ›   ماڭىزدى حابارلار

پارتيانىڭ تاريحي تاجىريبەلەرىن قورىتىندىلاپ، پارتيانىڭ ساياسي قۇرىلىسىن كۇشەيتۋ كەرەك

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

پارتيانىڭ تاريحي تاجىريبەلەرىن قورىتىندىلاپ، پارتيانىڭ ساياسي قۇرىلىسىن كۇشەيتۋ كەرەك

  شينحۋا اگەنتتىگىنىڭ 8 - ايدىڭ 15 - كۇنى بەيجيڭنەن بەرگەن حابارى. 8 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 16 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «پارتيانىڭ تاريحي تاجىريبەلەرىن قورىتىندىلاپ، پارتيانىڭ ساياسي قۇرىلىسىن كۇشەيتەيىك» اتتى ماڭىزدى ماقالاسىن جاريالايدى.

  ماقالادا مىنالار باسا دارىپتەلدى: پارتيانىڭ ساياسي قۇرىلىسى ماڭگىلىك تاقىرىپ. پارتيا 19 - قۇرىلتايى تۋى ايقىن تۇردە پارتيانىڭ ساياسي قۇرىلىسىن ماڭداي الدى ورىنعا قويدى ءارى پارتيانىڭ ساياسي قۇرىلىسىن ءبىر تۇتاس باسشىلىققا الۋدى باسا دارىپتەدى. پارتيانى ساياسي جاقتان قۇرۋ پارتيامىزدىڭ ۇزدىكسىز دامىپ زورايۋىنىڭ، جەڭىستەن - جەڭىسكە جەتۋىنىڭ ماڭىزدى كەپىلى. تاريحي تاجىريبەلەر پارتيامىزدىڭ ماركسيزمدىك ساياسي پارتيا رەتىندە، ءسوز جوق، تۋى ايقىن تۇردە ساياسيدى دارىپتەپ، پارتيا ىشىندەگى ساياسي تۇرمىستى قاتاڭ، مۇقيات ورىستەتۋ كەرەكتىگىن دالەلدەدى. ساياسيدى دارىپتەۋ پارتيامىزدىڭ كالتسيدى تولىقتاپ، سۇيەكتى شىمىرلاۋىنىڭ، دەنەنى قۋاتتاندىرۋىنىڭ ءتۇبىرلى كەپىلى، پارتيامىزدىڭ ءوز - وزىنە توڭكەرىس جاساۋ باتىلدىعىن جەتىلدىرۋىنىڭ، ءوزىن كىرشىكسىزدەندىرۋ قابىلەتىن كۇشەيتۋىنىڭ، ۋىتتى ايداپ، باكتەريانى جوياتىن ساياسي يممۋنيتەتتىك قۋاتتى جوعارىلاتۋىنىڭ ءتۇبىرلى جولى.

  ماقالادا مىنالار اتاپ كورسەتىلدى: پارتيانىڭ ساياسي قۇرىلىسىنىڭ ماڭداي الدى مىندەتى بۇكىل پارتيانىڭ ورتالىققا بويسۇنۋىنا كەپىلدىك ەتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋ، تيتتەي دە ءارى - ءسارى بولماۋ جانە سولقىلداقتىق ىستەمەۋ، ءسوز جوق، ۇنەمى بوساڭسىماي مىقتى يگەرۋ كەرەك. بۇكىل پارتيانى پارتيا تاريحىنان ۇنامدى - ۇنامسىز جاقتارداعى تاريحي تاجىريبەلەردى قابىلداپ، تاباندىلىقپەن پارتيا ورتالىق كوميتەتىنە قاراپ قاتار تۇزەپ، شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاۋعا تاربيەلەپ، باستاپ، بۇكىل پارتيادا جوعارىدان تومەنگە دەيىن جۇدىرىقتاي جۇمىلىپ، ويدى ءبىر اراعا شوعىرلاندىرۋعا، كۇشتى ءبىر اراعا جۇمساۋعا شىنايى كەپىلدىك ەتۋ كەرەك.

  ماقالادا مىنالار اتاپ كورسەتىلدى: ساياسي قابىلەتتى جوعارىلاتۋعا باسا ءمان بەرىپ، ساياسي مۇراتتى بەرىك ورناتىپ، ساياسي بەتالىستى دۇرىس يگەرىپ، ساياسي تۇرعىدا تاپجىلماي بەرىك تۇرىپ، ساياسي تارتىپكە قاتاڭ بويسۇنىپ، ساياسي شىنىعۋدى كۇشەيتىپ، ساياسي تاجىريبە توپتاپ، ساياسيدى دارىپتەۋدى پارتيالىق شىنىعۋدىڭ تۇتاس بارىسىنا سانالى تۇردە ءسىڭىرۋ كەرەك. ساياسي قابىلەتتى جوعارىلاتۋدا الدىمەن دۇرىس ساياسي بەتالىستى يگەرىپ، جۇڭگو كوممۋنيستىك پارتياسىنىڭ باسشىلىعىنا جانە ەلىمىزدىڭ سوتسياليستىك تۇزىمىنە تاباندى بولۋ كەرەك. بۇل ماسەلەدە استە الجاسۋعا جانە اۋىتقۋعا بولمايدى! وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىنىڭ امالياتى جۇڭگو كوممۋنيستىك پارتياسىنىڭ بوران - شاشىن كەلگەندە جۇڭگو حالقىنىڭ ەڭ سەنىمدى تىرەگى ەكەندىگىن، ەلىمىزدىڭ سوتسياليستىك ءتۇزىمى حاۋىپ - قاتەر مەن سىن - سايىستارعا قارسى تۇرۋداعى ەڭ پارمەندى تۇزىمدىك كەپىل ەكەندىگىن تاعى ءبىر رەت دالەلدەدى. ساياسي جاقتاعى ىرىقتىلىق ەڭ ءتيىمدى ىرىقتىلىق، ساياسي جاقتاعى ىرىقسىزدىق ەڭ قاتەرلى ىرىقسىزدىق. ءسوز جوق، ساياسي تانىمدى كۇشەيتىپ، ماسەلەگە ساياسي تۇرعىدان قاراۋعا شەبەر بولىپ، ساياسي كەلەلى جاعدايدى يگەرۋگە شەبەر بولىپ، ساياسيدى دارىپتەۋ تالابىن سىرتقى تالاپتان ىشكى ىرىقتىلىققا اينالدىرىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋ كەرەك.

  ماقالادا مىنالار اتاپ كورسەتىلدى: ساياسيدى دارىپتەۋ ناقتى بولادى، ”ەكىنى قورعاۋ“ پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋ ارەكەتىندە ايگىلەنۋى، مىندەت اتقارىپ، جاۋاپكەرشىلىكتى ادا ەتىپ، ءوز قىزمەتىن جاقسى ىستەۋدىڭ ناقتى ونىمدىلىگىندە ايگىلەنۋى، پارتيا مۇشەلەرىنىڭ، كادرلاردىڭ كۇندەلىكتى ءسوز - ارەكەتىندە ايگىلەنۋى كەرەك. قىزىل گەننەن قۋاتتى سەنىم كۇشىن قابىلداپ، سانالى تۇردە كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىنىڭ تاباندى سەنۋشىسى جانە ادال اتقارۋشىسى بولىپ، ناعىز قايىسپاس، ءومىر بويى وكىنبەيتىن ماركسيزم جاۋىنگەرى بولۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.