تيانشان تورى
تيانشان تورى   ›   جاڭالىقتار   ›   شينجياڭ حابارلارى

بۇقارانىڭ جۇرەگىنە ”تامىر“ تارتتى

روشانگۇل توحتى:

بۇقارانىڭ جۇرەگىنە ”تامىر“ تارتتى

انار بۇلت / شينجياڭ گازەتىنىڭ ءتىلشىسى ليۋ يميڭ

  8 - ايدىڭ 12 - كۇنى روشانگۇل توحتى ”ۇيىنە“ − ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) جۇڭيا وڭتۇستىك جولى ءمالىسى گۋاڭجوۋ كوشەسى الەۋمەتتىك اۋماعىنا قايتتى.

  الەۋمەتتىك اۋماقتىڭ ەسىگىنەن كىرە سالا تۇرعىنداردىڭ قولىنا كەستە ۇستاپ جۇمىس بىتىرۋگە كەلگەنىن كورگەن روشانگۇل توحتى قىزمەتتەستەرىنە امانداسۋعا ۇلگىرمەي دەرەۋ جۇمىس ءتارتىبىن باستادى: ”مىنانى ەڭبەكپەن قامتاماسىز ەتۋ تەرەزەسىنە اپارىپ بىتىرەسىز، ءجۇرىڭىز، مەن ەرتىپ بارايىن“. زەينەتكە شىققانىنا 2 جىل بولسا دا، ءتۇرلى ىستەردى ءبىتىرۋ تارتىبىنە ول ءالى دە قانىق ەكەن.

  بيىل 57 جاسقا كەلگەن روشانگۇل توحتى پارتيا 19 - قۇرىلتايىنىڭ ۋاكىلى، گۋاڭجوۋ كوشەسى الەۋمەتتىك اۋماعى پارتيا باس ياچەيكاسىنىڭ بۇرىنعى شۋجيى. قىزمەت ىستەگەن 17 جىلدا ول دەن قويا تۇرعىندارعا قىزمەت وتەپ، ءىس جۇزىندىك ارەكەتى ارقىلى ۇلتتار ىنتىماعىن قورعاپ، الەۋمەتتىك اۋماقتىڭ جاراسىمدىلىعىن جەبەدى. زەينەتكە شىققان سوڭ، ول ”پارتيا قۇرىلتاي ۋاكىلدەرىنىڭ قابىلداۋ كەڭسەسىنە“، ”روشان قىزمەت كەڭسەسىنە“ سۇيەنىپ، قالعان كۇش - قۋاتىن ۇزدىكسىز ساۋلەلەندىرىپ، بۇقاراعا قىزمەت وتەۋدىڭ ءبىرىنشى شەبىندە بەلسەنە جۇمىس ىستەدى.

  ءاربىر سەنىمدى اقتادى

  38 جاستان بۇرىن روشانگۇل توحتى شوفەر بولعان، شاعىن ساۋدا دا ىستەگەن. 2002 - جىلى تۇرعان جەرى قىستاق تۇرعىندار كوميتەتىن كۇشىنەن قالدىرىپ، الەۋمەتتىك اۋماق تۇرعىندار كوميتەتىن قۇرادى، وزگەلەرگە باۋىرمال، ونىڭ ۇستىنە مەملەكەتتە ءبىر تۇتاس قولدانىلاتىن ءتىل - جازۋعا جەتىك بولعاندىقتان، تۇرعىنداردىڭ كورسەتۋىمەن روشانگۇل توحتى الەۋمەتتىك اۋماقتىڭ قىزمەتكەرى بولادى.

  ”مەنى بۇقارا سايلاعان، حالىق ءۇشىن ناقتى ىستەردى ىستەۋىم، كوپشىلىكتىڭ سەنىمىن اقتاۋىم كەرەك“، - دەدى روشانگۇل توحتى.

  وسى ۋادەسىن ورىنداۋ ءۇشىن، ول الەۋمەتتىك اۋماقتا 17 جىل تاپجىلماي ىستەدى. وسى ارالىقتا ول 6 الەۋمەتتىك اۋماقتا قىزمەت وتەدى. قىزمەت قابىلەتى كۇشتى بولعاندىقتان، ونى ۇنەمى جاعدايى ءبىرشاما كۇردەلى الەۋمەتتىك اۋماققا قىزمەت ىستەۋگە جىبەرەتىن.

  2008 - جىلى روشانگۇل توحتى 5 - رەت قىزمەت ورنىن اۋىستىرۋ ۇقتىرۋىن تاپسىرىپ الادى: ۋيشيڭ جولى الەۋمەتتىك اۋماعىنىڭ مەڭگەرۋشى مىندەتىنە تاعايىندالادى، ول جەردە قيىنشىلىعى بار بۇقارا كوپ.

  ”مەن بۇرىن ول جەردە ىستەگەنمىن، مەنىڭ قايتىپ كەلگەنىمدى ءبىلىپ، كوپتەگەن تۇرعىندار مەن ىزدەپ بارماي جاتىپ كەڭسەمە امانداسا كەلدى، مەن دە ولارمەن اڭگىمەلەسۋ بارىسىندا جاعداي ۇعىستىم“، - دەدى روشانگۇل توحتى.

  اڭگىمە بارىسىندا روشانگۇل توحتى قاراستى اۋماقتاعى ءبىر يەن كوشەنىڭ ەكى جاعىنا بيىكتىگى 2 مەترگە جۋىق قوقىر - قوقسىق ءۇيىلىپ، ماڭايداعى تۇرعىنداردىڭ تۇرمىسىنا اۋىر ىقپال جاساعانىن ۇعىسادى.

  ”ماعان ءبىر اپتا ۋاقىت بەرىڭدەر“، - دەيدى روشانگۇل توحتى. سول كۇنى تۇستەن كەيىن ول الەۋمەتتىك اۋماقتىڭ كادرلارىمەن بىرگە ”قوقسىق كوشەسىنە“ كەلەدى، ولار قولدارىنداعى كۇرەكپەن قوقىر - قوقسىقتى ماشينالاپ تاسيدى.

  400 مەترگە جۋىق جولدى كوپشىلىك بىرگە كۇش شىعارۋ ارقىلى 6 كۇن تازالاپ، جالپى 28 ماشينا قوقسىق شىعارادى.

  ”ءبىزدىڭ كۇشىمىز جەتكىلىكسىز، كومەكتەسۋلەرىڭىزدى سۇرايمىز“. روشانگۇل توحتى وسىندا كەلگەن ويىن ايتقان سوڭ، قاراستى اۋماقتاعى 4 كاسىپورىن دەرەۋ ماقۇل بولادى، تاعى ورتاق تانىمعا كەلىپ، بۇدان كەيىن كاسىپورىن اقشا شىعارىپ، قاراستى اۋماقتاعى ءبىر جۇمىسسىز ادامدى تازالىقشى ەتىپ جالداپ، وسى جولدى تازالاتادى.

  ”جۇمىس ىستەپ بولعان سوڭ، تۇرعىنداردىڭ بارلىعى مەندە عاجايىپ كۇش بار ەكەن دەيدى. شىنىن ايتقاندا، شارشاعاندا تاستاپ كەتۋدى ويلاعان كەزىم دە بولعان، الايدا ولاردىڭ ءۇمىت كۇتە قاراعان جانارلارىن ويلاعان كەزدە توزىمدىلىك ەتىپ جالعاستى شىداپ ىستەپ كەتەمىن. مەنى بۇقارا سايلاعان، ولاردىڭ سەنىمىن اقتاماسام بولمايدى“، - دەدى روشانگۇل توحتى.

  ۇزدىك نەگىزگى ساتى كادرلارىن جەتىلدىردى

  2014 - جىلى گۋاڭجوۋ كوشەسى الەۋمەتتىك اۋماعى قۇرىلادى، روشانگۇل توحتى تاعى ”باستاۋشى بولۋ“ اۋىر مىندەتىن ارقالايدى.

  قىزمەتتىڭ جاڭا سىن - سايىسىندا روشانگۇل توحتىنىڭ ءوز ويلاعانى بار ەدى. ”الەۋمەتتىك اۋماقتا جاستار كوپ، ولاردىڭ وقۋ ماعلۇماتى جوعارى، جۇمىسقا ارىندى، الايدا تاجىريبەسى از“، - دەدى ول، - قابىلەتىم قانشا مىعىم بولسا دا، ءبىر ادامنىڭ عانا كۇش - قۋاتى عوي، بۇقاراعا جالپى بەتتىك ويداعىداي قىزمەت وتەۋ ءۇشىن، ءبىر توپ ۇزدىك نەگىزگى ساتى كادرىن جەتىلدىرۋ كەرەك.

  2015 - جىلى 11 - ايدا ”روشان قىزمەت ءۇيى“ گۋاڭجوۋ كوشەسى الەۋمەتتىك اۋماعىندا قۇرىلدى. قىزمەت ءۇيى نەگىزگى ساتى كادرلارىن جەتىلدىرۋ رولىن ساۋلەلەندىرىپ، كاسىپكە باۋلۋ، ءىس مىسالى اۋىس - كۇيىسى، اماليات بارىسىندا جەتەكتەۋ - تاربيەلەۋ سياقتى تاسىلدەر ارقىلى جاس پارتيا مۇشەلەرى مەن الەۋمەتتىك اۋماق كادرلارىنا تاجىريبە تانىستىردى.

  جۇڭيا وڭتۇستىك جولى ءمالى باسقارماسى حايبيڭ الەۋمەتتىك اۋماعىنىڭ پارتكوم شۋجيى سۋ لينا ”روشان قىزمەت ءۇيى“ باۋلىپ جەتىلدىرگەن جاس كادر، سونداي - اق روشانگۇل توحتى باسپا - باس باۋلىپ تاربيەلەگەن. ”مەن روشان شەشەيمەن 8 جىل بىرگە قىزمەت ىستەدىم، ول ماعان كوپ نارسەلەردى ۇيرەتتى، مەنى العا باسۋعا تىنباي جىگەرلەندىردى. مەن الەۋمەتتىك يگىلىك سيپاتتى قىزمەت ورنىنان شتاتتى قىزمەتكەرلىككە ەمتيحان بەرۋگە، اسپيرانتتىق وقۋعا، ەڭ سوڭىندا باسشىلىق قىزمەت ورنىنا كوتەرىلگەنگە دەيىن ول ماعان تىنباي كومەكتەسىپ كەلدى“، - دەدى سۋ لينا.

  بىلتىر جىل باسىندا جاڭا تيپتى ايدارشا ۆيرۋس وكپە قابىنۋ ىندەتى تۋىلدى. ”العاش باستالعان ۋاقىتتا ءىشىنارا تۇرعىندار نارازى پيعىلدا بولىپ، الەۋمەتتىك اۋماقتىڭ ىندەتتىڭ الدىن الۋ قىزمەتىنە سايكەسە قويمادى“. سۋ لينا بىلاي دەدى: ءدال وسىنداي داعدارعان شاقتا، ەندى عانا زەينەتكە شىققان روشانگۇل توحتى ەرىكتى رەتىندە الەۋمەتتىك اۋماققا كەلىپ جاس كادرلاردى باستاپ تۇرعىندارعا قىزمەت ىستەيدى.

  ”روشان شەشەي ۇستەلدىڭ باسىنان شىقپاساڭ قىزمەتتى جاقسى ىستەي المايسىڭ، حالىقپەن جاناسىمدى بولۋىڭ كەرەك، قاراستى اۋماقتارعا بارىپ كوبىرەك ارالاۋىڭ، تۇرعىندارمەن كوبىرەك اڭگىمەلەسۋىڭ، ولار ءۇشىن تاعى دا نەلەردى ىستەپ بەرە الامىن دەگەندى كوبىرەك ويلاستىرۋىڭ كەرەك دەيتىن“. سۋ لينا بىلاي دەدى: كۇنى قازىرگە دەيىن ءوزىم بايىبىنا جەتە المايتىن ماسەلەلەرگە جولىققان شاعىمدا، تاعى دا كادىمگى ادەتىمە باسىپ روشانگۇل توحتىنىڭ تەلەفونىن شىرىلداتامىن.

  بۇل كۇندەرى ”روشان قىزمەت ءۇيى“ اۋەلگىسىندەي رولىن ساۋلەلەندىرۋدە. وسى 2 كۇندە روشانگۇل توحتى ”بۇقارامەن بايلانىس جاساۋ، قىزمەت وتەۋ قىزمەتىن قايتكەندە ويداعىداي ىستەۋگە بولادى“ تاقىرىبىندا لەكسيا سويلەپ، جاس الەۋمەتتىك اۋماق كادرلارىنا تاجىريبەسىن تانىستىرۋعا دايىندالۋدا.

  قىزمەت ورنىنان بوساعانىمەن، بۇقارادان ايرىلمادى

  پەنسياعا شىققاننان كەيىن الەۋمەتتىك اۋماقتا بولاتىن ۋاقىتى ازايدى، ءبىراق ءار رەت روشانگۇل توحتىعا كەزىككەندە كوپشىلىك سونداي ەتەنە سەزىنەدى. دۇكەنشىلەر قولىنداعى جۇمىستارىن قويا سالىپ ونىمەن جۋىقتاعى جاعدايلار جونىندە اڭگىمەلەسە باستايدى، قارتتار ونى قولتىقتاپ تۇرىپ ونىمەن اڭگىمە دۇكەن قۇرۋعا قۇشتار، ال بالالار ونى كورە سالا ”روشان شەشەي“ دەپ ۇزاقتان جۇگىرىپ كەلىپ قۇشاعىنا ەنەدى...

  روشانگۇل توحتىنى اۋىزعا العاندا، الەۋمەتتىك اۋماق تۇرعىندارىنىڭ، دۇكەنشىلەردىڭ ايتىپ تاۋىسا المايتىن حيكايالارى بار.

  ”تۇرعىنداردىڭ ءاربىر جۇمىسى ونىڭ الدىنا بارعاندا تۇگەلدەي شەشىمىن تاۋىپ جاتادى. وسىنشاما كوپ جىلدان بەرى بىرگە بولدىق، ونىڭ قۇلشىنىستارىنان ءبىز ىقلاستى پەيىل مەن شىن نيەتتى بايقادىق“، - دەدى الەۋمەتتىك اۋماق تۇرعىنى ياڭ يىڭچۇن.

  2012 - جىلى قاراستى اۋماقتا كومىر جاعىپ جىلۋمەن قامداۋ گازعا وزگەرتىلەدى، بۇل ءاسىلى يگى ءىس بولاتىن، ءبىراق تۇرعىندار تەمپەراتۋرانىڭ ولشەمگە جەتپەي قالۋىنان الاڭداپ، اقىسىن تاپىسىرۋدى كەشەۋىلدەتە بەرەدى. اقى تولىق تاپسىرىلىپ بولماسا، جىلۋمەن قامداۋ سەرىكتەستىگى جىلۋمەن قامدامايدى. روشانگۇل توحتى كوپ رەت سايكەستىرگەنىمەن، ەشقانداي ناتيجە شىقپايدى، ەڭ سوڭىندا ول ءوز ۇيىنىڭ ءۇي كۋالىگىن كەپىلگە قويىپ، جىلۋمەن قامداۋ سەرىكتەستىگىن ۋاقىتىندا جىلۋمەن قامداتادى.

  بۇل كۇندەرى روشانگۇل توحتى سارقىلماس قاجىر - قايراتىن جالعاستى ساۋلەلەندىرىپ، بۇقارانىڭ قيىن ماسەلەلەرىن شەشۋدە. ”مەن دەمالىسقا شىعىپ قىزمەت ورنىمنان ايرىلعانىممەن، نەگىزگى ساتىدان كەتكەمىن جوق، بۇقارادان ءتىپتى دە قول ۇزگەمىن جوق“، - دەيدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.