اۆتونوميالى رايون زەردەلى اۋىل شارۋاشىلىعى بويىنشا جۇمىس باسىندا كوزدەن كەشىرۋ ءماجىلىسىن اشتى
زەردەلى اۋىل شارۋاشىلىعى مەن سيفرلى اۋىل - قىستاق قۇرىلىسىندا جاڭا جاعداي اشۋ كەرەك
انار بۇلت / شينجياڭ گازەتىنىڭ ءتىلشىسى ليۋ ي 8 - ايدىڭ 16 - كۇنى سانجىدان حابارلايدى. 8 - ايدىڭ 15 - كۇنى اۆتونوميالى رايوننىڭ زەردەلى اۋىل شارۋاشىلىعى بويىنشا جۇمىس باسىندا كوزدەن كەشىرۋ ءماجىلىسى سانجى قالاسىندا اشىلدى. ءماجىلىس زەردەلى اۋىل شارۋاشىلىعى نەگىزگى تاقىرىبىن ارقاۋ ەتىپ، ءادىس جونىندە اۋىس - كۇيىس جاساپ، جاعدايعا تالداۋ جاساپ، رايونىمىزدىڭ زەردەلى اۋىل شارۋاشىلىعىن دامىتۋ قىزمەتى جونىندە ورنالاستىرۋ جاسادى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: سوڭعى جىلداردان بەرى دالدىكپەن تىڭايتقىش بەرۋ تەحنيكاسى، زەردەلى تامشىلاتىپ سۋراۋ جۇيەسى سياقتىلار رايونىمىزدىڭ اۋىل شارۋاشىلىعى، اۋىل - قىستاق سالاسىندا كەڭ كولەمدە قولدانىلدى، تۇتاس رايوننىڭ اۋىل شارۋاشىلىعى وندىرىسىندە زەردەلىلەندىرىپ پايدالانۋ بىرتىندەپ كەڭەيىپ، قىزمەت وتەۋدى جەلىلەندىرۋ قابىلەتى كورنەكتى جوعارىلاپ، باسقارۋدى سيفرلاندىرۋ اۋىل شارۋاشىلىعى، اۋىل - قىستاق سالاسىندا عىلمي شەشىم جاساۋعا پارمەندى تىرەك ازىرلەدى.
ءماجىلىس مىنالاردى باسا دارىپتەدى: جەر - جەر، تاراۋلار زەردەلى اۋىل شارۋاشىلىعىن دامىتۋدىڭ كەلەلى ءمانىن تولىق تانىپ، زەردەلى اۋىل شارۋاشىلىعىن دامىتۋعا ۇيلەسەتىن ءتۇزىم ورتاسىن بەلسەنە قالىپتاستىرىپ، زەردەلى اۋىل شارۋاشىلىعىن دامىتۋدىڭ قولداۋشىسى بولۋ كەرەك.
ءماجىلىس مىنالاردى تالاپ ەتتى: جوعارى دەڭگەيدە جوبالاۋدى كۇشەيتىپ، زەردەلى اۋىل شارۋاشىلىعى جوباسىن جاساۋ قىزمەتىن جەدەلدەتۋ كەرەك. زەردەلى اۋىل شارۋاشىلىعى نەگىزدىك قۇرىلعى قۇرىلىسىن كۇشەيتىپ، ءدال ۋاقىتىندا سەزۋ، زەردەلى شەشىم جاساۋ سياقتى فۋنكتسيالارى شوعىرلى ءبىر تۇلعالانعان زەردەلى اۋىل شارۋاشىلىق جۇيەسىن قۇرۋ كەرەك. اۋىل شارۋاشىلىعىنىڭ تۇتاس ءوندىرىس تىزبەگىن سيفرلاندىرۋ قۇرىلىسىن كۇشەيتىپ، زات ينتەرنەتى، ءىرى ساندى مالىمەت سياقتى وسى زامانعى ينفورماتسيا تەحنيكاسىنىڭ اۋىل شارۋاشىلىعى سالاسىندا قولدانىلۋىن جەدەلدەتۋ كەرەك. اۋىل شارۋاشىلىعى ونىمدەرىن زەردەلى ساتۋ قۇرىلىسىن قۇرۋ كەرەك، جەلىدە، جەلىدەن تىس جاڭاشا ساتۋ جۇيەسىن كۇشەيتۋ. اۋىل شارۋاشىلىعىن ينفورماتسيالاندىرۋ دارىندىلار قۇرىلىسى جانە سيفرلى اۋىل شارۋاشىلىعى، اۋىل - قىستاق قىزمەت وتەۋ قابىلەتى قۇرىلىسىن كۇشەيتىپ، ءتۇرلى تۇلعالاردى زەردەلى اۋىل شارۋاشىلىعى قۇرىلىسىنا بەلسەنە ات سالىسۋعا جىگەرلەندىرىپ جانە باستاپ، تاماشا قىزمەت بىرىككەن كۇشىن جانە رايىن قالىپتاستىرۋ كەرەك.
ءماجىلىس مىنالاردى تالاپ ەتتى: ۇيىمدىق باسشىلىقتى كۇشەيتىپ، ساياساتتىق قولداۋدى كۇشەيتىپ، ۇلگى كورسەتۋ، جەتەكتەۋدى ويداعىداي ىستەپ، رايونىمىزدىڭ زەردەلى اۋىل شارۋاشىلىعى مەن سيفرلى اۋىل - قىستاق قۇرىلىسىنىڭ جاڭا جاعدايىن قۇلشىنا اشىپ، اۋىل شارۋاشىلىعىنىڭ جوعارى ساپالى، جوعارى ءونىمدى، اۋىل - قىستاقتىڭ قونىسقا جايلى، كاسىپكە ىڭعايلى، شارۋالاردىڭ باي، باردام بولۋىن جۇزەگە اسىرۋ كەرەك.
